នាយករដ្ឋមន្ត្រីថៃបដិសេធថា លោកគ្មានបំណងតែងតាំងលោក ថាក់ស៊ីន ជាទីប្រឹក្សានោះទេ

September 25, 2023 adm Comment(0)

នាយករដ្ឋមន្ត្រីថៃ លោក ស្រេថា ថាវីស៊ីន (Srettha Thavisin) បាននិយាយថា លោកមិនបានប្រាប់ទៅកាន់ប្រព័ន្ធផ្សព្វផ្សាយថា លោកបានតែងតាំងអតីតនាយករដ្ឋមន្ត្រី លោក ថាក់ស៊ីន ស៊ីណាវ៉ាត្រា (Thaksin Shinawatra) ជាទីប្រឹក្សារបស់លោកនោះទេ។

ថ្លែងទៅកាន់បណ្ដាអ្នកសារព័ត៌មាននៅអាកាសយានដ្ឋានសុវណ្ណភូមិអំឡុងពេលដែលលោកត្រឡប់មកពីសហរដ្ឋអាមេរិកដើម្បីចូលរួមមហាសន្និបាតអង្គការសហប្រជាជាតិ លោកនាយករដ្ឋមន្ត្រី ស្រេថា បានលើកឡើងថា ៖ «ប្រព័ន្ធផ្សព្វផ្សាយថៃបានបកស្រាយខ្លឹមសារខុស ជុំវិញការលើកឡើងរបស់ខ្ញុំ ពាក់ព័ន្ធនឹងលោក ថាក់ស៊ីនអំឡុងពេលដែលខ្ញុំបានផ្ដល់បទសម្ភាសន៍ជាមួយសារព័ត៌មាន Bloomberg នៅទីក្រុងញូវយ៉ក សហរដ្ឋអាមេរិក»។

លោកបានបញ្ជាក់ថា នៅក្នុងបទសម្ភាសន៍នោះ លោកគ្រាន់តែនិយាយថា លោកអាចនឹងធ្វើការពិគ្រោះយោបល់ជាមួយលោក ថាក់ស៊ីន ដូចដែលលោកធ្លាប់បានពិភាក្សាជាមួយនឹងអតីតនាយករដ្ឋមន្ត្រី និងមន្ត្រីជាន់ខ្ពស់ដទៃៗទៀតដូចជា លោក អាណាន់ ប៉ាន់យ៉ារ៉ាឈុន (Anand Panyarachun) និងលោក សុំឆៃ វង្សសាវ៉ាត់(Somchai Wongsawat) ជាដើម។ ប្រភពព័ត៌មាន៖ Thai PBS World

adm

ព័ត៌មានអន្តរជាតិ

ការប្រយុទ្ធប្រឆាំងនឹងក្រុមអាល់កៃដាវាយប្រហារក្រុមភេរវករពីចម្ងាយ ប្រសិនបើយើងឃើញថាក្រុមភេរវករព្យាយាមបង្កើតក្រុមខ្លួនឡើងវិញ

August 19, 2021 adm

យោងតាមសារព័ត៌មាន រ៉យទ័រ បានចេញផ្សាយថា (Reuters) - កាលពីថ្ងៃអង្គារ៍អង្គការណាតូបាននិយាយថា ក្រុមតាលីបង់មិនត្រូវធ្វើឲ្យអាហ្វហ្គានីស្ថានក្លាយជាកន្លែងបង្កើតភេរវកម្មសារជាថ្មីម្តងទៀតឡើយ ព្រមទាំងព្រមានថា ទោះបីជាមានការដក ខ្លួនរបស់កងកម្លាំងសម្ព័ន្ធមិត្តក៏ដោយ ក៏ខ្លួននៅតែមានកម្លាំងយោធាវាយប្រហារក្រុមភេរវករណាមួយពីចម្ងាយ ។ នៅក្នុងសន្និសីទសារព័ត៌មានលើកដំបូងរបស់អគ្គលេខាធិការអង្គការណាតូលោក Jens Stoltenberg ចាប់តាំងពីការដួលរលំទីក្រុង Kabul ទៅក្រុមតាលីបង់ លោកបាននិយាយថា “អ្នកដែលកំពុងកាន់អំណាចឥឡូវនេះត្រូវមានទំនួលខុសត្រូវដើម្បីធានាថាភេរវករអន្តរជាតិមិនមានមូលដ្ឋានរឹងមាំឡើងវិញ” ។ លោកបានបន្ថែមថា “យើងមានសមត្ថភាពវាយប្រហារក្រុមភេរវករពីចម្ងាយ ប្រសិនបើយើងឃើញថាក្រុមភេរវករព្យាយាមបង្កើតក្រុមខ្លួនឡើងវិញ និងរៀបចំផែនការវាយប្រហារប្រឆាំងនឹងសម្ព័ន្ធមិត្តណាតូ និងប្រទេសរបស់ពួកគេ” ។ ការប្រយុទ្ធប្រឆាំងនឹងក្រុមអាល់កៃដា ជាអង្គការសកម្មប្រយុទ្ធដែលទទួលខុសត្រូវចំពោះការវាយប្រហារថ្ងៃទី ០៩ ខែវិច្ឆិការ ហើយដែលក្រុមតាលីបង់បានផ្តល់ទីជំរកគឺ ជាហេតុផលចម្បងនៃអន្តរាគមន៍របស់បស្ចិមប្រទេសនៅអាហ្វហ្គានីស្ថានក្នុងឆ្នាំ ២០០១ ដែលវាជាប្រតិបត្តិការធំដំបូងរបស់ណាតូនៅក្រៅទ្វីបអឺរ៉ុប។ ប៉ុន្តែបន្ទាប់ពីក្រុមសម្ព័ន្ធមិត្តបានបញ្ចប់ប្រតិបត្តិការយោធានៅរដូវក្តៅនេះបន្ទាប់ពីរយៈពេលជិតពីរទសវត្សរ៍មក ក្រុមតាលីបង់បានវាយសម្រុកយ៉ាងឆាប់រហ័សដោយដណ្តើមបានទីក្រុងធំៗ ក្នុងរយៈពេលប៉ុន្មានថ្ងៃមកនេះ។ ការដណ្តើមកាន់កាប់រដ្ឋធានី Kabul ភ្លាមៗបានបណ្តាលឲ្យមនុស្សរាប់ពាន់នាក់ភៀសខ្លួនទៅព្រលានយន្តហោះទីក្រុងនេះ ដែលស្ថិតនៅក្រោមការកាន់កាប់ដោយយោធាអាមេរិក ដែលព្យាយាមក្នុងការជម្លៀសពលរដ្ឋខ្លួនតាមយន្តហោះ។ នៅទីក្រុង Brussels អ្នកកាសែតជាស្ត្រីជនជាតិអាហ្វហ្គានីស្ថានម្នាក់ ដែលជិតស្រក់ទឹកភ្នែកបានសួរលោក Stoltenberg ថា តើប្រទេសលោកខាងលិចនឹងធ្វើអ្វីចំពោះជនងាយរងគ្រោះទាំងនោះនៅក្នុងប្រទេសអាហ្វហ្គានីស្ថាន ដោយទុកឲ្យអគ្គលេខាធិការអង្គការណាតូជាអ្នកសម្រេច។ លោក Stoltenberg បានអំពាវនាវឲ្យក្រុមតាលីបង់ជួយសម្រួលដល់ការចាកចេញរបស់ប្រជាជនដែលចង់ចាកចេញពីប្រទេស ហើយបាននិយាយថាសម្ព័ន្ធមិត្តការពារជាតិប្រទេសលោកខាងលិចបានយល់ព្រមបញ្ជូនយន្តហោះដើម្បីជួយជម្លៀសបន្ថែមទៅកាន់ទីក្រុង […]

ព័ត៌មាន ព័ត៌មានអន្តរជាតិ

មនុស្ស៥នាក់បានសម្លាប់ដោយសាររន្ទះបាញ់នៅក្នុងប្រទេសកាដាណា

May 24, 2022 adm

(អន្តរជាតិ)៖ មនុស្ស៥នាក់ ត្រូវបានគេរាយការណ៍ថាបានស្លាប់ បន្ទាប់ពីព្យុះផ្គររន្ទះយ៉ាងធ្ងន់ធ្ងរ បានវាយ ប្រហារផ្នែកខ្លះនៃប្រទេសកាណាដា។នេះបើយោងតាមការចុះផ្សាយ របស់សារព័ត៌ មានCNN នៅថ្ងៃទី២៣ ខែឧសភា ឆ្នាំ២០២២។ យោងតាមក្រសួងបរិស្ថានកាណាដា «មានការរាយការណ៍ថាមានអ្នកស្លាប់ចំនួន ៥នាក់ និងពីរបីនាក់ ផ្សេងទៀតបានរងរបួសដោយសារតែខ្យល់បក់ខ្លាំង ជាមួយនឹងព្យុះផ្គររន្ទះ ហើយក៏មានការខូចខាត យ៉ាងដំណំដល់ដើមឈើ ខ្សែបណ្តាញអគ្គិសនី និងអគារផងដែរ។ ប្រភពដដែលបានអោយដឹងថា ព្យុះផ្គររន្ទះ បានកើតឡើងនៅជិត Sarnia ដែលជាទីក្រុងមួយក្នុងរដ្ឋ Ontario ហើយបានបន្តពីភាគខាងត្បូង រដ្ឋOntario ឆ្ពោះទៅកាន់ទីក្រុង Ottawa ។ ព្យុះនេះបានធ្វើឱ្យអតិថិជនជាង៣៥ម៉ឺននាក់គ្មានអគ្គិសនីប្រើប្រាស់ ហើយ ការដាច់ចរន្តអគ្គិសនីជាច្រើន នៅតែបន្ត៕

ព័ត៌មាន ព័ត៌មានអន្តរជាតិ

អគ្គនាយកស៊ីម៉ាក់ថា គ្រាប់មីនតោនដាក់ពង្រាយនៅក្នុងតំបន់សង្គ្រាមនៃប្រទេសអ៊ុយក្រែនដាក់នៅលេីថ្នល់លេីដីកណ្តាលវាលតែម្តងមិនពិបាករាវរកទេ អាចមេីលឃេីញនឹងភ្នែក!

May 25, 2022 adm

ភ្នំពេញ៖ លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (ស៉ីម៉ាក់) បានថ្លែងឱ្យដឹងនៅលេីបណ្ដាញសង្គមហ្វេសប៊ុកផ្ទាល់ខ្លួន នៅរសៀលថ្ងៃពុធទី២៥ ខែឧសភា ឆ្នាំ២០២២នេះថា៖ គ្រាប់មីនតោនដាក់ពង្រាយនៅក្នុងតំបន់សង្គ្រាមនៃប្រទេសអ៊ុយក្រែនដាក់នៅលេីថ្នល់លេីដីកណ្តាលវាលតែម្តងមិនពិបាករករាវទេ អាចមេីលឃេីញនឹងភ្នែក! ។ អគ្គនាយកស៊ីម៉ាក់ បានថ្លែងបន្តថា បេីក្រឡេកមេីលក្នុងសង្គ្រាមនៅកម្ពុជាវិញគ្រាប់មីនតោនបែបនេះ កប់ក្នុងដីកន្លែងខ្លះកប់ជ្រៅក្នុងជាង១ម៉ែត្រហេីយឆ្នៃដាក់២-៣គ្រាប់ឬដប់គ្រាប់មួយរណ្តៅក៍មានដែរ។ ជាពិសេសកប់ជ្រៅក្នុងដីដេីម្បីបំបាំងពីភ្នែកមនុស្សម្នា និងឆ្នៃតឈេីក្រាក់មកខាងលេីដោយដាក់ស្នួនជាគ្រាប់មីនប្រឆាំងមនុស្ស ក្នុងគោលដៅប្រឆាំងការរាវរុករកដោយឧបករណ៍រាវស្រូបមិនអាចរកឃេីញឡេីយ។ ការដាក់មីននៅកម្ពុជាមានកលល្បិចអស្ចារ្យហ្នង! មិនងាយរាវរុករកឡេីយ! ។ គួរជម្រាបដែរថា នៅថ្ងៃទី២៤ ខែឧសភា ឆ្នាំ២០២២ម្សិលមិញនេះ កម្លាំងជំនាញអង្គភាពសុីម៉ាក់ បានកាត់បន្សាបគ្រាប់បែកAN-M66 ទម្ងន់ជិតមួយតោននោះ ដោយជោគជ័យនិងប្រកបដោយសុវត្ថិភាព។សូមបញ្ជាក់ថា គ្រាប់បែកដ៍ធំមួយនេះ បានស្រង់ពីបាតទន្លេចតុមុខ ទល់មុខព្រះបរមរាជវាំង។ សូមឆ្លៀតឱកាសនេះ លោក ហេង រតនា សូមកោតសរសេីរកម្លាំងជំនាញទាំងអស់ដែលបានយកចិត្តខ្ពស់និងបានបំពេញភារកិច្ចប្រកបដោយវិជ្ជាជីវ:ប្រកបដោយសុវត្ថិភាពនិងជោគជ័យលេីបច្ចេកទេស ដោយសារគ្រាប់បែកនេះមានលក្ខណ:ស្មុគស្មាញ ព្រោះថាគ្រាប់បែកត្រូវបានផលិតឡេីងប្រឆាំងការដោះបន្សាបក្នុងករណីគ្រាប់បែកនេះទម្លាក់ហេីយមិនផ្ទុះនោះ៕

Related Articles

មនុស្ស៥នាក់បានសម្លាប់ដោយសាររន្ទះបាញ់នៅក្នុងប្រទេសកាដាណា

Leave a Reply Cancel reply