(ភ្នំពេញ)៖ អ្នកនាង ស្រួង ភាវី ដែលជាកូនខ្មែរ ឈ្នះបានលេខ ១ ក្នុងការប្រកួតកីឡា «ប៊ីយ៉ាការ៉ុម» លំដាប់ពិភពលោក នៅក្នុងប្រទេសកូរ៉េ ក្រោមការឧបត្ថម្ភដោយ ក្រុមហ៊ុន ផឺលូ វ័នវីសឺត រយៈពេលជាង ៧ ថ្ងៃ ក្នុងការប្រកួតនេះ។
យោងតាមទំព័រហ្វេសបុក sruong pheavy បានបញ្ជាក់ថា«ជំរាបសួរបងប្អូនជនរួមជាតិ ជាទីស្រលាញ់នាងខ្ញុំ បានប្រកួតកីឡា ប៊ីយ៉ាការ៉ុម លំដាប់ពិភពលោក នៅក្នុងប្រទេសកូរ៉េ ឈ្នះបានលេខ ១ ហើយការ ប្រកួតឧបត្ថម្ភដោយ ក្រុមហ៊ុន ផឺលូ វ័នវីសឺត រយៈពេលជាង៧ថ្ងៃក្នុងការប្រកួតនេះ។ អស់រយៈពេលជាង១០ឆ្នាំ ដែលកូនស្រី កម្ពុជាម្នាក់នេះ មានក្ដីសុបិន្តថា នៅថ្ងៃណាមួយ កូននឹងនាំអ្នកមានគុណទាំងពី ឱ្យលោកបានមកមើលការប្រកួត របស់កូនស្រី ដែលជាការប្រកួតខ្នាតអន្តរជាតិ ដ៏ល្អឥតខ្ចោះនៅទឹកដីប្រទេសកូរ៉េនេះ។ ទីបំផុត កូនស្រី កម្ពុជាម្នាក់នេះ អាចធ្វើបាន ហើយក៏នឹកស្មានមិនដល់ថា ក្តីសុបិន្ដក្លាយជាកាពិតនៅក្នុងពេលនេះឡេីយ ហេីយនិងការយកឈ្នះ គ្រប់ការប្រកួតដ៏តឹងតែងហេីយរន្ធត់ស្លុតអារម្មណ៍មួយនេះផងដែរ៕ កូនសន្យាថានឹង ធ្វើជាកូនស្រី ល្អ សម្រាប់ គ្រួសារនិងសង្គមជាតិ»៕
