Xinzhong ដែលត្រូវបានគេស្គាល់ថា ជាកីឡាករក្មេងជាងគេត្រឹមវ័យ ១២ឆ្នាំ បានជ្រុះចេញពីពានរង្វាន់ Internaational Championship 2023 ជាផ្លូវការហើយ ក្រោមថ្វីដៃរបស់កីឡាករជើងខ្លាំងមកពីអង់គ្លេស Judd Trump កាលពីរាត្រីថ្ងៃអាទិត្យ ទី០៥ ខែវិច្ឆិកា។ Trump កីឡាករឈរនៅចំណាត់ថ្នាក់លេខ៣ ពិភពលោកបច្ចុប្បន្ន បានយកឈ្នះកីឡាករវ័យក្មេងរបស់ម្ចាស់ផ្ទះចិន ក្នុងលទ្ធផល ៦-០ ក្នុងជុំទី២ នៅពេល Wang បានឡើងមកលេងពាននេះ ក្នុងនាមកីឡាករអនុគ្រោះ (wildcard)។ លោកបានគ្រប់គ្រងការប្រកួត ៤សិតជាប់គ្នាជាមួយនឹងការវាយបានពិន្ទុ ១១៦ ១០៩ ៦៧ និង ៨៩ពិន្ទុ ដើម្បីទទួលជ័យជម្នះទៅលើគូប្រកួតវ័យក្មេងរបស់ខ្លួន។ យ៉ាងណាក៏ដោយ Wang ដែលបានកើតនៅថ្ងៃទី១០ ខែធ្នូ ឆ្នាំ២០១០ ក៏បានយកឈ្នះ Gong Chenzhi ៦-៥ មុនឡើងមកជួបអតីតជើងឯកពិភពលោក ឆ្នាំ២០១៩ គឺ Judd Trump ដែលបានធ្វើឡើងនៅទីលានស្ថិតក្នុងខេត្ត Tianjin ប្រទេសចិន […]
ខេត្តកណ្តាលៈយ៉ាងហោចណាស់មានមនុស្ស២នាក់រងរបួសធ្ងន់ករណីគ្រោះថ្នាក់ចរាចរណ៍រថយន្តបុកម៉ូតូហេតុការណ៍នេះបានកើតឡើងនៅ ថ្ងៃទី១៥ ខែកញ្ញា ឆ្នាំ២០២១វេលាម៉ោង ១០:១៥នាទីនៅចំនុចផ្លូវជាតិលេខ១ ចន្លោះគីឡូម៉ែត្រ ២០-២១ ក្នុងភូមិស្លាបតាអោនឃុំគគីរស្រុកកៀនស្វាយខេត្តកណ្តាល ។ បើតាមសមត្ថកិច្ចបានឲ្យដឹងថា! មុនពេលកើតហេតុ ខាងលើមានរថយន្តមួយគ្រឿងម៉ាក់ Ford Ranger ពណ៍សពាក់ផ្លាក់លេខ ភ្នំពេញ 2BC.1129 ( ទិសដៅអ្នកលឿងភ្នំពេញ ) អ្នកបើកបរឈ្មោះ វ៉ា សុផាត ភេទប្រុសអាយុ៥៣ ឆ្នាំ ជនជាតិ(ខ្មែរ)មានទីលំនៅភូមិត្រឈើកាច់ឃុំឈើកាច់ ស្រុកបាភ្នំខេត្តព្រៃវែង ពេលបើកមកដល់ចំណុចកើតហេតុបានបុកជាមួយម៉ូតូ០២គ្រឿង +ម៉ូតូម៉ាក Honda C125 ពណ៌ខ្មៅ ពាក់ផ្លាកលេខ ព្រៃវែង 1O.1904 ផល្លិតឆ្នាំ២០១៩ (ទិសដៅភ្នំពេញអ្នកលឿង)។ ១/អ្នកបើកបរឈ្មោះ ហ៊ន រ៉ាយុទ្ធ ភេទប្រុស អាយុ ២២ ឆ្នាំជនជាតិខ្មែរមានទីលំនៅភូមិ ត្រពាំងធំឃុំ អង្ករស ស្រុកមេសាងខេត្តព្រៃវែង (របួសធ្ងន់)នឹងម៉ូតូម៉ាក Honda C125 ពណ៌ខ្មៅ ពាក់ផ្លាកលេខ កណ្តាល 1Y.8811 ផល្លិតឆ្នាំ២០១៧ […]
កំពត: កាលពីថ្ងៃទី២ ខែកក្កដា ឆ្នាំ២០២៣ ឃាត់ខ្លួនក្រុមក្មេងបង្ហោះម៉ូតូ ព្រមទាំងបក្ខពួកជាង១០នាក់ យកមកអប់រំ និងតម្រូវឲ្យធ្វើកិច្ចសន្យាបញ្ឈប់សកម្មភាពតទៅទៀត។ មន្ត្រីនគរបាលនៃអធិការដ្ឋានក្រុងបូកគោបានប្រាប់ឲ្យដឹងថា អ្នកដំណើរបានប្រទះឃើញក្រុមក្មេងវ័យជំទង់ប្រុសស្រីប្រមាណជាង១០នាក់នាំគ្នាជិះម៉ូតូប្រសេចប្រសាចបម្រុងឡើងទៅលេងលើភ្នំបូកគោ។ ក្នុងចំណោមនោះមានក្មេងស្ទាវ៤នាក់ជិះម៉ូតូ២គ្រឿងបានបង្ហោះនៅតាមដងផ្លូវបែបអនាធិបតេយ្យបំផុត។ ប្រភពដដែលបានបន្តថា ដោយព្រួយបារម្ភអំពីការបង្កគ្រោះថ្នាក់ដល់គេឯង អ្នកដំណើរក៏បានរាយការណ៍ជូនសមត្ថកិច្ចដើម្បីអន្តរាគមន៍។ ក្រោយទទួលព័ត៌មាននេះ កម្លាំងនគរបាលក្រុងបូកគោក៏តាមឃាត់ខ្លួនក្រុមទាំងនោះ រួមទាំងម៉ូតូបានចំនួន៨គ្រឿងរួចនាំមកកាន់អធិការដ្ឋានតែម្ដង។ ក្រុមក្មេងទាំងនោះមកពីរាជធានីភ្នំពេញ និងធ្លាប់បង្ហោះម៉ូតូស្ទើរគ្រប់ផ្លូវដែលពួកគេបានធ្វើដំណើរឆ្លងកាត់ផងដែរ។ ដោយមានការណែនាំពីលោកស្នងការខេត្តកំពត មុននឹងអនុញ្ញាតឱ្យវិលត្រឡប់ទៅលំនៅស្ថានវិញ សមត្ថកិច្ចក៏បានណែនាំពួកគេថែមទាំងតម្រូវឱ្យអ្នកបង្ហោះម៉ូតូទាំង៤នាក់ធ្វើកិច្ចសន្យាបញ្ឈប់សកម្មភាពបែបនេះតទៅទៀត៕
