ប្រវត្តិសាស្ត្រថ្មីត្រូវបានចារទុក យានអវកាសរបស់ឥណ្ឌាបានចុះចតលើឋានព្រះច័ន្ទដោយជោគជ័យ

August 24, 2023 adm Comment(0)

កាលពីថ្ងៃពុធកន្លងទៅថ្មីៗនេះ យានអវកាស Chandrayaan-3 ឬ «យានព្រះច័ន្ទ» ជាភាសា Hindi និងសំស្ក្រឹត របស់ឥណ្ឌា បានចុះចតយ៉ាងជោគជ័យ នៅលើឋានព្រះច័ន្ទ។ បេសកកម្មនេះគឺជាបេសកកម្មមួយដែលត្រូវបានគេមើលឃើញថាមានសារៈសំខាន់ចំពោះការរុករកនៅលើឋានព្រះច័ន្ទ និងជាការឈរជើងរបស់ឥណ្ឌាក្នុងឋានៈជាមហាអំណាចអវកាស ត្រឹមតែប៉ុន្មានថ្ងៃបន្ទាប់ពីយានរបស់រុស្ស៊ីបានធ្លាក់។

នាយករដ្ឋមន្រ្តីឥណ្ឌាលោក Narendra Modi ដែលកំពុងគ្រវីទង់ជាតិឥណ្ឌាខណៈពេលមើលការចុះចតនៃយានអវកាសរបស់ខ្លួនពីអាហ្វ្រិកខាងត្បូងជាកន្លែងដែលលោកកំពុងចូលរួមក្នុងកិច្ចប្រជុំកំពូល Brics បាននិយាយថា នេះគឺជាសម្រែកជ័យជម្នះថ្មីដ៏អស្ចារ្យរបស់ប្រទេសឥណ្ឌា។

adm

ព័ត៌មាន ព័ត៌មានអន្តរជាតិ

ខ្លោចចិត្ត! សាច់ញាតិអ្នកដំណើរ ១៣២នាក់ លើយន្តហោះធ្លាក់ យំស្ទើរសន្លប់នៅព្រលាន រំពឹងថា អភ្លូតហេតុនឹងកើតមាន

March 22, 2022 adm

កាលពីរសៀលថ្ងៃទី២១ ខែមីនា យន្តហោះ Boeing 737 ដឹកមនុស្ស១៣២នាក់ របស់ក្រុមហ៊ុនអាកាសចរណ៍ China Eastern Airlines ដែលមានលេខហោះហើរ MU5735 បានធ្លាក់នៅតំបន់ Dang ទីក្រុង Wuzhou តំបន់ស្វយ័ត Zhuang ក្នុងខេត្ត Quang។ តាមរយៈវីដេអូកាមេរ៉ាសុវត្ថិភាព យន្តហោះ Boeing នេះបានធ្លាក់ 90 ដឺក្រេត្រង់ចុះពីលើភ្នំក្នុងរយៈពេលត្រឹមតែ ៥ វិនាទីប៉ុណ្ណោះ។ យោងតាមទិន្នន័យហោះហើរ ពុំមានព័ត៌មានណាមួយដែលថា អ្នកបើកយន្តហោះបានទាក់ទងជាមួយផ្ទៃដី មុនពេលធ្លាក់នោះទេ។ ហើយនៅល្ងាចថ្ងៃទី២១ ខែមីនា ដដែលក្រុមហ៊ុនអាកាសចរណ៍ China Eastern Airlines បានប្រកាសថា មូលហេតុនៃឧប្បត្តិហេតុនេះកំពុងស្ថិតក្រោមការស៊ើបអង្កេតនៅឡើយ ហើយអាចបញ្ជាក់បានបន្ទាប់ពីរកឃើញប្រអប់ខ្មៅ។ អ្នកស្រុកជាច្រើនដែលបានឃើញឧបទ្ទវហេតុនេះ បាននិយាយថា យន្តហោះនេះត្រូវបាន «ខ្ទេចទាំងស្រុង» បន្ទាប់ពីឧបទ្ទវហេតុដ៏អាក្រក់ដែលបានដុតបំផ្លាញព្រៃឈើទាំងមូល។ បច្ចុប្បន្នមានសញ្ញាតិចតួចបំផុតនៃអ្នកនៅរស់រានមានជីវិត បើទោះជាចំនួនអ្នកស្លាប់និងរបួសមិនត្រូវបានគេប្រកាស។ បំណែកនៃយន្តហោះ ត្រូវបានគេប្រទះឃើញរាយប៉ាយគ្រប់ទីកន្លែង។ សាក្សីនៅកន្លែងកើតហេតុដែលបានចូលរួមក្នុងការជួយសង្គ្រោះបាននិយាយថា ពួកគេមិនបានឃើញជនរងគ្រោះណាម្នាក់ទេ ដោយសារតែយន្តហោះ “បានបាក់ជាបំណែកៗ” បន្ទាប់ពីវាបានធ្លាក់។ […]

ព័ត៌មានអន្តរជាតិ

លោកប្រធានាធិបតីអាមេរិក សម្រេចចិត្តស្ទាកស្ទើរដកកងទ័ពទាំងស្រុងនៅអាហ្វហ្គានីស្ថាន ប្រហែលជាត្រូវពន្យារពេល

August 20, 2021 adm

យោងតាមសារព័ត៌មានវ៉ស្សិងតន់ រ៉យទ័រ បានចេញផ្សាយថាWASHINGTON, (Reuters) - កាលពីថ្ងៃពុធ លោកប្រធានាធិបតីលោក Joe Biden បាននិយាយថា កងទ័ពអាមេរិកអាចបន្តនៅអាហ្វហ្គានីស្ថាន ដើម្បីជម្លៀសជនជាតិអាមេរិកនៅមុនថ្ងៃកំណត់ ទី៣១ ខែសីហា និងមន្ទីរបញ្ចកោណបាននិយាយថា នៅពេលបច្ចុប្បន្ននេះ យោធាសហរដ្ឋអាមេរិកមិនមានសមត្ថភាពដើម្បីជួយប្រជាជនដែលស្ថិតនៅក្រៅអាកាសយានដ្ឋានទីក្រុង Kabul បានឡើយ ។ លោកប្រធានាធិបតី Biden បានប្រាប់សារព័ត៌មាន ABC ថា “បើសិនជាមានប្រជាជនអាមេរិកស្ថិតនៅ ទីនោះនៅឡើយ យើងនឹងនៅបន្តរហូតដល់យើងជម្លៀសពួកគេចេញអស់” នៅក្នុងបទសម្ភាសន៍ដែលធ្វើឡើងនៅថ្ងៃដែលសមាជិកសភាអាមេរិកជាច្រើននាក់បានដាក់សម្ពាធឲ្យរូបលោកពន្យារថ្ងៃដកទ័ពចេញទាំងស្រុង។ លោកប្រធានាធិបតី Biden បានទទួលរងការរិះគន់យ៉ាងខ្លាំងចំពោះដំណោះស្រាយការដកកងទ័ពរបស់លោក ដែលបណ្តាលឲ្យ ក្នុងរយៈពេលប៉ុន្មានថ្ងៃថ្មីៗនេះ ប្រទេសអាហ្គាហ្វនីស្ថានត្រូវបានគ្របដណ្តប់ដោយភាពវឹកវរទាំងនៅក្នុង និងជុំវិញអាកាសយានដ្ឋានទីក្រុង Kabul ដោយមានមនុស្សជាច្រើននាក់ព្យាយាមយ៉ាងខ្លាំងដើម្បីចាកចេញពីប្រទេសនេះ។ លោកប្រធានាធិបតី Biden បានការពារការសម្រេចចិត្តរបស់លោក ដោយនិយាយថា បញ្ហាទាំងនេះគឺជៀសមិនរួចទេក្នុងការបញ្ចប់ការចូលរួមរបស់សហរដ្ឋអាមេរិកអស់រយៈពេល ២០ឆ្នាំនៅទីនោះកន្លងមកនេះ។ លោកបាននិយាយថា ខ្ញុំមិនដឹងថាតើ“ គំនិតដែលគិតថាមានមធ្យោបាយដើម្បីចាកចេញដោយគ្មានភាពវឹកវរកើតឡើងនោះ” អាចធ្វើឡើងយ៉ាងដូចម្តេចនោះទេ។ លោកក៏បាននិយាយផងដែរថា ក្រុមតាលីបង់កំពុងសហការក្នុងពេលនេះ ដើម្បីជួយជម្លៀសជនជាតិអាមេរិកជាច្រើននាក់ចេញពីប្រទេសនេះ ប៉ុន្តែ “យើងកំពុងជួបការលំបាកមួយចំនួន” ក្នុងការជម្លៀសពលរដ្ឋអាហ្វហ្គានីស្ថានដែលមានសម្ព័ន្ធភាពជាមួយសហរដ្ឋអាមេរិក។ កងកម្លាំងតាលីបង់វាយដណ្តើមយកអាហ្វហ្គានីស្ថានវិញបានយ៉ាងឆាប់រហ័ស […]

ព័ត៌មាន ព័ត៌មានអន្តរជាតិ

ខណៈនេះប្រទេសឡាវកំពុងជួបវិបត្តិខ្វះខាតប្រេងឥន្ធនៈ ប្រជាជនឡាវតម្រង់ជួរវែងអន្លាយ ដើម្បីចាក់សាំង

May 11, 2022May 11, 2022 adm

(ឡាវ)៖ អ្នកបើកបររថយន្តដែលបានតម្រង់ជួរដើម្បីចាក់សាំង កំពុងកកកុញតាមដងផ្លូវនៃទីក្រុងវៀងចន្ទន៍ក្នុងប៉ុន្មានថ្ងៃថ្មីៗនេះខណៈដែលប្រទេសឡាវកំពុងតស៊ូជាមួយនឹងវិបត្តិប្រេងឥន្ធនៈ ដែលកំពុងកើនឡើង។ នេះបើយោងតាមការចុះផ្សាយរបស់សារព័ត៌មានCNN នៅថ្ងៃទី១១ ខែឧសភា ឆ្នាំ២០២២។ យោងតាមប្រព័ន្ធផ្សព្វផ្សាយរដ្ឋបានឱ្យដឹងថាផ្នែកខ្លះនៃប្រទេសកុម្មុយនិស្តឯកោមួយនេះបានទទួលរងការខ្វះខាតអស់ប្រេងឥន្ធនៈជាច្រើនសប្តាហ៍។ ក្រុមហ៊ុននាំចូលបានរងការវាយប្រហារដោយការធ្លាក់ចុះនៃរូបិយប័ណ្ណគីបចាប់តាំងពីខែកញ្ញារួមជាមួយនឹងទុនបម្រុងរូបិយប័ណ្ណបរទេសទាប និងការកើនឡើងនៃតម្លៃប្រេង ដែលជំរុញដោយសារសង្រ្គាមនៅអ៊ុយក្រែន។ លោក Dara Khiosompon អ្នកគ្រប់គ្រងក្រុមហ៊ុន Settah Travelបានប្រាប់AFPថាក្រុមហ៊ុនកំពុងជួបការលំបាកក្នុងការចាក់បំពេញរថយន្តទេសចរណ៍របស់ខ្លួន។ លោកបន្តថា ស្ថានីយប្រេងឥន្ធនៈកំពុងកំណត់អតិថិជនជាអតិបរមាត្រឹម៥០ម៉ឺនគីប ស្មើនឹង៤០ដុល្លារ ដែលទិញប្រេងបានតិចជាង ៣០លីត្រ។ កាសែតLaotianTimesបានរាយការណ៍ថាខណៈដែលទីក្រុងវៀងចន្ទន៍ទើបតែចាប់ផ្តើមជួបប្រទះការខ្វះខាតប្រេងឥន្ធនៈក្នុងសប្តាហ៍នេះ ទីក្រុងភាគខាងជើងនៃខេត្តហ្លួងណាំថា បានអស់ការប្រេងស្តុក តាំងពីចុងខែមីនា មកម្ល៉េះ៕

Related Articles

ខណៈនេះប្រទេសឡាវកំពុងជួបវិបត្តិខ្វះខាតប្រេងឥន្ធនៈ ប្រជាជនឡាវតម្រង់ជួរវែងអន្លាយ ដើម្បីចាក់សាំង

Leave a Reply Cancel reply