ក្នុងឱកាសនៃជំនួប ឯកឧត្តម នាយឧត្ដមសេនីយ៍ Romeo Saturnino Brawner, Jr. នាយសេនាធិការកងទ័ពហ្វីលីពីនបានសម្ដែងនូវមោទភាពជាខ្លាំងចំពោះសម្ដេចធិបតីដែលត្រូវបានជ្រើសតាំងជានាយករដ្ឋមន្ត្រីនៃព្រះរាជាណាចក្រកម្ពុជា ក្នុងនីតិកាលទី៧នៃរដ្ឋសភា និងបានវាយតម្លៃខ្ពស់ចំពោះវឌ្ឍនភាពនៃកិច្ចសហប្រតិបត្តការដ៏ល្អប្រសើររវាងកងទ័ពហ្វីលីពីន-កម្ពុជា។ ឯកឧត្តម Brawner បានប្ដេជ្ញាចិត្តក្នុងការបន្ដពង្រឹង និងពង្រីកកិច្ចសហប្រតិបត្តិការរវាងកងទ័ពនៃប្រទេសទាំងពីរ ឱ្យកាន់តែរីកចម្រើនថែមទៀត តាមរយៈការអនុវត្តយន្តការដែលមានស្រាប់ និងការដាក់ចេញនូវផែនការសកម្មភាពសម្រាប់កិច្ចសហការ ថ្មីៗបន្ថែមទៀត។ សម្ដេចធិបតីបានសម្តែងភាពរីករាយចំពោះការរីកចម្រើននៃកិច្ចសហប្រតិបត្តិការវាងកងទ័ពកម្ពុជា-ហ្វីលីពីន និងបានថ្លែងអំណរគុណហ្វីលីពីនដែលបានផ្ដល់ការគាំទ្រដល់កងទ័ពកម្ពុជា នាពេលកន្លងមក ព្រមទាំងបានលើកទឹកចិត្តឱ្យកងទ័ពនៃប្រទេសទាំងពីរ បន្តពង្រឹងនិងពង្រីកកិច្ចសហប្រតិបត្តិការឱ្យកាន់តែរឹងមាំថែមទៀត ដោយផ្តោតជាសំខាន់លើការបណ្ដុះបណ្ដាល ការពង្រឹងសមត្ថភាព ការផ្លាស់ប្ដូរទស្សនកិច្ចសិក្សា និងលំហាត់រួមគ្នា។ សម្តេចធិបតីក៏បានគូសបញ្ជាក់ពីសារៈសំខាន់នៃកិច្ចសហប្រតិបត្តិការរវាងកងទ័ពក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែន និងការគំរាមកំហែងមិនប្រពៃណីផងដែរ៕ ——
ព្រះអង្គម្ចាស់ក្សត្រី នរោត្តម បុប្ផារី និងបុត្រី នរោត្តម ជេនណា អញ្ជើញគោរពវិញ្ញាណក្ខន្ធសពសម្តេចចៅហ្វាវាំង គង់ សំអុល តអញ្ជើញចូលរួមគោរពវិញ្ញាណក្ខន្ធសពសម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល នៅគេហដ្ឋានសព ស្ថិតនៅផ្ទះលេខ៨៣ ផ្លូវសុកហុក (១០៧) សង្កាត់បឹងព្រលឹត ខណ្ឌ៧មករា រាជធានីភ្នំពេញ នារសៀលថ្ងៃទី០៥ ខែកញ្ញា ឆ្នាំ២០២៤។ សូមជម្រាបថា សម្តេចចៅហ្វាវាំង គង់ សំអុល បានទទួលមរណភាពនៅវេលាម៉ោង៨ និង៣៥នាទីព្រឹក ថ្ងៃចន្ទ ទី០២ ខែកញ្ញា ឆ្នាំ២០២៤ ក្នុងជន្មាយុ ៩៤ឆ្នាំ ដោយជរាពាធ។ រូបថត៖ យឹម សុវឌ្ឍនា ————
សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា មានប្រសាសន៍ថា បេក្ខជនមេឃុំរបស់គណបក្សប្រជាជនកម្ពុជានៅពេលនេះ គឺមានកម្រិតចំណេះដឹងខ្ពស់រហូតដល់សញ្ញាប័ត្រកម្រិតអនុបណ្ឌិត បរិញ្ញាប័ត្រ និងឌីប្លូមផងដែរ។ សម្តេចក្រឡាហោមបញ្ជាក់ទៀតថា សម័យនេះហើយគេមិនយកអ្នកមិនចេះអក្សរមកធ្វើមេឃុំនោះទេ ព្រោះវាផ្ទុយនឹងច្បាប់ ពិសេសគឺមិនអាចអនុវត្តការងារបានថែមទៀត។ ការលើកឡើងរបសសម្តេចក្រឡាហោម ស ខេង បែបនេះបន្ទាប់គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចលុបឈ្មោះបេក្ខជនគណបក្សភ្លើងទៀន ចេញពីបញ្ជីឈរឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២ ចំនួន ៨៦រូប ដោយក្នុងនោះ បេក្ខជនមិនគ្រប់លក្ខខណ្ឌមានចំនួន ៣៣រូប និងបេក្ខជនដែលមិនបានដឹងខ្លួនមានឈ្មោះនៅក្នុងបញ្ជីបេក្ខជនចំនួន ៥៣រូប បន្ទាប់ពីពិនិត្យទៅលើអង្គហេតុ គណបក្សភ្លើងទៀននេះបានជ្រើសរើសប្រជាពលរដ្ឋដែលមិនចេះអាន និងមិនចេះសរសេរអក្សរខ្មែរ យកមកធ្វើជាបេក្ខជន។ មួយទៀត ជីវប្រវត្តិ និងសេចក្តីប្រកាសរបស់បេក្ខជនត្រូវបានបំពេញជំនួសដោយតំណាងគណបក្សភ្លើងទៀន។
