ភ្នំពេញ ៖ កាលពី ថ្ងៃទី៩ ខែតុលា ឆ្នាំ២០២១ ប៉ុស្តិ៍នគរបាលរដ្ឋបាលអូរបែកក្អមបានឃាត់ខ្លួនជនសង្ស័យ១នាក់ ករណីឃាតកម្ម (ចាក់សម្លាប់) បង្កដោយជនសង្ស័យ០១នាក់ជាប្រពន្ធឈ្មោះ ហុន សាហេន ភេទស្រី អាយុ៣០ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅភូមិថ្នា ឃុំក្រួស ស្រុកស្វាយជ្រំខេត្តស្វាយរៀង (គ្មានសារធាតុញៀន) បានយកកាំបិតចុងស្រួចចាក់ទៅលើជនរងគ្រោះជាប្តីឈ្មោះ ហឹម សុភក្ត្រា ភេទប្រុស អាយុ៣៣ឆ្នាំ ជនជាតិខ្មែរ មុខរបររត់ម៉ូតូឌុប ស្នាក់នៅភូមិថ្នា ឃុំក្រួសស្រុកស្វាយជ្រំ ខេត្តស្វាយរៀង (ស្លាកស្នាមលើជនរងគ្រោះគឺមានរបួសនៅដើមទ្រូងខាងឆ្វេង) បណ្តាលឲ្យស្លាប់នៅនឹងកន្លែងកើតហេតុ ។
ករណីប្រពន្ធចាក់សម្លាប់ប្តីនេះគឺផ្តើមចេញពីរឿងទំនាស់ក្នុងគ្រួសារ។ លោកមេប៉ុស្តិ៍បានបន្តទៀតថា មុនពេលកើតបុរសជាប្តីបានផឹកស្រាស្រវឹងហើយប្រពន្ធបានប្រាប់កុំឲ្យប្តីផឹកស៊ីស្រវឹងខ្លាំងពេកស្ទើរតែរាល់ថ្ងៃដោយពុំគិតគូរជួយរកស៊ី។ ពេលនោះក៏កើតជាជម្លោះប្រតាយប្រតប់គ្នាដោយស្ត្រីជាប្រពន្ធមានកាន់កាំបិតចុងស្រួចមួយ លុះពេលប្រតាយប្រតប់ក៏ធ្វើឱ្យត្រូវបុរសជាប្តីមួយកាំបិតបណ្តាលឲ្យស្លាប់នៅកន្លែងកើតហេតុ។
ជនសង្ស័យត្រូវបានសមត្តកិច្ចឃាត់ខ្លួន ហើយដកហូតកាំបិតចុងស្រួចមួយដើម របស់ជនសង្ស័យដែលប្រើសម្រាប់ធ្វើសកម្មភាព។ ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធីច្បាប់ ៕
