ខេត្តកំពង់ធំ ៖ បច្ចុប្បន្ននៅក្នុងក្រុងស្ទឹងសែន ពលរដ្ឋតែងតែសង្កេតឃើញមានហ្វូងគោដើរបង្កភាពអនាធិបតេយ្យពាសពេញក្រុង ហើយតាមរយៈហ្វូងគោទាំងអស់នោះ គឺតែងតែដើរបេះបោចផលដំណាំរបស់បងប្អូនប្រជាពលរដ្ឋ ក៏ដូចជាមន្ត្រីរាជការជាដើម ។ ដោយសារតែផលរំខានពីហ្វូងគោខាងលើនេះហើយ ទើបប្រជាពលរដ្ឋសូមសំណូមពរដល់អាជ្ញាធរក្រុងស្ទឹងសែន សូមមេត្តាជួយចាត់វិធានការឲ្យបានតឹងរឹងបំផុតចំពោះម្ចាស់គោ ដែលតែងតែលែងហ្វូងគោឲ្យដើរបង្កភាពអនាធិបតេយ្យ ។ ហើយហ្វូងគោទាំងនោះតែងតែដើរបេះបោចផលដំណាំរបស់ពលរដ្ឋ និងដើរជាន់ទុយោទឹករបស់ពួកគាត់ បណ្តាលឲ្យបែកជាដើម ព្រមទាំងអាចបង្កឱ្យមានគ្រោះថ្នាក់ចរាចរណ៍នៅតាមផ្លូវទីសាធារណៈទៀតផង ព្រោះដោយសារតែហ្វូងគោទាំងនោះគ្មានខ្សែចងនោះទេ ជាក់ស្តែងដូចរូបថតដែលត្រូវបានអ្នកសារព័ត៌មានបានថតនៅព្រឹក០៥ ខែកញ្ញា ឆ្នាំ២០២២នេះជាដើម។ បើតាមពលរដ្ឋបានឱ្យដឹងថា បើម្ចាស់គោនៅតែបន្តលែងគោទាំងហ្វូងៗឲ្យដើរបង្កផលប៉ះពាល់ដល់ផលដំណាំរបស់ពួកគាត់យ៉ាងដូច្នេះ ហើយអាជ្ញាធរនៅតែមិនមានវិធានការទៀតនោះ តើឲ្យពួកគាត់សង្ឃឹមអ្នកណា បើផលដំណាំរបស់ពួកគាត់ដែលខិតខំដាំបានផលបន្តិចបន្តួចនៅតាមរបងផ្ទះក្នុងក្រុងស្ទឹងសែន ឲ្យតែភ្លេចខ្លួនបន្តិច ឬក៏ភ្លេចបិទទ្វាររបង ស្របពេលហ្វូងគោទាំងនោះដើរទៅចំនោះ គឺវាចូលស៊ី និងជាន់ខ្ទេចខ្ទីអស់គ្មានសល់នោះទេ។ អាស្រ័យហេតុដូច្នេះហើយ ទើបប្រជាពលរដ្ឋ សូមឲ្យអាជ្ញាធរក្រុង ជួយមានវិធានការចំពោះបញ្ហាខាងលើនេះ ឲ្យមានប្រសិទ្ធភាពបំផុត។ ពាក់ព័ន្ធបញ្ហាខាងលើនេះ លោក ពេញ កែម អភិបាលក្រុងស្ទឹងសែន មិនអាចសុំប្រសាសន៍ឆ្លើយបំភ្លឺបានទេ នៅព្រឹកថ្ងៃទី០៥ ខែកញ្ញា ឆ្នាំ២០២២នេះ ដោយសារទូរស័ព្ទរបស់លោកមិនអាចទំនាក់ទំនងបាន។
ខេត្តសៀមរាប ៖ បើយោងតាម facebook ឈ្មោះ VeasnaLayនិងជាអ្នកសារព័ត៌មានផងនោះបានរាយកាណ៍ពីក្រុងសៀមរាបអោយដឹង នៅព្រឹកថ្ងៃទី៨ ខែឧសភា ឆ្នាំ២០២២ថា,ស្ត្រីមេតុងទីនម្នាក់ទើបតែចុះពីលើរថយន្ត ត្រូវចោរឆក់កាបូបលុយអស់ប្រាក់ប្រមាណ ជាង១ម៉ឺនដុល្លារ កណ្តាលក្រុងសៀមរាប ខេត្តសៀមរាប។ facebook ឈ្មោះ Veasna Lay ដដែលបានបញ្ជាក់ថា, មានករណីចោរមួយក្រុមបានធ្វើសកម្មភាពឆក់កាបូបលុយពីស្ត្រីមេតុងទីនម្នាក់ យកអស់ប្រាក់ប្រមាណជាង១ម៉ឺនដុល្លារអាមេរិក ខណៈពេលស្ត្រីរូបនោះ បានចុះពីលើរថយន្ត ។ សកម្មភាព នៃអំពើឆក់កាបូបខាងលើនេះ បានកើតឡើងកាលពីវេលាម៉ោង៧និង៤៣នាទីយប់ ថ្ងៃទី៦ ខែឧសភា ឆ្នាំ២០២២ កន្លងទៅនៅចំណុចលើផ្លូវលំក្បែរហាងទាកាញ់ភូមិខ្ញុំ ស្ថិតក្នុងភូមិជន្លង់ សង្កាត់សាលាកំរើក ក្រុងសៀមរាប ខេត្តសៀមរាប ។ ហើយទើបនឹងត្រូវទាញពីកាមេរ៉ាសុវត្ថិភាពនៅថ្ងៃនេះ ដើម្បីអោយសមត្ថកិច្ចស្វែងរកចាប់ខ្លួនជនសង្ស័យ យកមកផ្តន្ទាទោស។ ជនរងគ្រោះខាងលើមានឈ្មោះ យឿន ពិសី ភេទស្រី អាយុ៣២ឆ្នាំ មុខរបរលក់ចាប់ហួយ និងជាមេតុងទីន រស់នៅភូមិបឹង សង្កាត់ជ្រាវ ក្រុង-ខេត្តសៀមរាប ។ នៅវេលាម៉ោងកើតហេតុខាងលើ ជនរងគ្រោះបានជិះរថយន្តធ្វើដំណើរយកប្រាក់ទៅបើកឲ្យអ្នកលេងតុងទីន នៅហាងលក់ស៊ុប (ទាកាញ់ភូមិខ្ញុំ) ហើយពេលនោះក៏ស្រាប់តែមានចោរស្ទាវមួយក្រុមមានគ្នា២នាក់ជិះម៉ូតូ១គ្រឿង ម៉ាកឌ្រីម […]
ខេត្តតាកែវ៖នៅវេលាម៉ោង៦និង៣០ព្រឹកថ្ងៃទី៩ខែមីនាឆ្នាំ២០២២ម្សិលមុិញមានករណីគ្រោះថ្នាក់ចរាចរណ៍មួយកើតឡើងនៅលើដងផ្លូវជាតិលេខ៣ចន្លោះគីឡូម៉ែត្រលេខ ៥២-៥៣ ស្ថិតក្នុងភូមិមានជ័យឃុំក្រាំងលាវស្រុកបាទី ខេត្តតាកែវ រវាងរថយន្តនិងរថយន្តក្នុងទិសដៅស្របគ្នាពីជើងទៅត្បូង។ សមត្ថកិច្ចបានឲ្យដឹងថាគ្រោះថ្នាក់ចរាចរណ៍ខាងលើនេះបង្កឡើងដោយរថយន្តម៉ាកហ៊ីយ៉ាន់ដាយពណ៌ត្រួយចេកពាក់ស្លាកលេខភ្នំពេញ3B.5943បើកបរមកពីទិសខាងជើងបើកបរដោយឈ្មោះគា ភេទប្រុសអាយុប្រហែល៣០ឆ្នាំ មិនស្គាល់អាសយដ្ឋានព្រោះរងរបួសធ្ងន់ បានបុកជាមួយនឹងរថយន្តស៊ីទែនដឹកទឹកស្រោចផ្កានៅលើផ្លូវជាតិលេខ ៣ ពីក្រោយម៉ាកDONGFENGរថយន្តសុីទែនដឹកទឹកស្រោចសួនពណ៌សពាក់ស្លាកលេខAT21-3-1636បើកបរដោយឈ្មោះ ណយ ទូច ភេទប្រុសអាយុ ២៣ ឆ្នាំមុខរបរអ្នកបើកបរឡានស្រោចទឹកមានទីលំនៅភូមិសាច់ត្រីឃុំភារីមានជ័យស្រុកបរសេដ្ឋខេត្តកំពង់ស្ពឺបានរត់គេចខ្លួនបាត់ ។ ចំណែកអ្នករងរបួសធ្ងន់បានដឹកតាមរថយន្តឯកជនទៅសង្គ្រោះបន្ទាន់នៅមន្ទីរពេទ្យភ្នំពេញ។ សមត្ថកិច្ចបានបញ្ជាក់ឲ្យដឹងទៀតថាមូលហេតុរថយន្តហុីយ៉ាន់ដាយបើកបរក្នុងល្បឿនលឿនខ្វះការប្រុងប្រយ័ត្ន ក្រោយកើតហេតុសមត្ថកិច្ចបានចុះទៅធ្វើការត្រួតពិនិត្យចំណែកវត្ថុតាងបង្ករក្សាទុកនៅអធិការដ្ឋាននគរបាលស្រុកបាទីដើម្បីរង់ចាំធ្វើការដោះស្រាយទៅតាមនីតិវិធី៕
