ខេត្តសៀមរាប ដីធ្លីមួយកន្លែងមានទំហំទទឹង២៩៣ម៉ែត្រ បណ្ដោយ៦០០ម៉ែត្រ មានទីតាំងស្ថិតនៅតំបន់គោកផ្ចឹក ភូមិរលំទូក ឃុំស្វាយលើ ស្រុកស្វាយលើ ខេត្តសៀមរាប ចាប់មានទំនាស់វិវាទ តាំងពីលោកចៅ សែន ឡើងកាន់អភិបាលស្រុកស្វាយលើ ដីមួយកន្លែងដែលបានគ្រប់គ្រងក្នុងគ្រានោះមានឈ្មោះតាមឿង និងឈ្មោះយាយព្រឹក។ សាវតារ កាន់កាប់ដីព្រៃគ្រាកាលនោះលោកតាមឿង និងប្រពន្ធឈ្មោះយាយព្រឹក មានកូនពីរនាក់ កូនទី១.ឈ្មោះមឿង អាន ភេទស្រី កូនទី២.ឈ្មោះមឿង លីស ភេទប្រុស មុនឆ្នាំ១៩៧០ តាមឿង យាយព្រឹក បានចែកដីទៅឲ្យកូនឈ្មោះមឿង អាន មួយកន្លែងស្ថិតនៅតំបន់ព្រៃភ្ញៀវ ក្នុងភូមិរំចេក ឃុំស្វាយលើ ស្រុកស្វាយលើ។ចំណែកឯកូនមឿង លីសចែកដីឲ្យមួយកន្លែងស្ថិតនៅតំបន់គោកផ្ចឹក ក្នុងភូមិរលំទូក ឃុំស្វាយលើ ស្រុកស្វាយលើ។ លោកមឿង លីស បានប្រគល់ដីធ្លីនោះទៅឲ្យកូនស្រីមានទំហំ២៩៣ម៉ែត្រ គុណ ៦០០ម៉ែត្រ ប្រគល់ឲ្យក្នុងន័យលក់ទៅឈ្មោះលីស បឿន ជាកូនបង្កើតក្នុងអំឡុងឆ្នាំ១៩៩៣ ដីធ្លីនោះត្រូវបានបន្តវេនកាន់កាប់ពីឈ្មោះលីស បឿនដល់ឆ្នាំ២០០៧។ ហេតុការណ៏កើតវិវាទបានលេចប្លឹមមុខមកឈ្មោះថុង ង៉ឹម ឈ្មោះច័ន្ទ ទឹម ឈ្មោះលួន ថនបានយកលិខិតលក់ទិញ ចុះថ្ងៃទី៣០ ខែមករា […]
