ក្នុងឱកាសអញ្ជើញត្រួតពិនិត្យវឌ្ឍនភាពនៃការសាងសង់ព្រលានយន្តហោះអន្តរជាតិតេជោ ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល និងស្រុកបាទី ខេត្តតាកែវ នៅព្រឹកថ្ងៃទី១២ ខែមីនា ឆ្នាំ២០២៤ សម្តេចធិបតី ហ៊ុន ម៉ាណែត បានថ្លែងថា ការប្រើពាក្យមន្រ្តីជាន់ខ្ពស់ក្រសួងសេដ្ឋកិច្ចដោយវិទ្យុមួយនៅក្រៅប្រទេស គឺមិនមានវិជ្ជាជីវៈនោះទេ ហើយមន្រ្តីរបស់រាជរដ្ឋាភិបាល គឺបានយល់ច្បាស់ពីការអភិវឌ្ឍគម្រោងព្រែកជីកហ្វូណនតេជោដែលនឹងផ្តល់ផលប្រយោជន៍ដល់សេដ្ឋកិច្ចជាតិ។ សម្តេចធិបតី ហ៊ុន ម៉ាណែត បានបញ្ជាក់ថា គម្រោងព្រែកជីកហ្វូណនតេជោ មិនមែនខ្ចីប្រាក់ពីបរទេសមកធ្វើការអភិវឌ្ឍនោះទេ គឺធ្វើឡើងតាមរយៈ BOT (Build-Operate-Transfer) ហើយសម្តេចក៏មិនជឿថា មន្រ្តីរាជរដ្ឋាភិបាលល្ងង់ដល់ថ្នាក់មិនស្គាល់ពាក្យ BOT នោះទេ។ សម្តេចធិបតី ហ៊ុន ម៉ាណែត ក៏បានសង្កត់ធ្ងន់ផងដែរថា រាជរដ្ឋាភិបាលមានចក្ខុវិស័យខ្ពស់ក្នុងគម្រោងអភិវឌ្ឍន៍នានា ទាំងផ្លូវអាកាស ផ្លូវទឹក និងផ្លូវគោកដើម្បីជំរុញកំណើនសេដ្ឋកិច្ច និងបម្រើផលប្រយោជន៍ប្រជាពលរដ្ឋទាំងអស់។
ភ្នំពេញ ៖ នារីម្នាក់កំពុងតែជិះម៉ូតូតាមដងផ្លូវ ត្រូវបានជនសង្ស័យធ្វើសកម្មភាពឆ.ក់យកកាបូប បានសម្រេចរួចជិះរត់គេចខ្លួន កាលពីវេលាម៉ោង២និង៣០នាទីរសៀល ថ្ងៃទី២៧ខែមិថុនា ឆ្នាំ២០២២ ត្រង់ចំណុចចុងស្ពានអាកាសស្ទឹងមានជ័យ ខាងកើត ស្ថិតនៅតាមបណ្តោយផ្លូវមុន្នីរ៉េត ក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។ នារីរងគ្រោះគាត់សុំមិនបញ្ចេញអត្ថសញ្ញាណ តែមានអាយុជាង៣០ ឆ្នាំ។ បានជិះម៉ូតូម៉ាកហុងដាស្គុបពី ពណ៌សមួយគ្រឿង ពាក់ផ្លាកលេខ ភ្នំពេញ 1GF-5498 ។ សម្ភារៈដែលបាត់មានក្នុងកាបូបស្ពាយមួយ លុយ៥០០០០ រៀល និងអត្តសញ្ញាណប័ណ្ណ កាតចាក់វ៉ាក់សាំង រួមនឹងខ្សែកមួយខ្សែ ទំងន់មួយជីកន្លះ។ បើយោងតាមការបញ្ជាក់ពីនារីរងគ្រោះ បានប្រាប់ឲ្យដឹងថា មុនកើតហេតុខ្លួនបានជិះម៉ូតូម៉ាកហុងដាស្គុបពី ជិះតាមបណ្តោយផ្លូវមុន្នីរ៉េត ក្នុងទិសដៅពីកើតមកលិច គោលបំណងត្រឡប់ទៅផ្ទះវិញ ។ ពេលជិះមកដល់ត្រង់ចំណុចកើតហេតុ ចុងស្ពានអាកាសស្ទឹងមានជ័យ ខាងកើតស្រាប់តែលិចមុខជនសង្ស័យ ជិះម៉ូតូមួយគ្រឿងមិនចាំម៉ាក ធ្វើដំណើរពីក្រោយរួចក៏ឈោងដៃឆ.ក់យកកាបូបដែលរូបនាងស្ពាយ នៅនឹងស្មាបានសម្រេច រួចជិះរត់គេចខ្លួនតាមបណ្តោយផ្លូវ២៧១ ពេលនោះដែរ រូបនាងក៏បានស្រែកយំ ជិះតាមជនសង្ស័យរួចស្រែកចោៗ ឲ្យអ្នកជិតខាងជួយ តែគ្មាននរណាជួយបានឡើយ ។ ក្រោយមករូបនាង ក៏បានរត់មកសុំឲ្យកម្លាំងសមត្ថកិច្ចផ្នែកចរាចរណ៍ផ្លូវគោក ប្រចាំនៅគោលដៅក្រោមស្ពានអាកាសស្ទឹងមានជ័យជួយ រួចក៏នាំរូបនាង ទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលសង្កាត់បឹងសាឡាង […]
ភ្នំពេញ ៖ នៅថ្ងៃទី៣១ ខែឧសភា ឆ្នាំ២០២១ គឺជាទិវាពិភពលោកគ្មានថ្នាំជក់។ នៅក្នុងឱកាសនៃខួបនេះ អង្គការចលនាដើម្បីសុខភាពកម្ពុជា បានង្ហាញការយល់ឃើញថា ប្រជាជនកម្ពុជានៅតែបន្ដប្រើថ្នាក់ជក់ដែលមានផលប៉ះពាល់ទៅដល់សុខភាពដដែល។ ដើម្បីជាការបន្ថែមការជំរុញប្រជាជនឲ្យផ្ដាប់បារីបាន អង្គការខាងលើស្នើរដ្ឋាភិបាលដំឡើងពន្ធថ្នាំជក់ ដើម្បីជាចលករជំរុញឲ្យប្រជាជនផ្ដាច់បារី។ អង្គការខាងលើនេះបានអះអាងថា ការដំឡើងពន្ធថ្នាំជក់ ក្រៅពីជួយដល់សុខភាពប្រជាជនហើយ ក៏ជួយបង្កើនសេដ្ឋកិច្ចរបស់ប្រទេសជាតិផងដែរ។ ចំពោះការលើកឡើងខាងលើនេះ មន្រ្ដីនាំពាក្យរាជរដ្ឋាភិបាល បានបញ្ជាក់ថា រាជរដ្ឋាភិបាលមិនព្រងើយកន្ដើយឡើយចំពោះសុខភាពប្រជាជនឡើយ ក៏ប៉ុន្ដែគ្រប់កិច្ចការទាំងអស់រាជរដ្ឋាភិបាលមិនអាចធ្វើដោយផ្អៀងទៅរកភាគីណា ជាងភាគីណានោះទេ ពោលចំពោះការជំរុញឲ្យប្រជាជនផ្ដាច់បារី វិធីល្អ និងមានប្រសិទ្ធភាពគឺការអប់រំ ដែលប្រសើរជាងការរឹតត្បិត ឬសង្កត់សង្កិនសិទ្ធិរបស់ពួកគាត់៕