ក្នុងឱកាសនេះដែរ លោកឧត្តមសេនីយ៍ស្នងការរង ឆាយ សុភ័ក្រ្ត បានសំណេះសំណាលជាមួយនឹងបងប្អូនក្រុមគ្រួសារសពមន្រ្តីនគរបាល និង បានពាំនាំនូវការសាកសួរសុខទុក្ខពីសំណាក់ ឯកឧត្តម នាយ ឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ដែលឯកឧត្តមតែងតែគិតគូរអំពីសុខទុក្ខ និងការលំបាករបស់កងកម្លាំងនគរបាលជាតិទូទាំងប្រទេសក្នុងគោលបំណងជួយបង្កលក្ខណៈ និងជួយសម្រួលដល់ជីវភាពក្រុមគ្រួសារសពមន្ត្រីនគរបាលទាំងអស់សម្រាប់ទុកធ្វើជាទុនប្រកបមុខរបររកស៊ីស្របច្បាប់ ។

លោកឧត្តមសេនីយ៍ស្នងការរង បានមានប្រសាសន៍បន្តថា ថវិកាដែលក្រុមគ្រួសារ នៃសពបានទទួលនាពេលនេះ ត្រូវយកទៅចាត់ចែងតាមសេចក្តីត្រូវការក្នុងក្រុមគ្រួសាររបស់ខ្លួនឲ្យចំគោលដៅដែលខ្លួនត្រូវការ ។ ចំពោះការបាត់បង់សពលោកទាំង៤នាក់ ដែលជាស្វាមី និងជាឪពុកដ៏ល្អ នៃក្រុមគ្រួសារសព គឺជាការសោកស្តាយ ជាទីបំផុតដែលកន្លងមកលោកទាំង៤នាក់បានចូលរួមចំណែកក្នុងកិច្ចការពារសន្តិសុខ សុវត្ថិភាព សណ្តាប់ធ្នាប់សង្គម ជូនជាតិមាតុភូមិ និងប្រជាពលរដ្ឋបានល្អប្រសើរ ៕