ភ្នំពេញ ៖ រថយន្តLuxes NX200t បុកគ្នាជាមួយ រថយន្តHilux Rally ពេញទំ.ហឹងរងការខូចខាតផ្នែកខាងមុខទាំងសងខាង គៀបជាប់គ្នាទៅមុខលេងរួច កាលពីវេលាម៉ោង០១ និង២០នាទីរសៀលថ្ងៃទី២២ ខែមិថុនា ឆ្នាំ២០២២ តាមបណ្ដោយ៥២៨ កែងផ្លូវ២៨៣ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។
យោងតាមប្រភពព័ត៌មានពីពលរដ្ឋដែលបានឃើញហេតុការណ៍នេះ បានឲ្យដឹងថា នៅមុនពេលកើតហេតុគេបានឃើញរថយន្តមួយគ្រឿងម៉ាក Hilux Rally ពណ៌សពាក់ផ្លាកលេខ ភ្នំពេញ2BI-2599 បើកបរដោយបុរសម្នាក់ និងអ្នករួមដំណើ២នាក់ តាមបណ្តោយផ្លូវ២៨៣ ក្នុងទិសដៅពីត្បូងមកជើង ស្រាប់តែមកដល់កន្លែងកើតហេតុ ផ្លូវបែកជាបួន ក៏មានរថយន្តមួយម៉ាកLuxes NX200t មួយគ្រឿងពណ៌ស ពាក់ផ្លាកលេខ ភ្នំពេញ2BD-6886 បើកបរដោយបុរសម្នាក់ តាមបណ្តោយផ្លូវ៥២៨ ក្នុងទិសដៅពីកើតមកលិចក្នុងល្បឿនល្មម អកហ្សឺជាន់ហ្វ្រាំងមិនទាន់ បានមកបុកចំផ្នែកខាងមុខចំហៀងខាងស្តាំរថយន្តRally រងការខូចខាត់បែកចង្គៀង និងបាក់កាងយ៉ាងដំណំ ចំណែករថយន្តLuxes NX200t ខូចខាតផ្នែកខាងមុខចំហៀងខាងឆ្វេងរថយន្តបែកចង្គៀង និងបាក់កាង និងគៀបកាងជាប់គ្នាទៅមុខមិនរួច។
ក្រោយកើតហេតុកម្លាំងសមត្ថកិច្ច បានចុះមកកន្លែងកើតហេតុ និងធ្វើការវាស់វែងរួចយករថយន្តអែបគៀន និងឲ្យភាគគីទាំងសងខាងសម្រុះសម្រួលគ្នាមួយជំហានសិន ដោយមកភាគទាំងសងខាង បានសម្រុះសម្រួលគ្នា ដោយព្រមយករថយន្ត ទៅជួសជលរៀងខ្លួន បញ្ចប់រឿងនៅកន្លែងកើតហេតុតែម្តង៕ រក្សាសិទ្ធិដោយ ៖ ចាន់ ភឿន
