អនុប្រធាននយោបាយកងកម្លាំងប៉ូលីសប្រដាប់អាវុធប្រជាជនចិន និងប្រតិភូអមដំណើរបានអញ្ជើញទៅបំពេញទស្សនកិច្ចនៅបញ្ជាការដ្ឋានកងរាជអាវុធហត្ថរាជធានីភ្នំពេញ ដោយមានការទទួលស្វាគមន៍ ពីសំណាក់លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលេីផ្ទៃប្រទេស និងជា មេបញ្ជាការ កងរាជអាវុធហត្ថរាជធានីភ្នំពេញ និង លោកឧត្តមសេនីយ៍ត្រី អេង ហ៊ី ស្នងការ ស្នងការដ្ឋានទំនាក់ទំនងកិច្ចការសាធារណៈ និងជា អ្នកនាំពាក្យកងរាជអាវុធហត្ថលើផ្ទៃប្រទេស តំណាង ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជា មេបញ្ជាការ កងរាជអាវុធហត្ថលើផ្ទៃប្រទេស ។
Related Articles
ទីក្រុងភ្នំពេញដ៏ស្អាតត្រៀមលក្ខណៈ ទទួលស្វាគមន៍ថ្នាក់ដឹកនាំពិភពលោកអញ្ជើញមកចូលរួមកិច្ចប្រជុំកំពូលអាស៊ី-អឺរ៉ុប លើកទី១៣
ភ្នំពេញៈ លោកកុយ ដាវីត អនុប្រធានប្រចាំការ នៃគណៈកម្មការជាតិរៀបចំកិច្ចប្រជុំកំពូលអាស៊ីអឺរ៉ុបលើកទី១៣ បានឲ្យដឹងថា ទីក្រុងភ្នំពេញបានក្លាយជារាជធានីមួយដែលបានចាក់វ៉ាក់សាំងប្រឆាំងនឹងជំងឺកូវីដ-១៩ ជូនប្រជាពលរដ្ឋច្រើនជាងគេបំផុតនៅលើពិភពលោក ។ ទីក្រុងដ៏ស្អាត ប្រិមប្រិយនេះបានត្រៀមលក្ខណៈទទួលស្វាគមន៍ថ្នាក់ដឹកនាំពិភពលោកអញ្ជើញមកចូលរួមកិច្ចប្រជុំកំពូលអាស៊ី-អឺរ៉ុប លើកទី ១៣ ដែលនឹងប្រព្រឹត្តទៅនៅថ្ងៃទី២៥-២៦ ខែ វិច្ឆិកា ឆ្នាំ ២០២១ ខាងមុខនេះ។ លោកកុយ ដាវីត បានបន្តថា សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានឯកភាពកំណត់យកការបរិច្ឆេទគឺថ្ងៃទី២៥-២៦ ខែវិច្ឆិកា ឆ្នាំ២០២១ ខាងមុខនេះ ដើម្បីរៀបចំកិច្ចប្រជុំកំពូលអាស៊ី-អឺរ៉ុប លើកទី១៣ ( ASEM13)។ តាមគម្រោងកម្ពុជាត្រូវរៀបចំកិច្ចប្រជុំកំពូលអាស៊ី-អឺរ៉ុប លើកទី១៣ នៅថ្ងៃទី១៦-១៧ ខែវិច្ឆិកា ឆ្នាំ២០២០ នៅរាជធានីភ្នំពេញ។ ប៉ុន្តែដោយសារមានការឆ្លងរាលដាលនៃជំងឺកូវីដ រាជរដ្ឋាភិបាលក៏បានលើកពេលនៃកិច្ចប្រជុំនេះ។
ក្រសួងអប់រំដាក់ឱ្យដំណើរការអគារ មជ្ឈមណ្ឌលជាតិបណ្តុះធុរកិច្ចថ្មីនៃកម្ពុជា (NICC)
ក្រសួងអប់រំ យុវជន និងកីឡា បានសម្ពោធដាក់ឱ្យដំណើរការជាផ្លូវការអគារមជ្ឈមណ្ឌលជាតិបណ្តុះធុរកិច្ចថ្មីនៃកម្ពុជា (NICC) ដែលមានទីតាំងនៅក្នុងបរិវេណសាកលវិទ្យាល័យភូមិភ្នំពេញ គាំទ្រដោយភ្នាក់ងារសហប្រតិបត្តិការអន្តរជាតិកូរ៉េ (KOICA) ដើម្បីលើកកម្ពស់ការបណ្តុះបណ្តាលធនធានមនុស្សដោយផ្អែកលើបច្ចេកវិទ្យាឌីជីថល។ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្រ្តីក្រសួងអប់រំ យុវជន និងកីឡា បានសម្តែងក្តីរំភើបរីករាយ និងថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលសាធារណរដ្ឋកូរ៉េ ដែលបានគាំទ្រនិងកសាង “មជ្ឈមណ្ឌលជាតិបណ្តុះធុរកិច្ចថ្មីនៃកម្ពុជា” នេះឡើង សំដៅលើកកម្ពស់ការងារស្រាវជ្រាវ ការងារបង្រៀននិងរៀន និងការបង្កើតបំណិនរកប្រាក់ចំណូលរបស់និស្សិតសម្រាប់ទ្រទ្រង់ការសិក្សា។ ទន្ទឹមគ្នានេះ បង្កើតបាននូវភាពច្នៃប្រឌិតថ្មីៗសហគ្រិនភាពនិងការបណ្តុះភាពក្លាហានដល់និស្សិតក្នុងការបង្កើតក្តីស្រមៃរបស់ខ្លួន និងចូលរួមចំណែកក្នុងការអភិវឌ្ឍសង្គម-សេដ្ឋកិច្ច ប្រកបដោយប្រសិទ្ធភាព និងចីរភាព។
ក្រសួងប្រៃសណីយ៍ ថា កម្ពុជាអាចនឹងទទួលបានកម្មវិធីភាពជាដៃគូ ដែលនឹងផ្ដល់ចំណូលឡើងវិញដល់អ្នកផលិតមាតិកាក្នុង YouTube
ភ្នំពេញ ៖ ក្រសួងប្រៃសណីយ៍ និងទូរគមនាគមន៍ តាមរយៈសេចក្ដីប្រកាសព័ត៌មាន កាលពីថ្ងៃទី១៧ ខែឧសភា ឆ្នាំ២០២១ បានបញ្ជាក់ថា តាមការពិនិត្យជាបឋមរបស់ អ្នកតំណាង YouTube ថា ទីផ្សារកម្ពុជាមានលក្ខណសម្បត្តិល្អៗជាច្រើន ក្នុងការទទួលបាន “កម្មវិធី ភាពជាដៃគូ” ពី YouTube ដែលការសម្រេចនេះ ត្រូវការពេលវេលាក្នុងការរៀបចំ និងចូលរួមសហការ ពីអ្នកផលិតមាតិកា ស្របតាមគោលការណ៍និងលក្ខខណ្ឌកំណត់ដោយ YouTube ផងដែរ។ តាមរយៈការបញ្ជាក់នេះ គឺម្ចាស់មាតិកានៅតែមានសង្ឃឹមថានឹងរកចំណូលបានពី យូធូប (YouTube) ឡើងវិញ៕