អ៊ីស្រាអែលវាយប្រហារលើគោលដៅភេរវករចំនួន ១១,០០០ទីតាំងនៅហ្គាហ្សា ចាប់តាំងពីសង្គ្រាមផ្ទុះឡើង

November 1, 2023 adm Comment(0)

កងទ័ពអ៊ីស្រាអែល នៅថ្ងៃទី១ ខែវិច្ឆិកា ឆ្នាំ២០២៣ និយថា កងកម្លាំងរបស់ខ្លួនបានធ្វើការវាយប្រហារលើគោលដៅក្រុមសកម្មប្រយុទ្ធជាង ១១.០០០ទីតាំងនៅតំបន់ហ្គាហ្សាស្ទ្រីប ចាប់តាំងពីការចាប់ផ្តើមសង្រ្គាម ដែលកំពុងបន្តជាមួយក្រុមហាម៉ាស។

សេចក្តីថ្លែងការណ៍របស់យោធាអ៊ីស្រាអែលអះអាងថា ចាប់តាំងពីការចាប់ផ្តើមនៃសង្រ្គាម កងកម្លាំងស្វ័យការពារអ៊ីស្រាអែល (IDF) បានវាយប្រហារគោលដៅជាង ១១.០០០ទីតាំង ដែលជាកម្មសិទ្ធិរបស់អង្គការភេរវករនៅក្នុងតំបន់ហ្គាហ្សាស្ទ្រីប។

តំបន់ហ្គាហ្សាក្នុងរយៈពេលប៉ុន្មានថ្ងៃថ្មីៗនេះ បានមើលឃើញការប្រយុទ្ធគ្នាយ៉ាងខ្លាំងក្លារវាងកងទ័ពជើងគោកអ៊ីស្រាអែល និងក្រុមសកម្មប្រយុទ្ធ ខណៈដែលអ៊ីស្រាអែលបានជំរុញបេសកកម្មរបស់ខ្លួន ដើម្បី កម្ទេចក្រុមហាម៉ាស បន្ទាប់ពីខ្មាន់កាំភ្លើងបានវាយលុកសម្លាប់មនុស្ស ១.៤០០នាក់ ដែលភាគច្រើនជាជនស៊ីវិលនៅក្នុងទឹកដីអ៊ីស្រាអែល។

adm

ព័ត៌មាន ព័ត៌មានអន្តរជាតិ

អគ្គលេខាធិការអង្គការសហប្រជាជាតិចាប់ផ្តើមបំពេញទស្សនកិច្ចនៅប្រទេសតួកគី រុស្ស៊ីនិងអ៊ុយក្រែន

April 24, 2022 adm

អគ្គលេខាធិការអង្គការសហប្រជាជាតិ នឹងបំពេញទស្សនកិច្ចទៅកាន់ទីក្រុង Ankara នៅថ្ងៃទី២៥ខែមេសា ដើម្បីជួបពិភាក្សាជាមួយប្រធានាធិបតីតួកគីលោក Tayyip Erdogan មុនពេលបំពេញទស្សនកិច្ចទៅកាន់ប្រទេសរុស្ស៊ីជួបពិភាក្សាជាមួយលោកពូទីន នៅថ្ងៃទី២៦ខែមេសា និងជួបពិភាក្សាជាមួយប្រធានាធិបតីអ៊ុយក្រែន លោក Zelensky នៅថ្ងៃទី២៨ខែមេសាឆ្នាំ២០២២។ អគ្គលេខាធិការអង្គការសហប្រជាជាតិ បានបញ្ជាក់ថា ដំណើរទស្សនកិច្ចរបស់លោកទៅកាន់ប្រទេសតួកគី គឺជាប្រទេសសំខាន់នៅក្នុងការស្វែងរកសន្តិភាព ហើយជាទីតាំងរៀបចំជំនួបពិភាក្សាជាច្រើនលើកកន្លងមក រវាងគណៈប្រតិភូអ៊ុយក្រែននឹងរុស្ស៊ី។ កាលពីថ្ងៃទី១៨ខែមេសាកន្លងមក ឧបការីទទួលបន្ទុកកិច្ចការអាសន្ន របស់អង្គការសហប្រជាជាតិ លោក Martin Griffith បានបញ្ជាក់ថា តួកគីគឺជាប្រទេសម្ចាស់ផ្ទះដ៏សំខាន់នៅក្នុងកិច្ចចរចាស្វែងរកសន្តិភាពរវាងរុស្ស៊ីនឹងអ៊ុយក្រែន។ ជាមួយគ្នានេះដែរ អ្នកនាំពាក្យអង្គការសហប្រជាជាតិលោក Eri Kaneko បានប្រកាសថា អគ្គលេខាធិការ Guterres នឹងបំពេញទស្សនកិច្ចទៅកាន់ទីក្រុងមូស្គូនៅថ្ងៃទី២៦ខែមេសា ដើម្បីជួបពិភាក្សាជាមួយប្រធានាធិបតីពូទីន។ គោលដៅនៃដំណើរទស្សនកិច្ច របស់អគ្គលេខាធិការអង្គការសហប្រជាជាតិគឺដើម្បីស្វែងរកដំណោះស្រាយបញ្ចប់សង្គ្រាមដែលកំពុងតែកើតឡើងនៅក្នុងប្រទេសអ៊ុយក្រែនដែលអាចអូសបន្លាយរយៈពេលយូរប្រសិនបើមិនមានការស្វែងរកដំណោះស្រាយនោះទេ។ ក្នុងពេលនេះប្រទេសលោកខាងលិចបានបង្កើនការផ្តល់ជំនួយអាវុធដល់ប្រទេសអ៊ុយក្រែន ដើម្បីតទល់ជាមួយកម្លាំងទាហានរុស្ស៊ី។ ការផ្តល់អាវុធនោះអាចធ្វើឱ្យស្ថានភាពកាន់តែអាក្រក់។ កន្លងមកថ្មីៗចិនក៏បានព្រមានថា ការផ្តល់ជំនួយអាវុធដល់អ៊ុយក្រែន បង្កឱ្យមានភាពស្មុគស្មាញកាន់តែខ្លាំងមិនមានជាសកម្មភាពសន្តិភាពនោះឡើយ ៕

ព័ត៌មានអន្តរជាតិ

នាយករដ្ឋមន្ត្រីជប៉ុនគ្រោងរុះរើគណៈរដ្ឋមន្រ្តី

September 11, 2023 adm

នាយករដ្ឋមន្រ្តីជប៉ុន លោក ហ្វូមីអូ គីស៊ីដា នៅថ្ងៃទី១០ ខែកញ្ញានេះ បាននិយាយថា រូបលោកនឹងធ្វើការរុះរើគណៈរដ្ឋមន្រ្តីរបស់ខ្លួននៅក្នុងថ្ងៃពុធសប្តាហ៍នេះ។ នាយករដ្ឋមន្រ្តីជប៉ុន លោក ហ្វូមីអូ គីស៊ីដា ក្នុងដំណើរទស្សនកិច្ចទៅកាន់ទីក្រុងញូវដែលី ប្រទេសឥណ្ឌា ដើម្បីចូលរួមកិច្ចប្រជុំកំពូល G20 បាននិយាយថា គាត់គ្រោងនឹងបញ្ចេញកញ្ចប់សេដ្ឋកិច្ចថ្មីមួយ ដើម្បីជួយដោះស្រាយអតិផរណាក្នុងក្រុមគ្រួសារប្រជាជន។ លោក គីស៊ីដា បានប្រាប់សន្និសីទសារព័ត៌មានតាមកញ្ចក់ទូរទស្សន៍ពីរដ្ឋធានីរបស់ឥណ្ឌា យ៉ាងដូច្នេះថា បន្ទាប់ពីខ្ញុំត្រឡប់ទៅប្រទេសជប៉ុនវិញនៅព្រឹកថ្ងៃចន្ទនេះ ខ្ញុំនឹងសម្របសម្រួលជាមួយបុគ្គលដែលពាក់ព័ន្ធ ហើយនឹងអនុវត្តការតែងតាំងបុគ្គលិកសម្រាប់តំណែងថ្នាក់ដឹកនាំ និងតំណែងរដ្ឋមន្ត្រីរបស់គណបក្ស (កាន់អំណាច)។ បន្ថែមលើនេះ ខ្ញុំចង់ការពារជីវិតរបស់ប្រជាជនពីការកើនឡើងតម្លៃទំនិញ ក៏ដូចជាការដំឡើងប្រាក់ឈ្នួល និងការពង្រីកការវិនិយោគ… យើងត្រូវធ្វើរឿងនេះជាបន្ទាន់ ប៉ុន្តែគាត់មិនបានផ្តល់ព័ត៌មានលម្អិតបន្ថែមទេ។ ប្រភព៖ AFP

ព័ត៌មានសន្តិសុខសង្គម ព័ត៌មានស៊ើបអង្កេត ព័ត៌មានអន្តរជាតិ

បន្ទាប់ពីបានបិទបញ្ចប់ជាស្ថាពរនូវការអនុញ្ញាតឱ្យចុះបញ្ជីរថយន្តចង្កូតស្តាំគ្មានពន្ធ ទុកពេលវេ លារហូតដល់ ថ្ងៃទី០៨ ខែតុលា ឆ្នាំ២០២២ ដើម្បីបំពេញកាតព្វកិច្ចពន្ធ និងអាករឲ្យបានរួចរាល់

August 16, 2022 adm

រាជធានីភ្នំពេញ ៖ ដើម្បីចៀសវាងការឃាត់សួរតាមដងផ្លូវអគ្គនាយកដ្ឋានគយ និងរដ្ឋាករកម្ពុជាបានរំលឹកដល់ម្ចាស់រថយន្តចង្កូតស្តាំគ្មានពន្ធបានចុះបញ្ជីរួចរាល់ត្រូវប្រញាប់រួសរាន់ចូលបង់ពន្ធ ។ យោងតាមសេចក្ដីជូនដំណឹងរបស់អគ្គនាយកដ្ឋានគយ នាថ្ងៃទី១៦ ខែសីហា ឆ្នាំ២០២២ បានបញ្ជាក់ថា បន្ទាប់ពីការសម្រេចដ៏របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ស្តីពីការអនុញ្ញាតឲ្យប្រមូលពន្ធ និងអាករលើរថយន្តចង្កូតស្តាំគ្មានពន្ធមានស្រាប់ក្នុងប្រទេសដែលនៅសេសសល់ ដោយពុំតម្រូវឱ្យកែចង្កូត, ម្ចាស់រថយន្តចង្កូតស្តាំគ្រប់ប្រភេទបានយករថយន្តគ្មានពន្ធរបស់ខ្លួនមកបង់ពន្ធ និងអាករ ឬចុះបញ្ជីជាបន្តបន្ទាប់ នៅតាមបណ្តាអង្គភាពគយ និងរដ្ឋាករពាក់ព័ន្ធ ។ បន្ទាប់ពីបានបិទបញ្ចប់ជាស្ថាពរនូវការអនុញ្ញាតឱ្យចុះបញ្ជីរថយន្តចង្កូតស្តាំគ្មានពន្ធ មានស្រាប់ក្នុងប្រទេស ត្រឹមថ្ងៃទី៣១ ខែកក្កដា ឆ្នាំ២០២២ កន្លងទៅ រថយន្តចង្កូតស្តាំគ្មានពន្ធមានស្រាប់ ក្នុងប្រទេសដែលម្ចាស់បានយកមកចុះបញ្ជីរួចត្រូវបាន ទុកពេលវេ លារហូតដល់ ថ្ងៃទី០៨ ខែតុលា ឆ្នាំ២០២២ ដើម្បីបំពេញកាតព្វកិច្ចពន្ធ និងអាករឲ្យបានរួចរាល់ ។ ក្នុងសេចក្តីជូនដំណឹងអគ្គនាយកដ្ឋានគយ បានបញ្ជាក់ទៀតថា «សូមរំលឹកដល់ម្ចាស់រថយន្តចង្កូតស្តាំ ដែលបានចុះបញ្ជីរួចតែមិនទាន់បានបង់ពន្ធ និងអាករត្រូវរួសរាន់ចូលមកបំពេញកាតព្វកិច្ចពន្ធ និងអាករលើរថយន្តរបស់ខ្លួនឱ្យបានឆាប់ ដើម្បីចៀសវាងការឃាត់សួរដោយមន្ត្រីគយ និងរដ្ឋាករ មានសមត្ថកិច្ចជាយថា ហេតុពេលកំពុងចរាចរតាមដងផ្លូវដែលអាចបង្កជាការរំខាននានា ហើយក៏ដើម្បីចៀសវាងការភ្លេច ឬខកខានមកបំពេញកាតព្វកិច្ចពន្ធ និងអាករតាមកាលកំណត់ ដែលអាចបណ្ដាលឱ្យទទួលរងនូវវិធានការនានាជាបន្តបន្ទាប់»។ ទន្ទឹមនេះ អគ្គនាយកដ្ឋានគយ […]

Related Articles

អគ្គលេខាធិការអង្គការសហប្រជាជាតិចាប់ផ្តើមបំពេញទស្សនកិច្ចនៅប្រទេសតួកគី រុស្ស៊ីនិងអ៊ុយក្រែន

នាយករដ្ឋមន្ត្រីជប៉ុនគ្រោងរុះរើគណៈរដ្ឋមន្រ្តី

Leave a Reply Cancel reply