លោក Felix G.Dalmas គ្រូបង្វឹកក្រុមជម្រើសជាតិអាយុក្រោម ២៣ឆ្នាំកម្ពុជា មានសេចក្ដីរីករាយចំពោះកូនក្រុមខ្លួន ដោយលោកបានចាត់ទុកជាកីឡាករជំនាន់ថ្មី សម្រាប់ការចូលរួមប្រកួតជម្រើសជើងឯកយុវជនអាស៊ីអាគ្នេយ៍ AFF U23 Championship 2023 នៅប្រទេសថៃ ចាប់ពីថ្ងៃទី១៧-២៦ ខែសីហាខាងមុខ ។ នេះបើតាមការលើកឡើងក្នុងសន្នីសីទសារព័ត៌មាន មុនការប្រកួត នៅថ្ងៃទី១៦ ខែសីហានេះ បន្ទាប់ពីក្រុមគោព្រៃជំទង់កម្ពុជា បានធ្វើដំណើរទៅដល់ខេត្តរយ៉ង ប្រទេសថៃ កាលពីម្សិលមិញ ។ ជាមួយគ្នា លោកក៏បានអរគុណដល់ម្ចាស់ផ្ទះ ដែលបានរៀបចំទទួលក្រុមជម្រើសជាតិ U23 កម្ពុជាបានល្អ ទាំងម្ហូបអាហរ និងកន្លែងស្នាក់នៅផងដែរ ។ គ្រូបង្វឹកសញ្ជាតិអាហ្សង់ទីនរូបនេះ បន្ដថា «ពួកយើងរីករាយ ដែលបានមកទីនេះ, ការត្រៀមខ្លួនគឺល្អ សម្រាប់កីឡាករកម្ពុជា ជំនាន់ថ្មីរបស់យើង ហើយយើងរំភើបក្នុងការប្រកួតម្ដងទៀត ជាមួយក្រុមកំពូលក្នុងតំបន់» ។
បន្ទាយមានជ័យ៖ក្របីឡើងកររត់ចូលផ្សារត្រីវ័តប្រជាពលរដ្ឋបណ្តាលរបួស៦នាក់ធ្ងន់៤នាក់កើតឡើងថ្ងៃទី១២ ខែមិថុនា ឆ្នាំ២០២៣ស្ថិតភូមិក្បាលស្ពានពីរ សង្កាត់អូរជ្រៅ ក្រុងប៉ោយប៉ែត។ លោក តាំង លីហេង សមាជិកក្រុមប្រឹក្សាសង្កាត់អូរជ្រៅបានប្រាប់ថា៖នៅពេលដែលក្របីវ័តបណ្តាលប្រជាពលរដ្ឋរងរបួស គឺមានក្របីឈ្មោល១ក្បាលបានរត់ចូលផ្សារត្រីខាងជើងផ្សារអគ្គរក្រុងប៉ោយប៉ែត បានវ័តអ្នកជិៈម៉ូតូនៅតាមផ្លូវបណ្តាលរបួស៦នាក់ធ្ងន់៤នាក់ស្រី៣នាក់ត្រូវបានសង្គ្រោះកាន់មន្ទីពេទ្យបង្អែកក្រុងប៉ោយប៉ែត។ លោកបានបញ្ជាក់ថា៖ក្រោយក្របីឈ្មោល១ ក្បាលវ័តប្រជាពលរដ្ឋរបួសធ្ងន់ស្រាល៦នាក់ស្រី៣នាក់ហើយកម្លាំងនគរបាលនិងកម្លាំងកងរាជអាវុធហត្ថនិងប្រជាពលរដ្ឋបាននាំគ្នាដេញទាក់និងចាប់មិនរយៈពេលជិត២ម៉ោងទើបបុរស់ម្នាក់បានដើរលបៗទៅជិតលូកពងនិងអង្អែលក្បាលយកខ្សែទាក់ករចងជើងទាំង៤ដឹកមកទុកនៅអធិការដ្ឋានក្រុងប៉ោយប៉ែត។ លោក តាំង លីហេង បានបញ្ជាក់ថា៖ក្រោយចាប់ក្របីឈ្មោល១ក្បាលវ័តប្រជាពលរដ្ឋបណ្តាលរបួសធ្ងន់ស្រាល៦នាក់តាមសំដីបុរស់ម្នាក់ជំនាញចាប់ក្របីបានអោយដឹង គឺជាក្របីឈ្មោលឡើងករដែលដេញវ័តប្រជាពលរដ្ឋក្រោយចាប់ទៅទុកនៅអធិការដ្ឋាននគរបាលក្រុងប៉ោយប៉ែត ដើម្បីស្រាវជ្រាវរកម្ចាស់ម្ចាស់មកទទួលខុសត្រូវចំពោះច្បាប់៕
នារសៀលថ្ងៃទី៧ ខែធ្នូ ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោកសាស្ត្រាចារ្យ វិទិត មុនតាប៊ន (Vitit Muntarbhorn) អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា និងសហការី ចូលជួបពិភាក្សាការងារ នៅវិមានសន្តិភាព ។ ក្នុងឱកាសនៃជំនួបនេះ លោកសាស្ត្រាចារ្យ វិទិត មុនតាប៊ន បានថ្លែងអំណរគុណចំពោះ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោក និងសហការី ចូលជួបពិភាក្សាការងារ ព្រមទាំងបានសម្តែងនូវការកោតសរសើរចំពោះការអភិវឌ្ឍរីកចម្រើនរបស់កម្ពុជា ធៀបនឹងជំនាន់ដែលលោកនៅបំពេញការងារគាំទ្រដល់ជនភៀសខ្លួនកម្ពុជាក្នុងឆ្នាំ១៩៧៩ និងក្នុងដំណាក់កាលនៃការស្វែងរកសន្តិភាពក្នុងឆ្នាំ១៩៩៣ ។ ជាមួយគ្នានេះផងដែរ អ្នករាយការណ៍ពិសេសរបស់អង្គការសហប្រជាជាតិរូបនេះ ក៏បានថ្លែងនូវការកោតសរសើរដល់រាជរដ្ឋាភិបាលកម្ពុជា ចំពោះការសម្រេចបាននូវសមិទ្ធិផលការងារមួយចំនួន ជាអាទិ៍៖ ១. កម្មវិធីផ្តល់វ៉ាក់សំាងបង្ការជំងឺកូវីដ-១៩ ដល់ប្រជាជន រួមជាមួយនឹងកម្មវិធីគាំពារសង្គមក្នុងអំឡុងពេលប្រយុទ្ធនឹងជំងឺកូវីដ-១៩ ក៏ដូចជាការបរិច្ចាគវ៉ាក់សាំងទៅដល់បណ្តាប្រទេសជិតខាង; ២. ការទទួលស្វាគមន៍ និងការបើកចំហររបស់រាជរដ្ឋាភិបាល នៅក្នុងការពិភាក្សាជាមួយអ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្ស និង ៣. ការឈានទៅបង្កើតឱ្យមានច្បាប់ស្តីពីកិច្ចការពារកុមារ ដែលនឹងធ្វើឱ្យកម្ពុជាក្លាយជាប្រទេសទីមួយនៅក្នុងចំណោមបណ្តាប្រទេសអាស៊ាន ដែលនឹងមានច្បាប់ដ៏សំខាន់នេះ ។ […]