(កោះកុង)៖ សង្គ្រាមក្នុងប្រវត្តិសាស្ត្រដេីម្បីរំដោះ និងការពារប្រទេសកុំឱ្យរបបប្រល័យពូជសាស្ត្រវិលមកវិញនោះ បានធ្វេីឱ្យយុទ្ធជនកម្ពុជាមិនតិចនោះឡេីយ បានពលីជីវិត។ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានលេីកឡេីងថា វីរភាពរបស់យុទ្ធជនកម្ពុជា នៅតែដិតដាមក្នុងក្រអៅបេះដូងថ្នាក់ដឹកនាំ និងពលរដ្ឋកម្ពុជាជាប់ជានិច្ច មិនអាចបំភ្លេចបានឡើយ។ បេីតាមសម្តេចពិជ័យសេនា ទៀ បាញ់ ឈរលេីស្មារតីដឹងគុណយុទ្ធជនពលីនេះហេីយ ទេីបមានការរៀបចំធ្វើបុណ្យទក្ខិណានុប្បទានឧទ្ទិសកុសល ជូនដល់ដួងវិញ្ញាណក្ខន្ធកម្មាភិបាល យុទ្ធជន និងបើកការដ្ឋានសាងសង់-ជួសជុលទីលានផ្នូរយុទ្ធជន ដែលបានពលីជីវិតក្នុងសម័យសង្គ្រាមចំនួន ៤៤៧សព នៅទីលានផ្នូរយុទ្ធជនខេត្តកោះកុង (សពយុទ្ធជន) ស្ថិតនៅក្នុងភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង នៅថ្ងៃទី២៣ ខែកុម្ភៈ ឆ្នាំ២០២១នេះ។ សម្តេចពិជ័យសេនា ទៀ បាញ់ បានគូសបញ្ជាក់ថា «ការរៀបចំពិធីបញ្ចុះបឋមសិលាសាងសង់ ជួសជុលទីលានផ្តូរយុទ្ធជន ខេត្តកោះកុងនាថ្ងៃនេះ គឺធ្វើឡើងក្នុងស្មារតីចងចាំជានិច្ច នូវគុណូបការៈដ៏ឧត្តុងឧត្តម ចំពោះវីរភាពដ៏អង់អាចក្លាហានរបស់វីរកម្មាភិបាលវីរយុទ្ធជន យុទ្ធនារី ប្រជាជន និងអ្នកស្នេហាជាតិដែលបានធ្វើមហាពលីកម្មបូជាសាច់ស្រស់ ឈាមស្រស់ ក្នុងសមរភូមិ ដើម្បីរំដោះមាតុភូមិពីកណ្តាប់ដៃរបបប្រល័យពូជសាសន៍ ប៉ុល ពត ដើម្បីជួយសង្គ្រោះជីវិតប្រជាជន និងសង្គមជាតិឱ្យរស់ឡើងវិញ រហូតមានការរីកចម្រើនដល់សព្វថ្ងៃនេះ»។ អតីតមេចលនាតស៊ូ ដើម្បីសិទ្ធិសេរីភាព […]
(ឧត្តរមានជ័យ) ៖ នៅយប់ថ្ងៃទី០៨ខែកក្កដាឆ្នាំ២០២៣ ត្រង់ចំណុចជាប់លើផ្លូវជាតិលេខ៦៨ស្ថិតនៅក្នុងភូមិគិរីវន្ត សង្កាត់កូនក្រៀល ក្រុងសំរោង ខេត្តឧត្តរមានជ័យ។ នៅថ្ងៃទី០៩ខែកក្កដាឆ្នាំ២០២៣នេះ ប្រភពពីលោកស្រីធៀមថា ភេទស្រីអាយុ៥៥ឆ្នាំត្រូវជាម្តាយឈ្មោះឆៃសុខជា ដែលជាម្ចាស់ផ្ទះទីតាំងបាត់មេគោអស់ចំនួន៤ក្បាលត្រង់ចំណុចខាងលើ គាត់បានរៀបរាប់ប្រាប់ឲ្យដឹងថា នៅយប់ថ្ងៃកើតហេតុកូនរបស់គាត់បានសម្រាកនៅក្នុងផ្ទះដូចសព្វមួយដង លុះដល់ពេលព្រលឹមឡើងស្រាងៗកូនរបស់គាត់ក៏បានដើរសំដៅទៅរកក្រោលគោដើម្បីដឹកបញ្ចេញទៅក្រៅ ខណ:ពេលនោះក៏បានឃើញមេគោនៅក្នុងក្រោលបាត់ គោមេអស់ចំនួន៤ក្បាល នៅសល់តែកូន៥ក្បាលប៉ុណ្ណោះក្នុងចំណោមគោចំនួន៩ក្បាល ពេលនោះកូនគាត់ក៏បានស្រែកឆោឡោហៅ ម៉ែ ឪ និងបងប្អូនអ្នកជិតខាងឲ្យមកជួយពិនិត្យមើលថា នៅក្នុងភូមិផ្ទះរបស់គាត់កាលពីយប់មិញមានចោរ ចូលលួចគោមេអស់ចំនួន៤ក្បាលបាត់ទៅហើយ។ ក្រោយពេលកូនគាត់ស្រែកឆោឡោផ្អើលដល់អ្នកភូមិរួចហើយក៏បានដើរទៅខាងមុខផ្ទះក៏ឃើញឆ្អែ១ក្បាលផ្សេងទៀតត្រូវក្រុមចោរបំពុលឲ្យងាប់ដែរ ដល់ពេលព្រឹកឡើងក៏បានរាយការណ៏ប្រាប់ទៅមេភូមិនិងប្តឹងសមត្ថកិច្ចមកជួយពិនិត្យមើលឃើញកន្លែងត្រង់ឆ្អែងាប់មាន សាច់មាន់និងកញ្ចប់ថ្នាំងពុលផ្សេងទៀត ហើយចំពោះទីតាំងផ្ទះកូនរបស់គាត់នេះកន្លងមកក៏បាត់គោអស់២ក្បាលនិងក្រោយមកទៀតក៏ធ្លាប់បាត់ម៉ូតូ១គ្រឿងដែរនិយាយទៅការបាត់គោសរុបទាំងអស់ចំនួន៦ក្បាលមកហើយទាំងយប់ថ្ងៃចុងក្រោយនេះ។ សន្និដ្ធានរបស់គាត់ផ្ទាល់ឃើញថា មេគោរបស់គាត់ចំនួន៤ក្បាលនោះអាចពួកចោរដឹកចេញពីក្រោយបានប្រជា២០០ម៉ែត្រដឹកឡើងឡានតែម្តង ពីព្រោះគាត់បានដើរមើលឃើញមានស្នាមកង់ឡាន និងឃើញមានស្នាមជើងគោជ្រំដីច្រើនកន្លែងនិងមានលាមួកគោជុះនៅក្បែរនឹងទៀតផង ៕
ភ្នំពេញ ៖ បើមិនមានអ្វីប្រែប្រួលទេ នៅព្រឹកថ្ងៃទី៦ ខែកក្កដា ឆ្នាំ២០២២ ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានគណៈកម្មាធិការជាតិប៉ារ៉ាឡាំពិកកម្ពុជា នឹងអនុញ្ញាតឲ្យប្រតិភូកីឡាជនពិការកម្ពុជា ដែលមាន១១ប្រភេទកីឡាចូលជួបសម្តែងការគួរសម និងទទួលយកអនុសាសន៍ នៅវិមានសន្តិភាព មុនពេលចេញទៅចូលរួមប្រកួតកីឡាអាស៊ានប៉ារ៉ាហ្គេម លើកទី១១ នៅប្រទេសឥណ្ឌូនេស៊ី នាចុងខែកក្កដានេះ។ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នឹងដឹកនាំប្រតិភូប៉ារ៉ាឡាំពិកកម្ពុជា ចូលរួមប្រកួតកីឡាអាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូនេស៊ី ចាប់ពីថ្ងៃទី៣០ ខែកក្កដា ដល់ថ្ងៃទី៦ ខែសីហា ឆ្នាំ២០២២។ បើតាមលោក យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជាបានឲ្យដឹងថា សម្តេចតេជោ ហ៊ុន សែន ជួបសំណេះសំណាល និងផ្តល់អនុសាសន៍ដល់ប្រតិភូកីឡាជនពិការកម្ពុជា គឺពិតជាសំខាន់ខ្លាំងណាស់ដែលប្រតិភូនឹងទទួលបានអនុសាសន៍ណែនាំ និងការលើកទឹកចិត្តដ៏សំខាន់មុនការចេញទៅប្រកួត។ សម្តេចតេជោនាយករដ្ឋមន្ត្រី ហ៊ុន សែន តែងតែយកចិត្តទុកដាក់ដ៏ខ្ពង់ខ្ពស់ ដល់ប្រតិភូអត្តពលិក គ្រូបង្វឹក គ្រូជំនួយ អាជ្ញាកណ្ដាល និងភាគីពាក់ព័ន្ធទាំងអស់។ […]
