ភ្នំពេញៈ ក្រសួងមហាផ្ទៃបានបញ្ជាក់ថា «សេចក្តីព្រាងច្បាប់វិសោធនកម្មច្បាប់បោះឆ្នោត» មិនបានធ្វើឱ្យប៉ះពាល់ដល់សិទ្ធិបោះឆ្នោតរបស់ប្រជាពលរដ្ឋនោះទេ ដោយ «ការទៅបោះឆ្នោត ឬការមិនទៅបោះឆ្នោត» នៅតែជាសិទ្ធិរបស់ប្រជាពលរដ្ឋខ្មែរ ដែលត្រូវបានធានា ដោយរដ្ឋធម្មនុញ្ញ និងក៏ពុំមែនជាកាតព្វកិច្ច ដូចបានកំណត់នៅតាមបណ្តាប្រទេសប្រជាធិបតេយ្យសេរី មួយចំនួននោះដែរ ។ ផ្ទុយទៅវិញសេចក្តីព្រាងច្បាប់នេះ បានពង្រឹង និងលើកកម្ពស់ការទទួលខុសត្រូវ របស់ប្រជាពលរដ្ឋចំពោះជាតិ មាតុភូមិ និងប្រជាជន ក្នុងនាមជាប្រជាពលរដ្ឋល្អ និងជាគំរូល្អ នៅក្នុង សង្គមប្រជាធិបតេយ្យ។ នេះបើយោងតាមសេចក្តីប្រកាសព័ត៌មានរបស់ក្រសួងមហាផ្ទៃ នៅថ្ងៃទី២៨ ខែមិថុនា ឆ្នាំ២០២៣។
សម្តេចតេជោ ហ៊ុន សែន នាយករដ្ឋមន្រ្តី បានឱ្យដឹងនៅក្នុងទំព័រហ្វេសប៊ុកនៅយប់ថ្ងៃទី២៨ ខែកក្កដា ឆ្នាំ២០២១ថា តាមរយៈការខិតខំរបស់ក្រុមគ្រូពេទ្យ និងអាជ្ញាធរគ្រប់លំដាប់ថ្នាក់ និងការចូលរួមរបស់ប្រជាជន មកដល់ថ្ងៃនេះយើងសម្រេចបាននូវការចាក់វ៉ាក់សាំងការពារកូវីដ-១៩បាន ៧លាននាក់ ស្មើនឹង៧០ភាគរយ នៃប្រជាជនដែលត្រូវចាក់វ៉ាក់សាំងចំនួន១០លាននាក់។ សម្តេចតេជោ បានចូលរួមអបអរសាទរចំពោះលោកយាយចាន់ ឃីម រស់នៅភូមិកន្ត្រក សង្កាត់ស្វាយដង្គំ ក្រុងសៀមរាប ខេត្តសៀមរាបដែលទទួលបានការចាក់វ៉ាក់សាំងលេខរៀងទី៧លាន។ នៅក្នុងទំព័រហ្វេសប៊ុកនោះ សម្តេចបន្តថា លោកជំទាវ ឱ វណ្ណឌីន នឹងនាំយកថវិកាចំនួន១០លានរៀល និងសម្ភារៈផ្សេងទៀតទៅជូនដោយផ្ទាល់ និងសូមជូនពរលោកយាយសូមជួបតែសេចក្តីសុខសេចក្តីចំរើន៕
ខេត្តស្វាយរៀង៖ យ៉ាងហោចណាស់ក្នុងរយៈពេលមួយយប់មានករណីគ្រោះថ្នាក់ចរាចរណ៍២កន្លែងផ្សេងគ្នាបានកើតឡើងនៅស្រុកស្វាយទាបនិងស្រុករមាសហែកបណ្ដាលឱ្យមនុស្សរងរបួសធ្ងន់២នាក់។ ករណីទី១គឺរថយន្តបុកចូលផ្ទះប្រជាពលរដ្ឋ និងករណីទី២ម៉ូតូសណ្តោងរុឺម៉កបើកបរគ្មានភ្លើងបំភ្លឺផ្លូវទៅបុកម៉ូតូដែលបើកបញ្ច្រាសទិសគ្នា។ យោងតាមសមត្ថកិច្ចនគរបាលបានឱ្យដឹងថា ករណីទី១បានកើតឡើងកាលពីវេលាម៉ោង១០និង៥០នាទីយប់ថ្ងៃទី២១ ខែមិថុនា ឆ្នាំ២០២២ លើផ្លូវជាតិលេខ១ ត្រង់ចន្លោះគីឡូម៉ែត្រលេខ១៣៨និង១៣៩ ស្ថិតក្នុងភូមិប្រសូត្រ១ ឃុំកណ្ដៀងរាយ ស្រុកស្វាយទាប ខេត្តស្វាយរៀង ដោយមានរថយន្តធំមួយគ្រឿងម៉ាកហ៊ីយ៉ាន់ដាយ ពណ៌ស ពាក់ស្លាកលេខ ត្បូងឃ្មុំ ៣A-១៦៤២ បើកបរដោយឈ្មោះ អូន សំអន ភេទប្រុស អាយុ២៨ឆ្នាំ មុខរបរ បើកបរ រស់នៅភូមិជ្រោយជ្រែង ឃុំសំបួរ ស្រុកល្វាឯម ខេត្តកណ្តាល ធ្វើដំណើរពីលិចទៅកើត ហើយក៏បុកចូលផ្ទះប្រជាពលរដ្ឋ២ខ្នង ដែលមានម្ចាស់ផ្ទះទី១ឈ្មោះ ហ៊ូវ សីហា ភេទប្រុស អាយុ២៧ឆ្នាំ មុខរបរលក់ដូរ រស់នៅភូមិឃុំកើតហេតុ បណ្តាលឱ្យសម្ភារៈមួយចំនួននិងដំបូលផ្ទះប្រក់ស័ង្កសីរងការខូចខាត។ ម្ចាស់ផ្ទះទី២ ឈ្មោះ ណុច ស្រីនុត ភេទ ស្រី អាយុ២៣ឆ្នាំ មុខរបរលក់ដូរ រស់នៅភូមិឃុំកើតហេតុ បណ្តាលឱ្យខូចខាតសម្ភារមួយចំនួន និងដំបូលប្រក់ស័ង្កសីក៏រងការខូចខាតដែរ តែសំណាងល្អមិនមានមនុស្សរងគ្រោះថ្នាក់នោះទេ ។ សមត្ថកិច្ចនគរបាលស្រុកស្វាយទាបបានបញ្ជាក់អំពីមូលហេតុ គឺដោយសារតែអ្នកបើកបររថយន្តងងុយដេកទើបមានគ្រោះថ្នាក់ចរាចរណ៍ខាងលើកើតឡើង។ ចំពោះករណីទី២បានកើតឡើងកាលពីវេលាម៉ោង៧និង១០នាទីយប់ថ្ងៃទី២១ […]