ព័ត៌មាន

សម្តេចធិបតីនាយករដ្ឋមន្ត្រី និងឯកឧត្តមនាយករដ្ឋមន្ត្រីឡាវ អញ្ជើញជាអធិបតីពិធីចុះអនុស្សរណៈនៃការយោគយល់គ្នា លើឯកសារចំនួន ៧

March 25, 2024 adm Comment(0)

One tv វៀងចន្ទន៍ ថ្ងៃទី២៥ ខែមីនា ឆ្នាំ២០២៤

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម សនសៃ ស៊ីផាន់ដន (Sonexay Siphandone) នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ អញ្ជើញជាអធិបតីពីធីចុះអនុស្សរណៈនៃការយោគយល់គ្នា លើឯកសារចំនួន ៧ នារសៀលថ្ងៃទី២៥ ខែមីនា ឆ្នាំ២០២៤ នៅរដ្ឋធានីវៀងចន្ទន៍ សាធារណរដ្ឋប្រជាធិបតេយ្យប្រជាមានិតឡាវ។

ឯកសារទាំង ៧ រួមមាន៖

ចូលរួមជាអធិបតីជាមួយ ឯកឧត្តមនាយករដ្ឋមន្ត្រី សាធារណរដ្ឋ ប្រជាធិបតេយ្យប្រជាមានិតឡាវ ក្នុងពិធីចុះអនុស្សរណៈយោគយល់គ្នា លើឯកសារចំនួន ៧ រួមមាន៖

១. ការផ្លាស់ប្តូរលិខិតុបករណ៍សច្ចាប័នលើសន្ធិសញ្ញាកំណត់ព្រំដែនរដ្ឋរវាងកម្ពុជា និងឡាវ

២. កំណត់ហេតុស្តីពីការផ្លាស់ប្តូរលិខិតុបករណ៍សច្ចាប័នលើ សន្ធិសញ្ញាកំណត់ព្រំដែនរដ្ឋរវាងកម្ពុជា និងឡាវ

៣. កិច្ចព្រមព្រៀងរវាងរាជរដ្ឋាភិបាលកម្ពុជា និងរដ្ឋាភិបាលឡាវ ស្តីពីកិច្ចសហប្រតិបត្តិការវិស័យថាមពលថ្មី

៤. អនុស្សរណៈនៃការយោគយល់គ្នារវាងក្រសួងរ៉ែ និងថាមពលកម្ពុជា និងក្រុមហ៊ុន PHONGSUBTHAVY GROUP SOLE CO., LTD អំពីការទិញថាមពលបៃតងពីគម្រោង “XEKHAMAN II Hydro and Wind Power Hybrid Projects” ក្នុង ប្រទេសឡាវមកប្រទេសកម្ពុជា

៥. អនុស្សរណៈនៃការយោគយល់គ្នា រវាងក្រសួងរ៉ែ និងថាមពលកម្ពុជា ជាមួយក្រុម ហ៊ុនចម្រុះ XAYSANA Group, WIS និង SISAN INTERNATIONAL JOINT DEVELOPMENT SOLE., LTD អំពីការទិញថាមពលគម្រោង “Nam Emoun 1, 2 Hydro, Pump Storage and Wind Power Hybrid Projects” ក្នុងប្រទេសឡាវមកប្រទេសកម្ពុជា

៦. អនុស្សរណៈនៃការយោគយល់គ្នារវាងក្រសួងរ៉ែ និងថាមពលកម្ពុជា ជាមួយអគ្គីសនីឡាវ EDL អំពីការទិញថាមពលបៃតង ពីគម្រោង “Green Energy Supply of 1000 MW Combination of Hydro, Wind and Geothermal Projects” ក្នុង ប្រទេសឡាវមកប្រទេសកម្ពុជា

៧. អនុស្សរណៈនៃការយោគយល់គ្នា រវាងក្រសួងរ៉ែ និងថាមពលកម្ពុជា ជាមួយក្រុម ហ៊ុន PSG CORPORATION PUBLIC COMPANY LIMITED អំពីការទិញ ថាមពលបៃតងពីគម្រោង “Xekong Pump Storage Power Project” ក្នុងប្រទេសឡាវ មកប្រទេសកម្ពុជា ។

adm

ព័ត៌មាន ព័ត៌មានសន្តិសុខសង្គម

ដំណោះស្រាយមិនទាន់ចប់តែត្រូវគេវាយវិញសន្លប់ស្តូក ខឹងគេជិះម៉ូតូប៉ះហើយមិនឈប់ក៏ជិះម៉ូតូដេញតាមវាយគេពីរដៃ

May 23, 2022 adm

ភ្នំពេញ ៖ បុរសម្នាក់ជិះម៉ូតូឃ្លីកមួយគ្រឿង ខឹងគេជិះម៉ូតូមកប៉ះម៉ូតូខ្លួនហើយមិនសុំទោសបែរជាបើកចេញពីកន្លែងកើតហេតុ ក៏ជិះម៉ូតូដេញតាមវាយទៅលើភាគីម្ខាងទៀតដែលកំពុងបើកគេចនោះពីរដៃ តែត្រូវគេវាយវិញរងរបួសសន្លប់ស្តូក។ ហេតុការណ៍បង្កឱ្យមានការភ្ញាក់ផ្អើលនេះកើតឡើងកាលពីវេលាម៉ោង៨និង ៣០នាទីយប់ថ្ងៃទី២២ ខែឧសភា ឆ្នាំ ២០២២ នៅត្រង់ចំណុចមុខធនាគារជាតិ នៃកម្ពុជា តាមបណ្ដោយផ្លូវហាណូយ ស្ថិតក្នុងសង្កាត់គោកឃ្លាង ខណ្ឌសែនសុខរាជធានីភ្នំពេញ។ តាមប្រភពព័ត៌មានពីអ្នកឃើញហេតុការណ៍នេះបានប្រាប់ឱ្យដឹងថា មុនកើតហេតុគេឃើញម៉ូតូពីរគ្រឿងជិះស្របទិសដៅគ្នាពីជើងទៅត្បូង ដែលក្នុងនោះមួយគ្រឿងម៉ាកហុងដាឃ្លីក ពណ៌ស ពាក់ស្លាកលេខភ្នំពេញ1IV-3225 បើកដោយបុរសម្នាក់ និងម៉ូតូមួយគ្រឿងទៀតម៉ាក PCX ពណ៌ខ្មៅ មិនចាំស្លាកលេខជិះដោយប្រុសស្រី៣នាក់ ខណៈមកមកដល់ចំណុចត្រង់ភ្លើងស្តុប៩២ កែងនិងផ្លូវហាណូយ ម៉ូតូ PCX បានជិះប៉ះម៉ូតូឃ្លីក ខណៈនោះម៉ូតូPCX បានបើកចេញពីកន្លែងកើតហេតុ ភ្លាមនោះខាងភាគីម៉ូតូឃ្លីកខឹងខាងម៉ូតូ PCX មិនសុំទោសក៏ជិះដេញតាមមកដល់កន្លែងកើតហេតុខាងលើក៏បានឈ្លោះប្រកែកគ្នា ដោយខាងភាគីម៉ូតូឃ្លីកបានវាយទៅលើស្ត្រីម្នាក់ដែលជិះម៉ូតូ PCX ចំនួនពីរដៃ។ បន្ទាប់មកបុរសពីរនាក់ដែលជិះម៉ូតូPCX រួមដំណើរនិងស្ត្រីម្នាក់ទៀតនោះខឹងក៏បានវាយតបតវិញបណ្តាលឲ្យបុរសជិះម៉ូតូឃ្លិក សន្លប់ស្តូកស្តឹងលើសួនពុះចែកទ្រូងផ្លូវ រួចក៏នាំគ្នាបើកម៉ូតូរត់គេចខ្លួនចេញពីកន្លែងកើតហេតុបាត់អស់ទៅ។ ក្រោយកើតហេតុជនរងគ្រោះត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯមន្ទីរពេទ្យភ្លាមៗ ចំណែកម៉ូតូសមត្ថកិច្ចបានយកទៅរក្សាទុកបណ្ដោះអាសន្ន រង់ចាំធ្វើការស្រាវជ្រាវបន្ត៕

ព័ត៌មាន

ឯកឧត្តម ហ៊ុន ម៉ានី និងឯកឧត្តម លី ស៊ូឡី អញ្ជើញជាអធិបតីសិក្ខាសាលាទ្រឹស្តីលើកទី២ រវាងគណបក្សប្រជាជនកម្ពុជា និងគណបក្សកុម្មុយនីស្តចិន នៅខេត្តសៀមរាប

January 14, 2024 adm

សៀមរាប ថ្ងៃទី១៤ ខែមករា ឆ្នាំ២០២៤– ឯកឧត្តម ហ៊ុន ម៉ានី សមាជិកគណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងឯកឧត្តម លី ស៊ូឡី (Li Shulei) សមាជិកការិយាល័យនយោបាយ និងជារដ្ឋមន្ត្រីក្រសួងឃោសនាការ នៃគណៈកម្មាធិការមជ្ឈិមបក្សកុម្មុយនីស្តចិន អញ្ជើញជាអធិបតី សិក្ខាសាលាទ្រឹស្តីលើកទី២ រវាងគណបក្សប្រជាជនកម្ពុជា និងគណបក្សកុម្មុយនីស្តចិន ក្រោមមូលបទ “បទពិសោធន៍ និងរបៀបធ្វើ ដើម្បីពង្រឹងការការពារអេកូបរិស្ថាន ក្នុងការជំរុញទំនើបកម្ម” នៅសណ្ឋាគារសូហ្វីតែល ខេត្តសៀមរាប នាព្រឹកថ្ងៃទី១៤ ខែមករា ឆ្នាំ២០២៤។

ព័ត៌មាន ព័ត៌មានសន្តិសុខសង្គម

មន្ត្រី ជំនាញក.ប.ប. បានរកឃើញភេសជ្ជៈកូកាកូឡា ជាច្រើនត្រូវបានហួសដឺឡេ ដកហូត និងធ្វើការបំផ្លាញចោលខណៈទំនិញចម្រុះខូចគុណភាពពុំមានអនុលោមភាពរំលោភបំពានសិទ្ធិផ្តាច់មុខសរុបប្រមាណ ៤តោន

March 30, 2022 adm

ភ្នំពេញ៖ បើយោងតាមប្រភពព័ត៌មានពីអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) បានឱ្យដឹងនៅព្រឹកថ្ងៃពុធទី៣០ ខែមីនា ឆ្នាំ២០២២នេះថា៖ សាខា ក.ប.ប. រាជធានីភ្នំពេញ ជាពិសេសខេត្តតាកែវបាននាំយករថយន្តមន្ទីរពិសោធន៍ចល័តផ្នែកម្ហូបអាហារ ចុះត្រួតពិនិត្យទំនិញម្ហូបអាហារវេចខ្ចប់ស្រាប់ភេសជ្ជៈនិងផលិតផលប្រើប្រាស់មិនមែនម្ហូបអាហារនានា នៅតាមផ្ទះលក់ទំនិញផ្សារនិងម៉ាតកាលពីថ្ងៃទី២៩ខែមីនាម្សិលមិញនេះដោយមានការសហការជាមួយមន្ទីរពាណិជ្ជកម្មខេត្តផងដែរ។ យោងតាមលទ្ធផលនៃការត្រួតពិនិត្យរបស់មន្ត្រីជំនាញបានរកឃើញ ក៏ដូចជាដកហូតនូវទំនិញមិនប្រក្រតី ហួសកាលបរិច្ឆេទប្រើប្រាស់ចម្រុះ សរុបចំនួន ៧.៥គីឡូក្រាម។ យ៉ាងណាមិញ ស្ថិតក្នុងភូមិសាស្ត្ររាជធានីភ្នំពេញ នាថ្ងៃទី២៩ ខែមីនា ឆ្នាំ២០២២នេះ មន្ត្រីសាខា ក.ប.ប.រាជធានីភ្នំពេញបានធ្វើការចុះត្រួតពិនិត្យផលិតផលម្សៅទឹកដោះគោកូនក្មេងក្រែងមានការដាក់តាំងលក់ ដោយមិនអនុលោមតាមអនុក្រឹត្យលេខ១៣៣ «ស្តីពីការលក់ផលិតផលសម្រាប់ចិញ្ចឹមទារក និងកុមារ» ដែលអាចប៉ះពាល់ដល់សុខភាពទារក។ ជាលទ្ធផលមន្ត្រីជំនាញពុំបានរកឃើញភាពមិនអនុលោមលើផលិតផលម្សៅទឹកដោះគោនោះទេ។ ប្រភពដដែលបន្តថានៅក្នុងថ្ងៃដដែលក្រោមកិច្ចសហការជាមួយគណៈកម្មាធិការប្រយុទ្ធប្រឆាំងផលិតផលក្លែងក្លាយមន្ត្រីសាខាក.ប.ប.រាជធានីភ្នំពេញបានចូលរួមក្នុងប្រតិបត្តិការត្រួតពិនិត្យទំនិញជាប្រភេទសាច់បង្កក នៅក្នុងឃ្លាំង និងមធ្យោបាយដឹកជញ្ជូន ដែលពុំមានភាពអនុលោមតាមបទដ្ឋានគតិយុត្ត ដោយបានធ្វើការឃាត់ទុក និងផ្អាកសកម្មភាពអាជីវកម្មបណ្តោះអាសន្ន។ លើសពីនេះទៅទៀត មន្ត្រីជំនាញ បាននាំយកផលិតផលម្ហូបអាហារ ភេសជ្ជៈ ខូចគុណភាព ហួសកាលបរិច្ឆេទ រំលោភបំពានសិទ្ធិផ្តាច់មុខ និងស្រាស(មានលាយសារធាតុមេតាណុល) ដែលបានដកហូតពីទីផ្សារនានា ទៅធ្វើការបំផ្លាញចោល សរុបចំនួន ៦១០គីឡូក្រាម និង ៣,៥៤០លីត្រ៕

Related Articles

ដំណោះស្រាយមិនទាន់ចប់តែត្រូវគេវាយវិញសន្លប់ស្តូក ខឹងគេជិះម៉ូតូប៉ះហើយមិនឈប់ក៏ជិះម៉ូតូដេញតាមវាយគេពីរដៃ

Leave a Reply Cancel reply