ការប្រកួតកីឡាវាយសីជើងឯកយុវជនអាស៊ីអាគ្នេយ៍លើកដំបូងនៅកម្ពុជា បើកការប្រកួតផ្លូវការក្រោមការគាំទ្ររបស់អាស៊ី

October 31, 2023 adm Comment(0)

ការប្រកួតកីឡាវាយសីជើងឯកយុវជនអាស៊ីអាគ្នេយ៍ (BA Sea Regional Junior Championship) ឆ្នាំ២០២៣ ដែលគាំទ្រដោយសហព័ន្ធកីឡាវាយសីអាស៊ី (BA) បានបើកការប្រកួតផ្លូវការហើយ នៅព្រឹកថ្ងៃទី៣០ ខែតុលានេះ នៅទីលានវាយសី នៃពហុកីឡដ្ឋានជាតិមរតកតេជោ ដោយមានអត្តពលិកមកពី ៥ប្រទេសចូលរួម គឺមម្ចាស់ផ្ទះកម្ពុជា ប្រ៊ុយណេ ឡាវ មីយ៉ាន់ម៉ា និងទីម័រខាងកើត ។

ពិធីបើកការប្រកួតជើងឯកយុវជនអាយុក្រោម ១៥ឆ្នាំ និងអាយុក្រោម ១៧ឆ្នាំថ្នាក់តំបន់នេះ បានធ្វើឡើងក្រោមវត្តមានលោក លី កុសល រដ្ឋលេខាធិការក្រសួងការពារជាតិ និងជាប្រធានសហព័ន្ធកីឡាវាយសីកម្ពុជា ហើយក៏មានការអញ្ជើញចូលរួមពីលោក Wajid Ali ប្រធានក្រុមប្រឹក្សាអភិវឌ្ឍន៍កីឡាវាយសី នៃសហព័ន្ធកីឡាវាយសីអាស៊ី និងវត្តមានប្រតិភូ អត្តពលិក និងទស្សនិកជាច្រើនផងដែរ ។

adm

ព័ត៌មានសន្តិសុខសង្គម ព័ត៌មានសិល្បះនិងកីឡា ព័ត៌មានស៊ើបអង្កេត

ក្រសួងសាធារណការ និងដឹកជញ្ជូន និងចាត់វិធានការតាមផ្លូវច្បាប់ក្នុងករណីមិនអនុវត្តតាមការណែនាំនិងមានសិទ្ធិបដិសេធមិនអនុញ្ញាតឱ្យបុគ្គលណាមួយប្រើប្រាស់ផ្លូវល្បឿនលឿន

September 27, 2022 adm

រាជធានីភ្នំពេញ ៖ ជាថ្មីម្តងទៀត ក្រសួងសាធារណការ និងដឹកជញ្ជូនបានប្រកាសអនុញ្ញាតឲ្យប្រើប្រាស់ផ្លូវល្បឿនលឿនភ្នំពេញ-ក្រុងព្រះសីហនុ ឥតគិតថ្លៃ រយៈពេលមួយខែហើយនឹងមិនអនុញ្ញាតឲ្យបុគ្គលណាដែលមិនគោរពតាមការណែនាំ។ យោងតាមសេចក្តីជូនដំណឹងស្តីពីការអនុញ្ញាតឱ្យប្រើប្រាស់សាកល្បងផ្លូវល្បឿនលឿនភ្នំពេញ-ក្រុងព្រះសីហនុ ដោយឥតគិតថ្លៃរយៈពេល០១ខែ គិតចាប់ពីថ្ងៃទី០១ ដល់ថ្ងៃទី៣១ ខែតុលា ឆ្នាំ២០២២ ក្រសួងសាធារណការ និងដឹកជញ្ជូនលើកឡើងថា គម្រោងសាងសង់ផ្លូវល្បឿនលឿនតភ្ជាប់ពីរាជធានីភ្នំពេញទៅក្រុងព្រះសីហនុ ដែលវិនិយោគសាងសង់ដោយក្រុមហ៊ុនសាជីវកម្មស្ពាន និងថ្នល់ចិន(CRBC) គឺជាផ្លូវល្បឿនលឿន ដំបូងបង្អស់នៅក្នុងព្រះរាជាណាចក្រកម្ពុជា និងជាផ្លូវដែលតម្រូវឱ្យបង់ប្រាក់សម្រាប់ការប្រើប្រាស់ផ្លូវនេះ។ ក្រសួងបន្តថា ក្នុងន័យដើម្បីផ្សព្វផ្សាយ និងបង្កើនការយល់ដឹងអំពីការប្រើប្រាស់ផ្លូវល្បឿនលឿនដល់សាធារណជនឱ្យបានទូលំទូលាយ ក្រសួងសាធារណការ និងដឹកជញ្ជូន និងក្រុមហ៊ុនវិនិយោគបានសម្រេចអនុញ្ញាតឱ្យសាធារណជនដែលជាអ្នកបើកបរយានយន្តប្រើប្រាស់ផ្លូវល្បឿនលឿននេះដោយឥតគិតថ្លៃក្នុងរយៈពេល១ខែគិតចាប់ពីថ្ងៃទី០១ ដល់ថ្ងៃទី៣១ ខែតុលា ឆ្នាំ២០២២។ សូមបញ្ជាក់ជូនថា យានយន្តដែលអនុញ្ញាតឱ្យប្រើប្រាស់លើផ្លូវល្បឿនលឿនរួមមាន៖ រថយន្តគ្រប់ប្រភេទដែលមានល្បឿនអតិបរិមាលើសពី ៧០គ.ម/ម៉ោង (កំណត់ពីរោងចក្រ) និងទោចក្រយានយន្តដែលមានទំហំស៊ីឡាំងចាប់ពី៥០០cc ឡើងទៅ។ ជាមួយគ្នានោះដែរ ក្រសួងសាធារណការ និងដឹកជញ្ជូន សូមយកឱកាសនេះក្រើនរំលឹកដល់សាធារណជនសូមមេត្តាចូលរួមគោរពបទបញ្ជា និងសេចក្តីណែនាំនានាឱ្យបានខ្ជាប់ខ្ជួន ដើម្បីថែរក្សាសណ្តាប់ធ្នាប់ សុវត្ថិភាព និងបង្ការគ្រោះថ្នាក់ជាយថាហេតុចំពោះការប្រើប្រាស់ផ្លូវល្បឿនលឿននេះ។ ក្រសួងសាធារណការ និងដឹកជញ្ជូន អាជ្ញាធរមានសមត្ថកិច្ច និងប្រតិបត្តិករផ្លូវល្បឿនលឿនមានសិទ្ធិបដិសេធមិនអនុញ្ញាតឱ្យបុគ្គលណាមួយប្រើប្រាស់ផ្លូវល្បឿនលឿន និងចាត់វិធានការតាមផ្លូវច្បាប់ក្នុងករណីមិនអនុវត្តតាមការណែនាំ៕

ព័ត៌មានសិល្បះនិងកីឡា

Man Utd ចាញ់លើកទី៣ នៅ UCL គ្រាដែល Rashford ទទួលបានកាតក្រហម ពេលប៉ះ Copenhagen

November 9, 2023 adm

អតីតក្រុមខ្លាំងរបស់អង់គ្លេស Manchester United បានសាងកំណត់ត្រាចាញ់ជាលើកទី៣ នៃវគ្គសន្សំពិន្ទុប្រចាំពូល A នៅពានរង្វាន់អឺរ៉ុប UEFA Champions League រដូវកាលនេះ នៅពេលលេងចាញ់ម្ចាស់ផ្ទះ FC Copenhagen ៤-៣ ស្របពេលខ្សែប្រយុទ្ធរបស់ខ្លួន Marcus Rashford ក៏ទទួលបានកាតក្រហមទៀត។ លងកាត់ ៤ប្រកួតប្រចាំពូលនាពេលកន្លងមក បិសាចក្រហមទើបតែលេងឈ្នះម្តងគត់ ដោយមាន ៣ពិន្ទុឈរនៅបាតតារាងផងដែរ ចាប់ប្រៀបក្រុមលេខ២ Copenhagen និងលេខ៣ Galatasaray ត្រឹម ១ពិន្ទុ ដ្បិតនៅសល់ ២ប្រកួតក្នុងដៃដូចគ្នា នៅពេលក្រុមកំពូលតារាង Bayern Munich បានកក់កៅអីទៅវគ្គ ១៦ក្រុមរួចហើយ ក្រោយរកបាន ១២ពិន្ទុពេញ។ ប្រធានក្រុម Bruno Fernandes បានគិតថា ខ្លួនជាអ្នករកបានជ័យជម្នះក្រៅផ្ទះលើកដំបូងឲ្យ Man Ut តាមរយៈស៊ុតបាល់ ១១ម៉ែត្របានសម្រេចនៅនាទី៦៩ ក៏ព្រោះតែខ្សែការពារ Lukas Lerager បានយកដៃប៉ះបាល់ ដែលត្រូវបានបង្ហាញដោយប្រព័ន្ធ VAR […]

ព័ត៌មាន ព័ត៌មានសិល្បះនិងកីឡា

កីឡាវ៉ូវីណាមកម្ពុជា មានថ្នាលបន្ដវេនដ៏មានសក្ដានុពល ក្រោយជោគជ័យក្នុងជើងឯកពិភពលោក

December 5, 2023 adm

បន្ទាប់ពីទទួលបានជោគជ័យ ក្នុងការប្រកួតកីឡាវ៉ូវីណាមជ្រើសរើសជើងឯកពិភពលោក លើកទី៧ ឆ្នាំ២០២៣ នៅប្រទេសវៀតណាមកាលពីថ្មីៗ បានសបញ្ជាក់ឲ្យឃើញថា កីឡាវ៉ូវីណាមកម្ពុជា មានថ្នាលបន្ដវេនដ៏មានសក្ដានុពលពីរាមច្បង។ នេះបើតាមការបញ្ជាក់របស់លោក អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា។ ការគូសបញ្ជាក់នេះ បន្ទាប់ពីប្រតិភូ និងអត្តពលិកកីឡាវ៉ូវីណាមជម្រើសជាតិកម្ពុជា បានត្រឡប់មកដល់មាតុភូមិវិញកាលពីចុងសប្ដាហ៍កន្លងទៅ អមជាមួយការដណ្ដើមបានមេដាយសរុប ២០គ្រឿង ក្នុងនោះមានមេដាយមាស ៦ មេដាយប្រាក់ ៥ និងមេដាយសំរឹទ្ធ ៩គ្រឿង ហើយបានឈរចំណាត់ថ្នាក់លេខ៣ ក្នុងចំណោម ៣៥ប្រទេស ដែលចូលរួមប្រកួតជើងឯកពិភពលោកឆ្នាំនេះ។ ប្រធានសហព័ន្ធខាងលើបានបញ្ជាក់ថា ឆ្នាំនេះកម្ពុជាបានធ្លាក់ចុះមេដាយ ក៏ដូចជាចំណាត់ថ្នាក់ពីលេខ២ មកលេខ៣ ដោយសារកម្ពុជា បានចូលរួមប្រកួតតិចវិញ្ញាសាជាងឆ្នាំ២០១៩ ដែលកម្ពុជាធ្វើម្ចាស់ផ្ទះស្ទើរពាក់កណ្ដាល។ ប៉ុន្ដែបើនិយាយពីបច្ចេកទេស និងគុណផលកីឡាករ-កីឡាការិនីវ៉ូវីណាមកម្ពុជា គឺមានការកើនឡើងគួរឲ្យកត់សម្គាល់ពិសេសកីឡាករ-កីឡាការិនីវ័យក្មេងតែម្ដង។

Related Articles

Man Utd ចាញ់លើកទី៣ នៅ UCL គ្រាដែល Rashford ទទួលបានកាតក្រហម ពេលប៉ះ Copenhagen

កីឡាវ៉ូវីណាមកម្ពុជា មានថ្នាលបន្ដវេនដ៏មានសក្ដានុពល ក្រោយជោគជ័យក្នុងជើងឯកពិភពលោក

Leave a Reply Cancel reply