ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ បានថ្លែងកោតសរសើរក្រុមការងាររាជរដ្ឋាភិបាលចុះមូលដ្ឋានក្រុងស្រុកទាំង៧ នៃខេត្តក្រចេះ ដែលខិតខំប្រឹង ប្រែងដោយភាពស្វាហាប់ និងការទទួលខុសត្រូវក្នុងការបំរើប្រជាពលរដ្ឋ ដើម្បីឆ្លើយតបទៅនឹងជំនឿទុកចិត្តរបស់ប្រជាពលរដ្ឋ ដែលបានបោះឆ្នោតជូនដល់គណបក្សប្រជាជនកម្ពុជា ឲ្យបន្តដឹកនាំប្រទេសជាតិបានកាន់តែរីកចំរើន និងបន្តរក្សាបានសុខសន្តិភាពយ៉ាងរឹងមាំ។ ឯកឧត្តម បន្ថែមថា លទ្ធផលការងារដ៏ល្អនេះបានបង្ហាញឲ្យឃើញនូវស្មារតីសាមគ្គីភាពគ្នាដ៏ល្អរវាងក្រុមការងារថ្នាក់ជាតិ និងថ្នាក់ក្រោមជាតិដែលបានសហការគ្នាក្នុងការបំរើបងប្អូនប្រជាពលរដ្ឋ ជាពិសេសឆ្លើយតបទៅនឹងបំណងប្រាថ្នាដ៏ពិសិដ្ឋ របស់ប្រជាជននោះគឺការធានាបាននូវសុខសន្តិភាព ស្ថេរភាពនយោបាយ និងការអភិវឌ្ឍដែលជាកត្តាសំខាន់ចាំបាច់បំផុតដែលយើងទាំងអស់គ្នាត្រូវការ។ ដូច្នេះហើយក្រុមការងាររាជរដ្ឋាភិបាល អាជ្ញាធរដែនដី ក្រុង ស្រុក ចាំបាច់ណាស់ត្រូវមានវិធានការគ្រប់បែបយ៉ាងទាំងអស់ដើម្បីធានាអោយបាននូវសុខសន្តិភាព និងស្ថេរភាពនយោបាយ។ ការលើកឡើងរបស់ឯកឧត្តម នេត្រ ភក្ត្រា ក្នុងឱកាសអញ្ជើញជាអធិបតីកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៤ និងលើកទិសដៅការងារបន្តរបស់ក្រុមការងាររាជរដ្ឋាភិបាលចុះមូលដ្ឋានខេត្តក្រចេះ នៅព្រឹកថ្ងៃ0៦ ខែសីហា ឆ្នាំ២០២៤ នាសាលមហោស្រពខេត្តក្រចេះ។ ឯកឧត្តម នេត្រ ភក្ត្រា បានគូសបញ្ជាក់ថា ទិសដៅសំខាន់របស់ក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ទាំងថ្នាក់ជាតិ និងថ្នាក់ខេត្ត គឺមានបេសកកម្មរួមមួយដោយត្រូវអនុវត្តឱ្យបានជោគជ័យនូវកម្មវិធីគោលនយោបាយ និងយុទ្ធសាស្រ្តរបស់រាជរដ្ឋាភិបាល។ ក្រុមការងារថ្នាក់ជាតិ គឺជាចំណងភ្ជាប់រវាងរដ្ឋាភិបាលថ្នាក់ជាតិជាមួយរដ្ឋបាលថ្នាក់ក្រោមជាតិដោយជួយតម្រង់ទិស គាំទ្រ និងជួយជំរុញការលើកកម្ពស់សមត្ថភាពស្ថាប័ននៅមូលដ្ឋាន ដើម្បីពង្រឹងការទទួលខុសត្រូវ […]
កំពង់ស្ពឺ៖ កាលពីថ្ងៃសៅរ៍ ទី១០ ខែកក្កដា ឆ្នាំ២០២១ វេលាម៉ោង១៤នឹង៥០នាទី ចន្លោះគីឡូម៉ែតលេ ខ១០៣-១០៤ មានករណីរថយន្តមួយគ្រឿង ម៉ាក HINO ពណ៌ស ពាក់ស្លាកលេខភ្នំពេញ 3E-1085 លេខសណ្តោងព្រះសីហនុ 4A-2899 ប្រភេទV1 បើកបរក្នុងទិសដៅ ពីកើតទៅលិចបានបើកធ្លាក់ផ្លូវបណ្តាលអោយខូចខាតរបាំងដែកការពារ ផ្លូវប្រហែល៥០ម៉ែត្រ រថយន្តក៏រេចង្កូតមកផ្លូវខាងស្ដាំដៃធ្លាក់ចូលប្រឡាយទឹកអូរ ទៅមុខលែងរួច (មូលហេតុៈបណ្ដាលមកពី លក្ខណៈបច្ចេកទេសនៃរថយន្តដាច់ហ្រ្វាំង)។ ក្រោយហេតុការណ៍ខាងលើអ្នកបើកបរបានគេចខ្លួន ពេលសមត្ថកិច្ចទៅដល់ ហេតុការណ៍នោះមិនមានបង្កគ្រោះថ្នាក់ដល់អ្នកដំណើរផ្សេងឡើយ។ បច្ចុប្បន្នសមត្ថកិច្ចនគរបាលចរាចរណ៍ កំពុងតែពិនិត្យស្រាវជ្រាវរកម្ចាស់ក្រុមហ៊ុនមកទទួលខុសត្រូវនិងចំណាត់ការស្ទួចយកមករក្សាទុកនៅអធិការដ្ឋាននគរបាលស្រុកភ្នំស្រួច ដើម្បីចំណាត់ការតាមនីតិវិធី ៕
(ភ្នំពេញ)៖ ដើម្បីពង្រឹងការងារ សន្តិសុខ សណ្តាប់ធ្នាប់ នៅក្នុងខណ្ឌឲ្យបានប្រសើរឡើងថែមទៀត លោក ចេង មុនីរ៉ា អភិបាលខណ្ឌច្បារអំពៅ បានដឹកនាំកម្លាំងចុះរៀបចំសណ្តាប់ធ្នាប់នៅផ្សារច្បារអំពៅ និងត្រួតពិនិត្យទីតាំងបែងចែកផលនេសាទ ដែលជាទូទៅហៅថា យឿត្រីច្បារអំពៅ។ សកម្មភាពចុះរៀបចំសណ្តាប់ធ្នាប់នេះបានធ្វើឡើងនៅវេលាម៉ោង ៣:០០នាទីទៀបភ្លឺឈានចូលថ្ងៃទី២ ខែកុម្ភៈ ឆ្នាំ២០២១ រួមដំណើរដោយលោករស់ សុភ័ក្ត អភិបាលរងលោក យ៉ិន វុធ ចៅសង្កាត់ច្បារអំពៅទី២ និងលោក គួច ចំណាន ប្រធានគណៈកម្មការផ្សារច្បារអំពៅ។ សកម្មភាពវេលាទៀបភ្លឺនេះ លោកអភិបាលខណ្ឌ និងក្រុមការងារ បានចុះពិនិត្យស្ថានភាពទីតាំងដេប៉ូចែកចាយផលនេសាទ និងចំណតរថយន្តច្បារអំពៅ រួចបន្តដំណើរពិនិត្យទីតាំងលក់ដូររបស់បងប្អូនជនជាតិ នៅផ្លូវ៣៦៩ ភូមិព្រែកតាពៅ សង្កាត់ព្រែកប្រា ព្រមទាំងធ្វើការសំណេះសំណាលជាមួយបងប្អូន កំពុងហាត់ប្រាណនៅតាមផ្លូវស្ពានព្រែកបារាំង ក្នុងសង្កាតព្រែកប្រា និងសង្កាត់និរោធ។ ជាមួយគ្នានេះដែរ លោកអភិបាលខណ្ឌ បានក្រើនរំលឹកឲ្យបងប្អូនប្រជាពលរដ្ឋត្រូវរួមគ្នាបង្ការ ទប់ស្កាត់ ជំងឺឆ្លងកូវីដ-១៩ កុំឲ្យរីករាលដាលតទៅទៀត តាមរយៈការអនុវត្តន៍ជាប្រចាំតាមគោលការណែនាំរបស់ក្រសួងសុខាភិបាល រួមមានអនុវត្តនូវវិធានទាំង៣រួមមាន៖ *ទី១៖ ឧស្សាលាងដៃជាមួយ សាប៊ូ អាល់កុល ឬ ជែល *ទី២៖ អង្គុយគម្លាតពីគ្នាចាប់១,៥០ម៉ែត្រ *ទី៣៖ ត្រូវពាក់ម៉ាស់ជាប្រចាំ និងកុំប្រមូលផ្តុំគ្នាច្រើនបើមិនចាំបាច់៕
