ព័ត៌មាន

សម្តេចធិបតី ហ៊ុន ម៉ាណែត អនុញ្ញាតឱ្យឯកអគ្គរដ្ឋទូតសហព័ន្ធអាល្លឺម៉ង់ ប្រចាំកម្ពុជា ចូលជួបសម្តែងការគួរសម និងពិភាក្សាការងារ នៅវិមានសន្តិភាព ភ្នំពេញ ថ្ងៃទី០២ ខែកក្កដា ឆ្នាំ២០២៤—

July 2, 2024 adm Comment(0)

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុញ្ញាតឱ្យឯកឧត្តម Stefan Messerer ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋសហព័ន្ធអាល្លឺម៉ង់ ប្រចាំកម្ពុជា ចូលជួបសម្តែងការគួរសម និងពិភាក្សាការងារ នារសៀលថ្ងៃទី០២ ខែកក្កដា ឆ្នាំ២០២៤ នៅវិមានសន្តិភាព រាជធានីភ្នំពេញ។

រូបថត៖ គល់ រ៉េននី

————

adm

ព័ត៌មាន

សម្តេចតេជោ ហ៊ុន សែន បន្តផ្តល់រង្វាន់លើកទឹកចិត្តជូនដល់ លោកតា លោកយាយ អាយុលើសពី ១០០ឆ្នាំ រស់នៅក្នុងខេត្តព្រះវិហារ ដែលបានស្ម័គ្រចិត្តចាក់វ៉ាក់សាំងការពារជំងឺកូវីដ-១៩

September 20, 2021 adm

លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស កាលពីថ្ងៃទី១៩ ខែកញ្ញា ឆ្នាំ២០២១ បានចុះបំពេញបេសកកម្មនៅខេត្តព្រះវិហារ ដើម្បីនាំយករង្វាន់លើកទឹកចិត្តរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនដល់លោកតា លោកយាយ ដែលមានអាយុលើសពី ១០០ឆ្នាំ ដែលបានស្ម័គ្រចិត្តចាក់វ៉ាក់សាំងការពារជំងឺកូវីដ-១៩ ចំនួន ១នាក់ រស់នៅខេត្តរតព្រះវិហារ។ លោកយាយឈ្មោះ កេវ ហុត អាយុ ១០២ឆ្នាំ រស់នៅភូមិសែនរុងរឿង២ ឃុំមរកត ស្រុកជាំក្សាន្ត ខេត្តព្រះវិហារ។ សូមបញ្ជាក់ថា អំណោយសម្តេចតេជោ ហ៊ុន សែន ដែលត្រូវផ្តល់ជូនលោកតា លោកយាយ នាពេលនេះ គឺទទួលបាន ថវិកាចំនួន ៣លានរៀល និងគ្រឿងឧបភោគបរិភោគមួយចំនួនទៀត៕

ព័ត៌មាន

រដ្ឋមន្ត្រីក្រសួងព័ត៌មាន អំពាវនាវដល់ប្រព័ន្ធផ្សព្វផ្សាយកម្ពុជា និងចិន បន្តចូលរួម និងធ្វើកិច្ចសហប្រតិបត្តិការរួមគ្នាផ្សព្វផ្សាយព័ត៌មានពិតអំពីកម្ពុជា និងប្រទេសចិនដើម្បីចូលរួមពង្រឹងសាមគ្គីភាព និងមិត្តភាពនៃប្រទេសទាំងពីរ

June 10, 2024 adm

«សូមអំពាវនាវដល់ប្រព័ន្ធផ្សព្វផ្សាយកម្ពុជា និងចិន បន្តចូលរួម និងធ្វើកិច្ចសហប្រតិបត្តិការរួមគ្នាផ្សព្វផ្សាយព័ត៌មានពិតអំពីកម្ពុជា និងប្រទេសចិនដើម្បីចូលរួមពង្រឹងសាមគ្គីភាព និងមិត្តភាពនៃប្រទេសទាំងពីរក៏ដូចជាចូលរួមក្នុងការលើកកម្ពស់ផ្សព្វផ្សាយវប្បធម៌ ទេសចរណ៍ និងវិនិយោគ»។ ការអំពាវនាវនេះធ្វើឡើងនៅក្នុងឱកាសដែលឯកឧត្តមរដ្ឋមន្ត្រី នេត្រ ភក្ត្រា ចូលរួមជាមួយលោកជំទាវ ជឹង យៀន សមាជិកអចិន្ត្រៃយ៍និងជាប្រធានផ្នែកឃោសនាការនៃគណៈកម្មាធិការគណបក្សកុម្មុយនិស្តចិនខេត្តយូណាន បើកសម្ពោធកម្មវិធីសំឡេងទីតាំងបេតិកភណ្ឌ«ដើរកម្សាន្តនៅយូណាន ទៅទស្សនានៅអង្គរ» កាលពីថ្ងៃទី០៧ ខែមិថុនា ឆ្នាំ២០២៤ នៅទីក្រុងគួនមីង ខេត្តយូណាន ប្រទេសចិន ដែលយុទ្ធនាការដ៏សំខាន់ក្នុងការផ្សព្វផ្សាយពីសក្តានុពលទេសចរណ៍បេតិកភណ្ឌនិងវប្បធម៌នៃប្រទេសទាំងពីរ និងដើម្បីជំរុញកំណើនទេសចរណ៍ឱ្យកាន់តែខ្លាំង ហើយប្រព័ន្ធផ្សព្វផ្សាយសារព័ត៌មានពិតជាដើរតួនាទីសំខាន់ក្នុងការបញ្ជូនព័ត៌មានពិតនិងពី សក្កានុពលទេសចរណ៍ បេតិកភណ្ឌនិងវប្បធម៌ដល់ប្រជាពលរដ្ឋ។

ព័ត៌មាន ព័ត៌មានសន្តិសុខសង្គម ព័ត៌មានស៊ើបអង្កេត

អគ្គនាយកដ្ឋានពន្ធដារ ៖ម្ចាស់អចលនទ្រព្យមិនបង់ពន្ធមុនថ្ងៃ៣០កញ្ញា នឹងទទួលទោសតាមច្បាប់

July 12, 2022 adm

អគ្គនាយកដ្ឋានពន្ធដារកម្ពុជា បានប្រកាសពីការប្រមូលពន្ធលើដីធ្លី និងអចលនទ្រព្យ សម្រាប់ឆ្នាំ២០២២ ដោយកំណត់យកថ្ងៃទី៣០ ខែកញ្ញា ឆ្នាំ២០២២ខាងមុននេះ ជាថ្ងៃផុតកំណត់។ ក្នុងនោះ អគ្គនាយកដ្ឋានពន្ធដារបាន អះអាងថា ចំពោះម្ចាស់ដីធ្លី ឬអចលនទ្រព្យណាដែលខកខានបង់ពន្ធទាន់ពេលវេលាដែលបានកំណត់នេះ នឹងត្រូវរងនូវទោសទណ្ឌតាមច្បាប់ជាធរមាន។ តាមរយៈសេចក្តីជូនដំណឹងនៅថ្ងៃទី១២ ខែកក្កដា អគ្គនាយកដ្ឋានពន្ធដារបានអំពាវនាវម្ចាស់អចលនទ្រព្យទាំងអស់ ដែលមានអចលនទ្រព្យស្ថិតនៅរាជធានីភ្នំពេញ និងនៅតាមបណ្តាខេត្តទាំងអស់ ឱ្យប្រកាសបង់ពន្ធលើដីធ្លីដែលបានប្រើប្រាស់ និងអចលនទ្រព្យ ឱ្យបានមុនថ្ងៃទី៣០ ខែកញ្ញា។ ការអំពាវនាវបែបនេះ ដោយសារតែប្រភពដដែលបានបញ្ជាក់ថា មកទល់ពេលនេះ មានម្ចាស់អចលនទ្រព្យមួយចំនួន នៅមិនទាន់បានបំពេញនូវកាតព្វកិច្ចប្រកាសបង់ពន្ធនៅឡើយទេ។ លើហេតុនេះអគ្គនាយកដ្ឋានពន្ធដារបានអំពាវនាវទៀតថា ដើម្បីការពារកឱ្យមានការកកស្ទះ និងការប្រជ្រៀតគ្នាមកបង់ពន្ធនៅជិតថ្ងៃផុតកំណត់ ដែលអាចបង្កជាបាតុភាពអសកម្មដោយប្រការណាមួយនោះ ម្ចាស់អចលនទ្រព្យទាំងអស់សូមប្រកាសបង់ពន្ធលើអចលនទ្រព្យ និងពន្ធដីធ្លីមិនបានប្រើប្រាស់របស់ខ្លួនសម្រាប់ឆ្នាំ២០២២ ឱ្យបានឆាប់បំផុត ចៀសវាងការខកខាន ដែលត្រូវប្រឈមនឹងផ្លូវច្បាប់។ ចំពោះការបង់ពន្ធនេះ អគ្គនាយកដ្ឋានពន្ធដារបានបញ្ជាក់ថា ម្ចាស់អចលនទ្រព្យអាចតាមសាខាពន្ធដារដែលអចលនទ្រព្យស្ថិតនៅ ឬតាមរយៈធនាគារ និងអាចបង់បានតាមគ្រឹះស្ថានមីក្រូហិរញ្ញវត្ថុនៅកម្ពុជាដែរ។ អគ្គនាយកដ្ឋានពន្ធដារធ្លាប់បានកំណត់ថា សម្រាប់អចលនទ្រព្យដែលត្រូវបានលើកលែងពន្ធ និងការអនុគ្រោះពន្ធមានដូចជា ដីធ្លីធ្វើកសិកម្ម ដែលកំពុងបង្កបង្កើនផល, អចលនទ្រព្យដែលជាកម្មសិទ្ធិរបស់រដ្ឋាភិបាល ឬស្ថាប័នរដ្ឋ ឬដីធ្លីដែលរដ្ឋាភិបាលដែលជួលឱ្យក្រុមហ៊ុនឯកជនសម្រាប់ធ្វើអាជីវកម្ម និងសំណង់ដែលកំពុងសាងសង់បានតិចជាង៨០ភាគរយ។ នៅមានអចលនទ្រព្យមួយចំនួនទៀតដូចជា អចលនទ្រព្យកម្មសិទ្ធិរបស់បេសកកម្មការទូត អង្គការអន្តរជាតិ ឬទីភ្នាក់ងារសហប្រតិបត្តិការបច្ចេកទេសរបស់រដ្ឋាភិបាលជាដើម។ […]

Related Articles

អគ្គនាយកដ្ឋានពន្ធដារ ៖ម្ចាស់អចលនទ្រព្យមិនបង់ពន្ធមុនថ្ងៃ៣០កញ្ញា នឹងទទួលទោសតាមច្បាប់

Leave a Reply Cancel reply