ព័ត៌មានសន្តិសុខសង្គម ព័ត៌មានស៊ើបអង្កេត

សម្ដេចតេជោ ហ៊ុន សែន អញ្ជើញទទួលព្រះរាជដំណើរយាងនិវត្តន៍របស់ព្រះមហាក្សត្រ និងសម្តេចម៉ែ យាងពីទីក្រុងប៉េកាំង ប្រទេសចិន

នៅរសៀល ថ្ងៃព្រហស្បតិ៍​ ទី២៩ ខែកញ្ញា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញទទួលព្រះរាជដំណើរព្រះករុណា ព្រះបាទ​សម្តេច​ ព្រះបរមនាថ នរោត្តម សីហមុនី ព្រះមហាក្សត្រ​ នៃ​ព្រះរាជាណាចក្រ​កម្ពុជា និងសម្តេចម៉ែ ព្រះមហាក្សត្រី នរោត្តម មុនីនាថ សីហនុ យាងនិវត្តន៍ពីទីក្រុងប៉េកាំងប្រទេសចិន ក្នុងព្រះរាជសកម្មភាពដើម្បីពិនិត្យព្រះរាជសុខភាព។ សូមព្រះអង្គទ្រង់ប្រកបដោយព្រះពលានុភាពខ្លាំងក្លា ព្រះបញ្ញាញាណវាងវៃ ព្រះរាជសុខភាពល្អបរិបូណ៌ ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំ ដល់ប្រជានុរាស្ត្រគ្រប់រូប រស់នៅក្នុងសុខសន្តិភាព តរៀងទៅ៕

ព័ត៌មានសន្តិសុខសង្គម ព័ត៌មានស៊ើបអង្កេត

ប្រេងឆៅជិត ៣០ម៉ឺនបារ៉ែល ឬស្មើជិត ៤៧លានលីត្រត្រូវបានក្រសួងរ៉ែ និងថាមពល សម្រេចចរចារគ្នាដើម្បីបញ្ចប់រឿង

ភ្នំពេញ៖ ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល បានឲ្យដឹងថា ក្រោយពីកម្ពុជាយើងបានប្តឹងក្រុមហ៊ុន ដែលបានដឹកប្រេងចេញ ដោយបានរត់ចូលប្រទេសជាច្រើនក្នុងតំបន់អាស៊ី ដោយកម្ពុជាយើង បានព្យា​យាមស្វះស្វែងរកការអន្តរាគមន៍នានា តាមរយៈផ្លូវច្បាប់ ទោះបីជាមានភាពស្មុគស្មាញក៏ដោយ ប៉ុន្តែប៉ុន្មានថ្ងៃមុននេះ យើងបានសម្រេចបញ្ចប់រឿងនេះ ដោយធ្វើការចរចារគ្នាលក់ប្រេងចែកគ្នា។ នៅថ្ងៃទី២៨ ខែកញ្ញា ឆ្នាំ២០២២ នាសាលាខេត្តកែប ឯកឧត្តម ស៊ុយ សែម បានថ្លែង ថា ប្រេងឆៅចំនួនជិត ៣០ម៉ឺនបារ៉ែល ឬស្មើជិត ៤៧លានលីត្រ ត្រូវបានគេលួចដឹកចេញពីកម្ពុជាតាមរយៈកប៉ាល់ MT Strovolous ដែលក្រុមហ៊ុន Kris Energy បានជួលសម្រាប់ធ្វើការស្តុកប្រេង កាលពីពាក់កណ្ដាលឆ្នាំមុន ពេលនេះត្រូវបានក្រសួងរ៉ែ និងថាមពល បានម្រេចការចរចារគ្នាដើម្បីបញ្ចប់រឿងជាមួយក្រុមហ៊ុនកប៉ាល់ដែលបានដឹកចេញរួចហើយ ដោយកម្ពុជាទទួលបាន ៧០% នៃតម្លៃប្រេងសរុប។ ឯកឧត្តមរដ្ឋមន្ត្រី បានបញ្ជាក់ថា៖ «ទីបំផុតទៅឈប់ប្តឹងឈប់ផ្តល់ យកប្រឹងហ្នឹងមកលក់ចែកគ្នា ឥឡូវព្រមព្រៀងគ្នា លក់ប្រេងចែកគ្នា។ ឥឡូវលក់ចែកគ្នារួចហើយ លក់បានប៉ុន្មានថ្ងៃមុននេះ! អស់លុយម៉ាកំភ្លោះ គ្មានតែមេធាវីតាមប្តឹង ហើយនឹងចរចា […]

ព័ត៌មានសន្តិសុខសង្គម ព័ត៌មានស៊ើបអង្កេត

ផ្លូវកប់ស្រូវពីស្ពានព្រែកព្នៅ ឆ្ពោះទៅ​ផ្លូវជាតិលេខ៤) នៅត្រង់ចំណុចខាងជើងសាលាកូរ៉េ ជាប់នឹងក្លោងទ្វាវត្តពួនភ្នំ ប្រយ័ត្នៗផងបងប្អូន​ប៉ូលិស ចុះ​ចាប់​ល្បឿន 40km/h

ភ្នំពេញ៖ថ្មីៗនេះ មានពលរដ្ឋជាច្រើន បានធ្វើការរិះគន់ ទាក់ទងករណីប៉ូលិសចុះចាប់រថយន្តបើកក្នុងល្បឿន 40km/h ស្ថិតនៅតាមបណ្តោយផ្លូវទំនប់កប់ស្រូវ (ពីស្ពានព្រែកព្នៅ ឆ្ពោះទៅ​ផ្លូវជាតិលេខ៤) គឺនៅត្រង់ចំណុចខាងជើងសាលាកូរ៉េ ជាប់នឹងក្លោងទ្វាវត្តពួនភ្នំ (សង្កាត់សំរោងក្រោម ខណ្ឌពោធិ៍សែនជ័យ)។ ក្នុងនោះ ពលរដ្ឋម្នាក់បានបង្ហោះសម្តែងការហួសចិត្តបែបនេះថា៖ «សូមប្រជា​ពលរដ្ឋ​ដែលធ្វើ​ដែលធ្វើ​ដំណើរមកពីស្រុកកំណើតវិញ​តាមផ្លូវទំនប់កប់ស្រូវ​ពីស្ពានព្រែកព្នៅ ​ឆ្ពោះទៅ​ផ្លូវជាតិលេខ​4 សូមប្រុងប្រយ័ត្ន​ត្រង់ចំណុច​ជិតសាលា​កូរ៉េ​ មានប៉ូលិសចរាចរណ៍ចាប់ល្បឿន​40 ​ហើយក៏សូមអោយក្រសួងមានសមត្ថកិច្ចពិនិត្យ​និងពិចារណា​ឡើងវិញ​ព្រោះ​ផ្លូវនេះ​ មិនមែនជា​ទីប្រជុំជន ផ្លូវធំទូលាយ​ហើយផ្លាកសញ្ញា ទើបតែ​ដាក់ថ្មីៗប៉ុណ្ណោះ»។ ទោះជាយ៉ាងណា ប្រជាពលរដ្ឋដែលបានស្គាល់ពីស្ថានភាពផ្លូវនេះច្បាស់ ដែលមានឡានតូចធំ បើកលឿនៗ មិនស្គាល់ថាជាទីកន្លែងសាលារៀន ឬ ទីកន្លែងឆ្លងផ្លូវ បានគាំទ្រប៉ូលិសចុះចាប់។ ក្នុងនោះ មិនថាអ្នកនៅរស់នៅទីនោះ ឬធ្វើដំណើរឆ្លងកាត់ ដែលក្តៅក្រហាយជាពិសេសទៅនឹងពពួកឡានធំៗ បានលើកឡើងបែបនេះថា «មែនទីប្រជុំជន តែខាងមុខមានសាលារៀន ម៉ាអាខ្លះបើកគ្មានដឹងខ្យល់អី ដូចប្រញាប់ទៅងាប់ អោយចាប់ចឹងចុះ, ផ្លូវហ្នឹងល្មមសមចាប់ល្បឿនហើយ បើបើកដូចហោះ បុកស្លាប់រហូត, មិនចេះតែថាទេ ខ្ញុំខ្លាចផ្លូវហ្នឹណាស់ឡានបើកលឿនៗ, មែនតេី​សូម្បីតែខ្ញុំអ្នកនៅហ្នឹង ក៏ខ្ញុំមិនសូវដែលហ៑ានជិះដែរផ្លូវហ្នឹង មានគ្រោះថ្នាក់ម្តងៗភាគតិចណាស់ដែលរស់ ផ្លូវហ្នឹងជេីងកបសាហាវ,…»។តែទោះជាយ៉ាងណា សម្រាប់ការចាប់ផាកពិន័យ ក្នុងល្បឿនត្រឹម 40khm/h បែបនេះ ពលរដ្ឋដែលមិនពេញចិត្តបានរិះគន់ថា តិចទៀត […]

ព័ត៌មានសន្តិសុខសង្គម ព័ត៌មានស៊ើបអង្កេត

សម្តេចតេជោ ហ៊ុន សែន អញ្ជើញជាអធិបតីប្រារព្ធ «វេទិកាអន្តរសាសនាប្រឆាំងការជួញដូរមនុស្សលើកទី៦»

នៅព្រឹក ថ្ងៃព្រហស្បតិ៍​ ៤កើត ខែអស្សុជ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៩ ខែកញ្ញា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន បានអញ្ជើញជាអធិបតីប្រារព្ធក្នុង «វេទិកាអន្តរសាសនាប្រឆាំងការជួញដូរមនុស្សលើកទី៦» ក្រោមប្រធានបទ ” សូមកុំយកកម្ពុជាធ្វើជាគោលដៅប្រព្រឹត្តអំពើជួញដូរមនុស្ស”។ ពិធីនេះ បានប្រារព្ធធ្វើឡើងនៅមជ្ឈមណ្ឌលពាណិជ្ជកម្ម និងពិព័ណជ្រោយចង្វារ (OCIC)។ តាមរបាយការណ៍ របស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអោយដឹងថា កម្មវិធីនេះ គឺជាការបង្ហាញនូវភាពសុខដុមរមនា នៃសាសនានៅកម្ពុជា ដែលតែងតែឯកភាព សហការ គាំទ្រគ្នាទៅវិញទៅមក ដោយភាពទន់ភ្លន់ មិនមានទំនាស់ មិនប្រទូស្តរាយគ្នា មិនបង្កឱ្យមានការបែកបាក់ និងគ្រោះមហន្តរាយក្នុងសង្គម។ភាពសុខុដុម នៃសាសនា បានដើរតួជាគន្លឹះក្នុងការកសាងនូវសន្តិភាពផ្លូវចិត្ត របស់បុគ្គល និងសន្តិសុខសង្គម ព្រមទាំងជួយពង្រឹងស្មារតី មនុស្សគ្រប់រូបឲ្យរឹងប៉ឹង រួមគ្នាតស៊ូ ជម្នះនឹងការញុះញង់ អូសទាញ ដែលជាល្បិចកលឧក្រិដ្ឋជនជួញដូរមនុស្ស។ កម្មវិធីវេទិកាអន្តរសាសនា […]

ព័ត៌មានសន្តិសុខសង្គម ព័ត៌មានស៊ើបអង្កេត

សម្តេចតេជោ ហ៊ុន សែន ដឹកនាំគណៈប្រតិភូធ្វើមាតុភូមិនិវត្តន៍មកដល់កម្ពុជសវិញហើយ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញដឹកនាំគណៈប្រតិភូជាន់ខ្ពស់រាជរដ្ឋាភិបាល មាតុភូមិនិវត្តន៍មកប្រទេសកម្ពុជាវិញហើយ នៅរសៀលថ្ងៃទី២៨ ខែកញ្ញា ឆ្នាំ២០២២ បន្ទាប់ពីចូលរួមមហាសន្និបាតអង្គការសហប្រជាជាតិលើកទី៧៧ នៅសហរដ្ឋអាមេរិក, បំពេញទស្សនកិច្ចផ្លូវការនៅសាធារណរដ្ឋគុយបា និងចូលរួមពិធីបុណ្យសពថ្នាក់ជាតិរបស់ លោក អាបេ ស៊ីនហ្សូ អតីតនាយករដ្ឋមន្ត្រីជប៉ុនពីថ្ងៃទី២១ដល់ថ្ងៃ២៨ ខែកញ្ញាឆ្នាំ២០២២។ គួរបញ្ជាក់ថា សម្តេចតេជោ ហ៊ុន សែន នាយករដ្ឋមន្ត្រី បានបំពេញបេសកកម្មនៅក្រៅប្រទេសរយៈពេលពេញមួយសប្តាហ៍កន្លងទៅនេះ គឺទទួលបានលទ្ធផលជាផ្លែផ្កាយ៉ាងត្រចះត្រចង់សម្រាប់ជាតិមាតុភូមិ។ ក្នុងនោះ ទាក់ទងទៅនឹងសម័យប្រជុំលើកទី៧៧ នៃកិច្ចពិភាក្សាទូទៅ របស់មហាសន្និបាតអង្គការសហប្រជាជាតិ សម្ដេចតេជោនាយករដ្ឋមន្ត្រី បានអញ្ជើញធ្វើសេចក្តីថ្លែងការណ៍ជាតិរបស់កម្ពុជា នៅក្នុងកិច្ចពិភាក្សាទូទៅរបស់មហាសន្និបាតអង្គការសហប្រជាជាតិ។ បទអន្តរាគមន៍នេះ បានផ្តោតលើតួនាទីស្ថាបនារបស់កម្ពុជាក្នុងការគាំទ្រពហុភាគីនិយមផ្អែកលើគោលការណ៍ច្បាប់ ការរួមសហការគ្នាប្រយុទ្ធប្រឆាំងនឹងការគំរាមកំហែង ផ្នែកសន្តិសុខជាសកលដែលកំពុងបន្តកើតមាន ការប្រែប្រួលអាកាសធាតុ ការពង្រឹងប្រព័ន្ធពាណិជ្ជកម្មពហុភាគី គោលនយោបាយឌីជីថលនិងសេដ្ឋកិច្ចបៃតង ព្រមទាំងការធ្វើជាប្រធានអាស៊ានរបស់កម្ពុជា និងខិតខំប្រឹងប្រែងរបស់កម្ពុជាក្នុងការកាត់បន្ថយផលប៉ះពាល់នៃជំងឺរាតត្បាតកូវីដ-១៩ និងការរក្សាបាននូវនិរន្តរភាពនៃកំណើនសេដ្ឋកិច្ច-សង្គមយូរអង្វែង។ ក្នុងអំឡុងពេលស្នាក់នៅទីក្រុងញូវយ៉ក សម្តេចតេជោនាយករដ្ឋមន្ត្រី ក៏បានជួបជាបន្តបន្ទាប់គ្នា ជាមួយថ្នាក់ដឹកនាំអង្គការសហប្រជាជាតិ ថ្នាក់ដឹកនាំក្រុមប្រឹក្សាអឺរ៉ុប និងថ្នាក់ដឹកនាំសំខាន់ៗជាច្រើនទៀតផងដែរ។ សម្រាប់ដំណើរបំពេញទស្សនកិច្ចទៅកាន់ប្រទេសគុយបា សម្ដេចតេជោ បានទទួលជួបជាមួយថ្នាក់ដឹកនាំរបស់ប្រទេសគុយបាសំខាន់ៗដូចជា ឯកឧត្តមប្រធានាធិបតីគុយបា ប្រធានរដ្ឋសភាគុយបា និងថ្នាក់ដឹកនាំសំខាន់ៗជាច្រើនទៀត រួមទាំងការចុះហត្ថលេខាលើឯកសារសំខាន់ចំនួន០៣ […]

ព័ត៌មានសន្តិសុខសង្គម ព័ត៌មានស៊ើបអង្កេត

ពលរដ្ឋជាច្រើនពាន់នាក់ត្អូញត្អែរពីក្រុមហ៊ុន អេកូឡូខល់ សឺលូសិន ចុះប្រមូលសំរាមយឺតយ៉ាវបង្កឱ្យមានធំក្លិនស្អុយប៉ះពាល់ដល់សុខភាព និងសណ្តាប់ធ្នាប់

កោះកុង៖ ប្រជាពលរដ្ឋរស់នៅក្នុងភូមិចាំយាម ឃុំប៉ាក់ខ្លង ស្រុកមណ្ឌលសីមា ត្អូញត្អែរតាមបណ្តាញសង្គមហ្វេសប៊ុក ករណីក្រុមហ៊ុន អេកូឡូខល់ សឺលូសិន ចុះប្រមូលសំរាមយឺតយ៉ាវបង្កឱ្យមានធំក្លិនស្អុយប៉ះពាល់ដល់សុខភាព និងសណ្តាប់ធ្នាប់។ ពលរដ្ឋម្នាក់ក្នុងចំណោមពលរដ្ឋជាច្រើនពាន់នាក់ នៅភូមិចាំយាម លោក ហុង ពៅ បានលើកឡើងតាម​ហ្វេសប៊ុក​កាលពីថ្ងៃទី២៧ ខែកញ្ញា ថា ក្រុមហ៊ុនមកយកលុយ ខែសីហា តែមកដល់ពេលនេះថ្ងៃ២៧ ខែកញ្ញា ឆ្នាំ២០២២ មិនទាន់ឃើញក្រុមហ៊ុនមកយកសំរាម បង្កឱ្យមានក្លិនស្អុយ ហើយនៅតំបន់នេះ មានក្មេងតូចៗក៏ច្រើន។ លោកបញ្ជាក់ថា កាកសំណល់សំរាមទាំងនេះ ត្រូវបានក្រុមហ៊ុនខកខានប្រមូលជិត១ខែទៅហើយ។ លោក ហុង ពៅ បន្ថែមថា ក្នុងនាមលោកជាប្រជាពលរដ្ឋ សំណូមពររដ្ឋបាលសាលាស្រុក ជួយកំណត់ក្រុមហ៊ុន​ប្រមូលសំរាមយកក្នុងមួយសប្តាហ៍ឱ្យបាន២ដងយ៉ាងតិច កុំទុកយូរពេកនាំជះក្លិនស្អុយ ប៉ះពាល់ដល់បរិស្ថាន និងសុខភាពរបស់ប្រជាពលរដ្ឋ។ ទាក់ទិននឹងបញ្ហានេះដែរ ត្រូវបានលោក ប៉ែន ប៊ុនឈួយ អភិបាលរងស្រុកមណ្ឌលសីមា ឆ្លើយតបថា លោកកំពុង​ជំរុញឱ្យក្រុមហ៊ុន ពន្លឿនការចុះប្រមូលសំរាមដែលកកស្ទុះនៅមុខខ្នងផ្ទះប្រជាពលរដ្ឋ ឬទីសាធារណៈ គ្រាដែល​ក្រុមហ៊ុននេះ ទើបតែចូលមកវិនិយោគប្រមូលសំរាម។ លោកអភិបាលរងស្រុកមណ្ឌលសីមា និយាយណែនាំដល់តំណាងក្រុមហ៊ុនទៀតថា ធ្វើយ៉ាងកុំឱ្យខូចឈ្មោះក្រុមហ៊ុន អេកូឡូខល់ […]

ព័ត៌មានសន្តិសុខសង្គម ព័ត៌មានស៊ើបអង្កេត

ថ្នាក់ដឹកនាំក្រសួងនិងមន្ត្រីជំនាញពាក់ព័ន្ធចុះដល់ទីតាំងផ្ទាល់ ទទួលយកនូវមូលហេតុពិភាក្សា រកដំណោះស្រាយសមស្របមួយរវាងក្រុមហ៊ុននិងប្រជាពលរដ្ឋបញ្ឈប់នូវសកម្មភាពកាត់របងបន្លាលួស

ភ្នំពេញ៖ផ្លូវល្បឿនលឿនភ្នំពេញ-ព្រះសីហនុ៖ ដោយមិនបង្អែរបង្អង់យូរ មន្រ្តីជំនាញបានចុះទៅពិនិត្យ ពន្យល់ណែនាំ និងស្វែងរកដំណោះស្រាយជូនបងប្អូនប្រជាពលរដ្ឋ ដែលរស់នៅតាមបណ្តោយផ្លូវល្បឿនលឿន ភ្នំពេញ-ក្រុងព្រះសីហនុ ជុំវិញករណីកាត់របងបន្លាលួសដើម្បីធ្វើដំណើរឆ្លងកាត់ចូលអាស្រ័យផល និងលែងសត្វពាហនៈជាដើម។ នៅព្រឹកថ្ងៃពុធ ទី២៨ ខែកញ្ញា ឆ្នាំ២០២២ ថ្នាក់ដឹកនាំក្រសួងសាធារណការ និងដឹកជញ្ជូន ដឹកនាំដោយឯកឧត្តម ស៊ឹង សុគង់ អនុរដ្ឋលេខាធិការ អមដោយមន្ត្រីជំនាញពាក់ព័ន្ធ ព្រមទាំងអ្នកតំណាងក្រុមហ៊ុនផ្លូវល្បឿនលឿន ភ្នំពេញ-ក្រុងព្រះសីហនុ (PPSHV Expressway Cambodia Co.,Ltd) បានអញ្ជើញចុះពិនិត្យទីតាំង ដែលទទួលរងការកាត់របងបន្លាលួសការពារផ្លូវ ជាហេតុធ្វើឱ្យមានបញ្ហាមួយចំនួនបានកើតឡើងនាពេលថ្មីៗនេះ។ ទាក់ទងនឹងករណីនេះដែរ ថ្នាក់ដឹកនាំ និងមន្ត្រីជំនាញពាក់ព័ន្ធបានចុះទៅដល់ទីតាំងផ្ទាល់ ហើយធ្វើការពន្យល់ណែនាំដល់បងប្អូនប្រជាពលរដ្ឋឱ្យបញ្ឈប់នូវសកម្មភាពកាត់របងបន្លាលួសនេះបន្តទៀត ព្រោះវាគឺជាទង្វើមួយដែលមិនត្រឹមត្រូវ និងអាចបង្ករគ្រោះថ្នាក់យ៉ាងធ្ងន់ធ្ងរដល់ការធ្វើចរាចរណ៍លើផ្លូវល្បឿនលឿនបាន។ ក្នុងការចុះពិនិត្យ និងណែនាំដល់ប្រជាពលរដ្ឋនេះ ថ្នាក់ដឹកនាំក្រសួងក៏បានទទួលយកនូវមូលហេតុដែលប្រជាពលរដ្ឋបានលើកឡើង យកមកពិចារណា និងធ្វើពិភាក្សាជាមួយក្រុមហ៊ុនសាងសង់ក្នុងការស្វែងរកដំណោះស្រាយសមស្របមួយរវាងក្រុមហ៊ុន និងប្រជាពលរដ្ឋផងដែរ។ នៅក្នុងស្មារតីដោះស្រាយជូនប្រជាពលរដ្ឋ ភាគីក្រសួង និងក្រុមហ៊ុនបានឯកភាពជួយសម្រួលឈូសឆាយផ្លូវដែលមានស្រាប់ជូនពួកគាត់និងបានធ្វើការណែនាំពីផលប៉ះពាល់នៃគ្រោះថ្នាក់ចរាចរណ៍ ដែលអាចឆក់យកអាយុជីវិតពួកគាត់ផង និងអ្នកធ្វើដំណើរតាមផ្លូវផង។ សូមជម្រាបថា៖ ពាក់ព័ន្ធនឹងបញ្ហាប្រជាពលរដ្ឋនាំគ្នាកាត់បន្លាលួសសង្ខាងផ្លូវល្បឿនលឿន ដែលទុកសម្រាប់ទប់ស្កាត់កុំឱ្យមានសត្វពាហនៈឆ្លងកាត់នេះ ឯកឧត្តមទេសរដ្ឋមន្រ្តី ស៊ុន ចាន់ថុល ក៏ធ្លាប់បានអំពាវនាវទៅកាន់អាជ្ញាធរមូលដ្ឋាន ដើម្បីចូលរួមអប់រំណែនាំដល់ប្រជាពលរដ្ឋឱ្យពួកគាត់បានយល់ និងបញ្ឈប់សកម្មភាពនេះបន្តទៀត។ […]

ព័ត៌មានសន្តិសុខសង្គម ព័ត៌មានស៊ើបអង្កេត

ដំណឹងល្អ ក្រុមគ្រូពេទ្យមកពីអូស្ត្រាលីព្យាបាលជំងឺភ្នែកជូនកុមារ ចាប់ពីថ្ងៃទី០៣ រហូតដល់ ថ្ងៃទី០៦ ខែតុលាឆ្នាំ២០២២

ភ្នំពេញ៖នៅដើមខែក្រោយនេះ ផ្នែកចក្ខុរោគ នៃមន្ទីរពេទ្យមិត្តភាពខ្មែរ-សូវៀត សហការជាមួយកម្មវិធីជាតិសុខភាពភ្នែក និងក្រុមគ្រូពេទ្យមកពីប្រទេសអូស្ត្រាលី នឹងផ្ដល់ជូនការពិនិត្យ និងព្យាបាលជំងឺភ្នែកកុមារ ចាប់ពីថ្ងៃទី០៣ រហូតដល់ ថ្ងៃទី០៦ ខែតុលា ឆ្នាំ២០២២។ យោងតាមសេចក្តីជូនដំណឹងរបស់មន្ទីរពេទ្យមិត្តភាពខ្មែរ-សូវៀត ដែលទើបទទួលបាននៅរសៀលថ្ងៃទី២៨កញ្ញា នេះបានឱ្យណែនាំដល់ប្រជាពលរដ្ឋដែលមានកូនចៅមានបញ្ហាជំងឺសូមអញ្ជើញនាំកុមារមកពិនិត្យ និងព្យាបាលភ្នែកទៅតាម កាលកំណត់ខាងលើ។ គួរបញ្ជាក់ថា កាលពីថ្ងៃទី១ដល់ថ្ងៃទី៣ ខែកញ្ញា ឆ្នាំ២០២២កន្លងទៅនេះ ផ្នែកចក្ខុរោគនៃមន្ទីរពេទ្យមិត្តភាពខ្មែរសូវៀតបានសហការជាមួយកម្មវិធីជាតិសុខភាពភ្នែក និងក្រុមគ្រូពេទ្យមកពីសហរដ្ឋអាមេរិក នឹងផ្ដល់ការពិនិត្យនិងព្យាបាលជំងឺភ្នែកមួយចំនួនជូនដល់ប្រជាពលរដ្ឋកម្ពុជាដូចជា ជំងឺសសៃបាតភ្នែក ជំងឺសរសៃប្រសាទភ្នែក ជំងឺទឹកដល់បាតភ្នែក ជំងឺសាច់ដុំក្នុងភ្នែក និងត្របកភ្នែក និងជំងឺស្ទះរន្ធទឹកភ្នែក៕

ព័ត៌មានសន្តិសុខសង្គម ព័ត៌មានស៊ើបអង្កេត

សម្តេចតេជោ ហ៊ុន សែន អញ្ជើញក្នុងពិធីបុណ្យសពថ្នាក់ជាតិ ឯកឧត្តម អាបេ ស៊ិនហ្សូ អតីតនាយករដ្ឋមន្រ្តីជប៉ុន

នៅរសៀលថ្ងៃទី ២៧ ខែកញ្ញា ឆ្នាំ២០២២ ពិធីបុណ្យសពថ្នាក់ជាតិជូនឯកឧត្តម អាបេ ស៊ីនហ្សូ អតីតនាយករដ្ឋមន្ត្រីជប៉ុន បានចាប់ផ្តើមរៀបចំឡើងនៅសាល Nippon Budokan តាមបែបបទប្រពៃណី និងសាសនាជប៉ុន និងត្រូវបានផ្តល់មហាកិត្តិយសជូនអំណោយពីប្រេសិតរបស់ព្រះចៅអធិរាជ និងព្រះរាជអគ្គមហេសី និងអតីតព្រះចៅអធិរាជ និងព្រះរាជអគ្គមហេសី រួមនឹងការថ្វាយកម្រងផ្កាពីសមាជិកព្រះរាជវង្សានុវង្សជប៉ុន រួមនឹងមានការចូលរួមពីថ្នាក់ដឹកនាំជាប្រមុខរដ្ឋ/រដ្ឋាភិបាល អតីតមេដឹកនាំពិភពលោក ប្រមាណ ៥០រូប និងភ្ញៀវកិត្តិយសអន្តរជាតិ ប្រមាណ ៧០០នាក់ និងភ្ញៀវជាតិ សរុបទាំងអស់ប្រមាណ ៤ ៥០០ នាក់ បានអញ្ជើញមកចូលរួមគោរពវិញ្ញាណក្ខន្ធ និងពិធីបុណ្យសពថ្នាក់ជាតិដើម្បីលាគ្នាជាលើកចុងក្រោយ។ ជាគុណបំណាច់ចំពោះស្នាដៃ និងការចងចាំ ឯកឧត្តម អាបេ ជាអ្នកនយោបាយអភិរក្សនិយម ដែលត្រូវបានគេចងចាំចំពោះសមិទ្ធិផលគោលនយោបាយជាច្រើន ទាំងក្នុង និងក្រៅប្រទេស ទាំងការដឹកនាំពិភពលោក និងទំនាក់ទំនងដ៏កក់ក្តៅ ដែលឯកឧត្តមបានកសាងជាមួយមេដឹកនាំពិភពលោក កាលពីអតីតកាល និងបច្ចុប្បន្ន ។ លើសពីនោះ ឯកឧត្តម អាបេ ក៏ត្រូវបានគេចងចាំថា ជាបុគ្គល ដែលខ្វាយខ្វល់អំពីសុខុមាលភាពប្រជាជន-កម្មករ ស្ថិរភាពសង្គម និងសន្តិសុខជាតិរបស់ជប៉ុនជាដរាប បើទោះឯកឧត្តម […]

ព័ត៌មានសន្តិសុខសង្គម ព័ត៌មានស៊ើបអង្កេត

គម្រោងរថភ្លើងក្រោមដី ក្នុងរាជធានីភ្នំពេញ ខណៈគម្រោងនេះ ត្រូវបានបញ្ចប់ការសិក្សា

ភ្នំពេញ៖ ក្រសួងសាធារណការ និងដឹកជញ្ជូន បាន និងកំពុងស្វះស្វែងរកអ្នកវិនិយោគ ដើម្បីមកបណ្តាក់ទុន លើគម្រោងរថភ្លើងក្រោមដី ក្នុងរាជធានីភ្នំពេញ ខណៈគម្រោងនេះ ត្រូវបានបញ្ចប់ការសិក្សា រួចរាល់ស្ទើតែទាំងស្រុងហើយ។ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានឲ្យដឹងកាលពីថ្ងៃទី២១ កញ្ញា ឆ្នាំ២០២២ថា គម្រោងរថភ្លើងក្រោមដី នៅក្នុងរាជធានីភ្នំពេញនេះ បានបញ្ចប់ការសិក្សារួចរាល់ស្ទើតែទាំងស្រុងហើយ។ នៅពេលនេះ ក្រសួង បាន និងកំពុងស្វះស្វែងរកអ្នកវិនិយោគ ដើម្បីមកបណ្តាក់ទុនលើគម្រោងមួយនេះ។ ឯកឧត្តម បានបញ្ជាក់ថា “គម្រោងរថភ្លើងក្រោមដី ក្រុមហ៊ុនក៏បានសិក្សាចប់សព្វគ្រប់ដែរ។ ទីក្រុងមួយ ដែលមានប្រជាពលរដ្ឋជាង ២លាននាក់ យើងត្រូវការរទេះភ្លើង”។ ឯកឧត្តមបន្តថា “សម្តេចតេជោ ហ៊ុន សែន សម្រេចចិត្តជ្រើសរើសយកផ្លូវរថភ្លើងនៅក្រោមដី”។ “រហូតមកដល់ពេលនេះ ក្រសួងសាធារណការ និងដឹកជញ្ជូន សហការជាមួយក្រុមហ៊ុនCCCC បានបញ្ចប់ការសិក្សាលើគម្រោងមួយនេះរួចរាល់មួយផ្នែកធំហើយ ហើយក្រសួងបានផ្តល់ជាអនុសាសន៍ដល់ក្រុមហ៊ុន ដើម្បីកែសម្រួល”។ ឯកឧត្តម ស៊ុន ចាន់ថុល បានបន្ថែមថា ក្រសួងសាធារណការ និងដឹកជញ្ជូន បាននិងកំពុងតែស្វះស្វែងរកអ្នកវិនិយោគ ដើម្បីមកបណ្តាក់ទុន […]