តម្លៃប្រេងហក់ឡើង ខណៈការផ្គត់ផ្គង់នឹងត្រូវរឹតបន្តឹងឡើងវិញ

September 25, 2023 adm Comment(0)

តម្លៃប្រេងបានកើនឡើងកាលពីថ្ងៃចន្ទ ដោយសារតែវិនិយោគិនផ្តោតលើការរឹតបន្តឹងការផ្គត់ផ្គង់ឡើងវិញ បន្ទាប់ពីទីក្រុងម៉ូស្គូបានហាមឃាត់បណ្តោះអាសន្នលើការនាំចេញប្រេងឥន្ធនៈ។ តម្លៃប្រេងឆៅ Brent បានកើនឡើង ៣២ សេន ឬ០,៣% ដែលកើនតម្លៃដល់ទៅ ៩៣.៥៩ ដុល្លារក្នុងមួយបារ៉ែល។

ចំណែកប្រេងឆៅរបស់អាមេរិក West Texas Intermediate ក៏មានការកើនឡើង ដោយតម្លៃជួញដូរស្ថិត ក្នុងរង្វង់ ៩០.២៧ ដុល្លារក្នុងមួយបារ៉ែល កើនឡើង ២៤ សេន ឬ ០,២%។

លោក Tony Sycamore ជាអ្នកវិភាគ IG Markets បាននិយាយថា តម្លៃប្រេងឆៅបានចាប់ផ្តើមកើនក្នុងសប្តាហ៍នេះ ដោយសារទីផ្សារនានាត្រូវរុស្ស៊ីរំសាយការនាំចូលជាបណ្តោះអាសន្ន ទាំងប្រេងម៉ាស៊ូត និងប្រេងសាំង បើទោះបីជាស្ថានភាពទីផ្សារប្រេងកំពុងតានតឹងរួចស្រាប់ទៅហើយក្តី។

ការព្យាករណ៍បានឱ្យដឹងថាតម្លៃបានកើនឡើងច្រើនជាង ១០% ក្នុងរយៈពេលបីសប្តាហ៍កន្លងមកនេះ ពោលគឺបង្កមកពីឱនភាពនៃការផ្គត់ផ្គង់ប្រេងឆៅក្នុងទំហំដ៏ធំនៅក្នុងត្រីមាសទី ៤ នៃឆ្នាំ ២០២៣ បន្ទាប់ពី អារ៉ាប៊ីសាអូឌីត និងរុស្ស៊ីបានបន្តកាត់បន្ថយការផ្គត់ផ្គង់បន្ថែមដល់ចុងឆ្នាំនេះ។

adm

ព័ត៌មានអន្តរជាតិ

មេដឹកនាំកូរ៉េខាងជើងអំពាវនាវឱ្យពង្រឹងកងទ័ពជើងទឹក

August 29, 2023 adm

ប្រព័ន្ធផ្សព្វផ្សាយរដ្ឋបានរាយការណ៍ នាថ្ងៃអង្គារ ទី២៩ ខែសីហាថា លោក គីម ជុងអ៊ុន បានអំពាវនាវឱ្យមានការអភិវឌ្ឍកងទ័ពជើងទឹករបស់កូរ៉េខាងជើង ដោយនិយាយថា ដែនទឹករបស់ប្រទេសនេះពោរពេញដោយ “គ្រោះថ្នាក់នៃសង្គ្រាមនុយក្លេអ៊ែរ” ។ មេដឹកនាំកូរ៉េខាងជើងបានរិះគន់កិច្ចសហប្រតិបត្តិការត្រីភាគី កំពុងកើនឡើង រវាងនូវអ្វីដែលលោកហៅថា “មេក្រុម” នៃសហរដ្ឋអាមេរិក កូរ៉េខាងត្បូង និងជប៉ុន ដែលកំពុងធ្វើសមយុទ្ធកងទ័ពជើងទឹករួមគ្នា។ លោក គីម ជុងអ៊ុន ដែលបានទៅទស្សនាបញ្ជាការដ្ឋានកងទ័ពជើងទឹក កាលពីថ្ងៃអាទិត្យ បាននិយាយថា សម្ព័ន្ធមិត្តទាំងបី នាពេលថ្មីៗនេះ “បានបិទឲ្យគ្នាទៅវិញទៅមក” នៅក្នុងឯកសារយោងជាក់ស្តែងមួយ ចំពោះកិច្ចប្រជុំកំពូល Camp David ក្នុងខែសីហានេះ។ ផ្អែកតាមរបាយការណ៍ដដែល លោក គីម ជុងអ៊ុន អះអាងទីក្រុងវ៉ាស៊ីនតោនថា “មានភាពច្របូកច្របល់ជាងពេលមុន” ដោយធ្វើសមយុទ្ធកងទ័ពជើងទឹករួមគ្នា និងការដាក់ពង្រាយទ្រព្យសម្បត្តិយុទ្ធសាស្ត្រនុយក្លេអ៊ែរ នៅក្នុងដែនទឹកជុំវិញឧបទ្វីបកូរ៉េជាអចិន្ត្រៃយ៍។ ប្រភពពី AFP

ព័ត៌មាន ព័ត៌មានអន្តរជាតិ

ប្រធានាធិបតីបារាំងរក្សាគោលនយោបាយការពារការសម្រេចការចរចាជាមួយប្រធានាធិបតីពូទីន គឺជាសកម្មភាពត្រឹមត្រូវបំផុត

April 7, 2022April 7, 2022 adm

បរទេស៖ នៅក្នុងរយៈពេលប៉ុន្មានសប្តាហ៍ចុងក្រោយនេះ ប្រធានាធិបតីម៉ាក្រុង បានជួបពិភាក្សាតាមទូរស័ព្ទជាមួយប្រធានាធិបតីរុស្ស៊ីដល់ទៅ៩លើក។ លោកម៉ាក្រុងបង្ហាញការជឿជាក់ថា គោលនយោបាយពិភាក្សារបស់លោកជាមួយប្រធានាធិបតីរុស្សី គឺជាសកម្មភាពត្រឹមត្រូវបំផុត។ លោកម៉ាក្រុងបញ្ជាក់ថា នេះជាជំហានចាំបាច់បំផុតដើម្បីកសាងទម្រង់សន្តិសុខថ្មីនៅតំបន់អឺរ៉ុប ។ លោកម៉ាក្រុងបានលើកឡើងថា លោកបានពិភាក្សាជាមួយប្រធានាធិបតីពូទីនជាលើកដំបូង ក្នុងខែឧសភាឆ្នាំ២០១៧។ ក្នុងពេលនេះដែរប្រធានាធិបតីបារាំងលោកម៉ាក្រុងកំពុងតែបង្កើនឥទ្ធិពលនៅក្នុងប្រទេសខណៈការបោះឆ្នោតជិតមកដល់ ។ នៅក្នុងការស្ទង់មតិនាពេលកន្លងមកលោកម៉ាក្រុងបាននាំមុខទៅលើបេក្ខភាពសំខាន់ៗ។ ការស្ទង់មតិថ្មីមួយបានបង្ហាញថាប្រធានាធិបតីបារាំងលោកអែមម៉ានុយអែលម៉ាក្រុងអាចនឹងយកជ័យជម្នះសាជាថ្មីលើលោកស្រីម៉ារីនឡឺពែន(MarineLePen)នៅក្នុងការបោះឆ្នោតប្រធានាធិបតីនាខែមេសានេះបើទោះជាលោកស្រីកំពុងមានសន្ទុះគាំទ្រខ្លាំងក្នុងរយៈពេលប៉ុន្មានសប្ដាហ៍ចុងក្រោយនេះក៏ដោយ។ បើតាមការស្ទង់មតិថ្មីខាងលើដែលធ្វើឡើងដោយស្ថាប័ន(IpsosSopraSteriaCevipof)ចុះផ្សាយលើកាសែតបារាំង Le Monde លោកម៉ាក្រុងនឹងទទួលបានសំឡេងគាំទ្រ ២៦.៥ភាគរយខណៈលោកស្រី ឡឺពែននឹងទទួលបានសំឡេងគាំទ្រ២១.៥ភាគរយក្នុងការបោះឆ្នោតប្រធានាធិបតីបារាំងជុំទី១ដែលនឹងប្រព្រឹត្តទៅនៅថ្ងៃទី១០ ខែមេសានេះ។ ការស្ទង់មតិដដែលក៏បានឱ្យដឹងដែរថា លោកម៉ាក្រុងនៅតែអាចផ្ដួលលោកស្រី ឡឺពែន នៅក្នុងការបោះឆ្នោតប្រធានាធិបតីបារាំងជុំទី២ ដែលនឹងប្រព្រឹត្តទៅនៅថ្ងៃទី២៤ ខែមេសានេះ ដោយនឹងទទួលបានសំឡេងគាំទ្រ ៥៤ភាគរយ ទលនឹង៤៦ភាគរយ៕

ព័ត៌មានអន្តរជាតិ

អ៊ីរ៉ង់បន្តការនាំចេញប្រេងទៅកាន់អាហ្វហ្គានីស្ថាន

August 25, 2021 adm

យោងតាមសារព័ត៌មាន រ៉យទ័រ បានចេញផ្សាយថា(Reuters)- ប្រទេសអ៊ីរ៉ង់ចាប់ផ្តើមការនាំចេញប្រេងឥន្ធនៈសារជាថ្មីទៅកាន់ ប្រទេសអាហ្វហ្គានីស្ថាននៅប៉ុន្មានថ្ងៃមុននេះ បន្ទាប់ពីមានការស្នើសុំពីរដ្ឋាភិបាលអាហ្វហ្គានីស្ថានថ្មី ដែលចូលកាន់អំណាចដោយសារការដកទ័ពរបស់អាមេរិក ការស្នើរសុំនោះគឺ ដើម្បីទិញប្រេងពីប្រទេសដែលត្រូវបានដាក់ទណ្ឌកម្មកាន់តែបើកចំហ ។ កាលពីសប្តាហ៍មុន ក្រុមមូស្លីម Sunni បានដណ្តើមអំណាចនៅអាហ្វហ្គានីស្ថាន នៅពេលដែលសហរដ្ឋអាមេរិក និងសម្ព័ន្ធមិត្តរបស់ខ្លួនដកកងទ័ពបន្ទាប់ពីសង្គ្រាមរយៈពេល២០ឆ្នាំ។ តម្លៃប្រេងសាំងនៅអាហ្វហ្គានីស្ថានបានឡើងដល់៩០០ដុល្លារសហរដ្ឋអាមេរិកក្នុង ១តោន ខណៈដែលប្រជាជនអាហ្វហ្គានីស្ថានជាច្រើនបានចាកចេញពីទីក្រុងដោយសារខ្លាចការសងសឹក និងការវិលត្រឡប់ទៅរកច្បាប់អ៊ីស្លាមដ៏តឹងរឹងដែលក្រុមតាលីបង់បានបង្ខំឲ្យគោរព ក្នុងកំឡុងពេលកាន់អំណាចកាលពីពីរទសវត្សរ៍មុន។ ដើម្បីទប់ទល់នឹងការឡើងថ្លៃនេះ ក្រុមតាលីបង់ថ្មីនេះបានស្នើសុំឲ្យប្រជាជនអ៊ីរ៉ាក់ Shi’ite បន្តបើក ព្រំដែនសម្រាប់ពាណិជ្ជករ។ លោក Hamid Hosseini សមាជិកក្រុមប្រឹក្សាភិបាល និងជាអ្នកនាំពាក្យរបស់សហភាពអ្នកនាំចេញផលិតផលប្រេងឧស្ម័ន ឥន្ធនៈ និងផលិតផលគីមីរបស់អ៊ីរ៉ង់នៅទីក្រុង Tehran បានប្រាប់រ៉យទ័រថា “ក្រុមតាលីបង់បានផ្ញើសារទៅអ៊ីរ៉ង់ដោយនិយាយថា ប្រទេសអ្នកអាចបន្តការនាំចេញផលិតផលប្រេង” ។ ក្រុមតាលីបង់បានផ្ញើសារទៅកាន់ពាណិជ្ជករអ៊ីរ៉ង់ និងសភាពាណិជ្ជកម្មអ៊ីរ៉ង់ដែលមានទំនាក់ទំនងជិតស្និទ្ធជាមួយរដ្ឋាភិបាល។ ជាលទ្ធផល រដ្ឋបាលគយនៃសាធារណរដ្ឋអ៊ីស្លាមអ៊ីរ៉ង់ (IRICA) ដែលជាផ្នែកមួយនៃរដ្ឋាភិបាលបានដកបម្រាមនាំចេញប្រេងឥន្ធនៈទៅកាន់អាហ្វហ្គានីស្ថានដែលបានអនុវត្តតាំងពីថ្ងៃទី០៦ ខែសីហា ដោយសារតែអ៊ីរ៉ង់ព្រួយបារម្ភអំពីសុវត្ថិភាពនៃការជួញដូរនៅក្នុងប្រទេសនេះ។ លោក Hosseini បាននិយាយថា កង្វល់ទាំងនោះត្រូវបានបន្ធូរបន្ថយដោយឥរិយាបថរបស់ក្រុមតាលីបង់។ លោកក៏បានលើកឡើងផងដែរពីការសម្រេចចិត្តរបស់ក្រុមតាលីបង់ក្នុងការកាត់បន្ថយពន្ធលើការនាំចូលប្រេងឥន្ធនៈពីប្រទេសអ៊ីរ៉ង់ និងប្រទេសជិតខាងផ្សេងៗទៀត ហើយបានចែករំលែកជាមួយរ៉យទ័រនូវឯកសារផ្លូវការមួយដែលចេញដោយក្រុមអ៊ីស្លាម Emirate អាហ្វហ្គានីស្ថាន […]

Related Articles

មេដឹកនាំកូរ៉េខាងជើងអំពាវនាវឱ្យពង្រឹងកងទ័ពជើងទឹក

អ៊ីរ៉ង់បន្តការនាំចេញប្រេងទៅកាន់អាហ្វហ្គានីស្ថាន

Leave a Reply Cancel reply