នៅថ្ងៃទី១១ខែកញ្ញាឆ្នាំ២០២៣ ដោយអនុវត្តតាមយោបល់ដឹកនាំជាប់ជាប្រចាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកវរសេនីយ៍ឯក ភួង ច័ន្ទតារា ស្នងការរងដឹកនាំផែនការងារប្រឆាំងបទល្មេីស សេដ្ឋកិច្ច ក៏ដូចលោកវរសេនីយ៍ឯក អ៉ិម កុសល ស្នង ការរងដឹកនាំការិយាល័យនគរបាលប្រឆាំងបទល្មេីសសេដ្ឋកិច្ច លោកវរសេនីយ៍ឯក យី យក់សាន ជានាយការិយាល័យនគរបាលប្រឆាំងបទល្មេីសសេដ្ឋកិច្ច ដឹកនាំកម្លាំងក្នុងការិយាល័យ ចូលរួមសហការជាមួយសមត្ថកិច្ចនគរបាលស្រុកសង្កែដែលមានលោក វរសេនីយ៍ទោ យុត តុងហូ ជាអធិការនគរបាលស្រុក បានចុះបង្រ្កាបបទល្មើសនេសាទដោយខុសច្បាប់នារដូវបិទនេសាទនៅចំណុចភូមិ អណ្តូងត្រាច ឃុំកំង់ព្រះស្រុក សង្កែខេត្តបាត់ដំបង។ ជាលទ្ធផលសម្រេចបានមានដូចខាងក្រោមនេះគឺ៖ -ចំណុច ទឹកក្រហម កាប់បំផ្លាញសា ច់មង បរាវប្រមាណ៧០០ម៉ែត្រ និងបង្គោលឈេី២០០ដើម។ ព្រមទាំងឡុកចាប់ត្រីចំនួន០២។ -ចំណុច ខាងត្បូងអូរកាប់បំផ្លាញសាច់មងបរាវ ប្រមាណ៩០០ម៉ែត្រនិងបង្គោលឈេីចំនួន ៤០០ដើម ព្រមទាំងឡុកចាប់ត្រីចំនួន០២។ ចំពោះសម្ភារះទាំងអស់នេះត្រូវដុតបំផ្លាញចោលនៅហ្នឹងកន្លែង រីឯអ្នកប្រព្រឹត្តិល្មេីសសមត្ថកិច្ចកំពុងស្វែង រកការកំណត់ មុខសញ្ញាដេីម្បីអនុវត្តបន្តតាមនីតិវិធី ច្បាប់៕
(បន្ទាយមានជ័យ)៖ កម្លាំងនគរបាលក្រុងប៉ោយប៉ែត ខេត្តបន្ទាយមានជ័យ បានបង្ក្រាបក្រុមចោរដែលតែងតែងធ្វើសកម្មភាពលួចសម្ភាររបស់ប្រជាពលរដ្ឋយ៉ាងសកម្មនៅក្នុងមូលដ្ឋាន ព្រមទាំងបង្កបញ្ហាអសន្តិសុខដល់ប្រជាពលរដ្ឋ។ ករណីបង្ក្រាបក្រុមចោរនេះ បានធ្វើឡើងក្រោមការណែនាំយកចិត្តទុកដាក់ពីលោកឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ អំពីបញ្ហាខាងលើក្រោមការដឹកនាំបញ្ជាផ្ទាល់ពីលោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត កម្លាំងការិយាល័យជំនាញបានចុះស្រាវជ្រាវ រហូតឈានដល់បំបែកសម្បុកក្រុមចោរទាំងនេះ និងបានឃាត់ខ្លួនជាបន្តបន្ទាប់។ សូមបញ្ជាក់ថា នៅវេលាថ្ងៃយប់ម៉ោង១២៖០០ថ្ងៃទី៣១ ខែកក្កដា ឆ្នាំ២០២១ កម្លាំងប៉ុស្តិ៍រដ្ឋបាលសង្កាត់ផ្សារកណ្តាល បានចុះយាមល្បាត ខណៈដល់ចំណុចផ្លូវបេតុងមុខវត្តផ្សារកណ្តាល ស្ថិតនៅក្នុងភូមិផ្សារកណ្តាល ក៏បានប្រទះជួបបុរសចំនួន០២នាក់ មានឈ្មោះ សៅ ពុំ ភេទប្រុស អាយុ២៨ឆ្នាំ និងឈ្មោះ យ៉ុន សារ៉ាត់ ភេទប្រុស អាយុ១៨ឆ្មាំ ដើរស្ពាយការ៉ុង គួរឱ្យសង្ស័យ សមត្ថកិច្ចក៏បានសួរនាំធ្វើការត្រួតពិនិត្យ ឃើញមានក្បាលរ៉ូមីណេទឹកកន្លះការ៉ុង។ តាមការសាកសួរជនសង្ស័យ បានឆ្លើយថាគេទាំង២ស្នាក់នៅភូមិផ្សារកណ្តាល ហើយបានធ្វើសកម្មភាពលួចយករបស់ប្រជាពលរដ្ឋនៅក្នុងផ្ទះ ដែលអត់មានមនុស្សស្នាក់នៅ ស្ថិតក្នុងភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ លុះដល់ថ្ងៃទី០១ ខែសីហា ឆ្នាំ២០២១ នៅវេលាម៉ោង១១៖៣០នាទី យោងតាមចម្លើយសារភាពរបស់ជនទាំង២ ក៏បានឈានដល់ឃាត់ខ្លួនបក្ខពួក ចំនួន០៧នាក់បន្ថែមទៀត […]
ភ្នំពេញ ៖ កាលពី យប់ថ្ងៃទី០៨ ខែកក្កដា ឆ្នាំ២០២៣ ស្ថិតនៅតាមបណ្តោយផ្លូវមហាវិថីឈ្នះ=ឈ្នះ ក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។ នៅមុនពេលកើតហេតុគេឃើញជនរងគ្រោះជាអធិការរងទទួលផែនចរាចរណ៍ខណ្ឌព្រែកព្នៅខាងលេីបានជិះម៉ូតូម៉ាកហុងដាឌ្រីម សេ១២៥ ពណ៌ខ្មៅ ពាក់ផ្លាកលេខនគរបាល 1-6000 ចេញពីផ្ទះមិត្តភក្កិក្បែរនឹងកន្លែងកន្លែងកើតហេតុខាងលើក្នុងគោលបំណងត្រឡប់ទៅផ្ទះវិញ។ ពេលជិះចេញបានបន្តិចក៏ត្រូវរថយន្តមិនចាំម៉ាកមួយគ្រឿងបើកបរតាមបណ្តោយមហាវិថីវិមានឈ្នះ=ឈ្នះក្នុង ទិសដៅពីជើងទៅត្បូងក្នុងល្បឿនយ៉ាងលឿននិងមិនបង្អង់ក៏ជ្រុលទៅបុកម៉ូតូឌ្រីមជិះដោយជនរងគ្រោះខាងលេីចំពាក់កណ្តាលចំហៀងខាងឆ្វេងពេញទំហឹងបណ្តាលឱ្យដួលបោកក្បាលនៅនឹងថ្នល់ស្លាប់ភ្លាមមួយរំពេច ចំណែករថយន្តបង្កវិញបន្ថែមល្បឿនបេីកគេចខ្លួនបាត់ទៅ។ សពជនរងគ្រោះមានឈ្មោះ សួន បូរិទ្ធ ភេទប្រុស អាយុជាង៤០ឆ្នាំ ជាមន្រ្តីនគរបាលទទួលផែនចរាចរណ៍មានតួនាទីជាអធិការរងខណ្ឌព្រែកព្នៅ រស់នៅផ្លូវជាតិលេខ៥ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។ សមត្ថកិច្ចមូលដ្ឋានសហការជាមួយខាងជំនាញចរាចរណ៍ បានចុះមកដល់ធ្វេីការពិនិត្យនិងធ្វេីការវាស់វែងយកម៉ូតូទៅរក្សាទុកនៅអធិការដ្ឋាននគរបាលខណ្ឌព្រែកព្នៅជាបណ្ដោះអាសន្ន និងធ្វើកំណត់ហេតុប្រគល់សពឱ្យក្រុមគ្រួសារយកទៅធ្វើបុណ្យតាមប្រពៃណី ៕
