ខេត្តព្រះវិហារ ៖ រថយន្តម៉ាកសាំយ៉ុងមួយគ្រឿង ពណ៌សំបកឪឡឹក គ្មានស្លាកលេខ ដឹកឈើពេញរថយន្ត បានផ្ទុះកង់ក្រឡាប់ផ្ងារជើងឡើងលើ បណ្តាលឱ្យប្តីប្រពន្ធដែលជាម្ចាស់រថយន្តរងរបួសធ្ងន់ទាំង២នាក់ ។ ហេតុការណ៍ខាងលើបានកើតឡើងវេលាព្រឹកព្រលឹមថ្ងៃទី៣០ ខែមីនា ឆ្នាំ២០២២ នៅចំណុចចន្លោះគីឡូម៉ែត្រលេខ57-58 ស្ថិតក្នុងភូមិរំចេក ឃុំរមណីយ៍ ស្រុករវៀង ខេត្តព្រះវិហារ ។ ប្តីប្រពន្ធជាម្ចាស់រថយន្តមួយគ្រឿងខាងលើ មិនស្គាល់អត្តសញ្ញាណនោះទេ ។ លោក ហម ភេន នាយរងប៉ុស្តិ៍នគរបាលឃុំរមណីយ៍ បានអោយដឹងថា មុនពេលកើតហេតុ រថយន្តម៉ាកសាំយ៉ុងមួយគ្រឿងខាងលើមានដឹកឈើពេញរថយន្ត បានធ្វើដំណើរក្នុងទិសដៅពីជើងទៅត្បូង លុះមកដល់ចំណុចកើតហេតុខាងលើ ស្រាប់តែផ្ទុះកង់ក្រឡាប់ផ្ងារជើងឡើងលើ បណ្តាលឱ្យរងការខូចខាតយ៉ាងដំណំ ចំណែកប្តីប្រពន្ធទាំង២នាក់ដែលជាម្ចាស់រថយន្តបានរងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យខេត្តកំពង់ធំ ។ ក្រោយពេលកើតហេតុ សមត្ថកិច្ចបានស្ទូចយករថយន្តមួយគ្រឿងខាងលើទៅរក្សាទុកនៅអធិការដ្ឋាននគរបាលស្រុករវៀង ជាបណ្តោះអាសន្ន ៕
ភ្នំពេញ ៖ នាយកដ្ឋានកណ្តាលសន្តិសុខ នៃក្រសួងមហាផ្ទៃបានលើកឡើងថា ក្នុងរយៈកាលចុងក្រោយនេះ សមត្ថកិច្ចបានសង្កេតឃើញមានកំណើនប្រជាពលរដ្ឋរាយការណ៍អំពី ករណីការផ្ដល់កម្ចីចងការប្រាក់ ដែលមានអ្នកចុះផ្សព្វផ្សាយតាមផ្ទះ, តូបលក់ដូរ, ការដើរចែក និងដាក់ខិតប័ណ្ណតាមយានយន្ត, ទ្វារ ឬរបងផ្ទះ និងការបង្ហោះអនឡាញ ជាដើម។ តាមការវាយតម្លៃលើលក្ខណៈវិនិច្ឆ័យមួយចំនួន កម្ចីទាំងនោះ ត្រូវបានសង្ស័យថា ជាការផ្ដល់កម្ចីខុសច្បាប់ ពីសំណាក់ក្រុមហ៊ុន ឬក្រុមអ្នករកស៊ីចងការដែលគ្មានច្បាប់អនុញ្ញាត។ សញ្ញាណទាំងនោះរួមមាន៖ – ក្រុមនេះមិនមានទីតាំងច្បាស់លាស់ ឬព្យាយាមលាក់បាំងអាសយដ្ឋានកន្លែងរបស់ពួកគេ – គ្មានការពិនិត្យប្រវត្តិឥណទាន ឬវាយតម្លៃលទ្ធភាពសងត្រឡប់ – មានការកាត់ប្រាក់ជាមុន ដោយថា ជាសេវាផ្សេងៗ (ខ្ចី ១០០$ បានតែ ៨០$ ឬ ទទួលបានប្រាក់ ៨០$ តែធ្វើលិខិតខ្ចី ១០០$) – អាចមានការទាមទារឲ្យដាក់តម្កល់ជាមួយពួកគេនូវឯកសារច្បាប់ដើម អត្តសញ្ញាណប័ណ្ណ ឬសៀវភៅគ្រួសារ ការតម្រូវឲ្យថតរូបទុកជាភស្តុតាង ឬការសរសេរសែក (មូលប្បទានប័ត្រ)។ បើតាមនាយកដ្ឋានកណ្តាលសន្តិសុខ ការខ្ចីប្រាក់ពីកម្ចីខុសច្បាប់ នឹងនាំឲ្យជួបបញ្ហាប្រឈមដូចជា៖ – ធ្លាក់ក្នុងអន្ទាក់បំណុលវ័ណ្ឌ ក […]
ព្រឹត្តិការណ៍បង្ហោះខ្លែងអន្តរជាតិ Skyfest ២.០ ឆ្នាំ២០២៤ រយៈពេល២ថ្ងៃ គឺនៅថ្ងៃទី៣០ និង៣១ ខែមីនា ឆ្នាំ២០២៤ ស្ថិតនៅភូមិអុង ឃុំរាម ស្រុកព្រៃនប់ ខេត្តព្រះសីហនុ ដែលកម្ពុជា និងប្រទេសចំនួន៦ រៀបចំ បានបិទបញ្ចប់ដោយរលូន និងជោគជ័យ។