ភ្នំពេញ៖ មន្ដ្រីជាន់ខ្ពស់របស់អាជ្ញាធរជាតិអប្សរា បានអះអាងថា លេខាធិការដ្ឋាន អាយស៊ីស៊ី អង្គរ ICC Angkor និងអង្គការយូណេស្កូប្រចាំកម្ពុជា បានបញ្ចប់បេសសកម្មរបស់ខ្លួន ក្នុងការចុះពិនិត្យមើលការងារប្រឈមនឹងគ្រោះថ្នាក់ នៅតាមការដ្ឋាន នៃប្រាសាទបុរាណមួយចំនួន នៅក្នុងរមណីដ្ឋានអង្គរ កាលពីរសៀលថ្ងៃទី១០ ខែតុលា ឆ្នាំ២០២១នេះ។ បេសសកម្មនេះ ធ្វើឡើងចាប់ពីរសៀលថ្ងៃទី០៧ ខែតុលា ដល់រសៀលថ្ងៃទី១០ ខែតុលា ឆ្នាំ២០២១ នេះ បានបញ្ចប់ជាស្ថាពរ។ ឯកឧត្ដម ឡុង កុសល អ្នកនាំពាក្យ និងជាអគ្គនាយករង នៃអាជ្ញាធរជាតិអប្សរា មានប្រសាសន៍ថា ក្រុមការងារដែលបានចុះពិនិត្យនេះ រួមមាននៅប្រាសាទបន្ទាយស្រី ប្រាសាទនាគព័ន្ធ ប្រាសាទបាយ័ន្ត ប្រាសាទព្រះខ័ន ខ្លោងទ្វារតាកាវ ព្រះលានជល់ដំរី ប្រាសាទមេបុណ្យខាងលិច និងប្រាសាទមួយចំនួនទៀត។ ឯកឧត្ដម បានបន្ដថា ការងារនេះធ្វើឡើង ដើម្បីពិភាក្សាស្វែងយល់អំពីដំណើរការជួសជុលបន្ទាន់ដល់រចនាសម្ព័ន្ធប្រាសាទ ដែលកំពុងប្រឈមនឹងគ្រោះថ្នាក់ដែលត្រូវជួសជុលបន្ទាន់ ដើម្បីធានាបាននូវស្ថេរភាព និងភាពរឹងមាំរបស់ប្រាសាទយើង។ ទន្ទឹមនឹងនេះ ក្រុមការងារក៏បានបន្តមើលការរៀបចំសោភណ្ឌភាពតំបន់ជុំវិញរចនាសម្ព័ន្ធប្រាសាទឱ្យមានលក្ខណ:ល្អប្រសើឡើងវិញ ដោយគោរព និងរក្សាឱ្យបាននូវតម្លៃ នៃសភាពដើម និងបូរណភាពរបស់អង្គរ។ ជាពិសេស […]
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានថ្លែងបញ្ជាក់ជាថ្មីថា រដ្ឋាភិបាលមិនបានហាមឃាត់ការរៀបអាពាហ៍ពិពាហ៍នោះទេ គឺអាចរៀបការបានតាមបែបគន្លងថ្មី ដោយរៀបចំក្នុងចំនួនមនុស្សតិច ដើម្បីរក្សាគម្លាតសុវត្ថិភាព ។ ទន្ទឹមនឹងនោះ សម្តេចក៏បានលើកទឹកចិត្តឱ្យប្រជាពលរដ្ឋដើរលេងកម្សាន្តតាមតំបន់រមណីយដ្ឋាននានា ជាមួយនឹងការអនុវត្តនូវវិធានការការពារខ្លួន ។ ថ្លែងនាព្រឹកថ្ងៃទី១ ខែវិច្ឆិកា ឆ្នាំ២០២១ នាឱកាស អញ្ជើញជាអធិបតីភាព ក្នុងពិធីបិទយុទ្ធនាការចាក់វ៉ាក់សាំងបង្ការជំងឺកូវីដ១៩ ជុំទី១ សម្រាប់មានអាយុ ៦ឆ្នាំឡើង និង បើកយុទ្ធ នាការចាក់វ៉ាក់សាំង សម្រាប់កុមារអាយុ ៥ឆ្នាំ ដែលពិធីនេះ ធ្វើឡើងនៅវិមានសន្តិភាព សម្តេចតេជោ បានបញ្ជាក់ថា កូនក្មួយរៀបការធម្មតាចុះ មិនបានហាមឃាត់ទេ គ្រាន់តែពីមុនធ្វើពិធីមានមនុស្សរាប់រយពាន់នាក់ ឬរាប់រយតុ មករៀបចំត្រឹមមនុស្សក្រោម ៥០ នាក់ និងមានការរក្សានូវគម្លាតសុវត្ថិភាពនិងវិធានការសុខាភិបាល ។ សម្តេចបានមានប្រសាសន៍បន្តថា នរណាក៏ចង់បានពិធីធំដែរ តែមនុស្សត្រូវរស់នៅតាមបែបគកន្លងថ្មី ហើយពិធីមង្គលការតូច ឬធំ មិនសំខាន់ទេ សំខាន់គឺការចេះរស់នៅជាមួយគ្នា ។ បន្ថែមពីលើនេះ សម្តេចក៏បានបញ្ជាក់ថា សម្តេចសម្គាល់ឃើញមានបងប្អូនបានធ្វើដំណើរ កមន្សាន្ត ពិសេសនៅម្តុំវិមានឯករាជ្យជាដើម […]
ហៃណាន ថ្ងៃទី២៨ ខែមីនា ឆ្នាំ២០២៤ — សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាអតីតនាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញចូលរួមពិធីបើកសន្និសីទប្រចាំឆ្នាំ២០២៤ នៃវេទិកាបូអាវ (Boao) សម្រាប់អាស៊ី ដែលរៀបចំឡើងនៅទីក្រុងបូអាវ ខេត្តហៃណាន សាធារណរដ្ឋប្រជាមានិតចិន និងសំណេះសំណាលជាមួយថ្នាក់ដឹកនាំ ដែលអញ្ជើញចូលរួមពិធីបើកសន្និសីទនេះ នាព្រឹកទី២៨ ខែមីនា ឆ្នាំ២០២៤។
