សម្តេចធិបតី នាយករដ្ឋមន្ត្រី៖ “ខ្ញុំបានសម្រេចចិត្តទទួលដឹកនាំផ្ទាល់លើការងារពាក់ព័ន្ធវិធានការគន្លឹះ ៣ ក្នុងចំណោមវិធានការគន្លឹះ ៥ ដែលបានដាក់ចេញក្នុងយុទ្ធសាស្ត្របញ្ចកោណដំណាក់កាលទី១។

វិធានការគន្លឹះទាំង ៣ នោះរួមមាន៖

ទី១ ការកែទម្រង់គុណភាពរដ្ឋបាលសាធារណៈ ដោយផ្ដោតជាពិសេសទៅលើការជ្រើសរើសមន្ត្រី ការពង្រឹងសមត្ថភាពស្ថាប័ន និងការរៀបចំប្រព័ន្ធលើកទឹកចិត្តមួយផ្អែកលើសមទ្ធិកម្ម។

ទី២ ការកែទម្រង់គុណភាពវិស័យអប់រំ ជាពិសេសពីថ្នាក់មតេយ្យសិក្សាដល់មធ្យមសិក្សា។

ទី៣ ការកែទម្រង់គុណភាពវិស័យសុខាភិបាល ជាពិសេសនៅតាមមណ្ឌលសុខភាព និងមន្ទីរពេទ្យបង្អែ កនៅទូទាំងប្រទេស”។