(កំពង់ឆ្នាំង)៖ នៅថ្ងៃព្រហស្បត្តិ៍ទី ១៩ ខែ វិច្ឆិកា ឆ្នាំ២០២០ នេះឯកឧត្តម ឌី វិជ្ជា និងលោកជំទាវ ហ៊ុន ម៉ាណា បានចាត់ឱ្យលោក ជិន ប៊ុនធឿន និងក្រុមការងារមនុស្សធម៌នាំយកអំណោយមួយចំនួនធំទៅប្រគល់ជូនគ្រួសារមួយដែលកំពុងប្រឈមនឹងការខ្វះខាតក្នុងជីវភាព។ លោកទាំងពីរបានទទួលដំណឹងពីការបង្ហោះតាមការផ្សព្វផ្សាយប្រព័ន្ធទំនាក់ទំនងសង្គមពីការលំបាកខ្វះខាតក្នុងជីវភាពរបស់លោក រស់ សារឹម និងប្រពន្ធឈ្មោះ ជាម កុសល មានមុខរបរជាជាងសំណង់មានកូនតូចៗចំនួន០២នាក់ ក្នុងបន្ទុក ដោយសារជីវភាពទើបធ្វើអោយអ្នកទាំងពីរ សម្រេចចិត្តនាំកូនតូចៗទៅធ្វើការជាមួយនៅតាមការដ្ឋានសំណង់នានាដែលខ្លួនកំពុងធ្វើ មើលទៅគួរអោយអាណិតអាសូរជាពន់ពេក ហើយគ្រួសារនេះរស់នៅ ភូមិទ្រាជេីង ឃុំស្រែថ្មី ស្រុករលាប្អៀរ ខេត្តកំពង់ឆ្នាំង ។ អំណោយដែលបានផ្តល់ជូនក្នុងពេលនេះរួមមាន៖ ១-ត្រីខ ចំនួន ១០០កំប៉ុង ២-មី ចំនួន៥កេសតូច ៣-ទឹកដោះគោខាប់ ចំនួន៤៨កំប៉ុង ៤-ស្ករសចំនួន ៥គីឡូ ៥-វិទ្យុស្តាប់ F12 និងថ្មពិលចំនួន ០១ ឈុត ៦-សាប៊ូដុំចំនួន ១២ដុំ ៧-ថ្នាំពេទ្យចំនួន ៥ប្រអប់ ៨-ជេលលាងដៃចំនួន ០៥ ដបតូច […]
ភ្នំពេញ ៖ ករណីលួច (គ្រឿងអលង្ការក្រវិលមាស) ស្ថិតនៅចំណុចក្នុងបរិវេណសាលាបឋមសិក្សាចុងកោះ ផ្លូវបេតុង ភូមិចុងកោះ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ កើតហេតុថ្ងៃទី២១ ខែមិថុនា ឆ្នាំ២០២៣ ។ +ជនសង្ស័យឃាត់ខ្លួនថ្ងៃទី២១ ខែមិនថុនា ឆ្នាំ២០២៣ ឈ្មោះ រស់ សុគន្ធា ភេទស្រី អាយុ២៥ឆ្នាំ ជនជាតិខ្មែរ ស្នាក់នៅបច្ចុប្បន្នផ្ទះគ្មានលេខ ផ្លូវលំ ភូមិក្បាលកោះ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ មុខរបរលក់ដូរ។ +វត្ថុតាងដកហូតពីជនសង្ស័យរួមមាន៖ ១-ម៉ូតូម៉ាកសង់កូរ៉េ ពណ៌ក្រហម គ្មានស្លាកលេខ(ចាស់) ចំនួន០១គ្រឿង ដែលជាមធ្យោបាយជិះមកធ្វើសកម្មភាព និង២-ក្រវិលមាស ចំនួន០១គូរ ទម្ងន់២ហ៊ុន ។ ជនសង័្សយឃាត់ខ្លួននៅអធិការដ្ឋាននគរបាលខណ្ឌជ្រោយចង្វារ ដើម្បីបញ្ជូនសំណុំរឿងទៅកាន់សាលាដំបូងរាជធានីភ្នំពេញ ៕
រាជធានីភ្នំពេញ ៖ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៧និង២០យប់ ថ្ងៃទី៥ ខែធ្នូ ឆ្នាំ២០២១ នៅចំណុចបន្ទប់ជួល ស្ថិតក្នុងភូមិអូដឹម សង្កាត់ចោមចៅទី៣ ខណ្ឌពោធិ៍សែនជ័យ បើតាមសេចក្តីរាយការណ៍បានឱ្យដឹងថា បុរសម្នាក់ខឹងអ្នកបន្ទប់ជាប់គ្នាដែលមាត់រញ៉េរញ៉ៃក៏ទៅសួរ ស្រាប់តែប៉ះពាក្យសំដីគ្នាទៅវិញទៅ ធ្វើឱ្យបុរសរូបនោះខឹងក៏ចូលទៅយកកាំបិតប៉័ងតោកា.ប់ បណ្តាលឱ្យរងរបួសធ្ងន់ម្នាក់ និងស្រាល៣នាក់ ។ តាមប្រភពព័ត៌មានពីជនរងគ្រោះ បានអោយដឹងថា នៅមុនពេលកើតហេតុ រូបគាត់ជាម្ចាស់បន្ទប់ជួលកើតហេតុ បាននាំមិត្តភ័ក្ដិ និងប្អូនៗធម៌មកផឹកស៊ីនៅបន្ទប់ជួល ដោយមានគ្នា៥នាក់ ក្នុងនោះរូបគាត់ជាម្ចាស់បន្ទប់ជួល និងមិត្តភ័ក្ដិ ព្រមទាំងប្អូនៗធម៌ចំនួន៤នាក់ទៀត ក្នុងគោលបំណងធ្វើម្ហូបផឹកស៊ី ។ ប្រភពពីជនរងគ្រោះបានបន្តទៀតថា ខណៈពេលជុំគ្នាមិត្តភ័ក្តិ និងប្អូនៗធម៌ចំនួន៤នាក់នោះគឺកំពុងតែនាំគ្នាធ្វើម្ហូប ហើយជជែកគ្នារញ៉េរញ៉ៃ ចំណែករូបគាត់ជាម្ចាស់បន្ទប់ក៏បានចេញទៅក្រៅដើម្បីរកទិញគ្រឿងបន្ថែម តែមិនទាន់បានផឹកស៊ីនោះទេ ស្រាប់តែពេលនោះជនរងគ្រោះទាំង៤នាក់ខាងលើ បានជជែកគ្នារញ៉េរញ៉ៃ ធ្វើឱ្យជនបង្កដែលនៅបន្ទប់ជួលក្បែរគ្នានោះបានចេញមកសួរថា «ម៉ិចពួកឯងជជែកគ្នារញ៉េរញ៉ៃម្ល៉េះ ពួកឯងក្មេងៗសោះ មិនខ្លាចគេរករឿងទេអី» ។ ជនរងគ្រោះបន្តទៀតថា ស្របពេលនោះភាគីខាងជនរងគ្រោះទាំង៤នាក់បានតបតសំដីគ្នាទៅវិញទៅមក ធ្វើឱ្យបុរសជាជនបង្កខឹងក៏បានទៅយកកាំបិតប៉័ងតោនៅក្នុងបន្ទប់ជួលរបស់ខ្លួន មកកា.ប់ទៅលើជនរងគ្រោះទាំង៤នាក់ខាងលើ បណ្តាលឲ្យរងរបួសធ្ងន់ម្នាក់ និងស្រាល៣នាក់ ចំណែកឯជនបង្កវិញ ក៏បានរត់ចូលបន្ទប់ជួលរបស់ខ្លួនរួចបិទទ្វារជិតតែម្តង ខណៈពេលភ្លាមៗនោះដែរ ជនរងគ្រោះដែលត្រូវរងរបួសធ្ងន់ ត្រូវបានមិត្តភ័ក្ដិដឹកតាមម៉ូតូយកទៅសង្គ្រោះភ្លាមៗផងដែរ ចំណែករូបគាត់ជាម្ចាស់បន្ទប់ជួលដែលត្រឡប់មកពីទិញគ្រឿងវិញនោះ ក៏បានទូរស័ព្ទប្តឹងសមត្ថកិច្ចនគរបាលប៉ុស្តិ៍ […]