សម្តេចធិបតី និងលោកជំទាវ អញ្ជើញមកដល់កន្លែងស្នាក់នៅ ក្រោមកិច្ចស្វាគមន៍យ៉ាងកក់ក្តៅពីសំណាក់បងប្អូនខ្មែររស់នៅអឺរ៉ុប ប៉ារីស ថ្ងៃទី១៤ ខែមករា ឆ្នាំ២០២៤ —

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី អញ្ជើញមកដល់កន្លែងស្នាក់នៅក្នុងទីក្រុងប៉ារីស ប្រទេសបារាំង នាយប់ថ្ងៃទី១៣ ខែមករា ឆ្នាំ២០២៤ (ម៉ោងនៅប្រទេសបារាំង ត្រូវនឹងព្រឹកព្រលឹមថ្ងៃទី១៤ ខែមករា) ក្រោមកិច្ចស្វាគមន៍យ៉ាងកក់ក្តៅ និងស្និទ្ធស្នាលពីសំណាក់បងប្អូនខ្មែរដែលកំពុងរស់នៅ ធ្វើការ តំបន់អឺរ៉ុប ប្រមាណជាង ១០០នាក់។