សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសផ្តល់អំណោយជាអគារសិក្សាមួយខ្នង ដែលមានកម្ពស់៣ជាន់ ស្មើនឹង៣០បន្ទប់ និងសម្ភារមួយចំនួនទៀតសម្រាប់បម្រើដល់ការអប់រំដល់វិទ្យាល័យ ស៊ុន សែន តាខ្មៅ ខេត្តកណ្តាល។
តាមរយៈបណ្តាញសង្គមហ្វេសបុកនៅព្រឹកថ្ងៃទី១៧ ខែកញ្ញា ឆ្នាំ២០២៤នេះ សម្តេចធិបតី នាយករដ្ឋមន្រ្តីបានឲ្យដឹងថា កាលពីថ្ងៃរសៀលម្សិលមិញ(ថ្ងៃទី១៦) សម្តេចបានឆ្លៀតចូលវិទ្យាល័យហ៊ុន សែនតាខ្មៅ បន្ទាប់ពីទទួលបានសំណូមពររបស់ក្មួយៗសិស្សានុសិស្ស និងលោកគ្រូអ្នកគ្រូ ពាក់ព័ន្ធនឹងការខ្វះខាតថ្នាក់រៀន ដោយសារចំនួនសិស្សមានការកើនឡើងច្រើន។ ម្យ៉ាងទៀតក៏ចង់ចូលមើលវិទ្យាល័យនេះ ដែលសម្តេចធ្វើដំណើរឆ្លងកាត់ពេលទៅធ្វើការ រយៈពេលជាង ១ឆ្នាំមកហើយ។