ទេព បូព្រឹក្ស នៅអឺរ៉ុប តែឆ្លៀតទម្លាក់បទចម្រៀងថ្មី ផ្អើលហ្វេនស្រុកខ្មែរ

គូស្នេហ៍តារាចម្រៀង ទេព បូព្រឹក្ស និង ងួន ចាន់ដេវីដ ថ្មីៗនេះទើបបណ្តើរគ្នាដូចលលកញីឈ្មោលចូលរួមកម្មវិធី Fashion Week របស់ប្រ៊េនលំដាប់ពិភពលោក DOLCE & GABBANA នៅទីក្រុង Milan ប្រទេសអ៊ីតាលី។

គួរឱ្យភ្ញាក់ផ្អើល ទោះបីពេលនេះសាមីខ្លួន ទេព បូព្រឹក្ស កំពុងមានវត្តមានលើទឹកដីអឺរ៉ុបក៏ពិតមែន ប៉ុន្តែនាងនៅឆ្លៀតទម្លាក់បទចម្រៀងថ្មីនៅស្រុកខ្មែរ ធ្វើឱ្យហ្វេនៗជាច្រើន ភ្ញាក់ផ្អើលជាខ្លាំងចំពោះស្នាដៃនេះ។ ចម្រៀងថ្មីរបស់ បូព្រឹក ដែលទើបទម្លាក់ក្តៅៗលើទីផ្សារចំណងជើងថា «GG» ជាចម្រៀងរ៉េបលក្ខណៈបែបហ៊ីបហប មើលទៅប្លែកភ្នែក និងត្រូវចិត្តយុវវ័យសម័យថ្មីស្តូកតែម្តង។ គ្រាន់តែបទថ្មីនេះទម្លាក់លើទីផ្សារភ្លាម ហ្វេនៗនាំគ្នាសម្រុកស្តាប់ភ្លែត ហើយហ្វេនខ្លះទៀតក៏បានចាក់បទថ្មីនេះនៅក្នុងក្លឹបរាត្រី ដើម្បីរាំលេងកម្សាន្តទៀតផង។

ទស្សនាបទចម្រៀង GG ( Official Music Video ) ខាងក្រោមនេះ៖ https://youtu.be/1KZNKTb4mF8?si=p99nrg6N0zLd6sMS