មន្ត្រីអគ្គិភ័យម្នា ក់បានរងរបួសក្បាល ខណៈពេលអន្តរាគមន៍ដឹកទឹកទៅសង្គ្រោះ ស្រាប់តែមានជនបរទេស៤នាក់ សង្ស័យស្ថានភាពស្រវឹង បើករថយន្ត១គ្រឿង បញ្ជ្រាសទិស បំណងជ្រៀតចូលប្រឡោះឡានទឹក កំពុងធ្វើដំណើរ បណ្តាលឲ្យបុកគ្នា

ភ្នំពេញ ៖ ជនជាតិចិនមួយក្រុមសង្ស័យស្រវឹងបើរថយន្តម៉ាក Range Rover ពណ៌ខ្មៅ ពាក់ស្លាកលេខភ្នំពេញ 2BS-3666 ក្នុងល្បឿនលឿនបំពានភ្លើងក្រហមត្រូវរថយន្តរបស់អង្គភាពពន្លត់អគ្គីភ័យដែលកំពុងបុះពេញភារកិច្ចដឹកទឹកយកទៅពន្លត់ក្នុងករណីឆេះផ្ទះបងប្អូនប្រជាពលរដ្ឋនៅក្នុងសង្កាត់ទួលស្វាយព្រៃទ១ បណ្តាលអោយសមត្ថកិច្ចពន្លត់អគ្គីភ័យម្នាក់រងរបួសបែកក្បាល ហេតុការណ៍នេះកើតឡើងនៅវេលាម៉ោង១នឹង៤៥នាទីយប់រំលងអធ្រាត្រឈានចូលថ្ងៃទី២៣ខែកក្កដាឆ្នាំ២០២៣ ស្ថិតនៅតាមបណ្តោយផ្លូវព្រះសីហនុកែងផ្លូវលេខ១៦៣ សង្កាត់អូឡាំពិក ខណ្ឌបឹងកេងកង រាជធានីភ្នំពេញ។

មន្ត្រីអគ្គិភ័យម្នាក់បានរងរបួសក្បាល ខណៈពេលអន្តរាគមន៍ដឹកទឹកទៅសង្គ្រោះ ស្រាប់តែមានជនបរទេស៤នាក់ សង្ស័យស្ថិតក្នុងស្ថានភាពស្រវឹង នៅក្នុងរថយន្តសេរីទំនើប១គ្រឿង បើកបរបញ្ជ្រាសទិសបំណងជ្រៀតចូលប្រឡោះឡានទឹកកំពុងធ្វើដំណើរ បណ្តាលឲ្យបុកគ្នាពេញទំហឹង ៕