Elon Musk ចេញសារចំអក Wikipedia ឱ្យប្តូរឈ្មោះថ្មីនឹងផ្តល់លុយ ១ពាន់លានដុល្លារ

October 23, 2023 adm Comment(0)

ថ្មីៗនេះកំពូលមហាសេដ្ឋីលោក Elon Musk បានបង្ហោះសារនៅលើគណនី X ផ្លូវការរបស់លោកដោយចំអកទៅកាន់គេហទំព័រ Wikipedia ថាប្រសិនបើប្តូរឈ្មោះទៅជា Dickipedia លោកនឹងផ្តល់ប្រាក់ចំនួន ១ពាន់លានដុល្លារ។ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី២៣ ខែតុលា ឆ្នាំ២០២៣។

Elon Musk ធ្លាប់មានជម្លោះជាច្រើនជាមួយ Wikipedia នាពេលកន្លងមក រួមទាំងការខ្វែងគំនិតគ្នាលើខ្លឹមសារនៃទំព័រ Wikipedia របស់លោក និងការលុបខ្លឹមសារនៃ «Twitter Files» ផងដែរ។ យ៉ាងណាមិញជុំវិញការបង្ហោះរបស់ Musk នេះនៅមិនទាន់ច្បាស់នោះទេ ថាតើការផ្តល់ជូននេះគឺជារឿងពិត ឬអត់ ប៉ុន្តែសារបង្ហោះនេះកំពុងក្លាយជារឿងដែលធ្វើឱ្យមានការចាប់អារម្មណ៍យ៉ាងខ្លាំងនៅលើប្រព័ន្ធផ្សព្វផ្សាយសង្គម X នាពេលនេះ។

បន្ថែមពីនេះទៅទៀត Musk បានង្កត់ធ្ងន់លើសាររបស់លោក ដោយមានការរិះគន់ទៅលើ Wikimedia ថាមានការលំអៀងឆ្វេងនិយម និងចង់បានប្រាក់ហួសហេតុពេក។ នេះមិនមែនជាលើកទី១ ទេដែល Musk បង្ហោះសារចំអកឡកឡឺយបែបនេះជាមួយនឹង Wikipedia។

adm

ព័ត៌មាន

ក្រុមហ៊ុន Orange SA របស់បារាំង បង្ហាញបំណងចង់វិនិយោគលើការអភិវឌ្ឍការតភ្ជាប់ផ្នែកបច្ចេកវិទ្យាកម្ពុជាទៅកាន់បណ្ដាប្រទេសផ្សេងទៀតលើពិភពលោក

January 15, 2024 adm

(ទីក្រុងប៉ារីស)៖ នាព្រឹកថ្ងៃទី១៥ ខែមករា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក Emmanuel Rochas នាយកប្រតិបត្តិ Wholesale International Group និងជាតំណាង Orange Group ក្នុងជំនួបសម្ដែងការគួរសម និងពិភាក្សាការងារក្នុងឱកាសនៃដំណើរទស្សនកិច្ចផ្លូវការ ចាប់ពីថ្ងៃទី១៣-១៩ ខែមករា ឆ្នាំ២០២៤ នៅទីក្រុងប៉ារីស ប្រទេសបារាំង។ ក្នុងឱកាសនៃជំនួបនេះ លោកនាយកប្រតិបត្តិ បានថ្លែងអំណរគុណចំពោះ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោក និងសហការី ចូលជួបសម្តែងការគួរសម ព្រមទាំងបានជម្រាបអំពីវឌ្ឍនភាពរីកចម្រើន និងសកម្មភាពនៃប្រតិបត្តិការអាជីវកម្មរបស់ក្រុមហ៊ុន Orange Group និងបំណងនៃការពង្រីកការវិនិយោគរបស់ខ្លួនបន្ថែមទៀតនៅក្នុងប្រទេសកម្ពុជា។ លោកនាយកប្រតិបត្តិបានគោរពជម្រាបជូនសម្ដេចធិបតីថា ក្រុមហ៊ុន Orange Group បានចងសម្ព័ន្ធភាពជាមួយក្រុមហ៊ុនក្នុងស្រុក ហើយបច្ចុប្បន្នក្រុមហ៊ុនបាន និងកំពុងព្យាយាមពង្រីកការវិនិយោគបន្ថែមទៀត ដើម្បីពង្រឹងប្រព័ន្ធ 5G ឱ្យមានប្រសិទ្ធភាពខ្ពស់ មានគុណភាពល្អ និងកាត់បន្ថយចំណាយលើការប្រើប្រាស់។ ក្នុងឱកាសនោះដែរ លោកនាយកប្រតិបត្តិ បានគូសបញ្ជាក់ថា ក្រុមហ៊ុនOrange […]

ព័ត៌មាន ព័ត៌មានសន្តិសុខសង្គម

ពាក្យចាស់លោកថាអណ្ដាតជាអាទិ៍កន្លងបានសុខទុក្ខផងក៏ព្រោះអណ្ដាតដូចបុរសមាត់រពឹសបង្អាប់គេផឹកស៊ីអន់ជាងខ្លួនទីបំផុតទុក្ខព្រោះអណ្ដាត

May 9, 2022 adm

ខេត្តមណ្ឌលគិរី ៖ ជារឿងហួសចិត្ត ព្រោះតែមាត់រពឹសបង្អាប់គេផឹកស៊ីអន់ជាងខ្លួន បុរសម្នាក់ត្រូវដៃគូផឹកស៊ីជាមួយគ្នាកា.ប់របួសដេរអស់ជាច្រើនថ្នេរដែលហេតុការនេះបានកើតឡើងកាលពីយប់ថ្ងៃទី៦ ឧសភា ២០២២ ត្រង់ចំណុចតង់ខៀវ ស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ។ សមត្ថកិច្ចបានឲ្យដឹងថា ជនសង្ស័យមានឈ្មោះ ណេន វុន អាយុ៤០ឆ្នាំ ជាកសិករ មានទីលំនៅភូមិឃុំកើតហេតុ ខណៈដែលកំពុងតែផឹកស៊ីខ្លួនមានការខឹងសម្បារទៅលើជនរងគ្រោះយ៉ាងខ្លាំង ពីព្រោះតែជនរងគ្រោះបានចាក់ស្រាពេញៗកែវឱ្យខ្លួនផឹក ។ រីឯជនរងគ្រោះនោះ គឺចាក់ស្រាតិចៗផឹកខ្លួនឯង ហើយជនរងគ្រោះថែមបង្អាប់ថា ខ្លួនផឹកស្រាឆាប់ស្រវឹងផឹកអន់ជាងគេពាក្យសំដីទាំងនេះ បានធ្វើឲ្យខ្លួនទប់កំហឹងមិនបាន ក៏ក្រោកស្ទុះទៅយក កាំ.បិ.តកាប់ប្រហារទៅលើជនរងគ្រោះតែម្ដង ។ សមត្ថកិច្ចបានបញ្ជាក់ ករណីហិ.ង្សាខាងលើ បណ្ដាលឱ្យជនរងគ្រោះ ឈ្មោះ ទឹម ណាំ ភេទប្រុស អាយុ២៩ឆ្នាំ ជនជាតិខ្មែរ មុខរបរកសិករ រស់នៅភូមិជាមួយគ្នារបួសស្មាជាទម្ងន់ ។ ជនបង្កត្រូវកម្លាំនគរបាលរដ្ឋបាលឃុំស្រែ ខ្ទុម ឃាត់ខ្លួននិងបញ្ជូនជនបង្កទៅស្នងការដ្ឋាននគបាលខេត្តមណ្ឌលគិរី ចាត់ការតាមផ្លូវច្បាប់ ៕

ព័ត៌មាន

រដ្ឋបាលខេត្តកំពង់ឆ្នាំង បើកយុទ្ធនាការចាក់វ៉ាក់សាំងបង្ការជំងឺកូវីដ១៩ ដល់បុគ្គលិកសុខាភិបាល កងកម្លាំងនគរបាលជាតិ និងអាជ្ញាធរជួរមុខដោយឥតគិតថ្លៃ

March 2, 2021 adm

កំពង់ឆ្នាំង៖ នៅព្រឹកថ្ងៃទី១ ខែមីនា ឆ្នាំ២០២១នេះ ជាថ្ងៃចាប់ផ្តើមដំបូង ដែលមន្ទីរសុខាភិបាល នៃរដ្ឋបាលខេត្តកំពង់ឆ្នាំង បានបើកយុទ្ធនាការក្នុងការចាក់វ៉ាក់សាំងកូវីដ១៩ ប្រភេទស៊ីណូហ្វាម (Sinofarm) ដោយឥតគិតថ្លៃ ជូនដល់បុគ្គលិកសុខាភិបាល កងកម្លាំងនគរបាលជាតិ និងអាជ្ញាធរជួរមុខ ក្នុងការប្រយុទ្ធប្រឆាំង នឹងជំងឺកូវីដ១៩។ នៅមន្ទីរពេទ្យបង្អែកខេត្តកំពង់ឆ្នាំង នៃយុទ្ធនាការថ្ងៃនេះដោយមានការអញ្ជើញចូលរួម ពីឯកឧត្តម អម សុភាអភិបាលរងខេត្តកំពង់ឆ្នាំង និងលោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្ត ដើម្បីបើកយុទ្ធនាការនៃការចាក់វ៉ាក់សាំងកូវីដ១៩នេះសម្រាប់ខេត្តកំពង់ឆ្នាំង។ បើតាមការឱ្យដឹងពីលោកវេជ្ចបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង បានបញ្ជាក់ថា សម្រាប់ខេត្តកំពង់ឆ្នាំង វ៉ាក់សាំងកូវីដ១៩ ដែលទទួលបានសម្រាប់ចាក់ទាំង២លើកនេះ មានចំនួន ៧២៥០ដូស។ ការចាក់វ៉ាក់សាំងនេះបានចាប់ផ្តើមអនុវត្តជាលើកដំបូង នៅមន្ទីរពេទ្យបង្អែកខេត្តកំពង់ឆ្នាំង។ ហើយសម្រាប់ថ្ងៃបន្ទាប់ នឹងចាប់ផ្តើមយុទ្ធនាការចាក់វ៉ាក់សាំងកូវីដ១៩នេះ បន្តទៀត នៅមន្ទីរពេទ្យបង្អែកស្រុកប្រតិបត្តិបរិបូរណ៌ និងមន្ទីរពេទ្យបង្អែកស្រុកកំពង់ត្រឡាច៕

Related Articles

Leave a Reply Cancel reply