ភ្នំពេញ ៖ នារីរូបស្រស់ម្នាក់ចេញពីក្នុងកម្មវិធីមួយកន្លែង រាងស្រវឹងទោទន់បានបើករថយន្តម៉ាកកូរ៉ូឡាមួយគ្រឿង ទៅប៉ះរថយន្តស៊េរីទំនើប២គ្រឿង មិនព្រមឈប់ដោះស្រាយ រួចបន្តល្បឿនបើករត់តែត្រូវកម្លាំងសន្តិសុខ ប្រចាំការនៅក្នុងកោះពេជ្រ ដេញតាមឃាត់បណ្តាលឲ្យនារីខាងលើ បើករថយន្តទៅបុ.កទម្លុះបារ៉ាស់ដាក់បាំងចំណុចស្ពានកូនភ្លោះរងការខូចខាត។ ហេតុការណ៍នេះដែរបានកើតឡើងនៅវេលាម៉ោង ២និង៣០នាទីរំលងអធ្រាត្រ ឈានចូលថ្ងៃទី៣ ខែកក្កដា ឆ្នាំ២០២២ ចំណុចឃាត់បានលើស្ពានកូនភ្លោះកោះពេជ្រ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ បើយោងតាមការបញ្ជាក់ពីសន្តិសុខប្រចាំការ នៅទីតាំងកើតហេតុបានប្រាប់ឲ្យដឹងថា ដំបូងឡើយរូបគាត់បានឃើញនារីខាងលើ បានបើករថយន្តម៉ាកកូរ៉ូឡា ពណ៌សពាក់ផ្លាកលេខ ភ្នំពេញ 2BI-2135 បើកចេញពីក្នុងកម្មវិធីមួយកន្លែង នៅក្នុងបរិវេណកោះពេជ្រ រួចបានបើកទៅប៉ះរថយន្តស៊េរីទំនើប២គ្រឿង បណ្តាលឲ្យរងការខូចខាត តែមិនព្រមឈប់ដោះស្រាយ ក៏បន្តល្បឿនបើករត់ ភ្លាមនោះដែរ ខាងកម្លាំងសន្តិសុខប្រចាំការ នៅក្នុងបរិវេណកោះពេជ្រ ក៏នាំគ្នាជិះម៉ូតូដេញពីក្រោយ ទោះយ៉ាងណាក៏នារីរូបនោះ បើករថយន្តបង្កមិនព្រមឈប់ និងបន្តល្បឿនបើកទៅមុខរហូត លុះមកដល់ចំណុចស្ពានកូនភ្លោះ ក៏បានបន្ថែមល្បឿនបើកទៅបុ.កទ.ម្លុះបារ៉ាស់ បណ្តាលឲ្យបាក់ជាច្រើនកង់ ចំណែកឯរថយន្តបង្កវិញ រងការខូចខាតផ្នែកខាងមុខ ស្ទើរទាំងស្រុង ទៅមុខលែងរួច ។ ក្រោយកើតហេតុខាងលើសមត្ថកិច្ចមូលដ្ឋាន សហការជាមួយផ្នែកជំនាញចរាចរណ៍ ចុះមកដល់រួចពិនិត្យនិងទំនាក់ទំនងទៅផ្នែកជំនាញចរាចរណ៍ក្រុង ឲ្យចុះមកវាស់វែង យករថយន្តស្ទូច មកស្ទូចយករថយន្តបង្កទៅរក្សាទុកនៅ ខាងការិយាល័យចរាចរណ៍ជំនាញផ្លូវគោក នៃស្នងការដ្ឋាននគរបាលរាជធានីភ្នំពេញ […]
24/08/2023 ប្រភពពីប្រជាពលរដ្ឋ ក្នុងភូមិអង្គរជ័យ ឃុំស្រឡប់ ស្រុកត្បូងឃ្មុំ បានបញ្ជាក់ឲ្យដឹងថា អ្នកដែលហ៊ានបេីកល្បែង បៀរ អាប៉ោង បុគ្គលនោះប្រហែលជាមានខ្នងបង្អែករឹងមាំនៅពីក្រោយ ទេីបហ៊ានធ្វើអ្វីៗតាមអំពេីចិត្ត។ អ្នកដែលញៀនល្បែង បៀរ ឡុកឡាក់ មួយក្រុម កំពុងប្រមូលផ្ដុំគ្នាចាក់លុយលេងសុីសងខុសច្បាប់ បែរជាអាជ្ញាពាក់ព័ន្ធមានសមត្ថកិច្ចក្នុងឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ បណ្ដែតបណ្តាយតទៅទៀតឡេីយ។ មជ្ឈដ្ឋានខាងក្រៅ.! បានរិះគន់ចំៗ ចំពោះ លោក អធិការស្រុកត្បូងឃុំ មិនទាន់ចាត់វិធានការបង្ក្រាបឲ្យស្របតាមគោលនយោបាយ ភូមិ ឃុំ មានសុវត្ថិភាពដែលដាក់ចេញដោយក្រសួងមហាផ្ទៃនោះទេ។ ហេតុនេះ លោក ម៉ុន មាគា៌ ស្នងការដ្ឋាននគរបាលខេត្តត្បូងឃុំ មេត្តាចាត់មន្ត្រីក្រោមឱវាទ ចុះត្រួតពិនិត្យក្រុមអ្នកញៀនល្បែង បៀរ អាប៉ោង ឡុកឡាក់ បេីកលេងយ៉ាងពេញទំហឹង រីឯលោក មេប៉ុស្តិ៍រដ្ឋបាលនគរបាលឃុំស្រឡប់ មិនទាន់ចាត់វិធានការបង្រ្កាប។ ប្រជាពលរដ្ឋ ក្នុងភូមិអង្គរជ័យ ឃុំស្រឡប់ ស្រុកត្បូងឃ្មុំអំពាវនាវដល់ថ្នាក់ដឹកនាំក្រសួងមហាផ្ទៃ និងលោក ជាមច័ន្ទសោភ័ណ្ឌ អភិបាលខេត្តត្បូងឃ្មុំ ពិនិត្យឡើងវិញជាបន្ទាន់ ចំពោះទីតាំងល្បែងលេងបៀរ ឡុកឡាក់ ដេីម្បីបង្រឹងសន្តិសុខសង្គមជូនពលរដ្ឋក្នុងមូលដ្ឋាន។
(កំពង់ស្ពឺ)៖ យោងតាមព្រះរាជតម្រិះដ៏ខ្ពង់ខ្ពស់ របស់ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត សម្តេចចៅហ្វាវាំង គង់ សំអុល ឧបនាយករដ្ឋមន្រ្តី រដ្ឋមន្ត្រីក្រសួងព្រះបរមរាជវាំង ប្រធានក្រុមសមេ្តចឪ ជាព្រះរាជតំណាងដ៏ខ្ពង់ខ្ពស់របស់ព្រះករុណា ព្រះមហាក្សត្រ បានអញ្ជើញពិនិត្យសកម្មភាពការងារ របស់មន្ត្រី បុគ្គលិក នៃក្រុមសម្តេចឪ ដែលកំពុងធ្វើសកម្មភាពអន្តរាគមន៍យ៉ាងសកម្ម មមាញឹកបំផុត លើការកសាងព្រះរាជសមិទ្ធផលជាអណ្តូងទឹក ដែលជាព្រះរាជអំណោយដ៏ថ្លៃថ្លារបស់ ព្រះករុណា ព្រះមហាក្សត្រ ព្រះអង្គ សព្វព្រះរាជហឬទ័យ ប្រោសព្រះរាជទានជូនប្រជារាស្រ្តជា បងប្អូនកូនចៅ របស់ព្រះអង្គ រស់នៅភូមិសំបួរ ឃុំដំបូករូង ស្រុកភ្នំស្រួច ខេត្តកំពង់ស្ពឺ។ សកម្មភាពបានធ្វើឡើងនៅព្រឹកថ្ងៃទី២០ ខែមករា ឆ្នាំ២០២១ រួមដំណើរដោយ លោក គុយ សុផល ឧត្តមប្រឹក្សាផ្ទាល់ព្រះមហាក្សត្រ និងជាទេសរដ្ឋមន្ត្រី ទទួលបន្ទុកកិច្ចការទូទៅ អមក្រសួងព្រះបរមរាជវាំង, លោក ឈា ហន រដ្ឋមន្ត្រី អមក្រសួងព្រះបរមរាជវាំង។ ជាបឋមក្នុងឱកាសចុះបំពេញការងារ នៅមូលដ្ឋាននេះ សម្តេចចៅហ្វាវាំង ជាព្រះរាជតំណាង បានអញ្ជើញពិនិត្យការងាររបស់ក្រុមសម្តេចឪ ក្នុងកិច្ចការជីកអណ្តូងទឹកស្អាតដោយប្រើម៉ូទ័រ ដែលក្រុមសម្តេចឪបានខិតខំជីកក្នុងរយៈពេលចំនួន […]
