ព័ត៌មាន ព័ត៌មានសន្តិសុខសង្គម ព័ត៌មានស៊ើបអង្កេត

ឯកឧត្តម វ៉ា ថន អភិបាលខេត្តក្រចេះចំណាយថវិការផ្ទាល់ខ្លួនសម្រេចទិញដីផ្តល់ជាសប្បទានជូនពលរដ្ធ​១៨គ្រួសារ រស់នៅលើដីចំណីផ្លូវ ជូនពួកគាត់ស្របច្បាប់

ក្រចេះ៖ ប្រជាពលរដ្ឋចំនួន ១៨គ្រួសារ ដែលបានតាំងលំនៅលើដីចំណីផ្លូវក្នុងសង្កាត់ក្រចេះ ក្រុងក្រចេះ រយៈពេលជិត ១០ ឆ្នាំកន្លងទៅ ឥឡូវនេះអាជ្ញាធរខេត្តក្រចេះ បានសម្រេចប្រគល់ដីជូនពួកគាត់ ដើម្បីផ្លាស់ប្ដូរលំនៅឋាន ជាកម្មសិទ្ធិស្របច្បាប់ ។ បើតាមអាជ្ញាធរមូលដ្ឋានបានឲ្យដឹងថា ការបែងចែកដីលំនៅដ្ឋានជូនប្រជាពលរដ្ឋទាំង ១៨គ្រួសារនេះ គឺជាការគិតគូរ និងយកចិត្តទុកដាក់ខ្ពស់របស់លោក វ៉ា ថន អភិបាលខេត្តក្រចេះ ដែលបានមើលឃើញពីទុក្ខលំបាករបស់ប្រជាពលរដ្ឋ ហើយបានចំណាយថវិការផ្ទាល់ខ្លួនស្វែងរកទីតាំងដីសម្រាប់ផ្ដល់ជូនបងប្អូន ដើម្បីតាំងលំនៅដ្ឋានឲ្យបានសមរម្យ មានសុវត្ថិភាព នៅជិតសាលារៀន មណ្ឌលសុខភាព និងផ្សារផងដែ ។ អាជ្ញាធរមូលដ្ឋានបញ្ជាក់ថា ដីដែលបងប្អូនប្រជាពលរដ្ឋទទួលបានពេលនេះមិនមែនជាដីសប្បទាននោះទេ គឺដីរបស់លោក វ៉ា ថន ចំណាយថវិកាផ្ទាល់ខ្លួនទិញជូនបងប្អូន ដោយ ១ក្នុងគ្រួសារ ទទួលបាន ៨ x ២០ម គឺមានទីតាំងស្ថិតនៅភូមិកាប៉ូ ១ សង្កាត់អូរឫស្សី ក្រុងក្រចេះ ខេត្តក្រចេះ ហើយនៅព្រឹកថ្ងៃទី ៨ ខែ សីហា ឆ្នាំ ២០២២ ម្សិលមិញនេះ អាជ្ញាធរក៏បានរៀបចំចាប់ឆ្នោតប្រគល់ដីជូនពួកគាត់រួចរាល់ហើយដែរ ។ […]

ព័ត៌មាន ព័ត៌មានសន្តិសុខសង្គម ព័ត៌មានស៊ើបអង្កេត

ក្រសួងប្រៃសណីយ៍និងទូរគមនាគមន៍​ ​ចាត់ក្រុមការងារចុះត្រួតពិនិត្យវឌ្ឍន៍ភាពការងារពង្រឹងគុណភាពសេវាទូរគមនាគមន៍នៅ បុរី​ ប៉េង​ ហួត​ និងស្វែងយល់ពីមតិយោបល់ប្រជាពលរដ្ឋ

រាជធានីភ្នំពេញ៖ នាថ្ងៃទី៣១ ខែកក្កដា ឆ្នាំ២០២២ លោក ជាប​ សត្ថារតន៍​ រដ្ឋលេខាធិការប្រចាំការ​ក្រសួងប្រៃសណីយ៍និងទូរគមនាគមន៍ បានដឹកនាំក្រុមការងាររបស់ក្រសួង និងនិយ័តករទូរគមនាគមន៍កម្ពុជា​ ចុះត្រួតពិនិត្យវឌ្ឍន៍ភាពការងារពង្រឹងគុណភាពសេវាទូរគមនាគមន៍នៅ បុរី ប៉េង​ ហួត​ ស្ថិតនៅសង្កាត់និរោធ ខណ្ឌច្បារអំពៅ រាជធានីភ្នំពេញ។ បន្ថែមលេីការងារបច្ចេកទេសដែលអ្នកជំនាញបានប្រេីឧបករណ៍វាស់ស្ទង់ជាបន្តបន្ទាប់​ ការចុះត្រួតពិនិត្យនេះ មានគោលបំណង ដើម្បីធ្វើការឈ្វេងយល់ពីការប្រែប្រួលនៃគុណភាពសេវាទូរសព្ទបន្ទាប់ពីបានសាងសង់ស្ថានីយអង់តែនបន្ថែមចំនួន​ ១៣បង្គោល​ ព្រមទាំងចាត់មន្ត្រី​ ៩៥រូប​ ដេីរសម្ភាសន៍ប្រជាពលរដ្ឋតាមផ្ទះនៅគ្រប់គម្រោង​ សំដៅជំរុញការដោះស្រាយបញ្ហាសេវាជូនប្រជាពលរដ្ឋឱ្យកាន់តែប្រសើរ តាមការចង្អុលបង្ហាញរបស់លោក ជា​ វ៉ាន់ដេត​ រដ្ឋមន្ត្រីក្រសួងប្រៃសណីយ៍និងទូរគមនាគមន៍។ នាឱកាសនោះដែរ ក្រុមហ៊ុន​ បុរី​ ប៉េង​ ហួត​ ក៏បាន សហការបញ្ជូនបុគ្គលិកទទួលបន្ទុកតាមគម្រោងនីមួយៗ​របស់ខ្លួនសម្របសម្រួលការចុះសម្ភាសន៍តាមផ្ទះក្នុងសិក្សាស្វែងយល់អំពីស្ថានភាព និងកត្តាកំពុងប្រឈមនានា ជំវិញការប្រើប្រាស់សេវាទូរសព្ទ​ និងអ៊ីនធឺណិត ដើម្បីជាធាតុចូលក្នុងការរៀបចំជាដំណោះស្រាយនៅតាមបុរីនានាផងដែរ។

ព័ត៌មាន ព័ត៌មានសន្តិសុខសង្គម

សម្តេចតេជោ ហ៊ុន សែន ធ្វើផ្លូវជាតិស្អាតជាសរសៃឈាមសេដ្ឋកិច្ច បែរជាជនខិលខូចដាក់កុងត្រូលចាំទារលុយដោយមិនចេះអៀនខ្មាស់

ខេត្តស្ទឹងត្រែង ៖ តាមប្រភពព័ត៌មានគួរឱ្យទុកចិត្តបានឱ្យដឹងថា នៅចំណុចហួសអូរពងមាន់បន្តិចចូលក្នុងទឹកដីខេត្តស្ទឹងត្រែង មានក្រុមកុងត្រូលដាក់ឆត្រចាំស្ទាក់រថយន្តទារលុយថ្លៃចំណត ។ កុងត្រូលនេះមិនខុសពីចាំតែយកលុយពីរថយន្តដឹកជញ្ជូនពីសំណាក់ជនស្លៀកពាក់ស៊ីវិល តែតាមពិតជាក្រុមសមត្ថកិច្ចដែលទៅឈរជើងសហការជាមួយអ្នកយកថ្លៃចំណតរថយន្តដែលគេឱ្យឈ្មោះថា ជាក្រុមជញ្ជក់ឈាម ។… អ្នកដឹកជញ្ជូនឆ្លងកាត់ផ្លូវជាតិទៅខេត្តរតនគិរីបានត្អូញត្អែរថា ត្រូវបានតម្រូវឱ្យបង់លុយ ទោះបីសួរថា តើលុយដែលទារបង់នេះជាលុយអី ? បើពន្ធផ្លូវបង់ហើយ តើត្រូវបង់អ្វីទៀត ។ អ្នកដឹកជញ្ជូនដដែលនិយាយថា ពិតជាអាក្រក់ណាស់ដែលអាជ្ញាធរខេត្តទុកឱ្យជនខិលខូចដាក់កុងត្រូលចាំទារលុយដោយមិនចេះអៀនខ្មាស់ ។ ពលរដ្ខនិយាយថា ផ្លូវជាតិដ៏ល្អស្អាតនេះសម្តេចតេជោ ហ៊ុន សែន ធ្វើសម្រាប់ពលរដ្ឋប្រើ្រប្រាស់ធ្វើដំណើរ ជាសរសៃឈាមសេដ្ឋកិច្ចក្នុងការដឹកជញ្ជូនកសិផលទៅកាន់ទីផ្សារ ឬទំនាក់ទំនងផ្សេងៗ ។ កុងត្រូលមួយនេះ ជញ្ជក់ឈាមយូរហើយ…ឱ ! ខេត្តស្ទឹងត្រែងអើយ…តើសាលាខេត្ត មានបានទទួលលាភសក្ការៈពីកុងត្រូលមួយនេះដែរទេ ? បើមានហុងស៊ុយ គួរទុកបន្តទៀតចុះ…ហេ ! ហេ ! ព័ត៌មានលម្អិតជុំវិញកុងត្រូលនេះនឹងផ្សាយជូនលម្អិតវគ្គក្រោយទៀត ៕  

ព័ត៌មាន ព័ត៌មានសន្តិសុខសង្គម ព័ត៌មានស៊ើបអង្កេត

Wow! ព្រោះគ្រាន់តែសក់មួយមុខសោះ  អស់ជាង១ពាន់ដុល្លារ ,ក្រដាសវិក្កយបត្រគិតលុយរបស់ហាងសាឡនមួយកន្លែងដោយម្នាក់ៗមានការហួសចិត្តព្រោះតម្លៃធ្វេីសក់មានតម្លៃថ្លៃកប់ពពក

ភ្នំពេញ៖ មានការភ្ញាក់ផ្អើលពេញបណ្តាញសង្គមមុននេះ បន្ទាប់ពីមានការចែករំលែកតៗគ្នាជាច្រើនជុំវិញវិក្កយបត្រគិតលុយថ្លៃកាត់ គាបនិងព្យាបាលសក់នៅហាងមួយកន្លែងដែលមានតម្លៃខ្ពស់កប់ពពក ។ លុះពេលតាមទាន់ទើបដឹងថាគឺជាហាងរបស់តារាចម្រៀងស្រីម្ចាស់បទ”វាចាស្រីឡង់សេ” គឺអ្នកនាង យុង ចាន់កណ្ណិកានោះតែម្តង រហូតអ្នកនាងចេញមកបកស្រាយការរិះគន់ខាងលើថែមទៀតផង។ មុននេះមានការចែកចាយតៗគ្នាពេញបណ្តាញសង្គមស្តីពីក្រដាសវិក្កយបត្រ គិតលុយរបស់ហាងសាឡានមួយកន្លែងដោយម្នាក់ៗមានការហួសចិត្តក៏ព្រោះតែតម្លៃធ្វេីសក់មានតម្លៃថ្លៃខ្លាំងកប់ពពកតែម្តង។ បើតាមការបង្ហោះពីអតិថិជនដែលបានទៅធ្វេីសក់នៅហាងសាឡានខាងលើផ្ទាល់បានសម្តែងការហួសចិត្តថា  ឃើញគេផុសច្រើនពេក សុំផុស១ដែរសិន ផេកកណ្ណិកាសាឡន សាខាទី១ គាត់ដឹងតែល្បីសាហាវហ្មង សំខាន់តាមដានផេកគាត់យូរហើយ ប្រុងឆាតសួរដែរតែមិនមានពេលចេះតែភ្លេច ឥឡូវមិនបាច់សួរទេ គឺមានគេផុសឱ្យមើលស្រាប់ៗមិនហត់ឆាតសួរ។   បើតាមក្រដាសវិក្កយបត្រ គិតលុយនោះបានឱ្យដឹងថា សក់អ៊ុតកឹប តម្លៃ២៨០ដុល្លារ សក់ត្រង់២៥០ដុល្លារ  ព្យាបាល៣០០ដុល្លារ  អ៊ុតត្រង់ ៥០០ដុល្លារ សាប៊ូនិងស្បា១០០ដុល្លារ និង  កក់១៥ដុល្លារ ដែលសរុបទាំងអស់ ១.៤៤៥ដុល្លារ ដែលតម្លៃនេះធ្វើឱ្យបងប្អូនលេងបណ្តាញសង្គមមានការចាប់  អារម្មណ៍ ព្រោះគ្រាន់តែសក់មួយមុខសោះ  អស់ជាង១ពាន់ដុល្លារ  អ្នកមានជីវភាពធម្មតាប្រាកដណាស់ច្បាស់ជាមិនហ៊ានចូល។ ទោះជាយ៉ាងណា ភ្លាមៗនោះក្រោយទទួលរងការរិះជាច្រើនពាក់ព័ន្ទនឹងតម្លៃថ្លៃកប់ពពកនេះ ស្រាប់តែម្ចាស់សាឡនមានហ្វេសបុកឈ្មោះកណ្ណិការសាឡនបានចេញមុខបកស្រាយបែបនេះថា   ខ្ញុំទិញផ្ទះ៧០ម៉ឺនដុល្លារ ដេគ័រអស់ជិត១០ម៉ឺនដុល្លារ បើកបែបស្តង់ដារសម្រាប់អ្នកហ៊ានចាយលុយជាមួយសក់និងយល់ពីផលិតផល  ស័ក្តិសមនឹងកិត្តិយសអ្នកចូលមកគ្រប់សេវាកម្ម ហើយបទពិសោធន៍ជំនាញសាឡនរបស់ពួកខ្ញុំជាង២០ឆ្នាំហើយ មិនមែនក្មេងទើបតែរៀនស៊េរីក្រោយទេ មុនធ្វើខ្ញំសុទ្ធតែប្រាប់ពីតម្លៃ និងមានការពន្យល់ត្រឹមត្រូវ ធ្វើក៏បានមិនធ្វើក៏បាន មិនឫកពា ភ្ញៀវក្នុងឋានៈណាក៏ខ្ញុំទទួលរាក់ទាញ ទោះធ្វើឬមិនធ្វើក៏ដោយ […]

ព័ត៌មាន ព័ត៌មានសន្តិសុខសង្គម ព័ត៌មានស៊ើបអង្កេត

រឿងវិវាទដីធ្លីនៅភូមិតេជោអភិវឌ្ឍន៍ស្នើសុំឯកឧត្តមម៉ៅ ធនិន ឲ្យដោះលែងតំណាងពួកគាត់ បច្ចុប្បន្នត្រូវបានឃុំខ្លួនបណ្ដោះអាសន្ននៅពន្ធនាគារខេត្តកំពត

ខេត្តកំពត ៖ ប្រជាពលរដ្ឋជាកងទ័ពនិងគ្រួសារកងទ័ព និង ប្រជាពលរដ្ឋទាំង៣៤គ្រួសាររស់នៅក្នុង ភូមិតេជោអភិវឌ្ឍន៍ ឃុំតេជោអភិវឌ្ឍន៍ ស្រុកឈូក ខេត្តកំពត ដែលមានវិវាទដីធ្លីនៅភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត ស្នើសុំឯកឧត្តម ម៉ៅធនិន អភិបាលខេត្តកំពតមេត្តាផ្ដល់កិច្ចអន្តរាគមន៍ទៅសាលាដំបូងខេត្តកំពតក្នុងការជួយស្វែងរកយុត្តិធម៌ជូនឈ្មោះ ស៊ូ វណ្ណារី និង ឈ្មោះមុត សុខគីម ដែលជាតំណាងពួកគាត់ជាគ្រួសារកងទ័ព និងប្រជាពលរដ្ឋ៣៤គ្រួសារ ដោយរងបណ្តឹងដឹងពី មេបញ្ជាការការពារកោះឆ្នេរ ដែលតំណាងដោយឈ្មោះ សុទ្ធ សារឿន មេបញ្ជាការរងនៃបញ្ជាការដ្ឋានការពារកោះឆ្នេរ និងឈ្មោះ ង៉ែត ដារិទ្ធ {នាយរងការិយាល័យប្រតិបត្តិការសឹកនៃមេបញ្ជាការដ្ឋានការពារកោះឆ្នេរ} ឈ្មោះ វណ្ណ ស៊ន {មេបញ្ជាការរងកោះឆ្នេរលេខ៣១}និងឈ្មោះ ឈុំ ផល្លី បានប្ដឹងប្តីប្រពន្ធ២នាក់មាន៖ឈ្មោះ ស៊ូ វណ្ណារី និង ឈ្មោះមុត សុខគីម ដែលជាតំណាងពួកគាត់ជាប្រជាពលរដ្ឋ៣៤គ្រួសារ ដោយមានចេញដីកាបង្គាប់ឲ្យចាប់ខ្លួន និងឃុំខ្លួន តំណាងអោយពួកគាត់។បច្ចុប្បន្នត្រូវបានឃុំខ្លួនបណ្ដោះអាសន្ននៅពន្ធនាគារខេត្តកំពតកាលពីថ្ងៃទី២ខែកក្កដាឆ្នាំ២០២២។ ប្រជាពលរដ្ឋបានប្រាប់បន្តថា តាមពិតអ្នកដែលក្លែងឯកសារសាធារណនិងប្រើប្រាស់ឯកសារសាធារណៈក្លែង របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងសម្ដេចក្រឡាហោម […]

ព័ត៌មាន ព័ត៌មានសន្តិសុខសង្គម ព័ត៌មានស៊ើបអង្កេត

គោលដៅធំរបស់កម្ពុជាក្នុងឋានៈជាប្រធានអាស៊ានគឺរក្សាឱ្យបាននូវឯកភាពនិងមជ្ឈភាពរបស់អាស៊ាន

ឯកឧត្ដម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការ បរទេសនិងសហប្រតិបត្តិការ អន្តរជាតិបានឱ្យដឹងថា គោលដៅធំរបស់កម្ពុជាក្នុងឋានៈជាប្រធានអាស៊ានគឺរក្សាឱ្យបាននូវឯកភាពនិងមជ្ឈភាពរបស់អាស៊ានចំពោះការជួយមីយ៉ាន់ម៉ា ហើយក៏មិនអាចជួយរហូតដល់ថ្នាក់ធ្វើឱ្យឯក ភាពរបស់អាស៊ានបែកបាក់នោះទេ ដោយកម្ពុជាក្នុងនាមជាប្រធានអាស៊ាននឹងប្រាប់ឱ្យប្រទេសមីយ៉ាន់ម៉ាបន្ទន់ឥរិយាបថ ដើម្បីអាចវិលត្រឡប់ចូល ក្នុងគ្រួសារអាស៊ានដូចដើមវិញ ។ រដ្ឋមន្រ្តីក្រសួងការបទេស បានមានប្រសាសន៍ថា ចំពោះបញ្ហាមីយ៉ាន់ម៉ា កម្ពុជាត្រូវបន្តដោះស្រាយជាបន្តទៀត ក្នុង នាមជាប្រធានអាស៊ាន ជាពិសេសក្នុងនាមឯកឧត្តមផ្ទាល់ដែលជាបេសកជនពិសេស ក៏មានការលំបាកច្រើន ថ្វីដ្បិតតែយើងបានប្រឹងប្រែងបោះជំហានទៅមុខច្រើនយ៉ាងណាក៏ដោយ ពីព្រោះការឯកភាព ៥ចំណុចរបស់អាស៊ាន។ ឯកឧត្តមនាយករដ្ឋមន្រ្តីបានបញ្ជាក់ថា គឺមាន៣ការងារធំជាអាទិភាព ដែលការងារទី១ ៖ បញ្ឈប់អំពើហិង្សាឬយ៉ាងហោចណាស់កាត់បន្ថយអំពើហិង្សា ទី២៖ ធ្វើយ៉ាងណាផ្ដល់អំណោយមនុស្សធម៌ទៅដល់ដៃអ្នកដែលត្រូវការបំផុត និងទី៣៖ ពាក់ព័ន្ធទៅនឹងសង្គ្រាមនៅអ៊ុយក្រែនដែលបង្កឡើងដោយរុស្ស៊ី ដែលរាជរដ្ឋាភិបាលកម្ពុជា ប្រកាន់ជំហរមួយដាច់ណាត់ទាក់ទងទៅនឹងការឈ្លានពាននេះ តែនេះគឺជាការ សម្រេចដ៏លំបាករវាងមិត្តភាព និងគោលការណ៍ច្បាប់ ដែលការងារទាំងអស់នេះត្រូវដោះស្រាយរួមគ្នា ដើម្បីបន្តរក្សាឯកភាពនិងមជ្ឈភាពរបស់អាស៊ានឱ្យនៅតែល្អប្រសើរ ។ ឯកឧត្ដមឧបនាយករដ្ឋមន្ត្រីមានប្រសាសន៍បន្តថា ប្រសិន បើកម្ពុជាអាចដោះស្រាយបញ្ហាមីយ៉ាន់ម៉ាក្នុងឆ្នាំនេះ មិនមែនដោះស្រាយឱ្យចប់ទាំងអស់នោះទេ ប៉ុន្ដែធ្វើយ៉ាង ណាឱ្យមានការជឿនលឿនចំពោះកិច្ចព្រមព្រៀងចំនួន៥ ចំណុចរបស់អាស៊ានជាការល្អ ដែលកម្ពុជានឹងបន្តប្រឹងប្រែងក្នុងការជួយប្រទេសមីយ៉ាន់ម៉ា ទោះបីជាជួបការលំបាកច្រើន យ៉ាងណាក៏ដោយ ។ ឯកឧត្តមបានថ្លែងក្នុងសំដីដើមថា « […]

ព័ត៌មាន ព័ត៌មានសន្តិសុខសង្គម ព័ត៌មានស៊ើបអង្កេត

ផ្លូវល្បឿនលឿន ឆ្នាំទី១ ឆ្នាំតំបូង យកតិចជាង៨សេន ឡានមាន ៥ប្រភេទ ប្រភេទឡានទេសចរណ៍ (ឡានតូច) យក ១២ដុល្លារក្នុងមួយជើង និងចំពោះឡានធំ (ឡានដឹកទំនិញធុនធំ) យក៦០ដុល្លា

ព្រះសីហនុ៖ នៅថ្ងៃទី១៩ ខែកក្កដា ឆ្នាំ២០២២ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញដឹកនាំក្រុមអ្នកបច្ចេកទេសក្រសួងចុះពិនិត្យវឌ្ឍនភាពការងារគម្រោងសាងសង់ផ្លូវល្បឿនលឿនភ្នំពេញ-ក្រុងព្រះស៊ីហនុ ដោយមានការអញ្ជើញចូលរួមពីតំណាងក្រុមហ៊ុនសាងសង់ ក្រុមហ៊ុនទីប្រឹក្សាបច្ចេកទេស និងភាគីពាក់ព័ន្ធផងដែរ។ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងបញ្ជាក់ថា សម្រាប់តម្លៃនៃការជិះលើផ្លូវល្បឿនលឿនភ្នំពេញ-ក្រុងព្រះសីហនុ នៅក្នុងឆ្នាំទី១ ដែលជាឆ្នាំតំបូង យកតិចជាង៨សេន និងទៅតាមប្រភេទឡានដែលមាន ៥ប្រភេទ ក្នុងនោះប្រភេទឡានទេសចរណ៍ (ឡានតូច) យក ១២ដុល្លារក្នុងមួយជើង និងចំពោះឡានធំ (ឡានដឹកទំនិញធុនធំ) យក៦០ដុល្លារ។ ឯកឧត្តមទេសរដ្ឋមន្ត្រី ស៊ុន ចាន់ថុល បានថ្លែងដូចនេះថា «សម្រាប់តម្លៃនៃការជិះលើផ្លូវល្បឿនលឿននេះ នៅក្នុងឆ្នាំទី១នេះ គឺយកតិចជាង ៨សេន និងទៅតាម ប្រភេទឡាន ដែលមាន៥ប្រភេទ ក្នុងនោះប្រភេទឡានទេសចរណ៍ (ឡានតូច) គឺយក ១២ដុល្លារ ក្នុងមួយជើង ចំពោះឡានធំ (ឡានដឹកទំនិញ) យក៦០ដុល្លារ តាមប្រភេទឡានពី ១២ដុល្លារ ឡើងដល់៦០ដុល្លារ។ ចាប់ពីឆ្នាំទី២ […]

ព័ត៌មាន ព័ត៌មានសន្តិសុខសង្គម ព័ត៌មានស៊ើបអង្កេត

លោកឃួង ស្រេង គ្រោង​នឹងធ្វើការ​ជួសជុល​មហាវិថី​ឈ្នះឈ្នះ​ប្រវែង​ជាង៧គីឡូម៉ែត្រ​ ឱ្យ​ហើយ​នៃការប្រកួតកីឡាស៊ីហ្គេមនៅចុងឆ្នាំ២០២៣ខាងមុខនេះ

រដ្ឋបាលរាជធានីភ្នំពេញគ្រោងនឹងធ្វើការជួសជុលកំណាត់មហាវិថីឈ្នះឈ្នះ ដែលមានប្រវែងជាង៧គីឡូម៉ែត្រ ឡើងវិញ ដើម្បីសម្រួលចរាចរណ៍ និងលើកសោភ័ណភាពរាជធានីភ្នំពេញឱ្យកាន់តែមានភាពស្រស់ស្អាត ខណៈដែលកម្ពុជានឹងត្រូវធ្វើជាម្ចាស់ផ្ទះនៃការប្រកួតកីឡាស៊ីហ្គេមនៅចុងឆ្នាំ២០២៣ខាងមុខនេះ។ ក្នុងកិច្ចប្រជុំលើគ្រោងនៃការជួសជុលកំណាត់មហាវិថីឈ្នះឈ្នះនេះ នៅព្រឹកថ្ងៃទី ២០ ខែកក្កដានេះជាមួយមន្ទីរ និងមន្ត្រីជំនាញពាក់ព័ន្ធនៅសាលារាជធានីភ្នំពេញលោក ឃួង ស្រេង អភិបាលនៃគណៈអភិបាលរាជធានីភ្នំពេញមានប្រសាសន៍លើកឡើងថា៖ កំណាត់មហាវិថីឈ្នះឈ្នះ ត្រូវតែជួសជុលឡើងវិញឱ្យស្អាត ជាមួយនិងការរៀបចិញ្ចឹមផ្លូវ សួន និងការដាក់ប្រព័ន្ធលូសងខាងផ្លូវផងដែរ ហើយគម្រោងនេះត្រូវតែធ្វើអោយបានលឿន ពោលគឺត្រូវតែរួចរាល់នៅមុន ព្រឹត្តិការណ៍កីឡាអាស៊ីអាគ្នេយ៍ (ស៊ីហ្គេម) នៅឆ្នាំ២០២៣។ លោកឃួង ស្រេង បានជំរុញឱ្យក្រុមការងារនៃមន្ទីរសាធារណការ និងដឹកជញ្ជូនរាជធានីភ្នំពេញ ត្រូវជួសជុលផ្លូវនេះប្រកបដោយសោភណ្ឌភាព និងត្រឹមត្រូវតាមស្តង់ដាបច្ចេកទេស ជាមួយនិងការដាក់លូ ដែលអាចអោយទឹកហូរ មិនមានដក់លើផ្លូវ។ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ លោក សាំ ពិសិដ្ឋ បានមានប្រសាសន៍បញ្ជាក់អោយដឹងថា៖ កំណាត់មហាវិថីឈ្នះឈ្នះ ដែលត្រូវជួសជុលឡើងវិញនេះ មានប្រវែង ៧៣៤០ម៉ែត្រ ដោយចាប់ពីផ្លូវជាតិលេខ៦Aរហូតដល់ស្ពានព្រែកព្នៅ។ ចំពោះការជួសជុសត្រូវចាក់បេតុងឆ្អឹងដែកកម្រាស់២០សង់ទីម៉ែត្រ ទទឹង១៨ម៉ែត្រ រួចអ៊ុតកៅស៊ូ(AC) ពីរស្រទាប់មានកម្រាស់៨០មីលីម៉ែត្រ។ដាក់លូជ្រុងទំហំ២ម៉ែត្រ x ២ម៉ែត្រ ម្ខាងផ្លូវមានប្រវែងសរុប៧៥៩០ម៉ែត្រ (ខាងស្តាំដៃ គិតចាប់ពីគល់ស្ពានព្រែកព្នៅ ដល់ផ្លូវជាតិលេខ៦A ដាក់លូមូលមុខកាត់១ម៉ែត្រ ម្ខាងផ្លូវ […]