គិតត្រឹមថ្ងៃទី១០ ខែមេសា ឆ្នាំ២០២៤នេះ រដ្ឋបាលរាជធានីភ្នំពេញ ធ្វើការរៀបចំតុបតែងលម្អសោភ័ណភាពនៅ រមណីយដ្ឋានវប្បធម៌ប្រវត្តិសាស្ត្រវត្តភ្នំ និងទីតាំងសាធារណៈមួយចំនួនជិតរួចរាល់ហើយ ដើម្បីត្រៀមរៀបចំសង្ក្រាន្តវត្តភ្នំ អបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំរោង ឆស័កពុទ្ធសករាជ ២៥៦៨ ។ មន្ត្រីជំនាញរដ្ឋបាលរាជធានីភ្នំពេញបានឱ្យដឹងថា ៖ អនុវត្តតាមការណែនាំរបស់ ឯកឧត្ដមឃួង ស្រេង អភិបាលរាជធានីភ្នំពេញ ផ្នែកជំនាញរដ្ឋបាលរាជធានី បានរៀបចំតុបតែងលម្អនៅជុំវិញបរិវេណរមណីយដ្ឋានប្រវត្តិសាស្ត្រវត្តភ្នំ ដែលជាទីតាំងរៀបចំសង្ក្រាន្តវត្តភ្នំ សម្រាប់ អបអរសាទរពិធីបុណ្យចូលឆ្នាំថ្មីប្រពៃណីជាតិ ក៏ដូចជាផ្តល់ភាពសប្បាយ រីករាយជូនបងប្អូនប្រជាពលរដ្ឋសម្រេចបាន៧០ភាគរយហើយ ខណៈនៅសេសសល់ប្រមាណជា ៣០ភាគរយទៀត នឹងពន្លឿនឱ្យរួចរាល់នៅថ្ងៃទី១២ ឬយ៉ាងយូរត្រឹមថ្ងៃទី១៣ ខែមេសា ឆ្នាំ២០២៤ មុនទទួលទេវតាឆ្នាំថ្មី ។
(កោះកុង)៖ សង្គ្រាមក្នុងប្រវត្តិសាស្ត្រដេីម្បីរំដោះ និងការពារប្រទេសកុំឱ្យរបបប្រល័យពូជសាស្ត្រវិលមកវិញនោះ បានធ្វេីឱ្យយុទ្ធជនកម្ពុជាមិនតិចនោះឡេីយ បានពលីជីវិត។ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានលេីកឡេីងថា វីរភាពរបស់យុទ្ធជនកម្ពុជា នៅតែដិតដាមក្នុងក្រអៅបេះដូងថ្នាក់ដឹកនាំ និងពលរដ្ឋកម្ពុជាជាប់ជានិច្ច មិនអាចបំភ្លេចបានឡើយ។ បេីតាមសម្តេចពិជ័យសេនា ទៀ បាញ់ ឈរលេីស្មារតីដឹងគុណយុទ្ធជនពលីនេះហេីយ ទេីបមានការរៀបចំធ្វើបុណ្យទក្ខិណានុប្បទានឧទ្ទិសកុសល ជូនដល់ដួងវិញ្ញាណក្ខន្ធកម្មាភិបាល យុទ្ធជន និងបើកការដ្ឋានសាងសង់-ជួសជុលទីលានផ្នូរយុទ្ធជន ដែលបានពលីជីវិតក្នុងសម័យសង្គ្រាមចំនួន ៤៤៧សព នៅទីលានផ្នូរយុទ្ធជនខេត្តកោះកុង (សពយុទ្ធជន) ស្ថិតនៅក្នុងភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង នៅថ្ងៃទី២៣ ខែកុម្ភៈ ឆ្នាំ២០២១នេះ។ សម្តេចពិជ័យសេនា ទៀ បាញ់ បានគូសបញ្ជាក់ថា «ការរៀបចំពិធីបញ្ចុះបឋមសិលាសាងសង់ ជួសជុលទីលានផ្តូរយុទ្ធជន ខេត្តកោះកុងនាថ្ងៃនេះ គឺធ្វើឡើងក្នុងស្មារតីចងចាំជានិច្ច នូវគុណូបការៈដ៏ឧត្តុងឧត្តម ចំពោះវីរភាពដ៏អង់អាចក្លាហានរបស់វីរកម្មាភិបាលវីរយុទ្ធជន យុទ្ធនារី ប្រជាជន និងអ្នកស្នេហាជាតិដែលបានធ្វើមហាពលីកម្មបូជាសាច់ស្រស់ ឈាមស្រស់ ក្នុងសមរភូមិ ដើម្បីរំដោះមាតុភូមិពីកណ្តាប់ដៃរបបប្រល័យពូជសាសន៍ ប៉ុល ពត ដើម្បីជួយសង្គ្រោះជីវិតប្រជាជន និងសង្គមជាតិឱ្យរស់ឡើងវិញ រហូតមានការរីកចម្រើនដល់សព្វថ្ងៃនេះ»។ អតីតមេចលនាតស៊ូ ដើម្បីសិទ្ធិសេរីភាព […]
ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានថ្លែងបញ្ជាក់ជាថ្មីទៀតពាក់ព័ន្ធការចោទប្រកាន់សម្តេចថា មានសញ្ជាតិពីរ ឬបានទិញសញ្ជាតិបរទេសមួយផ្សេងទៀតក្រៅពីសញ្ជាតិកំណើតកម្ពុជា។ សម្តេចឲ្យដឹងថា សូម្បីតែយល់សប្តក៏មិនដែលនឹកនាចង់បានសញ្ជាតិផ្សេងក្រៅពីសញ្ជាតិកំណើតឡើយ។ ថ្លែងក្នុងពិធីសម្ពោធទីស្តីការក្រសួងរៀបចំដែនដី នគររូបនីយកម្ម និងសំណង់ នាព្រឹកថ្ងៃទី៨ ខែវិច្ឆិកា ឆ្នាំ២០២១ ក្នុងរាជធានីភ្នំពេញ សម្តេចតេជោ ហ៊ុន សែន នាយករដ្ឋមន្រ្តី មានប្រសាសន៍បញ្ជាក់ថា នៅពេលនេះការពិតត្រូវបានលាតត្រដាងហើយពីសញ្ជាតិរបស់សម្តេច។ សម្តេចតេជោបានធៀបការចោទប្រកាន់ថា សម្តេចមានសញ្ជាតិពីរនោះ គឺជារឿងដំបៅមិនឈឺ យកឈើចាក់ឲ្យចេញឈាម។ ពាក់ព័ន្ធរឿងសញ្ជាតិពីរនេះ សម្តេចតេជោ ហ៊ុន សែន បានមានប្រសាសន៍ឲ្យដឹងថា សូម្បីតែយល់សប្តិក៏សម្តេចមិននឹកចង់បានសញ្ជាតិបរទេសផ្សេងក្រៅពីសញ្ជាតិកំណើតឡើយ។ ទោះយ៉ាងណាសម្តេចបញ្ជាក់ថា សម្តេចមិនបានបិទផ្លូវសម្រាប់ពលរដ្ឋកម្ពុជាដែលមានសញ្ជាតិពីរចង់ចូលមកប្រទេសកម្ពុជាវិញដើម្បីបម្រើជាតិនិងប្រជាជនកម្ពុជាដែរ ក្រៅពីតំណែងកំពូលចំនួន៤ គឺប្រធានព្រឹទ្ធសភា ប្រធានរដ្ឋសភា នាយករដ្ឋមន្ត្រី និងប្រធានក្រុមប្រឹក្សាធម្មនុញ្ញ។ សម្តេចតេជោ ហ៊ុន សែន ក៏បានសង្កត់ធ្ងន់សារជាថ្មីម្តងទៀតថា ច្បាប់ស្តីពីការកំណត់សញ្ជាតិខ្មែរតែមួយ គឺមានគោលបំណងដើម្បីបញ្ចៀសការជ្រៀតជ្រែកពីបរទេស និងដើម្បីការពារផលប្រយោជន៍ប្រទេសកម្ពុជា។ សូមជម្រាបជូនថា ព្រះករុណា ព្រះបាទ សម្ដេច ព្រះបរមនាថ នរោត្ដម សីហមុនី […]
