ព័ត៌មានអន្តរជាតិ

រុស្ស៊ីទំនងជាបិទសេវាកម្ម VPN សម្រាប់អ្នកប្រើប្រាស់នៅបរទេស ដើម្បីការពារសន្តិសុខជាតិ

Posted on Author adm Comment(0)

ថ្មីៗនេះទទួលដំណឹងមកថា ប្រទេសរុស្ស៊ីគ្រោងបិទបណ្តាញឯកជននិម្មិត (VPN) នៅក្នុងប្រទេសរបស់ខ្លួន ក្រោយរកឃើញថា សេវាកម្មនេះបានគំរាមកំហែងដល់សន្តិសុខអ៊ីនធឺណិត។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី១៣ ខែវិច្ឆិកា ឆ្នាំ២០២៣។

 

យោងតាមរបាយការណ៍របស់ទីភ្នាក់ងារសារព័ត៌មានរដ្ឋរុស្ស៊ី RIA បានឱ្យដឹងថា ការដាក់កម្រិតនេះនឹងមិនសំដៅទៅលើសេវាកម្ម VPN ទូទាំងអ្នកប្រើប្រាស់នៅក្នុងប្រទេសរុស្ស៊ីនោះទេ។ ពោលគឺ សម្រាប់តែបណ្តាញឯកជននិម្មិត (VPN) និង Protocols VPN ដែលសំដៅដល់សំណុំច្បាប់រៀបចំទិន្នន័យតែប៉ុណ្ណោះ។ RIA បានបញ្ជាក់ថា ការបិទ VPN នេះនឹងត្រូវបានអនុវត្តនៅលើបណ្តាញទំនាក់ទំនងចល័តសម្រាប់ចរាចណ៍បរទេស ដែលត្រូវបានគេកត់សម្គាល់ថា បានគំរាមកំហែងដល់សន្តិសុខជាតិ។

 

adm

Related Articles
ព័ត៌មានអន្តរជាតិ

កាម៉ាឡាហារីសធ្វើទស្សនកិច្ចទៅសិង្ហបុរីដើម្បីពង្រឹងទំនាក់ទំនង ប្រឆាំងនឹងឥទ្ធិពលចិន

Posted on Author adm

យោងតាមសារព័ត៌មាន រ៉យទ័រ បានចេញផ្សាយថា(Reuters)- ថ្ងៃចន្ទនេះ អនុប្រធានាធិបតីអាមេរិកលោកស្រី Kamala Harris នឹងជួបជាមួយមេដឹកនាំសិង្ហបុរីនៅក្នុងថ្ងៃនៃដំណើរទស្សនកិច្ចទៅកាន់តំបន់អាស៊ីអាគ្នេយ៍ក្នុងគោលបំណងពង្រឹងចំណងមិត្តភាពដែលជាផ្នែកមួយនៃកិច្ចខិតខំប្រឹងប្រែងរបស់ទីក្រុងវ៉ាស៊ីនតោនដើម្បីប្រឆាំងឥទ្ធិពលប្រទេសចិនដែលកំពុងកើនឡើង។ លោកស្រី Harris នឹងជួបជាមួយប្រធានាធិបតីសិង្ហបុរីលោក Halimah Yacob និងនាយករដ្ឋមន្រ្តីលោក Lee Hsien Loong បន្ទាប់មកលោកស្រីទៅទស្សនកិច្ចមូលដ្ឋានទ័ពជើងទឹក Changi និងនាវា USS Tulsa ដែលជានាវាប្រយុទ្ធរបស់កងទ័ពជើងទឹកអាមេរិក។ សិង្ហបុរីមិនមែនជាសម្ព័ន្ធមិត្តដែលមានសន្ធិសញ្ញាជាមួយសហរដ្ឋអាមេរិកទេ ប៉ុន្តែជាដៃគូសន្តិសុខដ៏ខ្លាំងបំផុតនៅក្នុងតំបន់ និងមានទំនាក់ទំនងពាណិជ្ជកម្មដ៏ស៊ីជម្រៅ។ ទោះបីយ៉ាងណាក៏ដោយ សិង្ហបុរីក៏ព្យាយាមធ្វើឲ្យទំនាក់ទំនងរបស់ខ្លួនមានតុល្យភាពជាមួយសហរដ្ឋអាមេរិក ក៏ដូចជាមួយប្រទេសចិនដោយមិនប្រកាន់ភាគីណាមួយឡើយ។ ប្រទេសនេះគឺ ជាប្រទេសដែលមានកំពង់ផែធំជាងគេបំផុតនៅតំបន់អាស៊ីអាគ្នេយ៍ និងគាំទ្រការបន្តធ្វើនាវាចរណ៍ដោយសេរីនៅក្នុងតំបន់ដែលប្រទេសចិនកាន់តែចចេស។ កាលពីថ្ងៃអាទិត្យ លោកស្រី Harris បានមកដល់ប្រទេសសិង្ហបុរី ដោយចាប់ផ្តើមដំណើរទស្សនកិច្ចក្នុងតំបន់ដែលមានរយៈពេល ០៧ ថ្ងៃ ដោយមានរួមទាំងដំណើរទស្សនកិច្ចទៅកាន់ប្រទេសវៀតណាមផងដែរ។ ក្នុងអំឡុងពេលនៃដំណើរទស្សនកិច្ចនេះ មន្រ្តីសហរដ្ឋអាមេរិកមានបំណងដោះស្រាយបញ្ហាកង្វល់របស់ទីក្រុងវ៉ាស៊ីនតោនអំពីការទាមទាររបស់ចិនទៅលើជម្លោះនៅសមុទ្រចិនខាងត្បូង។ យោងតាមរបាយការណ៍ដែលបានចេញផ្សាយកាលពីខែមេសាដោយទីភ្នាក់ងារស្រាវជ្រាវសភាដែលធ្វើការស្រាវជ្រាវ និងវិភាគសម្រាប់សភាអាមេរិកបាននិយាយថា “សិង្ហបុរីបានលើកទឹកចិត្តឲ្យសហរដ្ឋអាមេរិកចូលរួមកាន់តែច្រើននៅក្នុងតំបន់អាស៊ី ប៉ុន្តែបានព្រមានថាកិច្ចប្រឹងប្រែងនានាដើម្បីទប់ទល់នឹងការកើនឡើងឥទ្ធិពលរបស់ចិនគឺ មិនផ្តល់ផលល្អនោះទេ” ។
ព័ត៌មាន ព័ត៌មានអន្តរជាតិ

កងទ័ពរុស្ស៊ីវាយ កម្ទេច អង់ទែនទូរទស្សន៍អ៊ុយគ្រែននៅក្រុងគៀវ

Posted on Author adm

ប្រទេសរុស្ស៊ី-អ៊ុយក្រែន ៖ ការវាយកម្ទេច របស់រុស្ស៊ីសំដៅ លើអង់ទែនទូរទស្សន៍ក្រុងគៀវ ដែលបណ្ដាលឲ្យមានការកាត់ផ្ដាច់ការផ្សាយ របស់បណ្ដាទូរទស្សន៍អ៊ុយក្រែននាថ្ងៃទី១ ខែមីនា ឆ្នាំ២០២២ ។ នេះជាការប្រកាសរបស់ក្រសួងមហាផ្ទៃអ៊ុយក្រែន។ ការវា.យប្រហា.រក្នុងថ្ងៃទី៦ នៃការលុកលុយ របស់រុស្សុីចូលអ៊ុយក្រែន បំផ្លាញបណ្ដាឧបករណ៍របស់អង់តែននោះ។ បណ្ដាទូរទស្សន៍ មិនអាចដំណើរការបានមួយរយៈពេល តែបណ្ដាប្រព័ន្ធសង្គ្រោះ នឹងអាចឲ្យទូរទស្សន៍មួយចំនួន ស្ដារការផ្សាយឡើងវិញ នាពេលខាងមុខ។ ក្រោយមកការផ្សាយរបស់ទូរទស្សន៍ជាច្រើន អាចស្ដារឡើងវិញ។ សារព័ត៌មានអ៊ុយក្រែន KYIV INDEPENDENT បានរាយការណ៍ថា រុស្សុីវា.យប្រហា.រអង់តែនទូរទស្សន៍អ៊ុយក្រែន នាំឲ្យបណ្ដាទូរទស្សន៍អ៊ុយក្រែនដាច់ការផ្សាយប៉ុន្មាននាទី។ តាមបណ្ដារូបភាព និងវីដេអូ ផ្សាយតាមបណ្ដាញសង្គម គេឃើញអង់ទែនលាបពណ៌ក្រហម និងស នោះនៅឈរ តែមានផ្សែងហុយចេញ ក្រោយការវា.យប្រហា.រ។ អង់ទែនទូរទស្សន៍នេះ ស្ថិតនៅក្នុងសង្កាត់ជាមួយគ្នានឹងទីតាំង BABI YAR កន្លែងដែលពួកណាហ្សុីអាល្លឺម៉ង់ បាញ់សម្លា.ប់ពួកជ្វីហ្វ ជាង៣០.០០០នាក់ក្នុងពេលតែ២ថ្ងៃ កាលពីឆ្នាំំ១៩៤១។ ទីនោះបច្ចុប្បន្នជាកន្លែងគោរពវិញ្ញាណក្ខ័ន្ធសំខាន់មួយ៕
ព័ត៌មានសន្តិសុខសង្គម ព័ត៌មានអន្តរជាតិ

គណៈប្រតិភូចិនដឹកនាំដោយឧបនាយករដ្ឋមន្ត្រី ទៅបំពេញទស្សនកិច្ចនៅកូរ៉េខាងជើងនៅចុងសប្តាហ៍នេះ

Posted on Author adm

នៅថ្ងៃទី៧ ខែកញ្ញា ឆ្នាំ២០២៣ ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានរាយការណ៍ថា នៅចុងសប្តាហ៍នេះ គណៈប្រតិភូបក្សកុម្មុយនីស្តចិន និងគណៈប្រតិភូរដ្ឋាភិបាល ដឹកនាំដោយឧបនាយករដ្ឋមន្ត្រី លោក លៀវ ហ្គួចុង (Liu Guozhong) នឹងធ្វើទស្សនកិច្ចទៅកាន់ប្រទេសកូរ៉េខាងជើង ដើម្បីចូលរួមក្នុងការប្រារព្ធទិវាទទួលបានឯករាជ្យរបស់ប្រទេសកូរ៉េខាងជើង។ ប្រព័ន្ធផ្សព្វផ្សាយដដែលបានបញ្ជាក់ថា ដំណើរទស្សនកិច្ចនេះធ្វើឡើងតាមការអញ្ជើញរបស់គណៈកម្មាធិការកណ្តាលនៃគណបក្សពលករកូរ៉េ (WPK) និងរដ្ឋាភិបាលនៃប្រទេសកូរ៉េខាងជើង។ ប្រទេសកូរ៉េខាងជើងនឹងប្រារព្ធទិវាទទួលបានឯករាជ្យរបស់ខ្លួននៅថ្ងៃទី៩ ខែកញ្ញា ដែលត្រូវបានគេស្គាល់ថាជាទិវានៃមូលដ្ឋានគ្រឹះរបស់សាធារណរដ្ឋ ហើយឆ្នាំនេះគឺជាការប្រារព្ធខួបលើកទី៧៥ រាប់ចាប់តាំងពីឧបទ្វីបមួយនេះ ត្រូវបានរំដោះពីការកាន់កាប់របស់ជប៉ុន។ ប្រភពព័ត៌មាន៖ Channel NewsAsia

Leave a Reply

Your email address will not be published. Required fields are marked *