ភ្នំពេញៈ សមត្ថកិច្ចបានចាប់ខ្លួនមនុស្សចំនួន ៤នាក់ ដែលបានក្លែងជាមន្រ្តីនគរបាលគ្រឿងញៀនចាប់ប្រជាពលរដ្ឋជំរិតទាប្រាក់ដោយចោទថា ជួញដូរគ្រឿងញៀន។ ការចាប់ខ្លួននេះ បានធ្វើឡើងកាលពីថ្ងៃទី១៧ ខែមិថុនា ឆ្នាំ២០២១ នៅចំណុច ភូមិកំរៀង សង្កាត់ព្រៃវែង ខណ្ឌដង្កោ រាជធានីភ្នំពេញ ដោយកម្លាំងជំនាញ នៃមន្ទីរប្រឆាំងបទល្មើសគ្រឿងញៀនសការជាមួយកម្លាំងអធិការខណ្ឌដង្កោ។ អ្នកនាំពាក្យអគ្គស្នងការដ្ឋាននគរបាលជាតិ លោកឧត្តមសេនីយ៍ឯក ឆាយ គឹមខឿន បានឲ្យដឹងថា ជនសង្ស័យទាំង០៤នាក់ ដែលកម្លាំងជំនាញ នៃមន្ទីរប្រឆាំងបទល្មើសគ្រឿងញៀនសការជាមួយកម្លាំងអធិការខណ្ឌដង្កោ ចាប់ខ្លួនមានដូចជា ៖ ១-ឈ្មោះ កេត វីរីយ៉ា ភេទប្រុស អាយុ ៣៥ឆ្នាំ ជនជាតិ ខ្មែរ។ ២-ឈ្មោះ សយ តុលា ភេទប្រុស អាយុ ៣២ឆ្នាំ ជនជាតិ ខ្មែរ។ ៣-ឈ្មោះ ផាន់ វីរ:ភក្តី ស្រស់ ភេទប្រុស អាយុ ៣១ឆ្នាំ ជនជាតិ ខ្មែរ។ ៤-ឈ្មោះ សល់ ភារ: ភេទប្រុស […]
ខេត្តបន្ទាយមានជ័យ ៖ លំនៅដ្ឋានប្រជាជាពលរដ្ឋចំនួន០៤ភូមិ គឺភូមិធ្នង់ខាងត្បូង, ភូមិធ្នង់ខាងជើង, ភូមិតាគង់ និងភូមិសំរោង ស្ថិតក្នុងឃុំណាំតៅ ស្រុកភ្នំស្រុក ខេត្តបន្ទាយមានជ័យ សរុបចំនួន២៥ខ្នង ក្នុងនោះជង្រុកស្រូវ០១ខ្នង បានរងការខូចខាតធ្ងន់-ស្រាល ដោយសារខ្យល់កន្ត្រាក់ ដែលបង្កឡើងនៅវេលាម៉ោង០៦ល្ងាច ថ្ងៃទី២៧ ខែឧសភា ឆ្នាំ២០២២ កន្លងទៅ។ លោកវរសេនីយ៍ទោ ប៉ិក គឹមហ៊ាក អធិការនគរបាលស្រុកភ្នំស្រុក បានឲ្យដឹងថា នៅវេលាម៉ោង០៦ល្ងាចថ្ងៃទី២៧ ខែឧសភា ឆ្នាំ២០២២នោះ មានភ្លៀងធ្លាក់លាយឡំជាមួយនឹងខ្យល់កន្ត្រាក់ បានបង្កឲ្យផ្ទះប្រជាពលរដ្ឋចំនួន៤ភូមិ រួមមាន ៖ ១- ភូមិធ្នង់ខាងត្បូង ខូចខាតផ្ទះ១០ខ្នង ក្នុងនោះជង្រុក០១ខ្នងផងដែរ, ២- ភូមិធ្នង់ខាងជើង ខូចខាតផ្ទះចំនួន១២ខ្នង, ៣- ភូមិតាគង់ ខូចខាតផ្ទះ០១ខ្នង និង៤- ភូមិសំរោង ខូចខាតផ្ទះ០២ខ្នង ស្ថិតក្នុងឃុំណាំតៅ ស្រុកភ្នំស្រុក ដែលសរុបចំនួន២៥ខ្នង ក្នុងនោះជង្រុកស្រូវ០១ខ្នងត្រូវរងការខូចខាតធ្ងន់-ស្រាល ។ លោកអធិការបញ្ជាក់ថា ៖ ក្នុងករណីខាងលើនេះ មិនបណ្តាលឲ្យមានរងគ្រោះថ្នាក់ដល់មនុស្ស ឬសត្វនោះទេ ។ […]
(ពោធិ៍សាត់)៖ នារសៀលថ្ងៃទី២០ ខែតុលា ឆ្នាំ២០២១នេះ នៅវេទិកាក្នុងសាលាខេត្ត ឯកឧត្តម ជាវ តាយ អភិបាលនៃគណៈអភិបាលខេត្តពោធិ៍សាត់ និងជាប្រធានគណៈកម្មការខេត្ត ប្រយុទ្ធប្រឆាំងជំងឺកូវីដ១៩ ដោយមានការចូលរួមពីថ្នាក់ដឹកនាំខេត្តមួយចំនួន បានទទួលអំណោយសប្បុរសធម៌ ជាអង្ករចំនួន១០តោន ពីស្ថាប័នស្នងការដ្ឋាននគរបាលខេត្តពោធិ៍សាត់ ដើម្បីទុកចែកជូនប្រជាពលរដ្ឋក្រីក្រខ្វះខាត ក្នុងអំឡុងនៃការរីករាលដាលជំងឺកូវីដ១៩។ មានប្រសាសន៍ក្នុងឱកាសនោះឯកឧត្តម ជាវ តាយ បានលើកបញ្ជាក់ថា បញ្ហាការឆ្លងរីករាលដាលជំងឺកូវីដ១៩ គឺជាបញ្ហាសកល ដែលធ្វើឱ្យប៉ះពាល់ដល់សុខភាពអាយុជីវិតប្រជាជន និងសេដ្ឋកិច្ចសង្គមយ៉ាងធ្ងន់ធ្ងរ។ បច្ចុប្បន្ននៅតាមបណ្ដាប្រទេសក្នុងពិភពលោក បាននឹងកំពុងយកចិត្តទុកដាក់យ៉ាងខ្លាំង ក្នុងការប្រយុទ្ធប្រឆាំងនិងបង្ការទប់ស្កាត់ ជំងឺដ៏កាចសាហាវនេះ។ សម្រាប់កម្ពុជាយើង ប្រមុខរាជរដ្ឋាភិបាល ដែលមានសម្ដេចតេជោ ហ៊ុនសែន ជាប្រមុខដឹកនាំ សម្តេចតែងតែបានយកចិត្តទុកដាក់ ជំរុញដាក់ចេញនូវវិធានការនានា ដើម្បីអនុវត្តន៍ ក្នុងការបង្ការទប់ស្កាត់ជំងឺនេះ ពិសេសការជម្រុញចាក់វ៉ាក់សាំងជូនប្រជាជន តាមគោលការណ៍ស្ម័គ្រចិត្ត មិនបង់ថ្លៃ និងមិនរើសអើង សំដៅផ្ដល់ភាពសាំក្នុងសហគមន៍ ដើម្បីដំណើរការបើកប្រទេស និងជំរុញការស្ដារ និងអភិវឌ្ឍសេដ្ឋកិច្ចលើគ្រប់វិស័យឡើងវិញ។ ក្នុងនាមរដ្ឋបាលខេត្ត ឯកឧត្តមក៏បានថ្លែងអំណរគុណ និងកោតសរសើរចំពោះស្ថាប័នស្នងការដ្ឋាននគរបាលខេត្ត ដែលជាម្ចាស់អំណោយ និងបានចាត់ទុកអំណោយទាំងអស់នេះ ពិតជាសំខាន់ក្នុងស្មារតី និងកាយវិការមនុស្សធម៌ដ៏ប្រពៃ ដើម្បីរួចចំណែកជាមួយរដ្ឋបាលខេត្តពោធិ៍សាត់ ដែលកំពុងមានតម្រូវការចាំបាច់ […]