ព័ត៌មាន

គោលនយោបាយឈ្នះ ឈ្នះ ដែលបង្កើតឡើងដោយកូនខ្មែរ បច្ចុប្បន្នជាថ្នាក់ដឹកនាំកំពូលរបស់ កម្ពុជា ត្រូវបានថ្នាក់ដឹកនាំនយោបាយ និងអ្នកនយោបាយអន្តរជាតិជាច្រើនកោតសរសើរ និងយកជាពិសោធន៍ក្នុងការរៀនសូត្រ។

November 24, 2024 adm Comment(0)

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងសារក្នុងពិធីបិទ “អនុសំវច្ឆរមហាសន្និបាតមន្ត្រីសង្ឃទូទាំងប្រទេស លើកទី៣២” កាលពីរសៀលថ្ងៃសៅរ៍ ទី២៤ វិច្ឆិកា ២០២៤ ថា សម្តេចតេជោ គឺជាតួអង្គយ៉ាងសំខាន់ដែលកងកម្លាំង និងមេដឹកនាំខ្មែរក្រហម អាចយល់ព្រមចុះចូល និងធ្វើសមាហរណកម្ម ព្រោះបើគ្មានសម្តេចតេជោ ទោះបីជាគោលនយោបាយឈ្នះ ឈ្នះល្អយ៉ាងណាក៏ដោយ ក៏មិនអាចសម្រេចជោគជ័យបានដែរ។ គ្រប់ថ្នាក់ដឹកនាំនយោបាយ និងអ្នកនយោបាយ ដែលចូលរួមមហាសន្និបាតសន្និសីទអន្តរជាតិ នៃបណ្តាគណបក្សនយោបាយនៅអាស៊ី (ICAPP) លើកទី១២ និងកិច្ចប្រជុំពាក់ព័ន្ធ ដែលប្រារព្វធ្វើនៅកម្ពុជា គឺសុទ្ធតែបានលើកឡើងអំពីសន្តិភាព និងការផ្សះផ្សាជាតិ ហើយអ្វីដែលជាពិសេស គឺការយកករណីកម្ពុជា សម្រាប់ដកស្រង់ជាបទពិសោធន៍ និងជាការរៀនសូត្រ ជាពិសេសអំពីសុខដមនីយកម្មសាសនា។ ជាមួយគ្នានេះ ភាពជោគជ័យនៃនយោបាយឈ្នះ ឈ្នះ ដែលឈរលើគោលការណ៍គ្រឹះសំខាន់ចំនួន ៣ គឺការធានាអាយុជីវិត, ការធានាអាជីព និងការធានាទ្រព្យសម្បត្តិ ដែលមូលដ្ឋាននេះ គឺកើតចេញពីសាសនា។

បន្ថែមពីនេះ សម្តេចបវរធិបតីនាយករដ្ឋមន្ត្រី ក៏បានគូសបញ្ជាក់បន្ថែមអំពីមូលហេតុដែលប្រទេសកាន់តែទំនើប សាសនាកាន់តែដើរតួនាទីយ៉ាងសំខាន់ ព្រោះថាការធ្វើទំនើបកម្ម និងសាកលភាវូបនីយកម្មទាំងបច្ចេកវិទ្យា និងសាសនា កាន់តែជួយឱ្យយើងមានការអភិវឌ្ឍល្អប្រសើរ និងចីរភាព។ ក្នុងនោះជាឧទាហរណ៍ជាក់ស្តែង យើងអាចកត់សម្គាល់ថា សម្ភារ និងមធ្យោបាយនៃការសិក្សា ដែលពីមុនមានការលំបាកក្នុងការសិក្សា តែបច្ចុប្បន្ន កាន់តែងាយស្រួល និងឆាប់រហ័ស ពិសេសមានជម្រើសច្រើន។ ការធ្វើសាកលភាវូបនីយកម្ម អាចនឹងធ្វើឱ្យអត្តសញ្ញាណរបស់ប្រទេសពីមួយជំនាន់ ទៅមួយជំនាន់មានភាពមិនច្បាស់លាស់ ដូចនេះភាពជោគជ័យរបស់មនុស្ស មិនមែនវាយតម្លៃតែនៅលើសម្ភារនិយមនោះទេ។ ដូចនេះការរីកចម្រើនអភិវឌ្ឍប្រទេស គឺត្រូវតែមាន តែត្រូវរក្សាអត្តសញ្ញាណ ហើយការរក្សាតម្លៃ គឺត្រូវមានព្រំដែន ដែលត្រូវឈរលើការអប់រំជាគោល។

មុននឹងបញ្ចប់ សម្តេចបវរធិបតីនាយករដ្ឋមន្ត្រី ក៏បានលើកឡើងផងដែរអំពីសាសនាមានសុចរិតភាព ហើយអ្នកនយោបាយក៏ត្រូវពឹងផ្អែកលើសុចរិតភាព ដោយមិនត្រូវធ្វើជាមនុស្សដឹងរឿង ហើយនៅតែបង្កើតរឿងភូតភរប្រជាជន គឺជាការប្រព្រឹត្តអំពើបាប ព្រោះថា ការគិតពីផលប្រយោជន៍ជាតិ និងប្រជាជន គឺជាការទទួលខុសត្រូវប្រកបដោយធម៌។

🌐 Hun Manet

🌐 Samdech Thipadei Hun Manet, Prime Minister of Cambodia

🌐 Instagram

🌐 X(Twitter)

🌐 YouTube

🌐 Tiktok

#ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia

adm

ព័ត៌មាន

ក្រុមអ្នកដឹកជញ្ជូនភ្ញៀវ ស្នើរសុំឲ្យក្រុមហ៊ុនបញ្ឈប់គិតថ្លៃសេវាប្រើប្រាស់ ផ្លូវហាយវេ ចូលអាកាសយានដ្ឋានអន្តរជាតិសៀមរាបអង្គរ

January 3, 2024 adm

ក្រុមអ្នកដឹកជញ្ជូនភ្ញៀវ ស្នើរសុំឲ្យក្រុមហ៊ុនបញ្ឈប់គិតថ្លៃសេវាប្រើប្រាស់ ផ្លូវហាយវេ ចូលអាកាសយានដ្ឋានអន្តរជាតិសៀមរាបអង្គរ ខេត្តសៀមរាប៖ក្រុមអ្នកដឹកជញ្ជូនភ្ញៀវក្នុងខេត្តសៀមរាប បានស្នើរសុំឲ្យក្រុមហ៊ុនអាកាសយានដ្ឋានសៀមរាបអង្គរ ត្រូវបញ្ឈប់គិតថ្លៃសេវាប្រើប្រាស់ ផ្លូវហាយវេ ចូលអាកាសយានដ្ឋានអន្តរជាតិសៀមរាបអង្គរ។ ការស្នើសុំធ្វើឡើង នៅថ្ងៃពុធ ទី៣ ខែមករា ឆ្នាំ២០២៤នេះ នៅក្នុងរដ្ឋបាលខេត្តសៀមរាប បន្ទាប់ពីររដ្ឋបាលខេត្តបានអនុញ្ញាតឲ្យក្រុមអ្នកដឹកភ្ញៀវ ទាំងនោះចូលជួបជាមួយ លោក លី សំរិទ្ធ អភិបាលរងខេត្តនិងមន្ត្រីពាក់ព័ន្ធ។ នៅក្នុងកិច្ចប្រជុំ អភិបាលរងខេត្ត បានប្រាប់ក្រុមអ្នកដឹកភ្ញៀវថា លោកទទួលយកសំណើរនេះ ដើម្បីរាយការជូនឯកឧត្ដមអភិបាលអភិបាលខេត្តសៀមរាប ចំពោះលទ្ធផល និងពេលវេលានិងជម្រាបជូននៅពេលក្រោយ។ កិច្ចប្រជុំនេះរហូតវេលាម៉ោង១២និង១០នាទី ម្សិលមិញនេះក្រុមអ្នករត់តាក់សុីបានត្រឡប់ទៅវិញរៀងៗខ្លួន។ សូមជម្រាបថា នៅព្រឹកមិញនេះ ស្ថិតក្នុងភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប មានក្រុមអ្នកដឹកជញ្ជូនភ្ញៀវ ក្នុងខេត្តសៀមរាប បានមកប្រមូលផ្តុំនៅមុខសាលាខេត្តសៀមរាបចំនួន៦០នាក់ មធ្យោបាយ រថយន្ត ចំនួន២៦គ្រឿង Pass Appចំនួន២០ គ្រឿង រ៉ឺម៉ក ចំនួន០៦គ្រឿង។ គោលបំណងស្នើរសុំឲ្យក្រុមហ៊ុនបញ្ឈប់គិតថ្លៃសេវាប្រើប្រាស់ ផ្លូវហាយវេ ចូលអាកាសយានដ្ឋានអន្តរជាតិសៀមរាបអង្គរ៕

ព័ត៌មាន

លោកស្រី ទុយ សិរីរតនៈ នេត្រភក្ត្រា នាំសមាជិកាសមាគមនារីចុះចែកអំណោយជាកាបូប និងសម្ភារសិក្សាជូនសិស្សសាលានៅស្រុកចិត្របុរី ខេត្តក្រចេះជាង៣០០នាក់

June 14, 2024 adm

(ក្រចេះ)៖ លោកស្រី ទុយ សិរីរតនៈ នេត្រភក្ត្រា ប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍សាខាក្រសួងព័ត៌មាន បានដឹកនាំសមាជិកាសមាគមនារីចុះចែកអំណោយជាកាបូប និងសម្ភារសិក្សាជូនដល់សិស្សានុសិស្ស នៃសាលាបឋមសិក្សាក្បាលជួរ និងបឋសិក្សាកាំពី ក្នុងស្រុកចិត្របុរី ខេត្តក្រចេះជាង៣០០នាក់ នៅព្រឹកថ្ងៃទី១៣ ខែមិថុនា ឆ្នាំ២០២៤។ នេះជាការបង្ហាញពីការយកចិត្តទុកដាក់ និងការចែករំលែករបស់សមាគមនារីនៃក្រសួងព័ត៌មាន ថ្នាក់ដឹកនាំជាស្ត្រីចំពោះកុមារាកុមារីនៅតាមតំបន់ជនបទដើម្បីទទួលបានសម្ភារសិក្សា និងលើកទឹកចិត្តដល់ក្មួយៗសិស្សានុសិស្ស ខិតខំប្រឹងប្រែង សិក្សារៀនសូត្រឱ្យបានពូកែនិងក្លាយជាធនធានមនុស្សដ៏ល្អ និងជាសសរទ្រូងដ៏រឹងមាំរបស់ប្រទេសជាតិនាថ្ងៃអនាគត។ លោកស្រី ទុយ សិរីរតនៈ នេត្រភក្ត្រា ប្រធានសមាគមនារីនៃក្រសួងព័ត៌មានបានពាំនាំការផ្តាំផ្ញើសាកសួរសុខទុក្ខពីរដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ក៏ដូចជាថ្នាក់ដឹកនាំ នៃខេត្តក្រចេះជូនចំពោះក្មួយៗសិស្សានុសិស្សនិងលើកទឹកចិត្តដល់សិស្សានុសិស្សខិតខំប្រឹងប្រែងសិក្សារៀនសូត្រក្រេបចំណេះវិជ្ជាពីលោកគ្រូអ្នកគ្រូ និងធ្វើជាកូនល្អ សិស្សល្អ និងពលរដ្ឋល្អ។ សមាគមនារីកម្ពុជាដើម្បីសន្តិភាព និងអភិវឌ្ឍន៍សាខាក្រសួងព័ត៌មានបានផ្តល់ជូនសិស្សានុសិស្សចំនួន៣០៧នាក់ ក្នុងនោះរួមមានកាបូបមួយសម្ភារសិក្សារួមមានសៀវភៅ ប៉ិច ខ្មៅដៃ និងអាវយឺត។ សម្រាប់លោកគ្រូអ្នកគ្រូមានការផ្តល់ជូននូវអង្ករ និងគ្រឿងបរិភោគផងដែរ៕

ព័ត៌មាន ព័ត៌មានសន្តិសុខសង្គម

កម្លាំងនគរបាលមន្ទីរប្រឆាំងគ្រឿងញៀនបានបញ្ជូនជនជាតិចិនតៃវ៉ាន់ចំនួន៤នាក់ ពាក់ព័ន្ធករណីគ្រឿងញៀនជាង ១៤០០គីឡូក្រាម និងសារធាតុគីមីជាង ១១តោនទៅឲ្យអយ្យការស៊ើបសួររួចហើយ

May 30, 2022 adm

ភ្នំពេញ ៖ នាព្រឹកថ្ងៃទី៣០ ខែឧសភា ឆ្នាំ២០២២នេះ បន្ទាប់ពីតំណាងអយ្យការបើកការស៊ើបសួរលើសំណុំរឿងជនជាតិចិនតៃវ៉ាន់ចំនួន៤នាក់ពាក់ព័ន្ធករណី គ្រឿងញៀនជាង១៤០០គីឡូក្រាមនិង សារធាតុគីមីជាង១១តោន លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានបញ្ជាក់ឱ្យដឹងថា សំណុំរឿងនេះបានចោទប្រកាន់ពីបទ «ផលិត និងជួញដូរដោយខុសច្បាប់នូវសារធាតុញៀនតាមមាត្រា៣៩ និងមាត្រា ៤០នៃច្បាប់ស្តីពីការត្រួតពិនិត្យគ្រឿងញៀន»។ សូមបញ្ជាក់ថា កម្លាំងនគរបាលមន្ទីរប្រឆាំងគ្រឿងញៀនបានបញ្ជូនខ្លួនជនសង្ស័យជនជាតិចិនតៃវ៉ាន់ ចំនួន៤នាក់ពាក់ព័ន្ធករណីជួញដូរគ្រឿងញៀនជាង១៤០០គីឡូក្រាមនិង សារធាតុគីមីជាង១១តោន ទៅអយ្យការអមសាលាដំបូងរាជធានីភ្នំពេញនៅរសៀលថ្ងៃទី២៦ ខែឧសភា ឆ្នាំ២០២២នេះ ដើម្បីបន្តនីតិវិធី។ ជនសង្ស័យចំនួន៤នាក់នេះជាជនជាតិចិនតៃវ៉ាន់ ៖ ទី១-ឈ្មោះ TIEN CHAN FU ភេទប្រុស អាយុ២៨ឆ្នាំ (មេការ) ។ ទី២-ឈ្មោះ KHOU PO WEN ភេទប្រុស អាយុ២៨ឆ្នាំ (អ្នកបច្ចេកទេស)។ ទី៣-ឈ្មោះ TENG KUO CHING ភេទប្រុស អាយុ៣៩ឆ្នាំ (អ្នកបច្ចេកទេស) និងទី៤-ឈ្មោះ LIN […]

Related Articles

Leave a Reply Cancel reply