ភ្នំពេញ : ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បានបកស្រាយបំភ្លឺ និងបដិសេធទាក់ទងទៅនឹងសារព័ត៌មានមួយចំនួនតូច ដែលបានចុះផ្សាយព័ត៌មានមិនពិត ចោទប្រកាន់ថា លោកវរសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ កិបកេងថវិការបស់មន្ត្រី ទៅលេីការមបែកចែកថវិការបស់សាលារាជធានីភ្នំពេញ ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បានបន្តថា ជាក់ស្តែងការចុះផ្សាយព័ត៌មានមិនពិត របស់សារព័ត៌មានមួយចំនួន ដែលមិនបានទទួលព័ត៌មានគ្រប់ជ្រុងជ្រោយ និងច្បាស់លាស់ បែរជាចុះផ្សាយទាំងមិនច្បាស់ធ្វេីឲ្យថ្នាក់ដឹកនាំ ក៏ដូចជាមជ្ឍដ្ឋានទូទៅមានការយល់ច្រឡំ ។ ដំណេីររឿងជាក់ស្តែងអធិការដ្ឋាននគរបាលខណ្ឌពោធិ៍សែនជ័យ បានទទួលថវិកាពីផែនភស្តុភារ និងហិរញ្ញវត្ថុនៃស្នងការដ្ឋាននគរបាលរាជធានីភ្នំពេញ ដែលជាការឧបត្ថម្ភរបស់សាលារាជធានីភ្នំពេញ សម្រាប់ផ្តល់ជូនកងកម្លាំងអនុវត្តវិធានការបិទខ្ទប់រាជធានីភ្នំពេញ រយ:ពេល ១៤ថ្ងៃ ដោយក្នុងផែនការត្រូវប្រេីប្រាស់កម្លាំងខណ្ឌចំនួន ១៣០នាក់ ក្នុង ១៣គោលដៅ ជាក់ស្តែងកម្លាំងសរុបរបស់អធិការដ្ឋាននគរបាលខណ្ឌពោធិ៍សែនជ័យ មានរហូតដល់ ២៤០នាក់ ហេីយកម្លាំងដែលមិនមានក្នុងផែនការក៏បានចូលរួមជួយឆ្លាស់វេនគ្នាប្រចាំការតាមគោលដៅដូចគ្នា ដូច្នេះហេីយទេីបពេលទទួលបានថវិកាសរុបភ្លាម លោកអធិការបានធ្វេីការកោះប្រជុំជាមួយលោកអធិការរង សួរទៅគ្រប់ប៉ុស្តិ៍ គ្រប់គោលដៅ និងមន្ត្រីផងដែរ ដេីម្បីទទួលបានការឯកភាព និងចុះសម្រុងគ្នាជាមុន មុននឹងធ្វេីការបែកចែកថវិកានេះផងដែរ ព្រោះថាដោយការគិតគូរ និងយកចិត្តទុកដាក់របស់លោកអធិការ ក៏ដូចជាចង់ឲ្យកម្លាំងទាំងអស់ចំណុះអធិការមានការសាមគ្គីគ្នាល្អ ទេីបលោកអធិការសម្រេចចិត្តបែងចែកថវិការួមដែលបានទទួលមកនោះ ចែករំលែកពីការផ្តល់ជូនកម្លាំង ១៣០នាក់ ទៅជាការបែកចែកជូនកម្លាំងសរុបចំនួន ២៤០នាក់វិញ […]
ខេត្តពោធិ៍សាត់ ៖ ករណីសមត្ថកិច្ចសហការគ្នាស្រាវជ្រាវ និងបង្រ្កាបជនសង្ស័យនេះ ធ្វើឡើងកាលពីម្សិលមិញ ថ្ងៃសៅរ៍ ៧រោច ខែជេស្ឋ ឆ្នាំថោះ បព្ចាស័ក ព.ស. ២៥៦៧ ត្រូវនឹងថ្ងៃទី១០ ខែមិថុនា ឆ្នាំ២០២៣ ស្ថិតនៅភូមិស្ពាន ឃុំកោះជុំ ស្រុកកណ្ដៀង ខេត្តពោធិ៍សាត់ ។ ដោយសារតែមានការបាត់អាគុយនិងប្រេងរថយន្តញឹកញាប់ពេក ទើបសមត្ថកិច្ចនគរបាលក្រុងពោធិ៍សាត់និងស្រុកកណ្ដៀង សហការគ្នាចុះស្រាវជ្រាវរហូតកំណត់បានមុខសញ្ញា ដោយឃាត់ខ្លួនជនសង្ស័យម្នាក់យកមកសួរនាំ ។ ជនសង្ស័យឈ្មោះ ណុប គឿន ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិស្ពាន ឃុំកោះជុំ ស្រុកកណ្ដៀង ខេត្តពោធិ៍សាត់ ។ ប្រភពព័ត៌មានពីសមត្ថកិច្ចដដែលឱ្យដឹងទៀតថា ការណ៍ដែលឃាត់ខ្លួនជនសង្ស័យនេះ គឺជាការអនុវត្តតាមបណ្តឹងរបស់អង្គភាពធ្វើលូនៅភូមិអូរស្ដៅ សង្កាត់ផ្ទះព្រៃ ក្រុង/ខេត្តពោធិ៍សាត់ដែលកន្លងទៅនៅពេលយប់តែងតែបាត់អាគុយរថយន្ត និងប្រេងជាញឹកញាប់ ទើបសមត្ថកិច្ចនគរបាលយើងសហការស្រាវជ្រាវរហូតកំណត់មុខសញ្ញា និងឃាត់ខ្លួនតែម្ដង។ ជនសង្ស័យ(ណុប គឿន)ត្រូវបាននាំយកមកបន្តនីតិវិធីនៅអធិការដ្ឋាននគរបាលក្រុងពោធិ៍សាត់ ៕
អតីតប្រធានគណបក្សអំណាចខ្មែរ បានចាត់ទុកគំនិតផ្តួចផ្តើមរបស់អ្នកនយោបាយប្រឆាំងរត់ចោលស្រុក គ្រោងបង្កើតសហគមន៍ប្រជាជាតិអាស៊ីអាគ្នេយ៍ថ្មីមួយ ដោយផ្តោតទៅលើបញ្ហាសិទ្ធិមនុស្ស និងប្រជាធិបតេយ្យជាធំនោះ គ្រាន់តែជាឆាកល្ខោននយោបាយដើម្បីបោកប្រាស់សកម្មជន និងអ្នកគាំទ្ររបស់តែខ្លួនប៉ុណ្ណោះ ពោលគឺជាគំនិតស្រមើស្រមៃដែលមិនទៅរួចឡើយ។ លោក សួន សេរីរដ្ឋា អតីតប្រធានគណបក្សអំណាចខ្មែរ បានបញ្ជាក់ប្រាប់វិទ្យុបាយ័នថា គំនិតផ្តួចផ្តើមក្នុងការបង្កើតសហគមន៍ប្រជាជាតិអាស៊ីអាគ្នេយ៍ថ្មីមួយ គឺមិនអាចទៅរួចឡើយ។ មិនអាចទៅរួចដោយសារថា ក្នុងក្រុមដែលបានចូលរួមផ្តួចផ្តើមគំនិតនោះ សុទ្ធតែជាបក្សប្រឆាំងដែលអត់បានកាន់អំណាចក្នុងរដ្ឋាភិបាលអាស៊ានបច្ចុប្បន្នទេ។ លោកថា ប្រទេសក្នុងសមាគមន៍អាស៊ីអាគ្នេយ៍មានគោលដៅច្បាស់លាស់របស់ខ្លួនរួចទៅហើយ ក្នុងការប្រែក្លាយសមាគមន៍អាស៊ីអាគ្នេយ៍ ទៅជាសហគមន៍ប្រជាជាតិអាស៊ីអាគ្នេយ៍ ដោយផ្តោតសំខាន់ទៅលើការជំរុញកំណើនសេដ្ឋកិច្ច។ ការអះអាងរបស់លោក សួន សេរីរដ្ឋា នេះគឺឆ្លើយតបទៅនឹងក្រុមអ្នកនយោបាយប្រឆាំងរត់ចោលស្រុក ដែលបានប្រកាសពីគម្រោងផែនការរបស់ខ្លួនក្នុងការរៀបចំបង្កើតឲ្យមានសហគមន៍ប្រជាជាតិអាស៊ីអាគ្នេយ៍ថ្មីមួយ ដោយប្រមូលអ្នកយកនូវគណបក្សនយោបាយប្រឆាំងនានាក្នុងសមាជិកអាស៊ានចូលរួម ដោយផ្តោតលើបញ្ហាសិទ្ធិមនុស្ស និងប្រជាធិបតេយ្យជាចម្បង។ បើតាមលោក សួន សេរីរដ្ឋា ការខិតខំលើកយកពាក្យប្រជាជាតិអាស៊ីអាគ្នេយ៍ និងទាញអ្នកនយោបាយប្រឆាំងនៅបណ្តាប្រទេសក្នុងតំបន់អាស៊ានឲ្យចូលរួម គឺជាសារនយោបាយមួយរបស់អ្នកនយោបាយទាល់ច្រករត់ចោលស្រុកសម្រាប់បន្តនយោបាយបោកប្រាស់របស់ខ្លួនតែប៉ុណ្ណោះ។ គួរបញ្ជាក់ថា សមាគមប្រជាជនអាស៊ីអាគ្នេយ៍គឺជាអង្គការថ្នាក់តំបន់មួយរួមមានប្រទេសនៅអាស៊ីអាគ្នេយ៍ទាំងដប់ ដែលបានជួយជំរុញកិច្ចសហប្រតិបត្តិការអន្តររដ្ឋាភិបាល និងជួយសម្រួលការធ្វើសមាហរណកម្មក្នុងចំណោមសមាជិកទាំងអស់។ ចាប់តាំងពីការបង្កើតឡើងដំបូងនៅថ្ងៃទី៨ ខែសីហា ឆ្នាំ១៩៦៧ ដោយប្រទេសឥណ្ឌូណេស៊ី ម៉ាឡេស៊ី ហ្វីលីពីន សិង្ហបុរី និងថៃ អង្គការនេះក៏បានពង្រីកខ្លួនដោយការចូលរួមពីប្រទេសព្រុយណេ កម្ពុជា មីយ៉ាន់ម៉ានិងវៀតណាម។គោលបំណងសំខាន់នៃអង្គការនេះ គឺការជំរុញនូវកំណើនសេដ្ឋកិច្ច […]