ព័ត៌មាន

G-Devith និង Sting ពួតដៃគ្នាបង្កើតព្រឹត្តិការណ៍តន្រ្តីដ៏អាស្ចារ្យប្រចាំឆ្នាំ ២០២៣ គឺ Sting Musicverse Festival

October 4, 2023 adm Comment(0)

កាលពីល្ញាចម្សិលមិញនេះ ជីដេវីត បានបង្ហោះក្នុងគណនីហ្វ៊េសបុករបស់ខ្លួនពី កម្មវិធី Sting Musicverse Festival ដែលនឹងធ្វើឡើងនៅថ្ញៃទី ១២ វិច្ឆិកា នៅទីធ្លា OCIC ជ្រោយចង្វារ ចាប់ពីម៉ោង ២រសៀល រហូតដល់ម៉ោង ១០ យប់។

ដេវីតបានប្រាប់ទៅអ្នកគាំទ្ររបស់ខ្លួនស្តែងៗថា “ម្តងនេះមិនមែនត្រឹមតែជាការប្រគំតន្រ្តីនោះទេ ម្តងនេះគឺលើសពីការប្រគំតន្រ្តីទៀត។” ដោយត្រឹមតែពាក្យមួយឃ្លានេះធ្វើអោយអ្នកគាំទ្រអន្ទះសារចង់ដឹងច្បាស់បន្ថែម និង ចង់ចូលរួមកម្មវិធីនេះជាខ្លាំង។

បន្តមកដល់ពេលនេះយើងនៅមិនទាន់ដឹងថា តើកម្មវិធី Sting Musicverse Festival មានអ្វីប្លែកអស្ចារ្យបែបណានោះទេ ប៉ុន្តែតាមការបញ្ចាក់ពីការបង្ហោះសារនៅក្នុងហ្វេសបុក របស់ G-Devith និង Sting យើងដឹងថាកម្មវិធីលើកនេះគឺធំជាង ២ ដងបើប្រៀបទៅកម្មវិធីដែល ដេវីត និង sting សហការគ្នាធ្វើពីមុនមក។

adm

ព័ត៌មាន ព័ត៌មានសន្តិសុខសង្គម

ពលករខ្មែរប្រុសស្រីសរុបចំនួន ២០៣នាក់ត្រូវថៃចាប់បញ្ចូនមកកម្ពុជាវិញ!

December 30, 2021 adm

ខេត្តបាត់ដំបង ៖ នៅថ្ងៃទី ៣០ ខែធ្នូ ឆ្នាំ ២០២១នេះ ដោយអនុវត្តវិធានការពារសន្តិសុខតាមខ្សែបន្ទាត់ព្រំដែន កម្ពុជា-ថៃ ក្នុងការត្រួតពិនិត្យពលរដ្ឋឆ្លងដែន និងស្រាវជ្រាវរកមុខសញ្ញាមេខ្យល់នាំពលករចេញដោយមិនស្របច្បាប់ កម្លាំងប្រចាំការគោលដៅតំបន់ព្រំដែនបានទទួលពលករខ្មែរមានចំនួន ២០៣នាក់ ពីភាគីទាហានថៃ នៅត្រង់ចំណុចច្រកទ្វារតំបន់អូរអន្លក់ ក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង។ សមត្តកិច្ចជំនាញបានបន្តថាពលករខ្មែរដែលធ្វើចំណាកស្រុកខុសច្បាប់ទាំង ២០៣នាក់ រួមមាន ៨១នាក់ជាស្ត្រី និងម្នាក់ផ្ទុកជំងឺកូវីដ-១៩ រួមទាំងក្មេងចំនួន ៤៨នាក់ផងដែរ។ សមត្តកិច្ចជំនាញបន្តទៀតថាការទទួលពលករខ្មែរខាងលើក្រុមគ្រូពេទ្យបានពិនិត្យសុខភាព និងធ្វើតេស្តរហ័សជាលទ្ធផលឃើញវិជ្ជមានកូវីដ-១៩ ម្នាក់បានបញ្ជូនទៅព្យាបាលនៅមណ្ឌលព្យាបាលត្រាវជូរ ។ ចំណែកពលករខ្មែរចំនួន ១២៤នាក់ដែលទទួលវ៉ាក់សាំងរួច បានអនុវត្តវិធានការអប់រំណែនាំហើយឲ្យវិលត្រឡប់ទៅកាន់លំនៅដ្ឋានរៀងៗខ្លួនវិញ។ ក្រៅពីនេះបញ្ជូនទៅធ្វើចត្តាឡីស័កនៅមណ្ឌុលគីឡូ៩ ស្រុកសំពៅលូន បន្ត៕

ព័ត៌មាន

អភិបាលរាជធានីភ្នំពេញ ណែនាំដល់សមត្ថកិច្ចទាំងអស់ត្រៀមកម្លាំងរក្សាសន្តិសុខ សណ្តាប់ធ្នាប់ នាថ្ងៃខួប២៥ឆ្នាំនៃការបញ្ចប់សង្គ្រាមនៅកម្ពុជា ឱ្យបានល្អប្រសើរ

December 25, 2023 adm

អភិបាលរាជធានីភ្នំពេញ បានណែនាំដល់សមត្ថកិច្ចទាំងអស់ត្រៀមកម្លាំងរក្សាសន្តិសុខ សណ្តាប់ធ្នាប់ នាថ្ងៃខួប២៥ឆ្នាំនៃការបញ្ចប់សង្គ្រាមនៅកម្ពុជា ក្រោមគោលនយោបានឈ្នះឈ្នះថ្ងៃ២៩ធ្នូ (១៩៩៨-២០២៣) នៅវិមានឈ្នះឈ្នះ ក្នុងសង្កាត់ព្រែកតាសេក ខណ្ឌជ្រោយចង្វា ក្រោមអធិបតីភាពសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ។ ការថ្លែងបែបនេះរបស់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ ធ្វើឡើងក្នុងកិច្ចប្រជុំគណៈបញ្ជាការឯកភាពរដ្ឋបាលរាជធានី នាព្រឹកថ្ងៃទី២៥ ខែធ្នូ ឆ្នាំ២០២៣ នៅសាលារាជធានីភ្នំពេញ ។ ក្នុងឱកាសនោះ ឯកឧត្តម ឃួង ស្រេង បានផ្តល់អនុសាសន៍សំខាន់ៗមួយចំនួន ដល់សមត្ថកិច្ចទាំងអស់ត្រូវពង្រឹងការអនុវត្តច្បាប់ចរារចរណ៍ផ្លូវគោកទៅតាមអនុសាសន៍ណែនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា ដោយសម្តេចបានមានប្រសាសន៍ថា សម្តេចជាខ្នងបង្អែករបស់កងកម្លាំង ក្នុងការអនុវត្តច្បាប់ ។ ត្រូវធ្វើឱ្យបានត្រឹមត្រូវតាមច្បាប់ ប្រកបដោយឧត្ដមភាព ។ ហាមចំពោះមន្ត្រីប៉ូលីសចរាចរណ៍ មិនត្រូវស្លៀកពាក់ស៊ីវិលហើយប្រើវិទ្យុទាក់ទង ដើម្បីស្ទាក់ចាប់យានយន្តដែលល្មើសច្បាប់ទេ ត្រូវតែប្រើប្រាស់ឯកសណ្ឋានឱ្យបានត្រឹមត្រូវ ជៀសវាងឱ្យបានពីការរិះគន់នៃការអនុវត្តច្បាប់ចរាចរណ៍នេះ ។ ឯកឧត្តមបានបន្តថា កម្លាំងមានសមត្ថកិច្ចចរាចរណ៍ មិនមែនអនុវត្តការងារលើតែបញ្ហាចរាចរណ៍នោះទេ តែត្រូវសហការគ្នាក្នុងការរក្សាសន្តិសុខសណ្តាប់ធ្នាប់ […]

ព័ត៌មាន

គណៈប្រតិភូគណៈកម្មាធិការសម្របសម្រួលញត្តិ នៃសហព័ន្ធអាល្លឺម៉ង់ មានបំណងជំរុញកិច្ចសហប្រតិបត្តិការលើវិស័យអប់រំ និងបណ្តុះបណ្តាលធនធានមនុស្ស និងវិស័យសុខាភិបាល ជាមួយព្រះរាជាណាចក្រកម្ពុជា

February 28, 2024 adm

នារសៀលថ្ងៃទី២៨ ខែកុម្ភៈ ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោកជំទាវ Martina Stamm-Fibich ប្រធានគណៈកម្មាធិការសម្របសម្រួលញត្តិនៃសហព័ន្ធអាល្លឺម៉ង់ និងគណៈប្រតិភូ ចូលជួបសម្តែងការគួរសម និងពិភាក្សាការងារ។ ក្នុងឱកាសនៃជំនួបនេះ លោកជំទាវ Martina Stamm-Fibich ប្រធានគណៈកម្មាធិការសម្របសម្រួលញត្តិនៃសហព័ន្ធអាល្លឺម៉ង់ បានសម្ដែងនូវការថ្លែងអំណរគុណយ៉ាងជ្រាលជ្រៅចំពោះ សម្តេចធិបតី ដែលបានចំណាយពេលដ៏មមាញឹក អនុញ្ញាតឱ្យរូបលោកជំទាវ និងគណៈប្រតិភូបានចូលជួបសម្ដែងការគួរសម និងពិភាក្សាការងារ។ លោកជំទាវប្រធានគណៈកម្មាធិការ បានគោរពជម្រាបជូន សម្តេចធិបតី ថាគោលបំណងនៃដំណើរទស្សនកិច្ចរបស់លោកជំទាវ និងគណៈប្រតិភូ នាឱកាសនេះ គឺដើម្បីពង្រឹង និងពង្រីកទំនាក់ទំនង និងកិច្ចសហប្រតិបត្តិការ រវាងប្រទេសទាំងពីរឱ្យកាន់តែរឹងមាំបន្ថែមទៀត ជាពិសេសកិច្ចសហប្រតិបត្តិការលើវិស័យអប់រំ និងការបណ្ដុះបណ្ដាលធនធានមនុស្ស និងវិស័យសុខាភិបាល ដោយសារតែវិស័យទាំងពីរនេះ មានសារៈសំខាន់ ក្នុងការបម្រើដល់សេចក្តីត្រូវការចំបាច់របស់ប្រជាពលរដ្ឋ និងផ្តល់នូវផលប្រយោជន៍ទៅវិញទៅមក ដល់ប្រទេសទាំងពីរ ។ ជាក់ស្តែង បច្ចុប្បន្ននេះ សហព័ន្ធអាល្លឺម៉ង់ក៏កំពុងជួបប្រទះនូវកង្វះខាតធនធានមនុស្សបម្រើការក្នុងវិស័យសុខាភិបាល និងកម្មករជំនាញផងដែរ។ ជាការឆ្លើយតប សម្តេចធិបតី បានសម្តែងនូវការស្វាគមន៍ចំពោះលោកជំទាវប្រធានគណៈកម្មាធិការ […]

Related Articles

ពលករខ្មែរប្រុសស្រីសរុបចំនួន ២០៣នាក់ត្រូវថៃចាប់បញ្ចូនមកកម្ពុជាវិញ!

Leave a Reply Cancel reply