ខេត្តកំពង់ស្ពឺ ៖ លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ បានប្រាប់ឱ្យដឹងនៅព្រឹកថ្ងៃទី១២ សីហា នេះថា លោកបានចាត់ឱ្យលោកស្នងការរងទទួលផែន បុគ្គលិកចុះធ្វើការស្រាវជ្រាវបន្ថែម និងធ្វើការដកលោកវរសេនីយ៍ត្រី អ៊ុំ ចំរើន អធិការនគរបាលស្រុកបសេដ្ឋ មកបញ្ឈរជើងហើយ យោងតាមពាក្យបណ្តឹងរបស់មន្ត្រីថ្នាក់ក្រោម។ សូមរំលឹកថា៖ លោកអធិការនគរបាលស្រុកបសេដ្ឋ ត្រូវកូនចៅប្តឹងទៅសម្ដេចក្រឡាហោម ស ខេង ប្តូរលោកចេញ សូមរំលឹកផងដែរថា មន្ត្រីនគរបាលក្រោមឱវាទជាច្រើននាក់នៅស្រុកបសេដ្ឋ ខេត្តកំពង់ស្ពឺ រាប់ទាំងពីលោកអធិការរង ប្រធានផ្នែក នាយរងផ្នែក និងនាយនគរបាលតាមបណ្តាលប៉ុស្តិ៍រដ្ឋបាលផងនោះ បានរួមគ្នាដាក់ពាក្យបណ្ដឹង ទៅកាន់សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ, ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងលោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ ធ្វើការស្នើសុំ ឲ្យផ្លាស់ប្តូរអធិការនគរបាលស្រុកបសេដ្ឋ លោក អ៊ុំ ចំរើន ចេញដោយសារតែលោកអធិការ រូបនេះ បានប្រព្រឹត្តកំហុសនិង អំពីពុករលួយ ជាច្រើន […]
ភ្នំពេញ ៖ បុរសជាអ្នកដើររើសអេតចាយម្នាក់បានស្លាប់នៅក្នុងបន្ទប់ទឹក បន្ទាប់ពីគាត់ហូបបាយនិងផឹកស្រាជួបជុំក្រុមគ្រួសាររួច។ ហេតុការណ៍នេះបង្កឱ្យមានការភ្ញាក់ផ្អើលឡើងកាលពីវេលាម៉ោង ១២និង៣០នាទីរំលងអធ្រាត្រឈានចូលថ្ងៃទី១៧ ខែមីនា ឆ្នាំ២០២២ ស្ថិតនៅតាមបណ្ដោយផ្លូវលំ ក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។ សមត្ថកិច្ចបានឱ្យដឹងថា សពជនរងគ្រោះមានឈ្មោះ ជិត សារុំ អាយុ៣៤ឆ្នាំ មុខរបររើសអេតចាយ បច្ចុប្បន្នស្នាក់នៅបន្ទប់ជួលជាប់កន្លែងកើតហេតុ ក្នុងសង្កាត់ស្ទឹងមានជ័យទី២ ខណ្ឌមានជ័យ និងមានស្រុកកំណើតនៅស្រុកកំពង់លែង ខេត្តកំពង់ឆ្នាំង។ បើតាមការបញ្ជាក់ពីបុរសត្រូវជាបងថ្លៃរបស់ជនរងគ្រោះបានឱ្យដឹងថា មុនពេលកើតហេតុរូបគាត់ និងជនរងគ្រោះបានហូបបាយ និងផឹកស្រាបៀរជាមួយគ្នា អស់ពី៣ទៅ៤កំប៉ុងនៅក្នុងបន្ទប់ជួល។ ក្រោយមកបុរសរងគ្រោះក៏បានចេញពីកន្លែងផឹកស៊ី រួចឡើងទៅបន្ទប់របស់ខ្លួនវិញ ដោយបានចូលទៅក្នុងបន្ទប់ទឹកដើម្បីងូតទឹក។ លុះមួយសន្ទុះក្រោយមកប្រពន្ធចេះតែឆ្ងល់ ព្រោះឃើញបើកទឹកបង្ហូរចោល។ ដោយឆ្ងល់ខ្លាំងពេកប្រពន្ធក៏ឡើងទៅមើល រួចហៅបុរសជាប្តីតែមិនឮឆ្លើយតប ក៏បើកទ្វារមើលទៅឃើញបុរសជាប្តីបានដួលនៅក្នុងបន្ទប់ទឹក ហើយក៏ស្រែកឆោឡោហៅអ្នកជិតខាងឱ្យជួយហៅរថយន្តសាមុយដើម្បីមកជួយសង្រ្គោះ។ ពេលរថយន្តសាមុយនៃមន្ទីរពេទ្យឯកជនមួយកន្លែងបានចុះទៅដល់កន្លែងកើតហេតុហើយពិនិត្យទៅលើបុរសរងគ្រោះឃើញថាគាត់បានស្លាប់បាត់ទៅហើយ ក៏បានរាយការណ៍ទៅសមត្ថកិច្ចមូលដ្ឋានឱ្យចុះមកពិនិត្យភ្លាមៗ។ បន្ទាប់ពីកើតហេតុសមត្ថកិច្ចបានចុះទៅដល់ធ្វើការពិនិត្យ រួចធ្វើកំណត់ហតុប្រគល់សពទៅឱ្យក្រុមគ្រួសារយកទៅធ្វើបុណ្យតាមប្រពៃណី៕
ភ្នំពេញ ៖ នៅថ្ងៃទី១៩ ខែតុលា ឆ្នាំ២០២១នេះសម្ដេចតេជោ ហ៊ុន សែន ប្រមុខដឹកនាំកម្ពុជា បានថ្លែងសារដោយអំពាវនាវដល់ប្រជាជនដែលមិនទាន់បានចាក់វ៉ាក់សាំងសូមនាំគ្នាទៅចាក់វ៉ាក់សាំងឲ្យបានគ្រប់គ្នា ពីព្រោះថា មានតែវ៉ាក់សាំងទេ ដែល ការពារសុខភាពរបស់ប្រជាជន ដោយមិនឲ្យធ្លាក់ខ្លួនឈឺធ្ងន់រហូតដល់ស្លាប់ក្រោយពេលឆ្លងជំងឺកូវីដ១៩។ ការជំរុញរបស់សម្ដេចតេជោ បានធ្វើឡើងក្រោយពីតួលេខអ្នកស្លាប់ដោយសារជំងឺកូវីដ១៩ មួយភាគធំ សុទ្ធសឹងតែជាអ្នកដែលមិនបានចាក់វ៉ាក់សាំង។ ជាក់ស្ដែងនៅថ្ងៃទី១៧ ខែតុលា ឆ្នាម២០២១ ក្នុងចំណោមអ្នកស្លាប់ ១២នាក់ គឺមាន ៨នាក់ដែលមិនបានចាក់វ៉ាក់សាំង។ បន្ថែមពីនេះសម្ដេចតេជោ បានសង្កត់ធ្ងន់ថា ថ្វីបើយើងបិទបញ្ចប់ការចាក់ហើយក៏ដោយ តែកម្ពុជាក៏មានវ៉ាក់សាំងស្តុកទុកដើម្បីចាក់ជូនប្រជាជនផងដែរ ដែលក្រុមគ្រូពេទ្យ និងអាជ្ញាធរក៏អាចយកវ៉ាក់សាំងទៅចាក់ជូនប្រជាជនដល់ផ្ទះ ក្នុងករណីរដែលប្រជាជនមិនអាចធ្វើដំណើរមកកាន់កន្លែងចាក់វ៉ាក់សាំងបាន។ កម្ពុជា បានចាក់វ៉ាក់សាំងជូនប្រជាជនបានជាង ១៣លាន ៦សែននាក់ ដែលធ្វើឲ្យអ្នកឆ្លងជំងឺមួយចំនួនមិននាំទៅរកភាពធ្ងន់ធ្ងរ។ ចំពោះអ្នកដែលស្លាប់ព្រោះកូវីដភាគច្រើនសង្កេតឃើញថា ជាអ្នកមានជំងឺធ្ងន់ធ្ងរ ដែលពេលពួកគាត់មកដល់មន្ទីរពេទ្យគឺចាប់ផ្ដើមមានបញ្ហាធ្ងន់ធ្ងរ ស្ថានភាពទាំងអស់នេះគឺអាចនិយាយបានថា វ៉ាក់សាំងគឺជាគ្រឹះដ៏រឹងមាំការពារជីវិតប្រជាជន កាត់បន្ថយការឆ្លង ហើយបើឆ្លងហើយក៏មិននាំដល់ស្លាប់។ យោងតាមស្ថានភាពជាក់ស្ដែងនេះ សម្ដេចតេជោ ហ៊ុន សែន បានទទូចសូមប្រជាជនមកចាក់វ៉ាក់សាំងបើសិនប្រជាជននៅឆ្ងាយពិបាកធ្វើដំណើរ សម្ដេចស្នើឲ្យគ្រូពេទ្យ និងអាជ្ញាធរយកវ៉ាក់សាំងទៅចាក់ជូនពួកគាត់ដល់ផ្ទះ។ វ៉ាក់សាំងមានសារសំខាន់ណាស់ សម្ដេចតេជោ ហ៊ុន សែន […]
