ខេត្តកំពង់ឆ្នាំង ៖ រយៈពេលពីរបីថ្ងៃនេះ ស្ថានភាពជំនន់ទឹកភ្លៀងបានហូរតាមព្រែកកាត់លើផ្លូវខ្នងទំនប់បារាំង ស្ថិតក្នុងភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំង ធ្វើឱ្យការធ្វើដំណើរដោយថ្មើរជើង និងដោយម៉ូតូ ជួបនឹងហានិភ័យខ្ពស់ ព្រោះចរន្តទឹកហូរខ្លាំងអាចបង្កអោយមានគ្រោះថ្នាក់ លុះនៅព្រឹកថ្ងៃទី១៨ ខែកក្កដា ឆ្នាំ២០២២នេះ អាជ្ញាធរក្រុងកំពង់ឆ្នាំង ក៏បានសម្រេចបិទការធ្វើចរាចរណ៍តាមផ្លូវខ្នងទំនប់បារាំងនេះ និងជួសជុលស្ពានមួយកន្លែងសម្រាប់ការធ្វើដំណើរជំនួសវិញ ។ លោក យិន សាវ៉េន អភិបាលក្រុងកំពង់ឆ្នាំង បានមានប្រសាសន៍ថា អនុវត្តតាមការណែនាំរបស់ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង លោកបានដឹកនាំក្រុមការងារ និងបានជួលប្រជាពលរដ្ឋអោយរើកំប្លោកចេញពីក្នុងព្រែកក្រោមស្ពានឈើ ដើម្បីអាចឲ្យទូកដរ ឆ្លងទៅភូមិកណ្ដាលបាន និងបានជួសជុលស្ពានឈើទ្រុឌទ្រោមខាងលើនេះផងដែរ ដើម្បីជួយសម្រួលឲ្យប្រជាពលរដ្ឋអាចដើរឆ្លងទៅមក បានពីភូមិកណ្ដាលមកផ្សារក្រោម ។ លោកបន្តថា ចំណែកផ្លូវលើខ្នងទំនប់បារាំងវិញ លោកបានអោយសមត្ថកិច្ចធ្វើផ្លាកបិទជាការជូនដំណឹងនៅសងខាងផ្លូវ ហាមឃាត់មិនឱ្យប្រជាពលរដ្ឋធ្វើដំណើរឆ្លងកាត់តាមខ្នងទំនប់បារាំង ដែលកំពុងមានទឹកហូរខ្លាំងនោះឡើយ ដើម្បីបញ្ជៀសគ្រោះថ្នាក់ជាយហេតុ ។ លោក យិន សាវ៉េន បានបន្តថា ការជួសជុលស្ពានអោយប្រជាពលរដ្ឋបានធ្វើដំណើរនេះ ឯកឧត្តម ស៊ុន សុវណ្ណារិទ្ធិ អភិបាលខេត្ត បានជួយឧបត្ថម្ភថវិកាចំនួន៨០ម៉ឺនរៀល និងលោក ផ្ទាល់បានជួយឧបត្ថម្ភថវិកា៣០ម៉ឺនរៀលផងដែរ ទើបជួលកម្មករ […]
(ភ្នំពេញ)៖សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្តល់ការចាក់ថ្នាំវ៉ាក់សាំងកូវីត១៩ ជូនមន្ត្រីអង្គភាពស៉ីម៉ាក់ ក្នុងកញ្ចប់អាទិភាព ខណៈយុទ្ធនាការចាក់វ៉ាក់សាំងការពារជំងឺកូវិដ១៩ បានចាប់ផ្តើមចាប់ពីថ្ងៃទី១០ ខែកុម្ភៈតទៅ។ លោក ហេង រតនា បានបញ្ជាក់យ៉ាងដូច្នេះថា «តាងនាមមន្ត្រី និងថ្នាក់ដឹកនាំអង្គភាពស៉ីម៉ាក់គ្រប់ៗរូប សូមគោរពថ្លែងអំណរគុណយ៉ាងជ្រាលជ្រៅបំផុត ជូនចំពោះសម្តេចអគ្គមហាសេនាបតីតេជោ ប្រមុខរាជរដ្ឋាភិបាល ដែលបានសំរេចផ្តល់ការចាក់ថ្នាំវ៉ាក់សាំងកូវីត១៩ ជូនមន្ត្រីអង្គភាពស៉ីម៉ាក់ ក្នុងកញ្ចប់អាទិភាពនេះ ប្រយោជន៍ដើម្បីការពារសុខភាពប្រឆាំងមេរោគកូវីត១៩»។ ក្រសួងសុខាភិបាល នៅថ្ងៃទី១០ ខែកុម្ភៈ ឆ្នាំ២០២១ បានចេញសេចក្តីប្រកាសអំពី កម្មវិធីចាក់វ៉ាក់សាំងបង្ការជំងឺកូវីដ១៩ ជាបន្តទៀត នៅថ្ងៃទី១១ ខែកុម្ភៈ ឆ្នាំ២០២១នេះ និងថ្ងៃបន្តបន្ទាប់ខាងមុខ ដោយឈរលើគោលការណ៍ស្ម័គ្រចិត្ត។ ទីតាំងសម្រាប់ចាក់វ៉ាក់សាំងមាន៤ទីតាំង ១៖ មន្ទីរពេទ្យកាល់ម៉ែត, ២៖ មន្ទីរពេទ្យព្រះអង្គឌួង, ៣៖ មន្ទីរពេទ្យមិត្តភាពខ្មែរ-សូវៀត និង៤៖ មន្ទីរពេទ្យកុមារជាតិ៕
អ៊ុយគ្រែន៖នេះជាយុទ្ធសាស្ត្រវិជ្ជមានដើម្បីពង្រឹងឥទ្ធិពលនៅលើតុពិភាក្សា ជាមួយរុស្ស៊ី ។ ការដកទណ្ឌកម្មគឺជាសញ្ញាដ៏ល្អមួយដើម្បីឈានដល់ការបញ្ចប់សង្គ្រាមនៅក្នុងប្រទេសអ៊ុយក្រែន។ ក្នុងពេលនេះដែរ ក្រសួងការពារជាតិរុស្ស៊ីបានបង្កើនការវាយប្រហារដោយមីស៊ីលកម្ទេចគោលដៅយោធារបស់អ៊ុយក្រែន ៥១កន្លែងក្នុងពេលមួយយប់ប៉ុណ្ណោះ ។ កម្លាំងទាហានរុស្ស៊ីបានកាត់ផ្តាច់ប្រភពជំនួយអាវុធពីប្រទេសលោកខាងលិចទៅឱ្យប្រទេសអ៊ុយក្រែន។ ក្នុងពេលនេះដែរ ប្រធានាធិបតីអ៊ុយក្រែន លោក Volodymyr Zelensky ទទួលបានការបើកភ្លើងខៀវពីទីក្រុងវ៉ាស៊ីនតោនថានឹងកាត់បន្ថយការដាក់ទណ្ឌកម្ម ឬលុបទណ្ឌកម្មមួយចំនួនទៅលើប្រទេសរុស្ស៊ីដើម្បីជាថ្នូរនឹងការបញ្ចប់សង្គ្រាមនៅអ៊ុយក្រែន។ រដ្ឋមន្ត្រីការបរទេសអាមេរិក លោក Antony Blinken បានលើកឡើងពីគម្រោងខាងលើនៅថ្ងៃទី ៣ខែមីនា ដើម្បីជួយដល់កិច្ចពិភាក្សាឈានដល់សន្តិភាព ។ ក្នុងពេលនោះដែររដ្ឋមន្ត្រីការបរទេសអាមេរិក បានលើកឡើងថា ប្រធានាធិបតីបៃឌិននឹងជួយគ្រប់យ៉ាងនូវអ្វីដែលពលរដ្ឋអ៊ុយក្រែនចង់បាន ។ នេះជាការបន្ទន់ឥរិយាបថរបស់អាមេរិកនិងប្រទេសលោកខាងលិច ដើម្បីបញ្ចប់សង្គ្រាមនៅក្នុងប្រទេសអ៊ុយក្រែន ។ ទាំងនោះក៏ជាសញ្ញាមួយជួយដល់អ៊ឺរ៉ុបរួចផុតពីវិបត្តិកង្វះថាមពល ក្នុងពេលដែលរុស្ស៊ីបានអនុវត្តវិធានការតឹងតែងវាយបកទៅលើអឺរ៉ុបវិញ ដោយការលក់ឧស្ម័នដោយទូទាត់ប្រាក់រុស្ស៊ី ។ ប្រសិនបើការលុបទណ្ឌកម្មដល់រុស្ស៊ី កិច្ចពិភាក្សាសន្តិភាពនៅអ៊ុយក្រែនអាចនឹងដំណើរការទៅមុខបានល្អ៕