ភ្នំពេញ ៖ នារីរូបស្រស់ម្នាក់ចេញពីក្នុងកម្មវិធីមួយកន្លែង រាងស្រវឹងទោទន់បានបើករថយន្តម៉ាកកូរ៉ូឡាមួយគ្រឿង ទៅប៉ះរថយន្តស៊េរីទំនើប២គ្រឿង មិនព្រមឈប់ដោះស្រាយ រួចបន្តល្បឿនបើករត់តែត្រូវកម្លាំងសន្តិសុខ ប្រចាំការនៅក្នុងកោះពេជ្រ ដេញតាមឃាត់បណ្តាលឲ្យនារីខាងលើ បើករថយន្តទៅបុ.កទម្លុះបារ៉ាស់ដាក់បាំងចំណុចស្ពានកូនភ្លោះរងការខូចខាត។ ហេតុការណ៍នេះដែរបានកើតឡើងនៅវេលាម៉ោង ២និង៣០នាទីរំលងអធ្រាត្រ ឈានចូលថ្ងៃទី៣ ខែកក្កដា ឆ្នាំ២០២២ ចំណុចឃាត់បានលើស្ពានកូនភ្លោះកោះពេជ្រ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ បើយោងតាមការបញ្ជាក់ពីសន្តិសុខប្រចាំការ នៅទីតាំងកើតហេតុបានប្រាប់ឲ្យដឹងថា ដំបូងឡើយរូបគាត់បានឃើញនារីខាងលើ បានបើករថយន្តម៉ាកកូរ៉ូឡា ពណ៌សពាក់ផ្លាកលេខ ភ្នំពេញ 2BI-2135 បើកចេញពីក្នុងកម្មវិធីមួយកន្លែង នៅក្នុងបរិវេណកោះពេជ្រ រួចបានបើកទៅប៉ះរថយន្តស៊េរីទំនើប២គ្រឿង បណ្តាលឲ្យរងការខូចខាត តែមិនព្រមឈប់ដោះស្រាយ ក៏បន្តល្បឿនបើករត់ ភ្លាមនោះដែរ ខាងកម្លាំងសន្តិសុខប្រចាំការ នៅក្នុងបរិវេណកោះពេជ្រ ក៏នាំគ្នាជិះម៉ូតូដេញពីក្រោយ ទោះយ៉ាងណាក៏នារីរូបនោះ បើករថយន្តបង្កមិនព្រមឈប់ និងបន្តល្បឿនបើកទៅមុខរហូត លុះមកដល់ចំណុចស្ពានកូនភ្លោះ ក៏បានបន្ថែមល្បឿនបើកទៅបុ.កទ.ម្លុះបារ៉ាស់ បណ្តាលឲ្យបាក់ជាច្រើនកង់ ចំណែកឯរថយន្តបង្កវិញ រងការខូចខាតផ្នែកខាងមុខ ស្ទើរទាំងស្រុង ទៅមុខលែងរួច ។ ក្រោយកើតហេតុខាងលើសមត្ថកិច្ចមូលដ្ឋាន សហការជាមួយផ្នែកជំនាញចរាចរណ៍ ចុះមកដល់រួចពិនិត្យនិងទំនាក់ទំនងទៅផ្នែកជំនាញចរាចរណ៍ក្រុង ឲ្យចុះមកវាស់វែង យករថយន្តស្ទូច មកស្ទូចយករថយន្តបង្កទៅរក្សាទុកនៅ ខាងការិយាល័យចរាចរណ៍ជំនាញផ្លូវគោក នៃស្នងការដ្ឋាននគរបាលរាជធានីភ្នំពេញ […]
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសថា រាជរដ្ឋាភិបាល បានកំពុងធ្វើការសិក្សាលើកគម្រោង ធ្វើផ្លូវជិះកង់នៅតាមមាត់សមុទ្រ ដោយចាប់ពីខេត្តកែប ដល់ខេត្តកោះកុង ដើម្បីធ្វើយ៉ាងណាបង្កលក្ខណៈងាយស្រួលបន្ថែមទៀត ដល់ភ្ញៀវទេសចរជាតិ និងអន្តរជាតិដែលចង់ជិះកង់កម្សាន្ត គយគន់តាមមាត់សមុទ្រនោះ។ ក្នុងឱកាសអញ្ជើញចូលរួមពិធីសម្ពោធ«វិថីតេជោសន្តិភាពឆ្នេរអង្កោលមានប្រវែងសរុប១២.៦៤៥ ម៉ែត្រ» នៅខេត្តកែប នាព្រឹកថ្ងៃទី១១ ខែវិច្ឆិកា ឆ្នាំ២០២៤នេះសម្តេចនាយករដ្ឋមន្រ្តី ហ៊ុន ម៉ាណែត បានលើកឡើងថា តាមផែនការរបស់ឯកឧត្តម សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ គ្រោងរៀបចំផ្លូវជិះកង់ ផ្លូវរត់ តភ្ជាប់ ខេត្តនៅមាត់សមុទ្រ ដោយថ្ងៃក្រោយ អ្នកអាចជិះកង់ពីខេត្តកែប រហូតដល់កោះកុងតាមមាត់សមុទ្រ បើតាមគម្រោងដែលកំពុងសិក្សានោះ។ សម្តេចធិបតីនាយករដ្ឋមន្រ្តីនៃកម្ពុជា ក៏បានណែនាំឲ្យមន្រ្តីពាក់ព័ន្ធ ត្រូវពិនិត្យឱ្យបានហ្មត់ចត់លើគម្រោងនេះ (ផ្លូវជិះកង់) ដើម្បីធានាឱ្យការអនុវត្តបានជោគជ័យ ខណៈខេត្តជាប់មាត់សមុទ្រទាំង៤ របស់កម្ពុជានេះ មានសក្តានុពលទេសចរច្រើន ហើយការអភិវឌ្ឍហេដ្ឋារចនាសម្ព័ន្ធបែបនេះមិនត្រឹមតែជួយដល់លើកកម្ពស់សេដ្ឋកិច្ចក្នុងស្រុកតាមរយៈការជិះកង់ប៉ុណ្ណោះទេ ថែមទាំងជួយលើកកម្ពស់សុខភាព និងសុខុមាលភាពដល់ប្រជាពលរដ្ឋ និងភ្ញៀវទេសចរណ៍ផងដែរ។ ជាមួយគ្នានោះដែរ សម្តេចធិបតី នាយករដ្ឋមន្រ្តី […]
ភ្នំពេញ ៖ យោងតាមអាខោនហ្វេសបុកឈ្មោះ ស្រ៊ុន ចន្ធា បានសរសេរបង្ហោះតាមបណ្តាញហ្វេសបុក ពាក់ព័ន្ធករណីចោរស្រីស្រស់ស្អាតម្នាក់ ដែលប្រើល្បិចខ្ពស់ដោយស្គាល់គ្នា នៅក្លឹបហាត់ប្រាណមិញ ហួរ មួយរយៈខ្លី ស្រាប់តែលួចលុយតាមអាខោន ABA អស់ជាង៣០០ដុល្លារ ខណ:ចោរស្រីរូបស្រស់ខាងលើ បានតាមឃ្លាំមើលជនរងគ្រោះ ពេលចូលទៅគិតលុយតាម Scan QR ដោយលួចទូរស័ព្ទដកលុយតាមតាមកុង ABA ខណ:ពេលដែលជនរងគ្រោះ រវល់ហាត់ប្រាណ និងចូលស្ទឹម ហើយទុកទូរស័ព្ទនៅលើតុក្បែរជនសង្ស័យ។ ដែលករណីខាងលើនេះ បានកើតឡើងកាលពីរសៀលថ្ងៃទី១០ ខែកក្កដា ឆ្នាំ២០២២ ស្ថិតនៅចំណុចក្លិបហាត់ប្រាណមិញហួរ ក្នុងសង្កាត់ដង្កោ ខណ្ឌដង្កោ រាជធានីភ្នំពេញ។ នៅព្រឹកថ្ងៃទី១២ ខែកក្កដា ឆ្នាំ២០២២នេះក្រុមការងារយើង បានធ្វើការទំនាក់ទំនងតាមទូរស័ព្ទទៅជនរងគ្រោះ ដោយជនរងគ្រោះ បានបញ្ជាក់ឲ្យដឹងថា ពិតជាមានករណីនេះពិតប្រាកដមែន ដោយរូបគាត់បានប្រាប់ថា ជនសង្ស័យខាងលើមានឈ្មោះនិច អាយុ២៦ឆ្នាំ ស្នាក់នៅបន្ទប់ជួលនៅម្តុំចំការដូង សង្កាត់ដង្កោខណ្ឌដង្កោ ហើយករណីនេះ ជនរងគ្រោះក៏បានទៅដាក់ពាក្យបណ្តឹង នៅប៉ុស្តិ៍នគរបាលរដ្ឋបាលសង្កាត់ដង្កោ រួចរាល់ផងដែរ ដើម្បីឲ្យសមត្ថកិច្ចចាត់ការតាមផ្លូវច្បាប់ ទៅលើជនសង្ស័យ ដែលប្រើល្បិចខ្ពស់ខាងលើនេះ៕
