អាសូរណាស់! តែមួយភ្លែតសោះស្លាប់ក្មេងស្រី ២នាក់លង់ទឹកស្រះបណ្តាលអោយស្លាប់ យ៉ាងអណោចអធ័ម

ខេត្តបាត់ដំបង៖ ហេតុការណ៍នេះកើតឡើងនៅរសៀលថ្ងៃទី ១៣ ខែធ្នូ ឆ្នាំ ២០២១នេះសេចក្តីរាយការណ៍ពីសមត្ថកិច្ចបានឲ្យដឹងថា យ៉ាងហោចណាស់ក្មេងស្រី០២នាក់បានលង់ទឹកស្រះបណ្តាលអោយស្លាប់ ស្ថិតនៅក្នុងភូមិបឹងរុន ឃុំសំឡូត ស្រុកសំឡូត ខេត្ត បាត់ដំបង។

ដែលកុមាររងគ្រោះទី០១ឈ្មោះ  សាន សយដាវ ភេទស្រី អាយុ ៧ឆ្នាំ និងម្នាក់ទៀតឈ្មោះ ធី រីយ៉ា ភេទស្រី អាយុ ៦ឆ្នាំ ទាំង២នាក់រស់នៅក្បែរទីតាំងកន្លែងកើតហេតុស្ថិតនៅក្នុងភូមិបឹងរុន ឃុំសំឡូត ស្រុកសំឡូត ខេត្ត បាត់ដំបង។

សាក្សីនៅកន្លែងកើតហេតុបានបញ្ជាក់ថា÷ នៅមុនពេលកើតហើយទំនងជាក្មេងជនរងគ្រោះខាងលើបាននាំគ្នាដើរមកលេងមាត់ស្រះទឹក ហើយក៏នាំគ្នាចុះងូតលេងទើបបណ្តាលឲ្យលង់ស្លាប់តែម្តង រហូតដល់មួយសន្ទុះធំក្រោយមកទើបបង្កការភ្ញាក់ផ្អើលឳពុកម្តាយ និងអ្នកជិតខាងនាំគ្នាដើររកក៏ប្រទះឃើញស្បែកជើង រួចចុះរាវរុករកបានប្រទះកុមារីទាំងពីរដោយផុតដង្ហើមស្លាប់បាត់ទៅហើយ។

ក្រោយពេលកើតហេតុភ្លាមៗនគរបាលមូលដ្ឋានបានចុះទៅដល់ចំណុចកើតហេតុបានពិនិត្យសាកសពបញ្ជាក់ថា ក្មេងជនរងគ្រោះពិតជាស្លាប់ដោយសារលង់ទឹកពិតប្រាកដមែន ហើយក៏បានប្រគល់សាកសពទៅឲ្យឳពុកម្តាយសាច់ញាតិយករៀបចំធ្វើបុណ្យតានប្រពៃណី៕