និមិត្តសញ្ញា Twitter ថ្មីត្រូវបានដាក់បង្ហាញជាផ្លូវការហើយនៅថ្ងៃចន្ទដើមសប្តាហ៍នេះ ដែលមានលក្ខណៈពិសេសជាមួយនឹងផ្ទៃខាងក្រោយពណ៌ខ្មៅដិត និងអក្សរ X តែមួយតួរប៉ុណ្ណោះ នឹងត្រូវបានរចនាឡើងរំលេចដោយពណ៌ស ជាមួយនឹងរូបរាងតូច។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២៤ ខែកក្កដា ឆ្នាំ២០២៣។
លឿនជាងការរំពឹងទុកក្រោយលោក Musk ប្រកាសថានឹងប្តូរនិមិត្តសញ្ញាបក្សីពណ៌ខៀវនៅលើ Twitter ទៅជាអក្សរ X មិនទាន់ដល់រយៈពេល ២៤ម៉ោងផង ពេលនេះនិមិត្តសញ្ញាថ្មីត្រូវបានដាក់បង្ហាញជាផ្លូវការហើយ។ យោងតាមបច្ចុប្បន្នភាពថ្មីនៅរសៀលថ្ងៃចន្ទនេះ ទាំងគណនីលោក Musk និងនាយកប្រតិបត្តិក្រុមហ៊ុន Twitter ថ្មីលោកស្រី Linda Yaccarino បានចាប់ផ្តើមផ្លាស់ប្តូរទៅប្រើប្រាស់និមិត្តសញ្ញាអក្សរ X នៅលើគណនី Twitter ផ្ទាល់ខ្លួនជាផ្លូវការហើយ។
លើសពីនេះ និមិត្តសញ្ញាថ្មី នឹងឈ្មោះរបស់ Twitter ឥឡូវនេះចាប់ផ្តើមផ្លាស់ប្តូរទាំងអស់ទាំងនៅលើ Website, Twitter App និងនៅលើម៉ាកយីហោផ្សេងទៀតរបស់ Twitter។
