ព័ត៌មានសន្តិសុខសង្គម

បុរស​ជា​កម្មករ​ធ្វើ​ផ្លូវ​ល្បឿន​លឿនម្នាក់ ​ត្រូវ​រ៉ូ​ឡូកិន​ថ្នល់​ដាច់​ហ្វ្រាំង​ជ្រុល​កិន​ស្លាប់ ​នៅ​កន្លែង​កើតហេតុ​

កំពង់ស្ពឺ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា បុរស​ជា​កម្មករ​ធ្វើ​ផ្លូវ​ល្បឿន​លឿនម្នាក់ ​ត្រូវ​បាន​រ៉ូ​ឡូកិន​ថ្នល់​ដាច់​ហ្វ្រាំង​ជ្រុល​កិន​ស្លាប់ ​នៅ​កន្លែង​កើតហេតុ​ ខណ:​កំពុង​អង្គុយ​នៅ​លើ​ផ្លូវ​ ។​ ហេតុការណ៍​នេះ ​កើតឡើង​នៅ​ថ្ងៃ​ទី​០៧​ ខែមិថុនា​ ឆ្នាំ​២០២១​ វេលា​ម៉ោង​១០​និង​៣០​នាទី​ លើ​ផ្លូវ​ល្បឿន​លឿន​ត្រង់​ចំណុច​ភូមិ​ទួល​ព្រិច​ ឃុំ​ត្រពាំង​គង​ ស្រុក​សំរោង​ទង​ ខេត្តកំពង់ស្ពឺ​ ។​ សេចក្តីរាយការណ៍​ ពី​កន្លែង​កើតហេតុ​ បាន​ឲ្យ​ដឹង​ថា​ មុន​ពេល​កើតហេតុ​រ៉ូ​ឡូ​០១​គ្រឿង ​ពណ៌​លឿង​ ម៉ាក​ LIUGONG​ គ្មាន​ពាក់​ផ្លាក​លេខ​ អ្នកបើកបរ​មិន​ស្គាល់​អត្តសញ្ញាណ​ (​ គេចខ្លួន​ក្រោយ​ពេល​កើតហេតុ​រួច​ )​ បើកបរ​ពី​ទិស​ខាង​លិចទៅ​ទិស​ខាងកើត​ ។​ ប្រភព​បន្ត​ថា​ ពេល​បើក​មក​ដល់​ចំណុច​ខាងលើ​ រ៉ូ​ឡូ​បាន​ដាច់​ហ្វ្រាំង​ជ្រុល​ទៅ​មុខ​កិន​ឈ្មោះ​ មួ​ង​ សា​មឿ​ន​ ភេទ​ប្រុស​ អាយុ​៥៧​ឆ្នាំ​ រស់នៅ​ភូមិ​ជី​ម្រាក់​ ឃុំ​កំពែង​ ស្រុក​គី​រី​វង់​ ខេត្តតាកែវ​ ជា​កម្មករ​ធ្វើ​ផ្លូវ​ល្បឿន​លឿន​ ដែល​កំពុង​អង្គុយ​នៅ​លើ​ផ្លូវ​ បណ្តាល​ឲ្យ​ស្លាប់នៅ​កន្លែង​កើតហេតុ​ ។​ បច្ចុប្បន្ន​ វត្ថុ​តាង​​ចាត់ចែង​យក​មក​រក្សា​ទុក ​នៅ​ប៉ុស្តិ៍​នគរបាល​រដ្ឋបាល​ត្រពាំង​គង​ ។​ ចំណែក​សាកសព​ក្រោយ​ពី​ធ្វើ​កោសល្យវិច័យ​រួចរាល់​ បាន​ប្រគល់​ជូន​ក្រុម​គ្រួសារ​ចាត់ចែង​ ធ្វើបុណ្យ​តាម​ប្រពៃណី​ […]

ព័ត៌មានសន្តិសុខសង្គម

សមត្ថកិច្ចឃាត់ខ្លួនអ្នកផលិតស្រាចំនួនពីរនាក់ពាក់ព័ន្ធកណីពុលស្រាសស្លាប់មនុស្ស ៩នាក់ នៅស្រុកកំពង់ត្រាច

ភ្នំពេញៈ សមត្ថកិច្ចបានឃាត់ខ្លួនមនុស្សចំនួន ២នាក់ ដែលជាម្ចាស់ទីតាំងផលិតស្រាស ពាក់ព័ន្ធករណីពុលស្រាសបណ្តាលឲ្យមនុស្សចំនួន ៩នាក់ បានស្លាប់ជាបន្តបន្ទាប់ និងជាង ៣០នាក់ផ្សេងទៀត កំពុងសម្រាកព្យាបាលនៅមន្ទីរពេទ្យ ក្រោយពីជនរងគ្រោះទាំងនោះ ចូលរួមក្នុងពិធីបុណ្យសពមួយ ដោយមានការពិសាស្រាស។ ហេតុការណ៍នេះ បានកើតឡើងភូមិធ្នង់ ឃុំឫស្សីស្រុកខាងកើត ស្រុកកំពង់ត្រាច ពោលគឺចាប់ពីថ្ងៃទី២១ រហូតដល់រសៀលថ្ងៃទី២៤ ខែឧសភា ឆ្នាំ២០២១។ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពតបានបញ្ជាក់ថា សមត្ថកិច្ចបានឃាត់ម្ចាស់ទីតាំងបិតស្រាសចំនួន ២នាក់ និងស្រាសបានប្រមូលបញ្ជូនមករាជធានីភ្នំពេញដើម្បីពិនិត្យ។ ស្នងការនគរបាលខេត្តកំពតបានបញ្ជាក់យ៉ាងដូច្នេះថា “ឥឡូវនេះ គឺយើងបានឃាត់ម្ចាស់ទីតាំងបិតស្រាចំនួន ២នាក់ (ស្រី ១នាក់ , ប្រុស ១នាក់) ។ ដោយឡែកពាក់ព័ន្ធនឹងស្រាដែលយើងសង្ស័យថាពុលនេះ យើងយកទៅភ្នំពេញដើម្បីពិនិត្យ ពីព្រោះនៅខេត្តកំពតអត់មានមន្ទីរពិសោធន៍ដើម្បីពិនិត្យទេ”។ មន្ត្រីនៃសាលាស្រុកកំពង់ត្រាចបានឱ្យដឹងថា ក្រោយទៅចូលរួមក្នុងពិធីបុណ្យសពមួយ ស្ថិតក្នុងភូមិធ្នង់ ឃុំឫស្សីស្រុកខាងកើត ស្រុកកំពង់ត្រាច ពោលគឺចាប់ពីថ្ងៃទី២១ រហូតដល់រសៀលថ្ងៃទី២៤ ខែឧសភា ឆ្នាំ២០២១ មានមនុស្សចំនួន ៩នាក់ បានស្លាប់ជាបន្តបន្ទាប់ ខណៈពេលជនរងគ្រោះទាំងនោះ ដេកឈឺនៅផ្ទះ […]

ព័ត៌មានសន្តិសុខសង្គម

ជនបង្កដែលបេីកបររថយន្តដឹកខ្សាច់​ បុកមន្ត្រីនគរបាលផ្នែកអន្តរាគមន៍បណ្តាលឲ្យស្លាប់ភ្លាមៗនៅកន្លែងកេីតហេតុ​ ត្រូវបានសមត្ថកិច្ចឃាត់ខ្លួន​

នៅថ្ងៃទី០១ ខែឧសភា ឆ្នាំ២០២១ វេលាម៉ោង ១៩៖៥៦នាទី មានករណីគ្រោះថ្នាក់ចរាចរណ៍មួយកើតឡើង រវាង រថយន្ដដឹកខ្សាច់ និងម៉ូតូ នៅចំណុចផ្លូវ៦០ម៉ែត្រ ភូមិទួលរការមួយ សង្កាត់ចាក់អង្រែកក្រោម ខណ្ឌមានជ័យ រាជធានភ្នំពេញ ។ ជនរងគ្រោះលោកអនុសេនីយ៍ទោ ម៉ៅ ចាន់ឌូ ជាមន្ដ្រីអន្ដរាគមន៍ នៃអធិការដ្ឋាននគរបាលខណ្ឌដង្កោ អ្នករួមដំណើរ ០២នាក់ ប្រពន្ធ និងកូន រងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យម្លិះ នៅខណ្ឌដង្កោ។ ដំណើររឿង ៖ កាលពីថ្ងៃទី០១ ខែឧសភា ឆ្នាំ២០២១ វេលាម៉ោង ១៩៖៥៦នាទី ជនរងគ្រោះបន្ទាប់ពីចប់ភារកិច្ចបានឆ្លៀតពេលមកដឹកប្រពន្ធទៅផ្ទះនៅម្តុំរង្វង់មូលគួរស្រូវ ដោយធ្វើដំណើរស្របទិសគ្នាពីជើងទៅត្បូង (ពីភ្នំពេញ ទៅ ខេត្តកណ្ដាល) លុះដល់ចំណុចកើតហេតុ រថយន្ដដឹកខ្សាច់បានបត់ចូលក្នុងការដ្ឋានក៏បានបុកកិនជនរងគ្រោះបណ្ដាលឲ្យស្លាប់នៅកន្លែងកើតហេតុតែម្ដង។ ចំណែករថយន្ដ និងតៃកុងឡាន ត្រូវបាននគរបាលខណ្ឌមានជ័យ ធ្វើការឃាត់ខ្លួនបញ្ជូនទៅអធិការដ្ឋាននគរបាលខណ្ឌមានជ័យដើម្បីចាត់ការបន្ដតាមនីតិវិធីច្បាប់​ ៕

ព័ត៌មានសន្តិសុខសង្គម

សងសឹក​គំនុំ​ចាស់​បានសម្រចចាក់​មួយ​ដាវ​ជាប់​នឹង​ដងខ្លួន​

ស្ទឹងត្រែង​:​យុវជន​ម្នាក់​បាន​រងរបួស​ធ្ងន់​បន្ទាប់ពី​ជនដៃដល់​ចាក់​មួយ​ដាវ​ជាប់​នឹង​ខ្នង​ដោយហេតុ​ការណ៍​នោះបាន​កើតឡើង​នៅ​ទីប្រជុំជន​ភូមិ​ឆ្វាំង​ឃុំ​សំអាង​ស្រុក​ថា​ឡា​បរិ​វ៉ា​ត់​កាលពី​វេលា​ម៉ោង​៦​និង ៣០​នាទី​យប់​ថ្ងៃទី​២៧ ខែមេសា​ឆ្នាំ​២០២១​។​ សមត្ថកិច្ច​បានបញ្ជាក់​ថា​ជនរងគ្រោះ​ឈ្មោះ​គង់​ប៊ុន​នី​អាយុ​១៧​ឆ្នាំ​រស់នៅ​ភូមិ​ឃុំ​កើតហេតុ​ខាងលើ​ត្រូវបាន​សាច់ញាតិ​ដឹក​មកកាន់​មន្ទីរពេទ្យ​ខេត្តស្ទឹងត្រែង​។​ សមត្ថកិច្ច​បាន​ឲ្យ​ដឹង​ទៀតថា​ករណីនេះ​មាន​ក្មេង​ពីរ​ក្រុម​បង្កទំនាស់​ពាក្យសម្ដី​ដែល​សង្ស័យថា​ធ្លាប់មាន​ជម្លោះ​គំនុំ​នឹង​គ្នា​រឿង​ចាស់​រហូត​ឈានដល់​ចាក់​យុវជន​ម្នាក់​បណ្ដាលឱ្យ​រងរបួស​។​ បន្ទាប់ពី​កើតហេតុ​សមត្ថកិច្ច​ចុះរ​ស្រាវជ្រាវ​កំណត់​មុខសញ្ញា​ដើម្បី​តាម​ចាប់ខ្លួន​ជនដៃដល់​យកមក​ផ្ដន្ទាទោស​តាមផ្លូវ​ច្បាប់​៕​

ព័ត៌មានសន្តិសុខសង្គម

ដំណឹងស្វែងរកសាច់ញ្ញា​តិ​ ក្រុមគ្រួសារជនរងគ្រោះ៖

————- -ក្រុមការងារព័ត៌មាន​និងប្រតិកម្មរហ័សនៃស្នងការដ្ឋាននគរបាលខេត្តបាត់ដំបង​សូមជម្រាបជូនសាធារណជន​ បានជ្រាបថា​ នៅថ្ងៃទី​២៦​ខែ​មេ​សា​ឆ្នាំ​២០២១​ វេលាម៉ោង១៤និង០០នាទី​មាន​ករ​ណីគ្រោះថ្នាក់ចរាចរណ៍មួយកេីតឡេីងនៅចំ​ណុច​ ភូមិគោកពន្លៃ​ សង្កាត់​អូរម៉ាល់​ ក្រុងបាត់​ដំ​បង​ ខេត្តបាត់ដំបងរវាងយន្តនិងអ្នកជិះម៉ូតូ​ ដែលករណីនេះបណ្តាលឱ្យអ្នកជិះម៉ូតូបានស្លាប់ភ្លាមៗ​នៅកន្លែងកេីតហេតុ។ បន្ទាប់ពីធ្វេីការវាស់វែងនៅកន្លែងកេីត​ហេតុរួច​មក​ សមត្ថកិច្ចបានស្វះស្វែងរក(សាច់ញ្ញាតិ​ គ្រួ​សា​រ​របស់ជនរងគ្រោះ)ក្នុងឧប្បត្តិហេតុនេះ​ ប៉ុន្តែរហូតដល់វេលាព្រលប់នេះ​ សមត្ថកិច្ចពុំទាន់ស្វែងរកសាច់ញ្ញាតិ​ ក្រុមគ្រួសារជនរងគ្រោះឃេីញនៅឡេីយ​ទោះបីជាសម្ថកិច្ចស្វែងរកអត្តសញ្ញាណ(ម្ចាស់កម្មសិទ្ធិនៃទោចក្រយាន្ត)នេះឃេីញហេីយក្តី​ តែម្ចាស់កម្មសិទ្ធិនេះបានលក់បន្តឱ្យទៅអ្នកផ្សេង​បាត់ទៅហេីយ។ *-ភិនភាគជនរងគ្រោះ៖ -ជនរងគ្រោះមានអាយុ ប្រហែល២៦ ទៅ២៨ ឆ្នាំភេទ ប្រុស មានកម្ពស់ប្រហែល ១,៦៥សង្ទីម៉ែត្រ​សម្បុរ ខ្មៅស្រអែម មានស្នាមវះពោះពីចុងដង្ហើមរហូតដល់ផ្ចិត និង មានសាក់( រូបនាគ នៅដៃខាងឆ្វេង​) ស្លៀកខោខូវប៊យចាស់​ ដាច់រហែក​នៅជង្គង់​ ​ពាក់អាវយឺតដៃខ្លីព៌ណ​ចម្រុះ​។ -ម៉ូតូHonda 124CCព៌ណខ្មៅ -ស្លាកលេខ​ បាត់ដំបង​ 1D- 1887 ដូចបានជម្រាបជូនខាងលេី​សាធារណជន​ដែល​បានស្គាល់ភិនភាគជនរងគ្រោះខាងលេីសូមមេត្តាជួយ​ផ្តល់ព័ត៌មាននេះដល់សាច់ញ្ញាតិ​ ក្រុមគ្រួសា​រគាត់​បានដឹងផង​ និងសូមទំនាក់ទំនងមក​លេខទូរស័ព្ទមន្រ្តីនគរ​បាលការិយាល័យចរាចរ​ណ៍ផ្លូវគោកនៃស្នងការដ្ឋានខេត្តបាត់ដំបង​ 012 222 046 ឬ012 588 502​ សូមអរគុណ៕(ក្រុមការងារព័ត៌មាននិងប្រតិកម្មរហ័ស)

ព័ត៌មានសន្តិសុខសង្គម

ឈាមស្រែកស្បែកហៅ ! ចាប់បានហើយឃាតករសម្លាប់កុមារាអាយុ ១០ឆ្នាំ

ភ្នំពេញៈ ឈាមស្រែកស្បែកហៅសមត្ថកិច្ចបានចាប់ខ្លួនឃាតករដែលបានសម្លាប់កុមារាអាយុ 10 ឆ្នាំដី នៅក្នុងដីឡូត៍មួយកន្លែង ស្ថិតនៅផ្លូវថៃហ្គ័រ ភូមិរបោះអង្កាញ់១ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។ នៅរសៀលថ្ងៃទី៦ មេសា នេះ សមត្ថកិច្ចនាយកដ្ឋានព្រហ្មទណ្ឌនៃក្រសួងមហាផ្ទៃបាននាំខ្លួនជនសង្ស័យដែលជាឃាតករនាំទៅកន្លែងសម្លាប់កុមារារូបនោះដើម្បីធ្វើត្រាប់ឡើងវិញអំពីសកម្មភាពរបស់ខ្លួនដែលបានសម្លាប់ទៅលើកុមារារូបនោះ។ សមត្ថកិច្ចបានឲ្យដឹងថា ជនសង្ស័យដែលសម្លាប់កុមាររងគ្រោះ គឺជាពូរបស់កុមាររងគ្រោះ។ ជនសង្ស័យឈ្មោះអុន ភាម៉ុន អាយុ៣០ឆ្នាំ មុខរបរគ្មាន ស្នាក់ នៅភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ ។ កុមារារងគ្រោះឈ្មោះ ជា ប៊ុនហេង ភេទ ប្រុស អាយុ ១០ឆ្នាំ ជនជាតិ ខ្មែរ មុខរបរ សិស្ស ស្នាក់នៅភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ។ កាលពីថ្ងៃទី ៣១-០៣- ២០២១ ម៉ោង១៥:៣៥នាទី កុមារារងគ្រោះជិះកង់លេងក្នុងវត្តជ្រោយអំពិល រួចទុកកង់នៅទីនោះឡើងជិះម៉ូតូ១គ្រឿង (មិនស្គាល់ម៉ាក) ជាមួយមនុស្សប្រុសម្នាក់មិនស្គាល់អត្តសញ្ញាណ ចេញទៅបាត់។ រហូតដល់ម៉ោង១៧និង៣០នាទី ថ្ងៃដដែល ក្រុមគ្រួសារមិនឃើញទៅផ្ទះ ក៏ដើររកដល់វត្តជ្រោយអំពិល ឃើញកង់កុមារារងគ្រោះ ក៏មករាយការណ៍ប្តឹងសមត្ថកិច្ច។ […]

ព័ត៌មានសន្តិសុខសង្គម

ភ្លៀង​លាយឡំ​ខ្យល់​កន្ត្រាក់​ បណ្តាល​អោយ​ខូចខាត​ផ្ទះ​ពលរដ្ឋ​មួយ​ចំនួន​ក្នុង​ក្រុង​បាត់ដំបង​

បាត់ដំបង​ ៖​ នៅ​ថ្ងៃ​ទី​០៣​ ខែមេសា​ ឆ្នាំ​២០២១​ មាន​ករណី​ភ្លៀង​មួយ​មេ​លាយឡំ​ខ្យល់​កន្ត្រាក់​១​លើក​ លើ​៥​ក្រុង​ ស្រុក​ ក្នុង​ខេត្តបាត់ដំបង​ ។​ ​តាម​ការ​រាយការណ៍​ពី​សមត្ថកិច្ច​បានអោយ​ដឹង​ថា​ ក្រុង​ស្រុក​ដែល​រង​ផល​ប៉ះពាល់​ពី​ភ្លៀង​ធ្លាក់​ខ្យល់​កន្ត្រាក់​នេះ​រួម​មាន​ ក្រុង​បាត់ដំបង​ ស្រុក​សង្កែ​ ស្រុក​គាស់​ក្រឡ​ ស្រុក​ថ្មគោល​ និង​ស្រុក​បាណ​ន់​។​ គ្រោះ​ធម្មជាតិ​នេះ​បណ្តាល​អោយ​ខូចខាត​ផ្ទះ​ពលរដ្ឋ​សរុប​ជា​រួម​ចំនួន​ ៥៧​ខ្នង​ ។​ ដោយឡែក​ស្រុក​បាណ​ន់​មាន​ករណី​ភ្លៀង​ធ្លាក់​រន្ទះបាញ់​បណ្តាល​ឲ្យ​ស្លាប់​គោ​ ចំនួន​០២​ក្បាល​ផង​ដែរ​។​ ​បច្ចុប្បន្ន​ កម្លាំង​នគរបាល​ក្រុង​ស្រុក​បាន​ចុះ​ធ្វើការ​ត្រួតពិនិត្យ​និង​រៀបចំ​សណ្តាប់ធ្នាប់​ជូន​ម្ចាស់ផ្ទះ​ឡើង​វិញ​៕

ព័ត៌មានសន្តិសុខសង្គម

អនុ​ភូមិ​បាន​បើក​ម៉ូតូ​បុក​ដើម​ត្រ​សេក​ បណ្តាល​ឲ្យ​ដួល​បោក​ស្លាប់​នៅ​កន្លែង​កើតហេតុ​

បន្ទាយ​មាន​ជ័យ​ ៖​ សាកសព​បុរស​ម្នាក់​ត្រូវ​បាន​គេ​ប្រទះ​ឃើញ​នៅ​ក្បែរ​ផ្លូវលំ​ ដែល​គេ​សង្ស័យ​ស្រវឹងស្រា​បើក​ម៉ូតូ​បុក​ដើមឈើ​នៅ​ក្បែរ​ចិញ្ចើម​ផ្លូវ​បណ្តាល​ឲ្យ​ដួល​បោក​ ។​ ​ហេតុការណ៍​នេះ​បាន​កើ​ឡើង​នៅ​វេលា​ម៉ោង​១១​និង​៣០​នាទី​ព្រឹក​ ថ្ងៃ​ទី​០១​ ខែមេសា​ ឆ្នាំ​២០២១​ ត្រង់​ចំណុច​ខាងត្បូង​ផ្លូវ​ចូល​ភូមិ​ម៉ៅ​ប្រហែល​២៥០​ម៉ែត្រ​ ស្ថិត​ក្នុងភូមិ​ផ្គាំ​ ឃុំ​ផ្គាំ​ ស្រុក​ស្វាយចេក​ ខេត្តបន្ទាយមានជ័យ​ ។​ ​ ​ប្រភព​ព័ត៌មាន​ពី​នគរបាល​មូលដ្ឋាន​ បាន​ឲ្យ​ដឹង​ថា​ ជន​រង​គ្រោះ​ឈ្មោះ​ យឹ​ម​ ព្លឿ​ន​ ភេទ​ ប្រុស​ អាយុ​៦០​ឆ្នាំ​ ជា​អនុ​ភូមិ​អំពិល​ មាន​ទីលំនៅ​ភូមិ​អំពិល​ ឃុំ​ផ្គាំ​ ស្រុក​ស្វាយចេក​ ខេត្តបន្ទាយមានជ័យ​ ។​ ​ ​ប្រភព​ដដែល​បាន​បញ្ជាក់​ថា​ ជន​រង​គ្រោះ​បាន​បើក​ម៉ូតូ​ម៉ាក​ហុងដា​ សេ​១២៥​ ស៊េរី​ឆ្នាំ​២០១៨​ ពាក់​ស្លាក​លេខ​ បន្ទាយ​មាន​ជ័យ​ 1T-6290​ បើកបរ​ពី​ជើង​ទៅ​ត្បូង​ ។​ លុះដល់​ចំណុច​កើតហេតុ​អាច​រេ​ចង្កូត​ទៅ​បុក​ដើម​ត្រ​សេក​បណ្តាល​ឲ្យ​ដួល​បាក់​ក​ស្លាប់​នៅ​នឹង​កន្លែង​ ។​ ជន​រង​គ្រោះ​សង្ស័យ​បើកបរ​ក្នុង​ស្ថានភាព​ស្រវឹង​ ។​ ​បច្ចុប្បន្ន​ សព​ត្រូវ​បាន​ប្រគល់​ជូន​ក្រុម​គ្រួសារ​យក​ទៅ​ចាត់ចែង​ធ្វើបុណ្យ​តាម​ប្រពៃណី​ ៕  

ព័ត៌មានសន្តិសុខសង្គម

រថយន្តដឹកស្រូវ បើកដល់ផ្លូវកោងដាច់ហ្វ្រាំងក្រឡាប់ បណ្តាលអោយមនុស្ស០៤នាក់ ស្លាប់បាត់បង់ជីវិត

បាត់ដំបង៖ មនុស្ស០៤នាក់ បានស្លាប់បាត់បង់ជីវិត កាលពីថ្ងៃទី៣០ ខែមីនា ឆ្នាំ២០២១ វេលាម៉ោង១៤និង០៥នាទី ត្រង់ចំណុចផ្លូវជាតិលេខ៥៩ ភូមិថ្នល់បត់ ឃុំអូររំដួល ស្រុកភ្នំព្រឹក ខេត្តបាត់ដំបង ។ យោងតាមរបាយការណ៍របស់សមត្ថកិច្ច បានឲ្យដឹងថា មានករណីគ្រោះថ្នាក់ចរាចរណ៍មួយកើតឡើងដែលបង្ករដោយខ្លួនឯង រថយន្តដឹកស្រូវ ម៉ាកហ៊ីយ៉ាន់ដាយ ពណ៌ទឹកប្រាក់ ពាក់ស្លាកលេខត្បូងឃ្មុំ 3A-0409 របស់ក្រុមហ៊ុន អក្សរ K បើកបរទិសដៅពីជើងទៅត្បូង ដល់ចំណុចកើតហេតុផ្លូវកោង រថយន្តបានដាច់ហ្វ្រាំងក្រឡាប់បណ្តាលឲ្យអ្នកបើកបរ និងអ្នករួមដំណើរស្លាប់ចំនួន០៤នាក់ (មិនស្គាល់អត្តសញ្ញាណកប់នៅក្រោមរថយន្ត) និងខូចខាតរថយន្ត១គ្រឿង។ ករណីនេះ កម្លាំងនគរបាលចរាចរណ៍ នៃអធិការដ្ឋាននគរបាលស្រុកភ្នំព្រឹក កំពុងចុះធ្វើកំណត់ហេតុនិងស្រាវជ្រាវសាវតាជនរងគ្រោះ។ សមត្ថកិច្ចបានធ្វើការលើកស្ទូចរថយន្ត យកមករក្សាទុកនៅអធិការដ្ឋាននគរបាលស្រុកភ្នំព្រឹក រង់ចាំចំណាត់ការបន្តតាមផ្លូវច្បាប់៕

ព័ត៌មានសន្តិសុខសង្គម

ខឹងនិងបងស្រីស្តីបន្ទោស ក្មេងប្រុសម្នាក់បានបញ្ចប់ជីវិតខ្លួនឯងដោយធ្វើអត្តឃាតសម្លាប់ខ្លួន

បន្ទាយមានជ័យ៖ ក្មេងប្រុសម្នាក់អាយុ១២ឆ្នាំ បានបញ្ចប់ជីវិតខ្លួនឯងដោយចង.ក ធ្វើអត្តឃាត បង្កឲ្យមានការភ្ញាក់ផ្អើលនៅវេលាម៉ោង០២រសៀល កាលពីថ្ងៃទី៣០ ខែមីនា ឆ្នាំ២០២១ ព្រោះតែខឹងនិងបងស្រីស្តីបន្ទោសនិងទះកំផ្លៀងពីរបីដៃ។ ហេតុការណ៍នេះបានកើតឡើង នៅភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។ តាមប្រភពព័ត៌មានរបស់នគរបាលក្រុងសិរីសោភ័ណ បានឲ្យដឹងថា ក្មេងប្រុសដែលធ្វើអត្តឃាតខ្លួនឯងឈ្មោះ រឿន បញ្ញា អាយុ ១២ឆ្នាំ នៅភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។ នៅមុនពេលកើតហេតុ ក្មេងប្រុសនេះ បានខឹងនិងបងស្រីស្តីបន្ទោស និងបានទះកំផ្លៀងចំនួន២ទៅ៣ដៃ រួចក៏បានយកខ្សែរនីឡុងកាវសម្រាប់ចងមងប្រវែងប្រហែលជិត៣ម៉ែត្រ រត់ទៅចងកហ្នឹងដើមអាកាស្យាកំពស់ប្រហែល២ម៉ែត្រកន្លះពីរដី ចំងាយពីផ្ទះប្រហែល១៣០ម៉ែត្រ (ខាងកើតផ្ទះក្នុងកម្ពោតព្រៃ) ។ ភ្លាមៗនោះដោយមានការមិនទុកចិត្ត បងប្អូនក៏បានដើរតាមរកក៏ប្រទះឃើញកុមារ៉ានេះបានចង.ក រួចទៅហើយ បន្ទាប់មកបាននាំគ្នាធ្វើការសង្គ្រោះដឹកយកទៅមន្ទីពេទ្យបង្អែកសិរីសោភ័ណ ពេលទៅដល់គ្រូពេទ្យបានពិនិត្យឃើញថាជនរងគ្រោះបានបាត់បង់ជីវិតទៅហើយ រួចក៏បានដឹកសពត្រឡប់មកផ្ទះវិញ ។ ប្រភពដដែលបានបញ្ជាក់ថា៖ ក្មេងប្រុសរូបនេះ កន្លងមកតែងតែគម្រាមក្រុមគ្រួសារពីចង់ចង.ក សម្លាប់ខ្លួន ពេលគេខឹងម្តងៗ សពត្រូវបានប្រគល់ឲ្យក្រុមគ្រួសាររៀបចំធ្វើបុណ្យតាមប្រពៃណី បន្ទាប់ពីពិនិត្យនិងធ្វើកោសល្យវិច្ច័យរួច ៕