នាល្ងាចថ្ងៃទី២ ខែកញ្ញា ឆ្នាំ២០២៣នេះ លោកឧត្តមសេនីយ៍ទោ ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ បានបញ្ជាឲ្យបញ្ចេញកម្លាំងអន្ដរាគមន៍ពិសេស ដើម្បីចេញល្បាតក្នុងភូមិសាស្ដ្ររាជធានីភ្នំពេញ ដោយប្ដូរវេន២៤ម៉ោង លើ២៤ម៉ោង ដើម្បីរក្សា សន្តិសុខសណ្ដាប់ធ្នាប់ សុខសុវត្ថិភាពជូនពលរដ្ឋ។ បេីតាមអ្នកនាំពាក្យ នៃស្នងការដ្ឋាននគរបាលរាជធានីភ្នំពេញ លោកឧត្តមសេនីយ៍ត្រី សាន សុខសីហា បានឲ្យដឹងថា នាល្ងាចថ្ងៃទី០២ ខែកញ្ញា ឆ្នាំ២០២៣នេះថា ក្រោយមានបទបញ្ជារបស់ ឯកឧត្តមស្នងការឲ្យបញ្ចេញកម្លាំងអន្ដរាគមន៍ពិសេសនេះគឺដើម្បីបង្ការ ទប់ស្កាត់ និងបង្ក្រាបបទល្មើសនានាដែលអាចកើតមានឡើង និងធ្វើយ៉ាងណាឲ្យប្រជាពលរដ្ឋរស់នៅ និងប្រកបមុខរបរផ្សេងៗ ដោយគ្មានការភ័យខ្លាច។ គួរបញ្ជាក់ផងដែរ ប៉ុន្មានថ្ងៃចុងក្រោយ ពាក់ព័ន្ធក្រុមក្មេងទំនើងដែលអុកឡុកក្នុងសង្គម លោកបានបញ្ជាក់អំពីវិធានការក្ដៅយ៉ាងម៉ឺងម៉ាត់បំផុត និងស្រាវជ្រាវបង្ក្រាបជាបន្ដបន្ទាប់ ដោយមិនបណ្ដោយឲ្យក្មេងទំនើងទាំងអស់នោះបង្កការភ័យខ្លាចដល់ប្រជាពលរដ្ឋ។
ក្នុងក្របខណ្ឌឆ្ពោះទៅរកការបោះ ឆ្នោតជ្រើសរើសសមាជិកក្រុម ប្រឹក្សាឃុំសង្កាត់អាណត្តិទី៥ ឆ្នាំ២០២២ ឯកឧត្តម សាយ សំអាល់ សមាជិកគណៈកម្មាធិការកណ្តាល និងជាប្រធានក្រុមការ ងារគណបក្សចុះ មូលដ្ឋានខេត្តព្រះសីហនុ នៅថ្ងៃទី១០ ខែតុលា ឆ្នាំ២០២១ នេះ បានដឹកនាំកិច្ចប្រជុំដើម្បីពិនិត្យលើវឌ្ឍនភាពការងារ សម្រាប់ការត្រៀមការបោះឆ្នោត នាពេលខាងមុខ។ កិច្ចប្រជុំដែលមានការអញ្ជើញចូលរួមពីសមាជិក សមាជិកាក្រុមការងារ គណបក្សចុះមូលដ្ឋានខេត្តព្រះសីហនុ និងគណៈកម្មាធិការគណបក្សខេត្ត ស្រុក ឃុំសង្កាត់នៃខេត្តព្រះសីហនុ។ ឯកឧត្តម សាយ សំអាល់ ប្រធានក្រុមការងារបានបន្តជំរុញឱ្យសមា ជិកសមាជិកាក្រុមការងារបន្តកិច្ចខិតខំប្រឹងប្រែងបន្ថែមទៀតក្នុង ការចុះមូលដ្ឋានឱ្យបានខ្លាំងក្លា។ ឯកឧត្តម សាយ សំអាល់ បានថ្លែងកោតសរសើរនិងវាយតម្លៃខ្ពស់ចំពោះការខិតខំប្រឹងប្រែងបំពេញភាកិច្ចរបស់គណ:កម្មាធិការគណបក្សខេត្ត ស្រុក និងឃុំកន្លងមកទាំងការងារនយោបាយ សតិអារម្មណ៍ ចាត់តាំងព្រមទាំងការចិញ្ចឹមចលនានៅតាមមូលដ្ឋាន។ ជាមួយគ្នានេះ ឯកឧត្តមរដ្ឋមន្ត្រីបានបន្តលើកទឹកចិត្តមន្ត្រីទាំងអស់ ធ្វើអំពើល្អ និងបម្រើប្រជាពលរដ្ឋឱ្យបានកាន់តែល្អប្រសើរបន្ថែមទៀត ព្រោះនេះគឺជាមូលដ្ឋាននៃ ភាពរឹងមាំរបស់គណបក្សប្រជាជនកម្ពុជា។ ឯកឧត្តមប្រធានក្រុមការងារ បានថ្លែងថា ចាប់តាំងពីថ្ងៃបដិសន្ធិ គណបក្សប្រជាជនកម្ពុជាបានពុះពារឆ្លងកាត់បណ្តាដំណាក់កាលធំៗ ជាប្រវត្តិសាស្ត្ររបស់ប្រទេសជាតិប្រកបដោយវីរភាព លើមូលដ្ឋានប្រកាន់ខ្ជាប់ឥតប្រែប្រួលនូវ គោលបំណង និងឧត្តមគតិរបស់ខ្លួន គឺឈរនៅខាងប្រជាជន ផ្សារភ្ជាប់រួមសុខទុក្ខជាមួយប្រជាជន គ្រប់កាលៈទេសៈ […]
ខេត្តកណ្ដាល ៖ សាកសពនារីម្នាក់ ត្រូវបានគេប្រទះឃើញស្លាប់នៅលើផ្លូវជាតិលេខ២១បេ សង្ស័យជាអំពើឃាតកម្ម។ ករណីនេះបង្កការភ្ញាក់ផ្អើលឡើងនៅម៉ោង៥និង៥០នាទីព្រឹកថ្ងៃទី២៩ ខែ ឧសភា ឆ្នាំ២០២២នៅចំណុចលើផ្លូវលេខ២១បេ ភូមិលេខ១ក សង្កាត់ស្វាយរលំ ក្រុងតាខ្មៅ ខេត្តកណ្តាល។ មន្ត្រីនគរបាលក្រុងតាខ្មៅបានឲ្យដឹងថា នារីជនរងគ្រោះឈ្មោះ ស៊ន ពីសី ភេទស្រី អាយុ២០ឆ្នាំ មុខរបរ បុគ្គលិកខារ៉ាអូខេ យីហោបីយ៉ង ជនជាតិខ្មែរ ស្នាក់នៅផ្ទះជួលលេខ១៣ បូរីគ្រីស្តាល់ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល។ ប្រភពដដែលបន្តថា នៅថ្ងៃកើតហេតុខាងលើវេលាម៉ោង៥និង៣០នាទី ប្រជាពលរដ្ឋបានធ្វើដំណើរតាមផ្លូវ ក៏ស្រាប់តែប្រទះឃើញសាកសពជនរងគ្រោះខាងលើដេកស្លាប់នៅលើផ្លូវលេខ២១បេ ក្នុងភូមិលេខ១ក សង្កាត់ស្វាយរលំ ក្រុងតាខ្មៅ មិនដឹងមកពីណា ភ្លាមនោះក៏បានរាយការណ៍ជូនអាជ្ញាធរ និងសមត្ថកិច្ចផ្នែកជំនាញរបស់អធិការដ្ឋានក្រុងតាខ្មៅចុះមកពិនិត្យ។ សមត្ថកិច្ចការិយាល័យបច្ចេកទេសខេត្ត និងសមត្ថកិច្ចផ្នែកជំនាញពិនិត្យវិភាគកន្លែងកើតហេតុក្រុងតាខ្មៅ ប៉ុស្តិ៍រដ្ឋបាល គ្រូពេទ្យ អាជ្ញាធរ ឃើញថា សាកសព ផ្នែកក្បាលមានស្នាមរបួស២កន្លែង លើថ្ងាសចុងជើងសក់ខាងមុខមួយកន្លែង និងលើថ្ងាសចុងសក់ខាងស្តាំ ជម្រៅដល់លលាដ៍ក្បាល និង បាក់ឆ្អឹងជំនីរទី៥ខាងស្តាំមួយកន្លែង ។ […]
