ព័ត៌មានសន្តិសុខសង្គម ព័ត៌មានអន្តរជាតិ

ពលរដ្ធនៅខេត្ត ឆះឈើងសៅប្រទេសថៃ បានថតបង្ហោះសត្វក្រពើប្រវែង ២ ម៉ែត្រកំពុងដើរឆ្លងផ្លូវ អំឡុងពេលភ្លៀងធ្លាក់ខ្លាំង មុនពេលដើរចូលទៅក្នុងស្រះមួយកន្លែង

ថៃ៖ភ្លៀងធ្លាក់ខ្លាំងនៅខេត្តភាគខាងកើត ថៃ ផ្អើលក្រពើដើរតាមផ្លូវ ក្រពើដ៏ធំមួយក្បាលត្រូវបានគេប្រទះឃើញដើរកាត់ផ្លូវដែលជន់លិចដោយភ្លៀងធ្លាក់ខ្លាំង ភាគខាងកើតប្រទេសថៃកាលពីថ្មីៗនេះ ។ ពលរដ្ឋ​ដែល​បើក​បរ​កាត់​ភ្លៀង​ក្នុង​ស្រុក Bang Kaew បានថត និងបានបង្ហោះវីដេអូឃ្លីបបង្ហាញពីសត្វក្រពើប្រវែង ២ ម៉ែត្រកំពុងដើរឆ្លងផ្លូវ អំឡុងពេលភ្លៀងធ្លាក់ខ្លាំង មុនពេលដើរចូលទៅក្នុងស្រះមួយកន្លែង ។ វាមិនមែនជាលើកទី ១ ទេដែលក្រពើត្រូវបានប្រទះឃើញនៅក្នុងស្រុកនេះ ជាកន្លែងដែលមានកសិដ្ឋានចិញ្ចឹមក្រពើច្រើន និងមិនមានសុវត្ថិភាព ។ ទន្ទឹមនោះ អ្នក​ស្រុកក៏​ចង់​ឲ្យ​អ្នកដែល​ចិញ្ចឹម​ក្រពើ​ត្រូវ​បង្កើន​វិធានការ​សន្តិសុខផងដែរ ដើម្បី​ការពារ​កុំ​ឲ្យ​ក្រពើ​ដើរពេញ​ក្នុង​សហគមន៍ បង្កការភ័យខ្លាចដល់អ្នកស្រុក ។ ស្របពេលជាមួយនេះ ប្រជាពលរដ្ឋក៏កំពុងសម្ដែងការព្រួយបារម្ភផងដែរថា សត្វក្រពើអាចនឹងត្រូវគេប្រទះឃើញទៀត ក្នុងអំឡុងពេលមានភ្លៀងធ្លាក់ខ្លាំង និងទឹកជំនន់ ដែលបង្កឡើងពីព្យុះត្រូពិច Noru ដែលត្រូវបានព្យាករណ៍នឹងកើតមាននៅទូទាំងប្រទេសថៃក្នុងសប្តាហ៍នេះ ៕ https://web.facebook.com/watch/anuwatf.ch7/

ព័ត៌មានសន្តិសុខសង្គម ព័ត៌មានស៊ើបអង្កេត ព័ត៌មានអន្តរជាតិ

ផ្អាកលក់ថ្នាំសេរ៉ូ ប៉ារ៉ាសេតាម៉ុល បន្ទាប់ពីមានកុមាររាប់សិបនាក់ ស្លាប់តែមន្ត្រីអង្គការសុខភាពពិភពលោកនិយាយថា ភ័ស្តុតាងមិនមែនបណ្តាលមកពីថ្នាំសេរ៉ូ ប៉ារ៉ាសេតាម៉ុលទេ

(បរទេស)កាលពីថ្ងៃព្រហស្បតិ៍សប្តាហ៍មុន ប្រធានសេវាសុខភាពរបស់ប្រទេសអាហ្រ្វិកខាងលិចមួយនេះ បាននិយាយថា ខ្លួនចាប់ផ្តើមធ្វើការស៊ើបអង្កេត ចាប់តាំងពីករណីរបួសតម្រងនោមស្រួចស្រាវក្នុងចំណោមកុមារដែលមានអាយុក្រោម៥ឆ្នាំ ត្រូវបានរកឃើញកាន់តែច្រើនឡើងៗនៅចុងខែកក្កដា។ ទោះបីជាយ៉ាងណាក៏ដោយ និយតករឱសថហ្គាំប៊ី (MCA) បាននិយាយថា មិនទាន់មានទិន្នន័យគ្រប់គ្រាន់ដើម្បីធានាការហាមឃាត់ជាទូទៅលើថ្នាំសេរ៉ូ ប៉ារ៉ាសេតាម៉ុល ដែលគេតែងតែប្រើដើម្បីព្យាបាលគ្រុនក្តៅចំពោះកុមារនោះទេ។ កុមារដែលស្លាប់ មានចេញរោគសញ្ញាដូចជា ពិបាកនោម ក្តៅខ្លួន និងក្អួត ដែលនាំទៅដល់ការខ្សោយតម្រងនោមយ៉ាងឆាប់រហ័ស។ កាលពីសប្តាហ៍មុន មន្ត្រីអង្គការសុខភាពពិភពលោកបាននិយាយថា ភ័ស្តុតាងបង្ហាញថា បញ្ហានេះមិនមែនបណ្តាលមកពីថ្នាំសេរ៉ូ ប៉ារ៉ាសេតាម៉ុលទេ ប៉ុន្តែបានសំដៅទៅលើប្រភពនៃជំងឺឆ្លងដូចជាទឹកកខ្វក់ជាដើម៕

ព័ត៌មានសន្តិសុខសង្គម ព័ត៌មានស៊ើបអង្កេត ព័ត៌មានអន្តរជាតិ

ករណីឃាតកម្មបាញ់សម្លាប់អតីតនាយករដ្ឋមន្រ្តីជប៉ុន ភាពទទួលខុសត្រូវស្នងការប៉ូលិសជាតិលាលែងចេញពីតំណែង

នៅថ្ងៃទី២៥ខែសីហា ស្នងការប៉ូលិសជាតិជប៉ុនបានប្រកាស លាលែងចេញពីតំណែងដើម្បីជាការទទួលខុសត្រូវចំពោះករណីធ្វើឃាតទៅលើអតីតនាយករដ្ឋមន្ត្រី ស៊ីនហ្សូ អាបេ ។ ស្នងការប៉ូលិសជាតិបានបញ្ជាក់ថា ចំបាច់ត្រូវតែមានការចាប់ផ្តើមជាថ្មីសម្រាប់ស្ថាប័ននេះ ដើម្បីធានាសន្តិសុខ ដល់អ្នកនយោបាយ។ លោក នាកាម៉ូរៈអ៊ីតារុ ស្នងការប៉ូលិសជាតិជប៉ុនបានបញ្ជាក់ថា ការលាលែងពីតំណែង ដើម្បីជាការទទួលខុសត្រូវសម្រាប់ ករណីឃាតកម្មបាញ់សម្លាប់លើ អតីតនាយករដ្ឋមន្រ្តីជប៉ុន លោក អាប៉េ ស្សិនសូ កាលពីខែកក្កដាឆ្នាំ២០២២។ ក្រុមអ្នកជំនាញបានលើកឡើងថា ការរក្សាសន្តិសុខអំឡុងពេលដែលលោក អាបេ ត្រូវបានគេបាញ់ប្រហារនៅទីក្រុងណារ៉ា ភាគខាងលិចប្រទេសជប៉ុន កាលពីថ្ងៃទី៨ ខែកក្កដា គឺមិនមានភាពរឹងមាំសោះឡើយ។ បើតាមអ្នកជំនាញផ្នែកសន្តិសុខចំនួន៨នាក់ដែលបានពិនិត្យមើលឃ្លីបវីដេអូជាក់ស្តែងនៃហេតុការណ៍នោះ គឺក្រុមអង្គរក្សតាមពិត មានឱកាសអាចជួយការពារលោក អេបេ បានតាមរយៈការរត់ទៅពាំង ឬចាប់ផ្តួលលោកទៅលើដី នៅក្នុងគម្លាតរយៈពេល២.៥វិនាទី រវាងការបាញ់លើកទី១ដែលខុស ហើយនិងការបាញ់លើកទី២ដែលត្រូវចំលោកអតីតនាយករដ្ឋមន្រ្តីជប៉ុន។ ក្រោយពេលកើតហេតុ មន្រ្តីជប៉ុនជាច្រើនរូបរួមទាំងនាយករដ្ឋមន្រ្តីជប៉ុន លោក គីស៊ីដៈហ្វុមិអូ ក៏បានទទួលស្គាល់ផងដែរពីភាពចន្លោះប្រហោងក្នុងការការពារសន្តិសុខចំពោះវត្តមានរបស់លោក អាបេ ដែលជាអតីតមេដឹកនាំមួយទាំងមូល អំឡុងព្រឹត្តិការណ៍ឃោសនាបោះឆ្នោត សភាជាន់ខ្ពស់ជប៉ុន៕

ព័ត៌មានសន្តិសុខសង្គម ព័ត៌មានអន្តរជាតិ

សម្តេចក្រឡាហោម ស្នើទៅសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដកអនុរដ្ឋលេខាធិការក្រសួងមហាផ្ទៃម្នាក់ពីតំណែង បានដើរសន្យាលក់ក្របខណ្ឌនគរបាល

ភ្នំពេញ៖សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានស្នើទៅ​សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដកអនុរដ្ឋលេខាធិការក្រសួងមហាផ្ទៃម្នាក់ពីតំណែង ដោយសារមន្ត្រីរូបនេះបានដើរសន្យាលក់ក្របខណ្ឌនគរបាល។ ប៉ុន្តែសម្តេចក្រឡាហោមមិនបានបញ្ចេញឈ្មោះ អនុរដ្ឋលេខាធិការក្រសួងមហាផ្ទៃដែលត្រូវបានដកតំណែងនោះទេ។ ថ្លែងនៅក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆមាសទី១ និង​លើកទិសដៅការងារឆមាសទី២ ឆ្នាំ២០២២ ​នៅទីស្ដីការក្រសួងសាធារណការ ​និងដឹកជញ្ជូន នៅថ្ងៃ១៨ សីហា សម្ដេចក្រឡាហោម ស ខេង បានបញ្ជាក់ថា៖ “មន្ដ្រីថ្នាក់អនុរដ្ឋលេខាធិការម្នាក់ ខ្ញុំស្នើទៅសម្ដេចតេជោដកចេញ ដោយសារដើរសន្យាគេតែម្ដង ខ្ញុំមិនហែកកេរ្តិ៍ទេ អាហ្នឹងត្រូវអារកាត់ធ្វើ បើមិនអ៊ីចឹងទេ ដើរសន្យាលក់ក្របខណ្ឌ អាហ្នឹងអត់បានទេ។ យើងកំពុងធ្វើកំណែទម្រង់នគរបាល ដើម្បីឈានទៅដល់មានគុណភាព ប្រសិទ្ធិភាព ដើម្បីបម្រើប្រជាពលរដ្ឋ”។ សម្ដេចក្រឡាហោម បានឱ្យដឹងទៀតថា៖ “មានអ្នកចង់ធ្វើ​ប៉ូលិស​ច្រើន​ណាស់ រួចនាំ​គ្នារត់ការ​ដើម្បី​ចូលធ្វើ​ប៉ូលិស ហើយផ្ដល់ថវិកាឲ្យគេជាមុន ១ ម៉ឺនដុល្លារ ឬ ៣ ម៉ឺនដុល្លារ រួចហើយសន្យាថា ឆ្នាំក្រោយ​នឹងបានចូលធ្វើ​ប៉ូលិស”។ សម្តេចក្រឡាហោម ស ខេង បានសម្តែងការហួសចិត្តចំពោះអ្នកជឿទុកចិត្តគេ ដើម្បីបានចូលធ្វើប៉ូលិស។ សម្ដេចក្រឡាហោមបានបញ្ជាក់ទៀតថា ទោះបីជាសម្ដេចជារដ្ឋមន្ដ្រីក្រសួងមហាផ្ទៃ […]

ព័ត៌មានសន្តិសុខសង្គម ព័ត៌មានស៊ើបអង្កេត ព័ត៌មានអន្តរជាតិ

បន្ទាប់ពីបានបិទបញ្ចប់ជាស្ថាពរនូវការអនុញ្ញាតឱ្យចុះបញ្ជីរថយន្តចង្កូតស្តាំគ្មានពន្ធ ទុកពេលវេ លារហូតដល់ ថ្ងៃទី០៨ ខែតុលា ឆ្នាំ២០២២ ដើម្បីបំពេញកាតព្វកិច្ចពន្ធ និងអាករឲ្យបានរួចរាល់

រាជធានី​ភ្នំពេញ ៖ ដើម្បី​ចៀសវាង​ការ​ឃាត់​សួរ​តាម​ដងផ្លូវ​អគ្គនាយកដ្ឋាន​គយ និង​រដ្ឋាករ​កម្ពុជា​បាន​រំលឹក​ដល់​ម្ចាស់​រថយន្ត​ចង្កូត​ស្តាំ​គ្មាន​ពន្ធ​បាន​ចុះបញ្ជី​រួចរាល់​ត្រូវ​ប្រញាប់​រួសរាន់​ចូល​បង់ពន្ធ ។ យោង​តាម​សេចក្ដីជូនដំណឹង​របស់​អគ្គនាយកដ្ឋាន​គយ នា​ថ្ងៃ​ទី​១៦ ខែសីហា ឆ្នាំ​២០២២ បាន​បញ្ជាក់​ថា បន្ទាប់​ពី​ការ​សម្រេច​ដ៏​របស់​សម្តេច​តេ​ជោ ហ៊ុន សែន នាយក​រដ្ឋមន្ត្រី​នៃ​កម្ពុជា ស្តី​ពី​ការ​អនុញ្ញាត​ឲ្យ​ប្រមូល​ពន្ធ និង​អាករ​លើ​រថយន្ត​ចង្កូត​ស្តាំ​គ្មាន​ពន្ធ​មាន​ស្រាប់​ក្នុង​ប្រទេស​ដែល​នៅ​សេសសល់ ដោយ​ពុំ​តម្រូវ​ឱ្យ​កែ​ចង្កូត​, ម្ចាស់​រថយន្ត​ចង្កូត​ស្តាំ​គ្រប់​ប្រភេទ​បាន​យក​រថយន្ត​គ្មាន​ពន្ធ​របស់​ខ្លួន​មក​បង់ពន្ធ និង​អាករ ឬ​ចុះបញ្ជី​ជា​បន្តបន្ទាប់ នៅ​តាម​បណ្តា​អង្គភាព​គយ និង​រដ្ឋាករ​ពាក់ព័ន្ធ ។ បន្ទាប់​ពី​បាន​បិទ​បញ្ចប់​ជា​ស្ថាពរ​នូវ​ការ​អនុញ្ញាត​ឱ្យ​ចុះបញ្ជី​រថយន្ត​ចង្កូត​ស្តាំ​គ្មាន​ពន្ធ មាន​ស្រាប់​ក្នុង​ប្រទេស ត្រឹម​ថ្ងៃ​ទី​៣១ ខែកក្កដា ឆ្នាំ​២០២២ កន្លង​ទៅ រថយន្ត​ចង្កូត​ស្តាំ​គ្មាន​ពន្ធ​មាន​ស្រាប់ ក្នុង​ប្រទេស​ដែល​ម្ចាស់​បាន​យក​មក​ចុះបញ្ជី​រួច​ត្រូវ​បាន ទុក​ពេល​វេ លា​រហូត​ដល់ ថ្ងៃ​ទី​០៨ ខែតុលា ឆ្នាំ​២០២២ ដើម្បី​បំពេញ​កាតព្វកិច្ច​ពន្ធ និង​អាករ​ឲ្យ​បាន​រួចរាល់ ។ ក្នុង​សេចក្តីជូនដំណឹង​អគ្គនាយកដ្ឋាន​គយ បាន​បញ្ជាក់​ទៀត​ថា «​សូម​រំលឹក​ដល់​ម្ចាស់​រថយន្ត​ចង្កូត​ស្តាំ ដែល​បាន​ចុះបញ្ជី​រួច​តែ​មិន​ទាន់​បាន​បង់ពន្ធ និង​អាករ​ត្រូវ​រួសរាន់​ចូល​មក​បំពេញ​កាតព្វកិច្ច​ពន្ធ និង​អាករ​លើ​រថយន្ត​របស់​ខ្លួន​ឱ្យ​បាន​ឆាប់ ដើម្បី​ចៀសវាង​ការ​ឃាត់​សួរ​ដោយ​មន្ត្រី​គយ និង​រដ្ឋាករ មាន​សមត្ថកិច្ច​ជាយ​ថា ហេតុ​ពេល​កំពុង​ចរាចរ​តាម​ដងផ្លូវ​ដែល​អាច​បង្ក​ជា​ការ​រំខាន​នានា ហើយ​ក៏​ដើម្បី​ចៀសវាង​ការ​ភ្លេច ឬ​ខក​ខានមក​បំពេញ​កាតព្វកិច្ច​ពន្ធ និង​អាករ​តាម​កាលកំណត់ ដែល​អាច​បណ្ដាល​ឱ្យ​ទទួល​រង​នូវ​វិធានការ​នានា​ជា​បន្តបន្ទាប់​»​។ ទន្ទឹម​នេះ អគ្គនាយកដ្ឋាន​គយ […]

ព័ត៌មាន ព័ត៌មានអន្តរជាតិ

ពុទ្ធោ!ឃើញហើយស្លុតចិត្ត «កន្លែងអវសាននៃជីវិត» សម្រាប់​មនុស្សចាស់​ជរាដែលគ្មានកូនចៅសាច់ញាតិនៅមើលថែ កន្លែងដេក​ហូបចុ​ក គឺ​បែបនេះ…

បរទេស៖លក្ខខណ្ឌចាំបាច់ និងគ្រប់គ្រាន់ សម្រាប់មនុស្សចាស់មិនត្រូវនៅម្នាក់ឯង គឺកូនៗរបស់ពួកគេ ត្រូវតែមានយ៉ាងហោចជីវភាពសមល្មម និងជាករណីកិច្ចរបស់កូនមួយសំបុក។ ប៉ុន្តែ បើលក្ខខណ្ឌទាំងពីរខាងលើនេះ មិនមានទេ នោះមនុស្សចាស់ប្រាកដជារស់នៅជីវិតចុងក្រោយ ស្ថិតក្នុង «ស្នូក» ឥដ្ឋបែបនេះ!។ «ផ្ទុះចាស់ជរាចុងក្រោយ» នេះសាងសង់ពីឥដ្ឋស្អាត ប៉ុន្តែ មើលទៅគួរឲ្យទើសចិត្តណាស់ ព្រោះថា បុគ្គលិកមជ្ឈមណ្ឌល ត្រូវចែកចានបាយដល់មនុស្សចំណាស់ ដោយដាក់នៅលើគម្របចានបង្គន់ដ៏មិនសមរម្យ ដែលប្រៀបដូចជាការបញ្ចូលគ្នានូវបង្គន់ និងតុបរិភោគអាហារ “ធាតុចូល” និង “បញ្ចេញ” នៅកន្លែងតែមួយ ដែលឃើញហើយពិតជាគួរឲ្យអាសូរណាស់។ ជាការពិតណាស់ គម្របបង្គន់មានកម្រិតរាបស្មើនឹងកំរាលឥដ្ឋ ដូច្នេះ វាងាយស្រួលសម្រាប់មនុស្សដេកចុះ ប៉ុន្តែ វាពិបាកក្នុងការអង្គុយនៅពេលដែលពួកគេបត់ជើងតូច និងបន្ទោរបង់។ ព្រោះថា ការអង្គុយរាប​មិនមែនជា​ការណាត់ជួបរបស់វេជ្ជបណ្ឌិត​សម្រាប់អ្នកមានជំងឺសរសៃ​ពួរត្រគាក និង​ជង្គង់ ទេ។ ហេតុដូច្នេះ មនុស្សចាស់ដែលឯកោ មិនត្រឹមតែបានរងទុក្ខផ្លូវចិត្តប៉ុណ្ណោះទេ ប៉ុន្តែថែមទាំងទទួលរងទារុណកម្មផ្លូវកាយ ដោយរណ្តៅនេះទៀត។ ផ្ទះចាស់ជរាចុងក្រោយនេះ បានក្លាយជា «ផ្ទះត្រជាក់» សម្រាប់កូនចៅ ប៉ុន្តែជា «ផ្ទះក្តៅ» សម្រាប់មជ្ឈមណ្ឌលសង្គម!។ មតិជាច្រើនបានលើកឡើងថា មជ្ឈមណ្ឌុលគាំពារសង្គម និងស្ថាបត្យករ ដែលបានរចនា […]

ព័ត៌មាន ព័ត៌មានអន្តរជាតិ

ប្រធានាធិបតីសហរដ្ឋអាមេរិកលោកចូបៃឌិន បានដួលកង់ខណៈពេលជិះហាត់ប្រាណ

អន្ដរជាតិ៖មន្ត្រីគ្រប់គ្រងនៅសេតវិមានបានប្រកាសថា ប្រធានាធិបតីអាមេរិក ចូបៃឌិន មិនមានបញ្ហាអ្វីដល់សុខភាពនោះឡើយក្រោយការដួលកង់ កាលពីថ្ងៃទី១៨ខែមិថុនា ក្នុងពេលជិះហាត់ប្រាណនៅជុំវិញរមណីយដ្ឋានសម្រាកលំហែកាយនៅឆ្នេរសមុទ្រ Rehoboth រដ្ឋ Delaware។ នៅថ្ងៃទី១៨ខែមិថុនា ក្នុងពេលកំពុងជិះកង់ហាត់ប្រាណជាមួយភរិយា Jill Biden នៅរមណីយដ្ឋាន ក្នុងទីក្រុង Rehoboth ប្រធានាធិបតីបៃឌីនក៏ស្រាប់តែដួលកង់ពេលឈប់ស្វាគមន៍អ្នកគាំទ្រ និងអ្នកសារព័ត៌មាន ។ រូបភាពបង្ហាញឱ្យឃើញថា ការណ៍ដែលប្រធានាធិបតីបៃឌិន លោកបៃឌិនបាត់បង់ការគ្រប់គ្រងពេលឈប់កង់ទើបបណ្តាលឱ្យដួល ។ ក្រុមអង្គរក្សការពារបានទៅលើកលោកជាបន្ទាន់ដែរ ហើយភ្លាមៗនោះ លោកបៃឌិនបាននិយាយទៅកាន់អ្នកសារព័ត៌មានថា «ខ្ញុំជាប់ជើងម្ខាងនៅលើឈ្នាន់»។ ការដួលកង់បានបង្កក្តីបារម្ភយ៉ាងខ្លាំងដល់អ្នកគាំទ្រលោកនៅទីនោះ ហើយអ្នកគាំទ្របាននាំគ្នាទះដៃស្វាគមន៍ពេលលោកក្រោកឈរឡើងវិញ ។ ប្រធានាធិបតីបៃឌិន នឹងឈានចូលអាយុ៨០ឆ្នាំនៅខែវិច្ឆិកាឆ្នាំ២០២២ ៕

ព័ត៌មាន ព័ត៌មានអន្តរជាតិ

រដ្ឋមន្ត្រីការពារជាតិចិនប្រតិកម្មលើអាមេរិកឲ្យបញ្ឈប់ការព្យាយាមបង្ខូចមុខមាត់ និងរាំងខ្ទប់ប្រទេសចិន ហើយលែងមកជ្រៀតជ្រែកកិច្ចការផ្ទៃក្នុងរបស់ចិនតទៅទៀតក្នុងកិច្ចពិភាក្សា Shangri-La

រដ្ឋមន្ត្រីការពារជាតិចិនបានប្រកាសនៅក្នុងកិច្ចពិភាក្សា Shangri-La នាថ្ងៃទី១២ខែមិថុនា និងជាការឆ្លើយតបទៅលើការលើកឡើងរបស់រដ្ឋមន្ត្រីការពារជាតិអាមេរិកដែលប្រកាសគាំទ្រកោះតៃវ៉ាន់ថា ចិននឹងធ្វើសង្គ្រាមដល់ទីបញ្ចប់ដើម្បីទប់ស្កាត់កោះតៃវ៉ាន់ប្រកាសឯករាជ្យ ។ រដ្ឋមន្រ្តីការពារជាតិចិន Wei Fenghe នៅថ្ងៃទី១២ខែមិថុនា បាននិយាយថា វាអាស្រ័យតែលើ សហរដ្ឋអាមេរិកប៉ុណ្ណោះក្នុងការធ្វើឱ្យទំនាក់ទំនងទ្វេភាគីមានភាពប្រសើរឡើងជាងមុន ខណៈបច្ចុប្បន្នវាកំពុងស្ថិតនៅចំណុចដ៏យ៉ាប់យ៉ឺន។ ថ្លែងនៅចំពោះមុខក្រុមប្រតិភូ ដែលចូលរួមកិច្ចសន្ទនាសាងគ្រីឡា (Shangri-La) នៅឯប្រទេសសិង្ហបុរី ដែលជាកិច្ចប្រជុំកំពូលផ្នែកសន្តិសុខប្រចាំនៅតំបន់អាស៉ី លោក Wei បានលើកឡើងយ៉ាងដូច្នេះថា «យើងសូមទាមទារឱ្យភាគីអាមេរិក បញ្ឈប់ការព្យាយាមបង្ខូចមុខមាត់ និងរាំងខ្ទប់ប្រទេសចិន ហើយលែងមកជ្រៀតជ្រែកកិច្ចការផ្ទៃក្នុងរបស់ចិនតទៅទៀត។ ទំនាក់ទំនងទ្វេភាគី មិនអាចប្រសើរឡើងបានឡើយ ប្រសិនបើភាគីអាមេរិកមិនអាចធ្វើដូច្នោះទេនោះ»។ កាលពីថ្ងៃសុក្រសប្តាហ៍នេះ លោក Wei បានជួបពិភាក្សាគ្នាផ្ទាល់ជាលើកដំបូងបំផុតជាមួយរដ្ឋមន្រ្តីការបរទេសអាមេរិក លោក ឡយ អូស្ទីន (Lloyd Austin) នៅប្រទេសសិង្ហបុរី គិតចាប់តាំងពីការឡើងកាន់អំណាចរបស់ ប្រធានាធិបតីអាមេរិក លោក ចូ បៃឌិន កាលពីដើមឆ្នាំ២០២១មក៕ ដោយ៖ ធីរីណា  

ព័ត៌មាន ព័ត៌មានអន្តរជាតិ

តៃវ៉ាន់យល់ព្រមទិញគ្រឿងបន្លាស់នាវាចម្បាំង ក្នុងទំហំទឹកប្រាក់ ១២០លានដុល្លារពីសហរដ្ឋអាមេរិក

(តៃប៉ិ)៖ សហរដ្ឋអាមេរិកបានអនុម័ត ការលក់គ្រឿងបន្លាស់សម្រាប់នាវាចម្បាំង ទៅឲ្យកោះតៃវ៉ាន់ ក្នុងទំហំទឹកប្រាក់១២០លានដុល្លារ ដើម្បីជួយតៃវ៉ាន់ក្នុងការថែទាំនាវាចម្បាំងរបស់ខ្លួន ដែលក្រសួងការពារជាតិតៃវ៉ាន់បានអះអាងថា នឹងជួយធានាបាននូវការត្រៀមខ្លួនប្រយុទ្ធ ចំពោះមុខការបង្កើនសកម្មភាពកាន់តែញឹកញាប់ឡើងៗរបស់ចិន នៅក្បែរដែនកោះនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន នៅថ្ងៃព្រហស្បតិ៍ ទី៩ ខែមិថុនា ឆ្នាំ២០២២។ ទីភ្នាក់ងារសហប្រតិបត្តិការសន្តិសុខការពារជាតិអាមេរិក បានឲ្យដឹងនៅក្នុងសេចក្តីថ្លែងការណ៍ថា ខ្លួនបានដាក់សំណើទៅកាន់សភាជាតិ បន្ទាប់ពីទទួលបានការយល់ព្រមពីក្រសួងការបរទេស សម្រាប់ការលក់ ដែលស្នើឡើងដោយស្ថានទូតក្រៅផ្លូវការរបស់តៃវ៉ាន់ ប្រចាំទីក្រុងវ៉ាស៉ីនតោន។ យោងតាមសេចក្តីថ្លែងការណ៍ខាងលើ គម្រោងនេះ គ្របដណ្តប់លើការលក់គ្រឿងបន្លាស់ និងគ្រឿងជួសជុល សម្រាប់នាវា និងប្រព័ន្ធរបស់នាវា ព្រមទាំងជំនួយផ្នែកបច្ចេកទេសភស្តុភារ និងការគាំទ្រផ្នែកបច្ចេកទេសនិងភស្តុភារ ពីរដ្ឋាភិបាល និងក្រុមហ៊ុនម៉ៅការរបស់សហរដ្ឋអាមេរិក។ រីឯក្រសួងការពារជាតិតៃវ៉ាន់ បានឲ្យដឹងថា កិច្ចព្រមព្រៀងនេះ ត្រូវបានរំពឹងថា នឹងចូលជាធរមានក្នុងរយៈពេលមួយខែ ហើយបានថ្លែងអំណរគុណដល់សហរដ្ឋអាមេរិក សម្រាប់ការជួយតៃវ៉ាន់ឱ្យមានលទ្ធភាពការពារខ្លួន។ គួរបញ្ជាក់ថា នាវាចម្បាំងសំខាន់ៗរបស់តៃវ៉ាន់ ភាគច្រើនផលិត ឬរចនាឡើង ដោយសហរដ្ឋអាមេរិក។ ទីក្រុងវ៉ាស៊ីនតោន ទោះមិនមានទំនាក់ទំនងផ្លូវការជាមួយតៃវ៉ាន់ក៏ដោយ គឺជាខ្នងបង្អែកធំបំផុតរបស់ដែនកោះនេះ ហើយមានកាតព្វកិច្ចនៅក្រោមច្បាប់របស់ខ្លួន ដើម្បីផ្តល់ឱ្យតៃវ៉ាន់នូវមធ្យោបាយការពារខ្លួន៕

ព័ត៌មាន ព័ត៌មានសន្តិសុខសង្គម ព័ត៌មានអន្តរជាតិ

ហួសចិត្ត នារី២នាក់គេចខ្លួនពីប៉ូលីសចរាចរណ៍ បើកម៉ូតូចូលផ្ទះគេ ផ្អេីលរត់ចែកជើង គ្នាសំណាងហើយ មិនបុកម៉ូតូ ឡានគេ

យោងតាមវីដេអូកាមេរ៉ាសុវត្ថិភាពនៃផ្ទះមួយនៅ Bien Hoa, Dong Nai បានបង្ហាញឲ្យឃើញ ផ្ទះនោះបានបើកទ្វារចំហរ ដោយនៅខាងក្នុងមានរថយន្ត១គ្រឿង និងម៉ូតូ១គ្រឿង ប៉ុន្តែ អ្វីដែលគួរឲ្យភ្ញាក់ផ្អើលនោះ គឺមួយសន្ទុះក្រោយមក ស្រាប់តែនារីពីរនាក់ បានបើកម៉ូតូទាំងស្ថានភាពដ៏អាសន្ន ចូលចន្លោះរថយន្ត និងម៉ូតូ ធ្លាយរហូតដល់ក្នុងផ្ទះតែម្តង។ តែទោះជាយ៉ាងណា ប្រមាណ ៣ វិនាទីក្រោយមក ក៏ឃើញប៉ូលីសម្នាក់ បានបើកម៉ូតូចូលមកតាមក្រោយ និងចតម៉ូតូមុខផ្ទះ រួចដើរចូលទៅក្នុងផ្ទះនិយាយឮៗថា៖ «ចេញមកភ្លាម ឲ្យលឿន! ម៉េចរត់ចូលផ្ទះគេអុីចឹង អ្ហាស…!»។ បន្ទាប់មក ប៉ូលីសរូបនោះ ក៏បានអូសយកទាំងម៉ូតូ និងម្ចាស់ មកខាងក្រៅវិញ ខណៈម្ចាស់ផ្ទះក៏បានចេញមកដែរ ដែលត្រូវបានដឹងថា ពួកគាត់ពិតជាមានការភ្ញាក់ផ្អើល និងអស់សំណើចជាខ្លាំង ចំពោះសកម្មភាពរបស់នារីទាំងពីរ ដោយសារតែការគេចខ្លួនពីប៉ូលីសចរាចរណ៍។ ជាមួយគ្នានោះផងដែរ ម្ចាស់ផ្ទះក៏បានស្នើសុំប៉ូលីស លើកលែងទោស និងបង្គាប់ឲ្យនារីទាំងពីរ បង់ប្រាក់ផាកពិន័យ ហើយថ្ងៃមុខថ្ងៃក្រោយ កុំរត់គេចខ្លួនបែបនេះទៀត ព្រោះវាគ្រោះថ្នាក់ណាស់ «សំណាងហើយ មិនបុកម៉ូតូ ឡានខ្ញុំ ពុំនោះទេ នឹងអាចបង់ប្រាក់អស់ច្រើនជាងនេះ»។ វីដេអូនៃហេតុការណ៍ដ៏ហួសចិត្ត ទាក់ទងនឹងទង្វើរនៃការគេចវេសមិនទទួលខុសត្រូវរបស់នារីពីរនាក់ […]