ព័ត៌មាន

ព្រះករុណា ព្រះមហាក្សត្រ យាងជាព្រះរាជាធិបតី ពិធីសច្ចាប្រណិធាន របស់សមាជិក សមាជិកា ព្រឹទ្ធសភា នីតិកាលទី៥

April 4, 2024 adm Comment(0)

ភ្នំពេញ ថ្ងៃទី០៣ ខែមេសា ឆ្នាំ២០២៤ —

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្តេចយាងជាព្រះរាជាធិបតីដ៏ខ្ពង់ខ្ពស់បំផុត ពិធីសច្ចាប្រណិធាន របស់សមាជិក សមាជិកា ព្រឹទ្ធសភា នីតិកាលទី៥ ដែលដឹកនាំដោយ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៅក្នុងព្រះទីនាំងទេវាវិនិច្ឆ័យ ព្រះបរមរាជវាំង នារសៀលថ្ងៃទី០៣ ខែមេសា ឆ្នាំ២០២៤។

adm

ព័ត៌មាន

ក្រសួងព័ត៌មាន ធ្វើជាម្ចាស់ផ្ទះរៀបចំកិច្ចប្រជុំក្រុមការងារប្រព័ន្ធផ្សាយសោតទស្សន៍ឌីជីថលអាស៊ាន លើកទី៧ នៅរាជធានីភ្នំពេញ ភ្នំពេញ ថ្ងៃទី២៦ ខែមិថុនា ឆ្នាំ២០២៤–

June 26, 2024 adm

ឯកឧត្តម ហាស់ សំអាត អនុរដ្ឋលេខាធិការ និងជាប្រធានឧត្តមមន្ត្រីអាស៊ានទទួលបន្ទុកព័ត៌មាន ឯកឧត្តម ស្លេះ អាល់ហ្វីន អនុរដ្ឋលេខាធិកាក្រសួងព័ត៌មាន និងឯកឧត្តម ផុស សុវណ្ណ អគ្គនាយកនៃអគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន និងជាប្រធានអនុគណៈកម្មការរៀបចំកិច្ចប្រជុំ អញ្ជើញជាអធិបតី បើកកិច្ចប្រជុំលើកទី៧ នៃក្រុមការងារប្រព័ន្ធផ្សាយសោតទស្សន៍ឌីជីថលអាស៊ាន (7th Meeting of SOMRI Working Group on ASEAN Digital Broadcasting (WG-ADB) ដោយមានការចូលរួមពីឧត្តមមន្រ្តីទទួលបន្ទុកព័ត៌មានប្រទេសជាសមាជិកអាស៊ាន និងតំណាងលេខាធិការដ្ឋានអាស៊ាន នាព្រឹកថ្ងៃទី២៦ ខែមិថុនា ឆ្នាំ២០២៤ នៅសណ្ឋាគារសាន់វេ រាជធានីភ្នំពេញ។ រូបថត៖ លន ហ្សាឌីណា ——

ព័ត៌មាន

ក្រសួងការងារ និងបណ្តុះបណ្តាលវិជ្ជាជីវៈ និងវិទ្យាស្ថាន Bendigo Kangan នៃប្រទេសអូស្ត្រាលី ចុះអនុស្សរណៈយោគយល់គ្នា លើការបណ្តុះបណ្តាលបច្ចេកទេសយានយន្ត

November 28, 2024 adm

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ និងវិទ្យាស្ថាន Bendigo Kangan (BKI) នៃប្រទេសអូស្ត្រាលី បានចុះហត្ថលេខាលើអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការកសាងផ្លូវសិក្សាជំនាញពេញមួយជីវិតក្នុងវិស័យរថយន្តអគ្គិសនី និងវិស័យពាក់ព័ន្ធនានា ដែលធ្វើឡើងនៅទីស្តីការក្រសួងការងារ និងបណ្តុះបណ្តាលវិជ្ជាជីវៈ នាព្រឹកថ្ងៃពុធ ទី២៧ ខែវិច្ឆិកា ឆ្នាំ២០២៤នេះ ស្ថិតក្រោមវត្តមានជាអធិបតីភាពរបស់ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ រួមនិងលោកស្រី សលលី ឃូថែន (Sally Curtain) នាយិកាប្រតិបត្តិនៃវិទ្យាស្ថាន Bendigo Kangan (BKI) នៃប្រទេសអូស្ត្រាលី និងលោកស្រី ប៊្រីដហ្គេត ខូលីយឺ (Bridget Collier) អនុប្រធានបេសកកម្មនៃស្ថានទូតអូស្ត្រាលីប្រចាំកម្ពុជា។ ឯកឧត្តម ហេង សួរ បានថ្លែងថា តាមរយៈអនុស្សរណៈនៃការយោគយល់នេះ បង្ហាញអំពីទំនាក់ទំនង និងភាពជាដៃគូកាន់តែជិតស្និទ្ធរវាងកម្ពុជា និងអូស្ត្រាលី ជាពិសេសកិច្ចសហប្រតិបត្តិការនេះនឹងលើកកម្ពស់វិស័យ TVET នៅកម្ពុជា និងចូលរួមយ៉ាងសំខាន់ក្នុងការអភិវឌ្ឍកម្លាំងពលកម្មកម្ពុជាប្រកបដោយជំនាញខ្ពស់ក្នុងវិស័យយានយន្ត។ ឯកឧត្តមរដ្ឋមន្ត្រី ជឿជាក់ថា […]

ព័ត៌មាន

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន៖ “ស្មារតីការងារជាក្រុម រួមគ្នាទទួលខុសត្រូវ និងទទួលបានជោគជ័យ! ដើម្បីគ្របដណ្តប់លើការផ្សព្វផ្សាយព្រះរាជពិធីដង្ហែនិងថ្វាយព្រះភ្លើងព្រះបរមសពសម្តេចអគ្គមហាសង្ឃរាជាធិបតី ទេព វង្ស សម្តេចមហាសង្ឃរាជនៃព្រះរាជាណាចក្រកម្ពុជានៅព្រឹកថ្ងៃទី៣ ខែមិថុនា ឆ្នាំ២០២៤ នេះ។

June 3, 2024 adm

ក្រសួងព័ត៌មានបានដឹកនាំ និងសម្របសម្រួលការផ្សាយផ្ទាល់ដោយក្នុងនោះទូរទស្សន៍ជាតិកម្ពុជាជាមណ្ឌលព័ត៌មានធំ និងមានការចូលរួមពីស្ថានីយទូរទស្សន៍ចំនួន ៨ ក្នុងការផ្តិតយករូបភាព និងប្រើប្រាស់ម៉ាស៊ីនថតចំនួន ៦៥ គ្រឿង ដើម្បីធានាថារូបភាពនៃព្រះរាជពិធីនេះត្រូវបានថតនិងផ្សព្វផ្សាយជូនសារធារណជនបានដឹង និងថែរក្សាទុកជាឯកសារសម្រាប់ទៅមុខទៀត។ ក្នុងឱកាសនេះ ខ្ញុំសូមថ្លែងអំណរគុណដល់ស្ថានីយវិទ្យុ និងទូរទស្សន៍ អង្គភាពសារព័ត៌មានផ្សេងទៀតដែលផ្សាយបន្តផ្ទាល់ពីទូរទស្សន៍ជាតិកម្ពុជា។ យោងតាមរបាយការណ៍មានស្ថានីយវិទ្យុ ទូរទស្សន៍ គេហទំព័រនិងអនឡាញសរុប ៣១៥ អង្គភាពដែលបានផ្សាយផ្ទាល់ និងផ្សាយបន្តផ្ទាល់ពីព្រឹត្តការណ៍នៃព្រះរាជពិអីដង្ហែនិងថ្វាយព្រះភ្លើងព្រះបរមសព។ កិច្ចការនេះអាចជោគជ័យបានដោយសារតែមានកិច្ចសហការពីស្ថានីយទូរទស្សន៍ឯកជននានា។ ខ្ញុំសូមថ្លែងអំណរគុណចំពោះថ្នាក់ដឹកនាំនិងបុគ្គលិកនៃស្ថានីយទូរទស្សន៍បាយ័ន, ស្ថានីយទូរទស្សន៍ភីអិនអិន, ស្ថានីយទូរទស្សន៍ស៊ីអិនស៊ីរបស់ក្រុមហ៊ុន CBS, ស្ថានីយទូរទស្សន៍អប្សរា, ស្ថានីយទូរទស្សន៍ប៉ុស្តិ៍លេខ ៥, ស្ថានីយទូរទស្សន៍ហង្សមាស, ស្ថានីយទូរទស្សន៍ថោន ដែលបានរួមសហការជាមួយទូរទស្សន៍ជាតិ គ្រប់គ្រងការផ្សាយព្រឹត្តិការណ៍ជាប្រវត្តិសាស្ត្រនេះដោយបណ្តាក់គ្នាថតយករូបភាពពីមុខវត្តឧណ្ណាលោម រហូតដល់មុខវត្តបទុមក្នុងរយៈផ្លូវជាង ៥ គីឡូម៉ែត្រ”។ រូបថត៖ ឡុង ដេវីត

Related Articles

Leave a Reply Cancel reply