ព័ត៌មានអន្តរជាតិ

តារាស្រី Fan Bingbing ហាក់មមាញឹកនឹងការងារសិល្បៈឡើងវិញ ខណៈត្រៀមបង្ហាញខ្លួន នៅមហោស្រពភាពយន្តអន្តរជាតិសិង្ហបុរី

Posted on Author adm Comment(0)

មហោស្រពភាពយន្តអន្តរជាតិសិង្ហបុរី (SGIFF) នឹងត្រឡប់វិញសម្រាប់លើក៣៤ ដែលត្រូវបានគេរំពឹងថា នឹងមានភាពយន្តជាង ១០០ចំណងជើងមកពី ៥០ប្រទេសចូលរួមប្រកួតប្រជែង។ ព្រឹត្តិការណ៍នេះ នឹងរៀបចំឡើងពីថ្ងៃទី៣០ ខែវិច្ឆិកា ដល់ថ្ងៃទី១០ ខែធ្នូ ហើយនឹងមានវត្តមានរបស់តារាសម្តែងចិន Fan Bingbing ចូលរួមក្នុងរាត្រីបើកសម្ពោធផងដែរ។ នេះបើតាមការចេញផ្សាយដោយសារព័ត៌មាន CNA។

ការបើកកម្មវិធី SGIFF នៅឆ្នាំនេះគឺមានភាពយន្ត «Tiger Stripes» ដែលបានបង្កើតប្រវត្តិសាស្ត្រដោយក្លាយជាខ្សែភាពយន្តម៉ាឡេស៊ីដំបូងគេ ដែលឈ្នះរង្វាន់ធំនៅមហោស្រពភាពយន្តទីក្រុង Cannes បើកឆាកបញ្ចាំងផដែរ។ បន្ថែមពីនេះ អ្នកគាំទ្ររបស់តារាសម្ដែងចិន Fan Bingbing គួរតែយកចិត្តទុកដាក់បន្ថែមទៀតចំពោះកម្មវិធី SGIFF ឆ្នាំនេះ ខណៈដែលនាងនឹងចូលរួមក្នុងរាត្រីបើកសម្ពោធព្រមទាំងចូលរួមក្នុងសកម្មភាពមួយចំនួននៃកម្មវិធីនេះផងដែរ។ 

adm

Related Articles
ព័ត៌មាន ព័ត៌មានអន្តរជាតិ

ទីក្រុងញូវយ៉កបានជន់លិចដោយសារភ្លៀងធ្លាក់ខ្លាំង បិទរថភ្លើងក្រោមដី

Posted on Author adm

ភ្លៀងធ្លាក់ខ្លាំងពេញមួយយប់ នៅភាគឦសាន នៃសហរដ្ឋអាមេរិកបានធ្វើឱ្យផ្នែកខ្លះ នៃទីក្រុងញូវយ៉ក ស្ថិតនៅក្រោមទឹក កាលពីថ្ងៃសុក្រ សប្តាហ៍នេះ ប៉ះពាល់ដល់ផ្លូវរថភ្លើងក្រោមដីនានា និងរំខានដល់ព្រលានយន្តហោះមួយចំនួននៅក្នុងរដ្ឋធានីហិរញ្ញវត្ថុរបស់សហរដ្ឋអាមេរិកមួយនេះផងដែរ។ អភិបាលក្រុងញូវយ៉ក លោកស្រី Kathy Hochul បានប្រកាសភាពអាសន្នជាផ្លូវការ សម្រាប់ទីកោះ Long Island នៅភាគខាងកើត និងជ្រលងទន្លេ Hudson នៅភាគខាងជើង ដោយព្រមានប្រជាជនកុំឱ្យធ្វើដំណើរលើផ្លូវដែលបានលិចទឹក។ រូបភាពពីជុំវិញទីក្រុងញូវយ៉ក បានបង្ហាញរថយន្តបានលិចទឹកពាក់កណ្តាល ហើយចរាចរណ៍បានរំខាន ដោយផ្លូវសំខាន់ៗមួយចំនួនត្រូវបានបិទទាំងស្រុង។ ប្រព័ន្ធរថភ្លើងក្រោមដីដ៏ធំរបស់ទីក្រុងញូវយ៉កក៏រងការវាយប្រហារដោយទឹកជំនន់ផងដែរ ដោយខ្សែជាច្រើនបានបិទ នៅសង្កាត់ Brooklyn ។ អង្គភាពរថភ្លើងក្រោមដីបានប្រកាសនៅលើប្រព័ន្ធផ្សព្វផ្សាយសង្គមថា «សេវារថភ្លើងក្រោមដីត្រូវបានកំណត់ឲ្យប្រើតិចតួចបំផុត ដោយសារទឹកជំនន់ខ្លាំង ហើយ សេវាកម្មត្រូវបានផ្អាកនៅស្ថានីយ៍ជាច្រើន»៕ ប្រភពពី AFP
ព័ត៌មាន ព័ត៌មានអន្តរជាតិ

យន្តហោះ Boeing របស់ក្រុមហ៊ុន DHL បាក់ជាពីរកំណាត់ពេលចុះចតបន្ទាន់

Posted on Author adm

យន្តហោះ Boeingរបស់ក្រុមហ៊ុនDHLបានរអិលចេញពីផ្លូវហើយបាក់ជាពីរកំណាត់ក្នុងពេលចុះចតជាបន្ទាន់នៅក្នុងអាកាសយានដ្ឋានអន្តរជាតិ Juan SantamariaនៅCostaRicaតែជាភព្វសំណាងមិនមានអ្នកណាម្នាក់រងរបួសឬស្លាប់ក្នុងហេតុការណ៍នោះឡើយ។ យន្តហោះខាងលើគឺជាយន្តហោះដឹកទំនិញរបស់ក្រុមហ៊ុន DHL បានជួបគ្រោះថ្នាក់កាលពីថ្ងៃទី ៧ខែមេសា ក្នុងពេលចុះចតក៏ធ្លាក់ចេញពីផ្លូវបណ្តាលឱ្យបាក់ជាពីរកំណាត់។ អាកាសយានិកបើកយន្តហោះ Boeing 757-200 របស់ក្រុមហ៊ុន DHL ប្រទេសអាល្លឺម៉ង់ បានស្នើចុះចតជាបន្ទាន់ ដោយយន្តហោះមានបញ្ហាបច្ចេកទេស ។ យន្តហោះខាងលើនេះក្នុងពេលចុះចតបានជ្រុលធ្លាក់ចេញពីផ្លូវហោះហើរបណ្តាលឱ្យបាក់ជាពីរកំណាត់។ មានមនុស្សម្នាក់រងរបួសស្រាលនៅក្នុងហេតុការណ៍នោះដែរ ។ ក្រុមអ្នកជំនាញរបស់ក្រុមហ៊ុន DHL ក៏បានបើកការស្រាវជ្រាវពីករណីខាងលើផងដែរ ។ ស្លាបយន្តហោះម្ខាងក៏បាក់ផងដែរ ។ ក្នុងពេលនេះក្រុមអ្នកជំនាញបានសហការគ្នាដើម្បីអូសយន្តហោះជួបគ្រោះថ្នាក់ខាងលើចេញដើម្បីផ្តល់អាកាសយានដ្ឋានសម្រាប់ការហោះហើរឡើងវិញ។ អាកាសយានដ្ឋានក៏ត្រូវបិទទ្វារ អស់៥ម៉ោងផងដែរ ៕
ព័ត៌មាន ព័ត៌មានសន្តិសុខសង្គម ព័ត៌មានអន្តរជាតិ

លោកValdimir Putin ស្នើសុំជំនួយយោធា និងជំនួយសេដ្ឋកិច្ចពីចិន សម្រាប់សង្គ្រាមរបស់ខ្លួននៅអ៊ុយក្រែន

Posted on Author adm

រុស្ស៊ី ៖ រុស្សីបានស្នើសុំឲ្យចិនផ្តល់ជំនួយអាវុ.ធ និងគាំទ្រដល់សង្គ្រាមរបស់ខ្លួននៅក្នុងប្រទេសអ៊ុយក្រែន ក្រោយពេលប្រធានាធិបតីរុស្សី Valdimir Putin បានចាប់ផ្តើមធ្វើប្រតិបត្តិការឈ្លានពានអ៊ុយក្រែនកាលពីខែមុន។ នេះបើយោងតាមបញ្ជាក់របស់មន្ត្រីអាមេរិក។ មន្ត្រីអាមេរិកថា រុស្សីក៏បានសុំឲ្យចិនផ្តល់ជំនួយផ្នែកសេដ្ឋកិច្ចបន្ថែមផងដែរ ដើម្បីជួយទប់ទល់នឹងការដាក់ទណ្ឌកម្មសេដ្ឋកិច្ចយ៉ាងធ្ងន់ធ្ងរពីសហរដ្ឋអាមេរិក សហភាពអ៊ឺរ៉ុប និងប្រទេសក្នុងតំបន់អាស៊ី។ ទោះយ៉ាងណា មន្ត្រីអាមេរិកទាំងនោះបដិសេធរៀបរាប់បន្ថែមអំពីប្រភេទអាវុ.ធ ឬជំនួយដែលរុស្សីកំពុងត្រូវការពីចិន។ ពួកគេក៏បដិសេធនិយាយពីប្រតិកម្មរបស់ចិនផងដែរចំពោះសំណើររបស់រុស្សី និងរក្សាការសម្ងាត់ពីវិធីនៃការប្រមូលព័ត៌មានស៊ើបការណ៍។ ប្រធានាធិបតីចិន Xi Jinping បានពង្រឹងភាពជាដៃគូជាមួយនឹងប្រធានាធិបតីរុស្សី Vladimir Putin និងបានឈរនៅជាមួយគាត់ ខណៈរុស្សីផ្តើមប្រតិបត្តិការយោធានៅអ៊ុយក្រែន។ សង្គ្រាមឈ្លានពាននេះបានបំផ្លាញទីក្រុងរបស់អ៊ុយក្រែនជាច្រើន និងបានសម្លា.ប់ជនស៊ីវិលស្លូតត្រង់រាប់រយនាក់។ មន្ត្រីអាមេរិកកំពុងតាមដានចិនយ៉ាងដិតដល់ ដើម្បីមើលថាតើចិននឹងធ្វើតាមដំណើររបស់រុស្សីឬយ៉ាងណា។ សូមរម្លឹកថា ការឈ្លានពានរបស់ប្រធានាធិបតីរុស្សី Vladimir Putin លើប្រទេសអ៊ុយក្រែនបានឈានចូលដល់ថ្ងៃទី ១៩ហើយនៅថ្ងៃសៅរ៍ ទី ១៤ ខែកុម្ភៈនេះ។ កងទ័ពរុស្សីបានធ្វើការឡោមព័ទ្ធទីក្រុងសំខាន់ៗរបស់អ៊ុយក្រែន ហើយកងទ័ពអ៊ុយក្រែនបានធ្វើការតស៊ូប្រយុទ្ធយ៉ាងសិ្វតស្វាញ។ ប្រធានាធិបតីអ៊ុយក្រែនលោក Volodymyr Zelenskyy បានជំរុញសារជាថ្មីម្តងទៀតឲ្យអង្គការណាតូ (NATO) បង្កើតតំបន់គ្មានការហោះហើរលើប្រទេសរបស់លោក បើមិនដូច្នេះទេប្រទេសសមាជិកណាតូអាចនឹងត្រូវបានវា.យប្រហារដោយរុស្សី។

Leave a Reply

Your email address will not be published. Required fields are marked *