ខេត្តបាត់ដំបង៖កម្លាំងនគរបាលស្រុកបវេលបានឃាត់ខ្លួនជនដៃដល់ម្នាក់ប្រើកាំបិតខ្វែវកាប់ទៅលើស្ត្រីម្នាក់បណ្តាលឱ្យស្លាប់ព្រោះតែរឿងគំនុំ។ នេះបើយោងតាមប្រភពព័ត៍មានពីស្នងការដ្ឋាននគរបាលខេត្តបាត់ដំបង ដែលទទួលបាននៅព្រឹកថ្ងៃចន្ទទី០២ ខែឧសភា ឆ្នាំ២០២២។ យោងតាមរបាយការណ៍របស់សមត្ថកិច្ចបានឱ្យដឹងថាលោវរសេនីយ៍ឯកសុខសារិនអធិការនគរបាលស្រុកបវេលបានដឹកនាំកម្លាំងធ្វើការបង្ក្រាបករណីឃាតកម្មមួយកើតឡើង(ប្រើកាំបិតខ្វែវ)បណ្តាលឱ្យស្ត្រីម្នាក់ស្លាប់បាត់បង់ជីវិត នៅថ្ងៃទី០១ ខែឧសភា ឆ្នាំ២០២២ វេលាម៉ោង០៧ និង៤០នាទីព្រឹក ត្រង់ចំណុចក្រុមទី២៤ ភូមិយុត្តិធម៌ ឃុំបឹងប្រាំ ស្រុកបវេល ខេត្តបាត់ដំបង។ របាយការណ៍ដដែលបានបន្តថាករណីឃាតកម្មនេះបង្កឡើងដោយជនសង្ស័យ ឈ្មោះសឿនសុខណាភេទប្រុសអាយុ៣១ឆ្នាំរស់នៅក្រុមទី០១ ភូមិអូរឫស្សីឃុំបឹងប្រាំស្រុកបវេលខេត្តបាត់ដំបងបានយកកាំបិតខ្វែវទៅកាប់លើជនរងគ្រោះឈ្មោះឡាចគីភេទស្រីអាយុ៥៣ឆ្នាំរស់នៅក្រុមទី២៤ ភូមិយុត្តិធម៌ ឃុំបឹងប្រាំ ស្រុកបវេល ខេត្តបាត់ដំបង ចំនួន០៣កាំបិត ចំត្រង់កផ្នែកខាងក្រោយមួយកាំបិតត្រង់ស្មាខាងឆ្វេងមួយកាំបិតម្រាមដៃខាងស្តាំ និងមួយកាំបិត បណ្តាលឱ្យស្លាប់ភ្លាមៗនៅកន្លែងកើតហេតុ ខណៈពេលជនរងគ្រោះកំពុងធ្វើម្ហូបដាំបាយនៅខាងក្រោយផ្ទះ។ ក្រោយឃាត់ខ្លួនជនដៃដល់បានសារភាពថាខ្លួនពិតជាបានប្រព្រឹត្តិអំពើឃាកម្មខាងលើពិតប្រាកដមែនក្រោមមូលហេតុមានគំនុំនឹងជនរងគ្រោះ។ បច្ចុប្បន្នកម្លាំងនគរបាលជំនាញកំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីផ្តន្ទាទោសតាមច្បាប់៕
ភ្នំពេញ ៖ កាលពី យប់ ថ្ងៃទី១៣ ខែមិថុនា ឆ្នាំ២០២៣ នៅចំណុចស្តុបលូប្រាំ ផ្លូវវេងស្រេង កែងផ្លូវលូប្រាំ ស្ថិតក្នុងសង្កាត់ស្ទឹងមានជ័យទី៣ ខណ្ឌមានជ័យ។ មុនពេលកើតហេតុ គេឃើញបុរសប្តីប្រពន្ធ២នាក់បើករថយន្តម៉ាកតូយូតាព្រុស ពណ៌ទឹកប្រាក់ ពាក់ស្លាកលេខ ភ្នំពេញ2BH 7340 ធ្វើដំណើរតាមបណ្ដោយផ្លូវលូប្រាំ ទិសដៅពីជើងទៅត្បូង។ លុះមកដល់ចំណុចកើតហេតុដែលជាផ្លូវបំបែកជាបួន ហើយមានភ្លើងស្តុបអទិភាព អ្នកបើកបររថយន្តបានបើកបន្តដំណើរទៅមុខទៀត តែគាប់ជួនពេលនោះ ស្រាប់តែបុរស២នាក់មិនដឹងថា តើចេញពីផឹកស៊ីនៅទីណានោះទេ? បានជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ1HL 9625 បោះពួយតាមបណ្ដោយផ្លូវវែងស្រេង ទិសដៅពីលិចទៅកើត ក្នុងល្បឿនលឿន ហើយស្ថិតក្នុងស្ថានភាពស្រវឹងផង ថែមទាំងមិនគោរពភ្លើងស្តុបទៀត ក៏ជ្រុលទៅបុកនិងរថយន្តចំផ្នែកខាងមុខចំហៀងខាងស្តាំយ៉ាងពេញទំហឹង បណ្ដាលឲ្យរថយន្តរងការខូចខាតក្រពឹតផ្នែកខាងមុខចំហៀងខាងស្តាំ បាក់កញ្ចក់មើលក្រោយ និងក្រពឹតទ្វាររថយន្តទៀត តែមិនមានគ្រោះថ្នាក់ដល់មនុស្សដែលជិះក្នុងរថយន្តនោះទេ។ ដោយឡែកខាងម៉ូតូវិញ រងការខូចខាតវៀចជំពាស់ខាងមុខ ព្រមទាំងធ្វើឲ្យអ្នកជិះម៉ូតូទាំង២នាក់រងរបួសដៃជើង និងបែកមាត់ហូរឈា.ម សន្លប់ស្តូកមួយសន្ទុះក៏ដឹងខ្លួនវិញ។ ពាក់ព័ន្ធក្នុងហេតុការណ៍នេះដែរ បន្ទាប់ពីអ្នកបើកម៉ូតូដឹងខ្លួនវិញហើយ សមត្ថកិច្ចបានអោយភាគីទាំងសងខាងយកមធ្យោបាយអែបកៀន ហើយធ្វើការសម្របសម្រួលគ្នា ដោយខាងរថយន្តទាមទារសំណងចំនួន១០០ដុល្លារ តែខាងម៉ូតូវិញអត់មានលទ្ធផលសងនោះទេ គឺមានតែទូរសព្ទ័មួយគ្រឿងប៉ុណ្ណោះ ហើយក៏លើកដៃសំពះសុំទោស […]
ភ្នំពេញ ថ្ងៃទី០៤ ខែឧសភា ឆ្នាំ២០២៤ — ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន អញ្ជើញជាអធិបតី កិច្ចប្រជុំក្រុមការងារបច្ចេកទេសពាក់ព័ន្ធនឹងការងារប្រយុទ្ធប្រឆាំងគ្រឿងញៀន ដើម្បីរៀបចំការធ្វើតេស្តរកសារធាតុញៀន សម្រាប់មន្ត្រីរាជការក្រសួងព័ត៌មាន នាព្រឹកថ្ងៃទី០៤ ខែឧសភា ឆ្នាំ២០២៤ នៅទីស្តីការក្រសួង រាជធានីភ្នំពេញ។ សូមជម្រាបថា ការរៀបចំធ្វើតេស្តនេះ នឹងប្រព្រឹត្តិទៅនៅថ្ងៃទី០៧ និងថ្ងៃទី០៨ ខែឧសភា ឆ្នាំ២០២៤។ រូបថត៖ ខឹម សុវណ្ណារ៉ា ——
